სპეცრაზმი

ლომჯარია: 20 ივნისის მოვლენების გამოძიების მთავარი პრობლემა სპეცრაზმელების იდენტიფიკაციაა

82
(განახლებულია 14:35 18.07.2019)
ნინო ლომჯარიამ საპროტესტო აქციის დაშლის დროს ცალკეული პოლიციელების მხრიდან ძალის შესაძლო გადამეტების საქმეზე გამოძიების მსვლელობაზე კომენტარი გააკეთა.

თბილისი, 18 ივლისი — Sputnik. საპროტესტო აქციის დარბევის გამოძიების ერთ-ერთი მთავარი პრობლემა, რომელიც 20 ივნისის ღამეს არეულობაში გადაიზარდა, შსს-ს თანამშრომლების იდენტიფიკაციაა, განაცხადა საქართველოს სახალხო დამცველმა ნინო ლომჯარიამ ჟურნალისტებთან.

საპროტესტო ტალღა თბილისში 20 ივნისიდან არ ცხრება, იმ დღიდან, როდესაც საკანონმდებლო ორგანოში მართლმადიდებლობის პარლამენტთაშორისი ასამბლეის სესიაზე გამოჩნდა რუსეთის სახელმწიფო სათათბიროს დეპუტატი, კომუნისტური პარტიის წევრი სერგეი გავრილოვი. იმ დღეს აქცია არეულობაში გადაიზარდა. პოლიციამ გამოიყენა ცრემლსადენი გაზი და რეზინის ტყვიები. დაშავდა 240 ადამიანი.

„ერთ-ერთი მთავარი პრობლემა ისაა, რომ არ ხორციელდება თავად სპეცრაზმელების იდენტიფიკაცია. სამწუხაროდ, მათი საიდენტიფიკაციო ნომრების გარჩევა ხშირ შემთხვევაში შეუძლებელია, რაც ნამდვილად წარმოადგენს პრობლემას", – აღნიშნა ლომჯარიამ.

როგორც მან განაცხადა, ეს ხელს უშლის შსს-ს იმ თანამშრომლების დადგენას, რომლებმაც, შესაძლოა, აქციის დაშლის დროს სამსახურებრივ უფლებამოსილებას გადააჭარბეს.

აქციის დაშლის დროს შსს-ს ცალკეული თანამშრომლების მხრიდან სამსახურებრივი უფლებამოსილების შესაძლო გადამეტების საქმის ფარგლებში უფლებამოსილება შეუჩერდა ათ პოლიციელს, ასევე შსს-ს განსაკუთრებულ დავალებათა დეპარტამენტის დირექტორს გიორგი ყაყიჩაშვილს. მოგვიანებით დააკავეს ორი თანამშრომელი.

20-21 ივნისს პარლამენტის წინ განვითარებულ მოვლენებთან დაკავშირებით გამოძიება ორი მუხლით მიმდინარეობს - „ჯგუფური ძალადობის ორგანიზება, ხელმძღვანელობა ან მასში მონაწილეობა" და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად". ცალკე გამოძიება მიმდინარეობს შსს-ს თანამშრომელთა მიერ ძალის გადამეტებაზე.

ამ ეტაპზე საქართველოს პარლამენტის დეპუტატს, ყოფილი მმართველი პარტია „ერთიანი ნაციონალური მოძრაობის" წევრ ნიკანორ მელიას ბრალი ედება ჯგუფური ძალადობის ხელმძღვანელობასა და მასში მონაწილეობაში. მელიას პარლამენტმა 26 ივნისს სადეპუტატო იმუნიტეტი შეუჩერა. სასამართლომ მელიას აღკვეთის ღონისძიების სახით 30 ათასი ლარის ოდენობის გირაო შეუფარდა, ელექტრონული სამაჯური გაუკეთა და მთელი რიგი შეზღუდვები დაუწესა.

გარდა ამისა, ჯგუფურ ძალადობაში მონაწილეობის ბრალდებით დაკავებულია 11 ადამიანი.

პარლამენტის წინ საპროტესტო აქციები ამ დრომდე გრძელდება, მომიტინგეების ერთადერთი მოთხოვნა შინაგან საქმეთა მინისტრ გიორგი გახარიას გადადგომაა, როგორც 20-21 ივნისის მოვლენებზე პასუხისმგებელი პირის. გახარიას სიტყვებით, პოლიცია 21 ივნისის ღამით ლეგიტიმურად მოქმედებდა და სახელმწიფო გადატრიალება აღკვეთა, ხოლო თუ ადგილი ჰქონდა ძალის გადამეტების ცალკეულ შემთხვევებს, ამას გამოძიება გაარკვევს.

82
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
ერთიანი ეროვნული გამოცდები

ეროვნული გამოცდების ჩატარების წესები დაზუსტდა: ყველაფერი, რაც აბიტურიენტებმა უნდა იცოდნენ

128
(განახლებულია 20:55 02.07.2020)
საქართველოში ერთიანი ეროვნული გამოცდები 6 ივლისს დაიწყება და 25 ივლისს დასრულდება. ერთიან ეროვნულ გამოცდებზე წელს 55 ათასზე მეტი აბიტურიენტი და სტუდენტი დარეგისტრირდა.

თბილისი, 2 ივლისი — Sputnik. ახალი კორონავირუსის გავრცელების პრევენციის მიზნით ერთიანი ეროვნული გამოცდების, საერთო სამაგისტრო გამოცდებისა და სტუდენტთა საგრანტო კონკურსის უსაფრთხოდ ჩატარების წესები დაზუსტდა, ნათქვამია საქართველოს განათლების სამინისტროს მიერ გავრცელებულ განცხადებაში.

ეროვნული გამოცდები 2020 – სად ჩატარდება, როგორ და როდის, რა შეცვალა კორონავირუსმა>>

განათლების სამინისტროს ინფორმაციით, აღნიშნული წესები გამოცდებში მონაწილეთა ჯანმრთელობის მაქსიმალურ დაცვასა და ამავე დროს საგამოცდო პროცესის სრულყოფილად წარმართვას უზრუნველყოფს. რეკომენდაციები პრემიერ-მინისტრის ხელმძღვანელობით მოქმედ უწყებათშორის საბჭოში შემავალი სამინისტროების კოორდინირებული მუშაობით დაზუსტდა.

ახალი წესების მიხედვით:

  • გამოსაცდელთა და მეთვალყურეთა დაშვება მოხდება მხოლოდ ყოველი საგამოცდო სექტორის ფართობის 50%-ზე.
  • ყოველი სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით;
  • მაგიდებს შორის სიგანეში დაშორება იქნება მინიმუმ 2 მეტრი, ერთმანეთის მიმდევრობით განლაგებულ მაგიდებს შორის მანძილი კი - 1 მეტრი.

„მაგიდებზე არსებული დამცავი ფარების, თერმოსკრინინგის, შესაბამისი დისტანციის დაცვისა და კორონავირუსის გავრცელების პრევენციასთან დაკავშირებული ყველა რეკომენდაციის ზედმიწევნით შესრულება იძლევა საშუალებას, გამოსაცდელებს საგამოცდო მაგიდასთან ადგილის დაკავების შემდეგ პირბადის გარეშე მიეცეთ გამოცდის დაწერის შესაძლებლობა", – აღნიშნულია განცხადებაში.

ასევე ბუნებრივი განიავების (ღია ფანჯარა) დროს ნებადართული იქნება კონდიციონერების ჩართვა. ჩართული კონდიციონერის პირობებში სავალდებულოა პირბადის გაკეთება.

კონდიციონერების ჩართვა ნებადართულია გარკვეული წესების დაცვით.

კონდიციონერის მოხმარებისას აუცილებელია, რომ შენარჩუნებული და დაცული იყოს:

  • ფიზიკური დისტანცია;
  • ხელების ჰიგიენა;
  • რესპირატორული ეტიკეტი;
  • ნიღბების სავალდებულოდ ტარების წესი;
  • კონდიციონერიდან ჰაერის ნაკადი არ უნდა იყოს პირდაპირ მიმართული ადამიანებზე
  • აუცილებელია მუდმივად ღია ფანჯარა, რაც კონდიციონერის გარეშეც სავალდებულოა, რადგან ჩაკეტილ სივრცეში ინფექციის გადაცემის რისკი მაღალია;
  • დაუშვებელია ერთი და იმავე ჰაერის რეცირკულაცია.

უწყების ცნობით, ძალაში რჩება ჯანმრთელობის უსაფრთხოებასთან დაკავშირებული ყველა ის წესი, რომელიც აპლიკანტებმა უნდა დაიცვან საგამოცდო სივრცეებში.

„გვასუნთქეთ“ - ქუთაისში აბიტურიენტებმა აქცია გამართეს>>

კერძოდ, საგამოცდო ცენტრში უნდა ეკეთოთ (გარდა 37.0 C-ზე მეტი ტემპერატურისა და რესპირატორული რომელიმე სხვა სიმპტომის მქონე გამოსაცდელისა) ნიღაბი:

  • სამუშაო მაგიდასთან კუთვნილი ადგილის დაკავებამდე;
  • საგამოცდო სექტორის დატოვების დროს;
  • სხვა პირებთან კომუნიკაციის დროს;
  • კონდიციონერის მუშაობისას.

იმ შემთხვევაში კი, თუ გამოსაცდელს აღენიშნება ტემპერატურა 37.0 С-ზე მეტი ან რესპირატორული სხვა რომელიმე სიმპტომი, იგი ვალდებულია საგამოცდო ცენტრში მუდმივად ატაროს ნიღაბი.

აბიტურიენტების საყურადღებოდ! გამოცდაზე პირბადის გარეშე ყოფნა ნებადართულია>>

საქართველოში ერთიანი ეროვნული გამოცდები 6 ივლისს დაიწყება და დასრულდება 25 ივლისს. საგრანტო კონკურსი 25 ივლისს გაიმართება, სამაგისტრო გამოცდები 1-ლი აგვისტოდან 4 აგვისტოს ჩათვლით ჩატარდება. მასწავლებლობის მსურველებისთვის საგამოცდო პროცესი კი 22 ივლისს დაიწყება და 30 ივლისს დასრულდება.

ერთიან ეროვნულ გამოცდებზე წელს 55 ათასზე მეტი აბიტურიენტი და სტუდენტი დარეგისტრირდა.

128
თემები:
განათლება საქართველოში
შვეიცარიის დროშა

თუ შვეიცარიაში მოგზაურობა გსურთ: 20 ივლისიდან საზღვარი „ღიაა“

69
(განახლებულია 20:39 02.07.2020)
შვეიცარია 20 ივლისიდან ევროკავშირის იმ ქვეყნებს შეუერთდება, რომლებიც საქართველოს მოქალაქეებისთვის საზღვრებს ხსნიან.

თბილისი, 2 ივლისი – Sputnik. შვეიცარია საქართველოს მოქალაქეებისთვის ქვეყანაში შესვლაზე დაწესებულ შეზღუდვებს 20 ივლისიდან გააუქმებს, აღიშნული ინფორმაცია schengenvisainfo-ზეა გამოქვეყნებული. გადაწყვეტილება შვეიცარიის ფედერალურმა საბჭომ 1 ივლისს მიიღო. 

შეზღუდვების გაუქმება შეეხება ევროკავშირის არაწევრ ქვეყნებს: კანადას, ავსტალიას, ახალ ზელანდიას, რუანდას, იაპონიას, სამხრეთ კორეას, ალჟირს, ტუნისს, მაროკოს, ტაილანდს, ურუგვაის, ბულგარეთს, ირლანდიას, ხორვატიას, რუმინეთსა და კვიპროსს.

შვეიცარიის ხელისუფლებამ ამ ეტაპზე ქვეყანაში შესვლაზე უარი უთხრა სებეთის, მონტენეგროსა და ჩინეთის მოქალაქეებს.

მანამდე ევროკავშირმა საქართველო უსაფრთხო 15 ქვეყნის სიაში შეიყვანა, რომელთათვისაც 1 ივლისიდან საზღვრების გახსნის გადაწყვეტილება მიიღო.

საქართველოსა და რამდენიმე მესამე ქვეყნისთვის საკუთარი საზღვრების გახსნის შესახებ განცხადება უკვე გააკეთეს გერმანიამ, ნიდერლანდებმა, ესპანეთმა, საფრანგეთმა და ლატვიამ.

ამასთანავე ცნობილი გახდა, რომ ავსტრია ქვეყანაში შესვლაზე შეზღუდვებს ევროკავშირის არაწევრი ქვეყნებისთვის, მათ შორის საქართველოსთვის, მხოლოდ 30 სექტემბრიდან აუქმებს. ამის შესახებ იუწყება საქართველოს საელჩო ვენაში.

საქართველომ, თავის მხრივ, კონკრეტული ავიაკომპანიებისთვის საჰაერო სივრცე 1 ივლისიდან გახსნა, მიუხედავად იმისა, რომ რეგულარული ავიამიმოსვლის აღდგენა 1 აგვისტომდე გადადო. საქართველოს პრემიერ-მინისტრის გიორგი გახარიას განცხადებით, აღნიშნული გადაწყვეტილება ქვეყნის მოქალაქეებზე ზრუნვითაა განპირობებული.

69
თემები:
COVID-19-ის პანდემია მსოფლიოში
კოპენჰაგენი

საქართველოს მოქალაქეები დანიაში ვერ იმოგზაურებენ

0
დანიაში მოგზაურობას ჯერჯერობით მხოლოდ  ავსტრალიის, კანადის, იაპონიის, ახალი ზელანდიის, სამხრეთ კორეისა და ტაილანდის მოქალაქეები შეძლებენ

თბილისი, 2 ივლისი – Sputnik. დანიამ ევროკავშირის საბჭოს მიერ დამტკიცებული სიიდან მხოლოდ ექვსი ქვეყნის მოქალაქეებისთვის  საზღვრების გახსნის გადაწყევტილება მიიღო, რომელთა შორის საქართველო არ არის, იუწყება საზოგადოებრივი მაუწყებლის პირველი არხი.

დანიაში მოგზაურობას ჯერჯერობით მხოლოდ ავსტრალიის, კანადის, იაპონიის, ახალი ზელანდიის, სამხრეთ კორეისა და ტაილანდის მოქალაქეები შეძლებენ.

ევროკავშირის საბჭომ 30 ივნისს დაამტკიცა იმ ქვეყნების სია, რომლებთანაც საზღვრის გახსნაზე წევრ სახელმწიფოებს რეკომენდაციას აძლევს. უსაფრთხო სიაში 15 ქვეყანა შევიდა. ესენია საქართველო, ავსტრალია, კანადა, იაპონია, მაროკო, სამხრეთ კორეა, ალჟირი, მონტენეგრო, ახალი ზელანდია, რუანდა, სერბეთი, ტაილანდი, ტუნისი და ურუგვაი.

ევროკავშირის საბჭოს განცხადებაში აღნიშნულია, რომ რეკომენდაცია იურიდიულად სავალდებულო არ არის და მის შესრულებაზე პასუხისმგებლობა წევრ სახელმწიფოებს ეკისრებათ.

საქართველოს მოქალაქეებისთვის საზღვრები გახსნა შვეიცარიამ, გერმანიამ, ნიდერლანდებმა, ესპანეთმა, საფრანგეთმა და ლატვიამ და შვედეთმა.

საქართველოს მოქალაქეებს შვედეთმა საზღვრები გაუხსნა >>

საქართველოს მოქალაქეები შვედეთში მოგზაურობას 4 ივლისიდან, ხოლო შვეიცარიის მონახულებას 20 ივლისიდან შეძლებენ.

საქართველომ, თავის მხრივ, კონკრეტული ავიაკომპანიებისთვის საჰაერო სივრცე 1 ივლისიდან გახსნა, მიუხედავად იმისა, რომ რეგულარული ავიამიმოსვლის აღდგენა 1 აგვისტომდე გადადო. საქართველოს პრემიერ-მინისტრის გიორგი გახარიას განცხადებით, აღნიშნული გადაწყვეტილება ქვეყნის მოქალაქეებზე ზრუნვითაა განპირობებული.

0
თემები:
COVID-19-ის პანდემია მსოფლიოში