მარიამ სანოგო

აფრიკული წარმოშობის ქართველმა მოდელმა შვილის ფოტოები გამოაქვეყნა

15708
(განახლებულია 14:17 12.07.2019)
შოკოლადისფერი გოგონას მიმართ ყურადღება არასდროს წყდება, მით უმეტეს, როდესაც ქართულად იწყებს საუბარს.

ქართულ სამოდელო სივრცეში ეგზოტიკური გარეგნობა უცხო და თვალშისაცემია. მარიამ სანოგო დედით ქართველი, ხოლო მამით აფრიკელია, კერძოდ, ბურკინა-ფასოდან არის.

მისმა მშობლებმა ერთმანეთი საფრანგეთის ერთ-ერთ უნივერსიტეტში გაიცნეს. მარიამიც იქ დაიბადა, მაგრამ მისი მშობლები მალე დაშორდნენ და ის დედასთან ერთად 18 წელია, რაც თბილისში ცხოვრობს.
ულამაზეს გოგონას „ტვ იმედზე“ „ქრონიკის“ გამოშვების ბოლოს ამინდის პროგნოზი მიჰყავს.
გარდა ამისა ილიას სახელმწიფო უნივერსიტეტში სწავლობს, მუსიკითა და ფრანგული ენით არის დაინტერესებული.
სულ ცოტა ხნის წინ დაოჯახდა და ჰყავს რამდენიმე თვის ვაჟი – ზუკა. მისი რჩეული კი ოპერატორი გიორგი ლაშქარაძეა, რომელსაც მანამდე 3 წელი იცნობდა.

 

15708
თემები:
სელებრითების ცხოვრება (2608)
ქუჩაში პირბადით

შეზღუდვები ეტაპობრივად მოიხსნება - მთავრობა შესაბამის გეგმას შეიმუშავებს

11
საქართველოში ახალი კორონავირუსით დაავადებულთა რაოდენობა ბოლო დღე-ღამეში 110-ით გაიზარდა და ინფიცირებულთა საერთო რიცხვმა 247.915-ს მიაღწია.

თბილისი, 18 იანვარი - Sputnik. საქართველოს ჯანდაცვისა და ეკონომიკის სამინისტროებს შეზღუდვების მოხსნის ეტაპობრივი გეგმის შემუშავება დაევალათ, განაცხადა დაავადებათა კონტროლის ეროვნული ცენტრის დირექტორმა ამირან გამყრელიძემ საკოორდინაციო საბჭოს სხდომის შემდეგ გამართულ ბრიფინგზე.

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში>>

როგორც გამყრელიძემ განაცხადა, ნებისმიერი შეზღუდვის მოხსნის შემდეგ სპეციალისტები ეპიდვითარებას დააკვირდებიან და შემდეგი ეტაპის განხორციელება სწორედ ამაზე იქნება დამოკიდებული.

„ჯანდაცვისა და ეკონომიკის სამინისტროებმა ეტაპობრივი შემსუბუქების გეგმა ამ ორი დღის განმავლობაში უნდა შეიმუშავონ. პრინციპში, მონახაზები უკვე არსებობს, რომ ერთბაშად არ გაიხსნას და ერთბაშად არ მოხდეს შემსუბუქება და ეს იყოს ეტაპობრივი“, - განაცხადა გამყრელიძემ.

დაავადებათა კონტროლის ეროვნული ცენტრის დირექტორის განცხადებით, რომელიმე ბიზნესის გახსნის შემდეგ სპეციალისტები 1 ან 2 კვირის განმავლობაში ისეთ ინდიკატორებს დააკვირდებიან, როგორებიც არის დადებითობის და ინციდენტობის მაჩვენებელი და ამ შედეგებზე დაფუძნებით გადაწყდება, რა შეზღუდვა მოიხსნება შემდეგ ეტაპზე.

დღევანდელ ბრიფინგზე ჯანდაცვის მინისტრის მოადგილე თამარ გაბუნიამაც აღნიშნა, რომ უახლოეს დღეებში ჩამოყალიბდება შეზღუდვების ეტაპობრივი შემსუბუქების დეტალური გეგმა, რომელიც ქვეყანას სიტუაციის სტაბილიზაციის შენარჩუნების საშუალებას მისცემს.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები მოქმედებს, რომლებიც 2021 წლის 31 იანვრის ჩათვლით იქნება ძალაში. კერძოდ, სავალდებულოა პირბადის ტარება, ასევე იკრძალება ქუჩაში გასვლა 21:00 საათის შემდეგ დილის 5 საათამდე, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები, რესტორნები, კაფე–ბარები და ა.შ.

11
თემები:
კორონავირუსი საქართველოში: ბოლო ცნობები
გიორგი გაბუნია

„ჩემი ნახევარძმა ფილტვების ანთებით დაიღუპა“ -გიორგი გაბუნიას ოჯახის უცნობი ისტორია - ვიდეო

31
(განახლებულია 13:33 18.01.2021)
ტელეწამყვანმა გიორგი გაბუნიამ მაყურებელთან მისი ოჯახის უცნობი ისტორია მოყვა. ნახეთ რა შეემთხვა მის ნახევარძმას

თბილისი 18 იანვარი - Sputnik. ცნობილ დიქტორს ჯულიეტა ვაშაყმაძეს ერთი თვის ჩვილი მოუკვდა. დეტალებზე მისმა შვილმა გიორგი გაბუნიამ „მთავარი არხის“ გადაცემაში, საკუთარ მონოლოგში ისაუბრა.

ჟურნალისტის თქმით, ვიდრე დედა ოჯახს შექმნიდა, ჯერ თვითონ შედგა, როგორც სრულფასოვანი პიროვნება და მერე გააჩინა შვილები.

„როცა ჩემი უფროსი და გაჩნდა, დედა 40 წლის იყო. რამდენიმე წლით ადრე, დიდი უბედურებაც გადაიტანა, სულ პირველი შვილი, რეზო – ჩემი ნახევარძმა ფილტვების ანთებით ერთი თვის ასაკში დაეღუპა. ამ ტრაგედიამ მისი პირველი ოჯახიც იმსხვერპლა, ქმარს დაცილდა და წლების შემდეგ მამაჩემს დაუკავშირა თავისი ცხოვრება“, - ამბობს ტელეწამყვანი.

87 წლის ასაკში ცნობილი ქართველი ტელეწამყვანი და მსახიობი ჯულიეტა ვაშაყმაძე 27 დეკემბერს გარდაიცვალა. ჯულიეტა ვაშაყმაძე საქართველოს პირველ არხზე ტელევიზიის დაარსების დღიდან, 1956 წლის 30 დეკემბრიდან მუშაობდა, ჯერ დიქტორად, ხოლო 1968 წლიდან ტელეკომენტატორად. სხვადასხვა დროს მიჰყავდა საინფორმაციო, თეატრალური, კულტურული, სოციალური და სხვა სახის ტელეგადაცემები.

2013 წლის 30 დეკემბერს, ტელევიზიის დაარსების 57 წლისთავთან დაკავშირებით, საქართველოს პირველმა არხმა მთაწმინდის პარკში, თბილისის ანძის სიახლოვეს, საპატიო ვარსკვლავი გაუხსნა ტელევიზიის პირველ წამყვანებს, მათ შორის, ჯულიეტა ვაშაყმაძეს.

ჯულიეტა ვაშაყმაძე გადაღებულია არა ერთ ფილმში. მათ შორის: „ყვავილი თოვლზე“, „პაპა გიგია“, „თოჯინები იცინიან“, „არაჩვეულებრივი გამოფენა“.

60-იან წლებში ჯიულიეტა ვაშაყმაძე კოტე მარჯანიშვილის სახელობის თეატრის სცენაზე გამოდიოდა.

31
თემები:
სელებრითების ცხოვრება (2608)