გრიგოლ ვაშაძე

20-21 ივნისის საქმე: გრიგოლ ვაშაძე სასამართლოში გამოკითხვაზეა, ვინ იქნება შემდეგი?

93
(განახლებულია 14:53 18.07.2019)
20-21 ივნისის ღამის მოვლენებთან დაკავშირებით ოპოზიციური პარტიების წევრთა გამოკითხვები მიმდინარეობს.

თბილისი, 18 ივლისი — Sputnik. თბილისის საქალაქო სასამართლოში 20 ივნისის მოვლენებთან დაკავშირებით ყოფილი მმართველი პარტია „ერთიანი ნაციონალური მოძრაობის" ლიდერის გრიგოლ ვაშაძის მოწმის სტატუსით გამოკითხვა მიმდინარეობს, იუწყება საზოგადოებრივი მაუწყებლის პირველი არხი.

გავრცელებული ინფორმაციით, ვაშაძის გამოკითხვა მაგისტრატი მოსამართლის თანდასწრებით ხორციელდება.

ლომჯარია: 20 ივნისის მოვლენების გამოძიების მთავარი პრობლემა სპეცრაზმელების იდენტიფიკაციაა>>>

მანამდე საქართველოს შინაგან საქმეთა სამინისტრომ გაავრცელა ინფორმაცია, რომ მიმდინარე გამოძიების ფარგლებში, რომელიც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს, გრიგოლ ვაშაძე სამინისტროში გამოკითხვაზე იყო დაბარებული, რაზეც ოპოზიციური პარტიის ერთ-ერთმა ლიდერმა უარი განაცხადა. როგორც მაშინ ვაშაძემ აღნიშნა, გამოძიებას 20-21 ივნისის მოვლენებზე ინფორმაციას მხოლოდ მაგისტრატი მოსამართლის თანდასწრებით მიაწვდიდა.

20-21 ივნისს საპროტესტო აქციაზე არეულობების ორგანიზებასთან დაკავშირებულ საქმეზე მაგისტრატი მოსამართლის თანდასწრებით რამდენიმე ოპოზიციური პარტიის ლიდერი უკვე გამოიკითხა. მათ შორის, „ევროპული საქართველო - მოძრაობა თავისუფლებისთვის" წევრი გიგი უგულავა, „ერთიანი ნაციონალური მოძრაობის" წევრები გია ბარამიძე და ხატია დეკანოიძე, გაერთიანების „ძალა ერთობაშია" წარმომადგენელი ბაჩუკი ქარდავა და პარტია „კანონი და სამართალის" გენერალური მდივანი ირაკლი ღლონტი.

გამოკითხვაზე ასევე დაბარებულია პოლიტიკური მოძრაობის „გამარჯვებული საქართველოსთვის" ლიდერი ირაკლი ოქრუაშვილი.

უფრო ადრე ჯგუფური არეულობების ორგანიზებასა და მონაწილეობაში ბრალი წაუყენეს პარლამენტის დეპუტატს „ნაციონალური მოძრაობიდან“ ნიკა მელიას. პარლამენტმა მელიას დეპუტატის მანდატი შეუჩერა, მაგრამ სასამართლომ გადაწყვიტა გირაოს სანაცვლოდ მისი გათავისუფლება. დეპუტატს ელექტრონული სამაჯური გაუკეთეს და რიგი შეზღუდვები დაუწესეს.

გარდა ამისა, ჯგუფურ ძალადობაში მონაწილეობის ბრალდებით დაკავებულია 11 ადამიანი.

საპროტესტო აქცია, რომელიც 20 ივნისს თბილისში რუსი დეპუტატის ჩამოსვლის საპასუხოდ დაიწყო, ანტისამთავრობო გამოსვლებსა და არეულობებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. აქციის დაშლისას 240 ადამიანი დაშავდა.

არეულობების შემდეგ გამოძიება ორი მიმართულებით დაიწყო. ერთი – ესაა ცალკეული პოლიციელების მხრიდან ძალის გადამეტების შემთხვევები, და მეორე საქმე ორი მუხლით – „ჯგუფური ძალადობის ორგანიზება, ხელმძღვანელობა ან მასში მონაწილეობა" და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად".

აქციის დაშლის დროს შსს-ს ცალკეული თანამშრომლის მხრიდან სამსახურებრივი უფლებამოსილების შესაძლო გადამეტების საქმის ფარგლებში უფლებამოსილება შეუჩერდა ათ პოლიციელს, ასევე შსს-ს განსაკუთრებულ დავალებათა დეპარტამენტის დირექტორს, გიორგი ყაყიჩაშვილს. მოგვიანებით დააკავეს ორი თანამშრომელი.

პარლამენტის წინ საპროტესტო აქციები ამ დრომდე გრძელდება, მომიტინგეების ერთადერთი მოთხოვნა შინაგან საქმეთა მინისტრ გიორგი გახარიას გადადგომაა, როგორც 20-21 ივნისის მოვლენებზე პასუხისმგებელი პირის. გახარიას სიტყვებით, პოლიცია 21 ივნისის ღამით ლეგიტიმურად მოქმედებდა და სახელმწიფო გადატრიალება აღკვეთა, ხოლო თუ ადგილი ჰქონდა ძალის გადამეტების ცალკეულ შემთხვევებს, ამას გამოძიება გაარკვევს.

 

93
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
 COVID-19-ზე აღებული ანალიზები

კორონავირუსი საქართველოში: რამდენი შემთხვევა გამოვლინდა ბოლო დღე-ღამეში

93
ამ დროისათვის გამოჯანმრთელებულია 825 ადამიანი, გარდაცვლილია – 15, კარანტინის რეჟიმში იმყოფება 3310, ხოლო სტაციონარებში ექიმების დაკვირვების ქვეშ 203 პაციენტია.

თბილისი, 4 ივლისი — Sputnik. საქართველოში ახალი კორონავირუსით ინფიცირებულთა რაოდენობა სამით გაიზარდა და 946-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის გამოჯანმრთელებულია 825 ადამიანი, გარდაცვლილია – 15, კარანტინის რეჟიმში იმყოფება 3310, ხოლო სტაციონარებში ექიმების დაკვირვების ქვეშ 203 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. მას შემდეგ ხელისუფლება შეზღუდვებს ეტაპობრივად ხსნის.

93
თემები:
COVID-19 საქართველოში
კორონავირუსთან დაკავშირებით არსებული ვითარება ინდონეზიაში

ჯანმო: რიგ ქვეყნებში COVID-19–ის ხელმეორე პიკია და არა მეორე ტალღა

261
(განახლებულია 09:48 04.07.2020)
კორონავირუსის გავრცელების მეორე ტალღა – ეს მეცნიერული ვარაუდია, მაგრამ დამტკიცებით იმის თქმა, ნამდვილად იქნება ის თუ არა, არ შეიძლება, მიიჩნევს ჯანმოს წარმომადგენელი

თბილისი, 3 ივლისი – Sputnik. ზოგიერთ ქვეყანაში ახლა მიმდინარეობს არა კორონავირუსის მეორე ტალღა, არამედ გამეორებითი პიკი, განაცხადა გაეროს ჟენევის განყოფილებასთან არსებული უცხოელი კორესპონდენტების ასოციაციის ბრიფინგზე ჯანდაცვის მსოფლიო ორგანიზაციის (ჯანმო) ჯანდაცვის სფეროში საგანგებო სიტუაციების პროგრამის დირექტორმა მაიკლ რაიანმა.

„რომ იქნება მეორე ტალღა, ამაში დარწმუნებული არავინაა. ეს მეცნიერული ვარაუდია, რაც ეფუძნება იმას, რომ ვიცით კორონავირუსები და რესპირატორული ვირუსები. ის, რაც ახლა ხდება ბევრ ქვეყანაში – ეს მეორე ტალღა არაა, არამედ მეორე პიკია პირველი ტალღის“, – განაცხადა რაიანმა, იუწყება РИА Новости.

ჯანმოს წარმომაგდენლის თქმით, სადაც ვირუსის გავრცელების წინააღმდეგ საკმარისი ზომები არ გამოიყენეს, დროის იმავე პერიოდში დაავადების მეორე პიკი მოხდა.

„შეიძლება აღმოვჩნდეთ ვითარებაში, როდესაც ვირუსის მაღალი ეპიდემიურობა გვექნება, ან დაავადების მუდმივი დონე, შესაძლოა, იმაზე მაღალი, ვიდრე ვისურვებდით“, – განაცხადა მან.

მაიამიში კომენდანტის საათი გამოცხადდა: ერთ დღეში ინფიცირებულთა რაოდენობა რეკორდს ხსნის>>

მისი თქმით, მეორე ტალღის პერსპექტივები ეფუძნება იმას, რომ ეს რესპირატორული დაავადებაა, ხოლო რესპირატორული ვირუსები ადამიანების სეზონურ მოძრაობებზეა დამოკიდებული და სწრაფად ვრცელდება ადამიანების მჭიდრო ჯგუფებში და უფრო დაბალი ტემპერატურის პირობებში.

261
თემები:
COVID-19-ის პანდემია მსოფლიოში
პარტია „გირჩის“ დროშა

არჩევნები 2020: საქართველოს ყველაზე არაორდინარულმა პარტიამ რეგისტრაცია გაიარა

0
(განახლებულია 12:54 04.07.2020)
ახალი წესების მიხედვით, „გირჩს“ საბოლოო რეგისტრაციის მისაღებად ცესკოში ხელმოწერების ჩაბარება არ მოუწევს

თბილისი, 4 ივლისი — Sputnik. ცესკომ 2020 საპარლამენტო არჩევნებში მონაწილეობის მისაღებად დაარეგისტრირა საქართველოს ყველაზე არაორდინარული პარტია - „ახალი პოლიტიკური ცენტრი - გირჩი“, ნათქვამია ცესკოს ვებგვერდზე გავრცელებულ განცხადებაში.

საქართველოში საპარლამენტო არჩევნები 2020 წლის 31 ოქტომბერს გაიმართება. ამჟამად ცესკოში პარტიების რეგისტრაცია მიმდინარეობს. წინასაარჩევნო კამპანიის დაწყების შემდეგ პარტიებმა უნდა წარუდგინონ ცესკოს მხარდამჭერების ხელმოწერები, შემდეგ კი მიიღებენ კენჭისყრაში მონაწილეობის მისაღებად ოფიციალურ რეგისტრაციას და რიგით ნომერს.

„გირჩს“ ხელმოწერების წარდგენა არ დასჭირდება, რადგან მისმა ლიდერმა ზურაბ ჯაფარიძემ 2018 წლის საპრეზიდენტო არჩევნებზე ამომრჩევლების 15 ათასზე მეტი ხმა მოიპოვა.

ამ დროისათვის ცესკოში უკვე დარეგისტრირდა რვა პარტია, საიდანაც „გირჩი“ ერთ-ერთი ყველაზე ცნობილია საზოგადოებაში.

„გირჩისთვის“ ეს პირველი საპარლამენტო არჩევნებია. ის ახალგაზრდებში დიდი პოპულარობით სარგებლობს. ამ პარტიის კანდიდატმა ზურაბ ჯაფარიძემ საპრეზიდენტო არჩევნებში ხმების 2% მიიღო და მეხუთე ადგილი დაიკავა. ამავე დროს წინასაარჩევნო კამპანიაზე მან ყველა კანდიდატთან შედარებით მინიმალური თანხა დახარჯა.

პარტია „გირჩი“ პოლიტიკურ არენაზე 2015 წელს გაჩნდა. პარტია „ერთიანი ნაციონალური მოძრაობის“ სამმა ყოფილმა წარმომადგენელმა შექმნა.

ვაკეში გოჭებიც „გულაობენ“: როგორია ზურაბ ჯაფარიძის „ვაკის პარკი“ >>

თავად პარტია ლიბერალური მიმდინარეობისაა და ცნობილია თავისი არაორდინარული საქციელით და კანონის გვერდის ავლის უნარით. ამ პარტიის წყალობით საქართველოში დეკრიმინალიზებულია მარიხუანის მოხმარება. ახლა კი პარტია არჩევნებში ჩაება და უკვე შეიტანა საკონსტიტუციო სასამართლოში სარჩელი, რომლითაც მოითხოვა არასაკონსტიტუციოდ იქნას ცნობილი დეპუტატობის კანდიდატების ნარკოტიკზე შემოწმება.

0
თემები:
საქართველოს პოლიტიკური ცხოვრება