მაკო გომური

ვრცელდება ვიდეო, სადაც ჩანს, როგორ დაკარგა მაკო გომურმა თვალი

666
(განახლებულია 20:12 22.07.2019)
აქციის დარბევის კადრები Youtube-ზე გავრცელდა.

Youtube-ზე 20-21 ივნისის აქციის დარბევის ახალი კადრები გავრცელდა, რომელშიც ის მომენტია ასახული, როდესაც სპეცრაზმელის მიერ ნასროლი ტყვია 18 წლის მაკო გომურს ხვდება.

კადრებში ისმის თვითმხილველის კივილი: „ვაიმე, თვალში მოხვდა!“

ხუთშაბათს 18 წლის მაკო გომური სამსახურის შემდეგ ღამით სახლში ბრუნდებოდა, როდესაც პარლამენტის შენობის წინ აქციის დარბევის დროს პოლიციელების ნასროლი ტყვია თვალში მოხვდა. გოგონას ექიმებმა თვალი ვერ შეუნარჩუნეს.

 

666
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
თელავის ცენტრი

თელავში რამდენიმე დღეში ათი თანამედროვე სტანდარტების ახალი ავტობუსი იმოძრავებს

14
გავრცელებული ინფორმაციით, თელავში მუნიციპალურმა ტრანსპორტმა მუშაობა რამდენიმე კვირაში უნდა დაიწყოს. 

თბილისი, 27 იანვარი - Sputnik. რამდენიმე დღეში თელავის მუნიციპალიტეტის მერიას ხუთი ახალი ავტობუსი გადაეცემა და ჯამში ქალაქსა და მიმდებარე სოფლებს 10 ახალი ავტობუსი მოემსახურება, იუწყება ტელეკომპანია Imedi.

როგორც თელავის მუნიციპალიტეტის მერიის ინფრასტრუქტურის განყოფილების უფროსმა, დავით ქსოვრელიშვილმა განაცხადა, თელავში მუნიციპალურმა ტრანსპორტმა მუშაობა რამდენიმე კვირაში უნდა დაიწყოს.  მისი თქმით, მძღოლები და ტექნიკური პერსონალი უკვე გადამზადებულია.

„ამ ეტაპზე შეირჩა და გადამზადდა 20 მძღოლი და ტექნიკური პერსონალი. 5 ახალი ავტობუსი უკვე თელავშია და ველოდებით კიდევ ხუთის გადმოცემას. ამ დროისთვის ასევე საკრებულოსთან ერთად მიმდინარეობს ორგანიზაციის შექმნაზე მუშაობა, რომელიც უზრუნველყოფს ტრანსპორტის გამართულ მუშაობას“, - განაცხადა ქსოვრელიშვილმა.

ავტობუსიდან პირველი 5 ერთეული 8,5-მეტრიანი, EURO 5-ის სტანდარტის ავტობუსი თელავს გასულ წლის ბოლოს გადაეცა. ახალი ავტობუსები გათვლილია 50 მგზავრზე და სრულად ადაპტირებულია შეზღუდული შესაძლებლობების მქონე პირებისთვის.

პროგრამა ევროპის რეკონსტრუქციისა და განვითარების ბანკის (EBRD) ფინანსური მხარდაჭერით ხორციელდება და თელავის გარდა, ავტობუსების გადაცემას კიდევ 5 მუნიციპალიტეტისთვის ითვალისწინებს.

14
ვილნიუსი

საქართველოს საელჩო ლიეტუვაში მყოფ თანამემამულეებს აფრთხილებს

24
რთული ეპიდემიოლოგიური ვითარების გამო, ლიეტუვის ტერიტორიაზე კარანტინი გასული წლის 16 დეკემბერს გამოცხადდა და 31 იანვრამდე უნდა ყოფილიყო ძალაში

თბილისი, 27 იანვარი - Sputnik. ლიეტუვის მთავრობის გადაწყვეტილებით, COVID-19-ის გავრცელების წინააღმდეგ რესპუბლიკის ტერიტორიაზე გამოცხადებული კარანტინი 2021 წლის 28 თებერვლამდე გახანგრძლივდა. ამის შესახებ ინფორმაციას ლიეტუვაში საქართველოს საელჩო აქვეყნებს.

ლიეტუვაში კარანტინის პერიოდში დაკეტილია არასასიცოცხლო მნიშვნელობის სავაჭრო ობიექტები, სკოლები და უნივერისტეტები სწავლების დისტანციურ რეჟიმზე არიან გადასულები. გადაუდებელი აუცილებლობის გარდა, სხვადასხვა მუნიციპალიტეტებს შორის აკრძალულია მიმოსვლა, ასევე აკრძალულია ისეთი მომსახურება, რომელიც გულისხმობს 15 წუთზე ხანგრძლივ ფიზიკურ კონტაქტს ( მათ შორის სილამაზის სალონები) და სხვ.

საელჩო საქართველოს მოქალაქეებს მოუწოდებს, დამატებითი ინფორმაციისთვის დაუკავშირდნენ საელჩოს ცხელი ხაზის მეშვეობით: ტელ.: +370 527 36959, +370 687 74797; ასევე, ელ-ფოსტის მისამართზე: vilnius.emb@mfa.gov.ge.

ლიეტუვაში საქართველოს ოფიციალური სახელწოდება შეცვალეს >>

ბოლო მონაცემებით, პანდემიის დაწყებიდან დღემდე ლიეტუვაში კორონავირუსის 180 ათასამდე შემთხვევაა დაფიქსირებული, ვირუსს 2.7 ათასზე მეტი ადამიანი ემსხვერპლა

 

24