ნიკა გვარამია

რა შემთხვევაში დატოვებს „რუსთავი 2“–ს  ნიკა გვარამია

1637
(განახლებულია 23:02 08.07.2019)
„რუსთავი 2“–ის გენერალური დირექტორის გადადგომას ტელეკომპანიასთან გამართულ საპროტესტო აქციაზე მოითხოვენ.

თბილისი, 8 ივლისი - Sputnik. ტელეკომპანია „რუსთავი 2“–ის გენერალური დირექტორი ნიკა გვარამია ტელეკომპანიის შენობასთან გამართული საპროტესტო მიტინგის მონაწილეების მოთხოვნას მისი ტელეკომპანიიდან  წასვლის შესახებ იმ შემთხვევაში დააკმაყოფილებს, თუ მმართველი პარტია „ქართული ოცნება - დემოკრატიული საქართველოს“ ლიდერი ბიძინა ივანიშვილი დატოვებს საქართველოს.

როდის განიმუხტება საქართველოს და რუსეთს შორის დაძაბულობა - ცაგარლის ასტროლოგიური პროგნოზი >>

„კონტრწინადადება ჩვენს წინ მდგომ ორკების მიტინგს: ბიძინა ივანიშვილი წავიდეს ქვეყნიდან სამუდამოდ და იმავე წამსვე წავალ რ2-იდან კი არა, ჯანდაბაშიც, თან მანამდე გაბუნიას მოხსნის ბრძანებას მოვაწერ ხელს. თანახმა ვარ ულაპარაკოდ“, – დაწერა ნიკა გვარამიამ საკუთარ Facebook-გვერდზე.

ტელეკომპანია „რუსთავი 2-თან“ მიმდინარე  საპროტესტო აქციის მონაწილეები მოითხოვენ, დატოვოს ტელეკომპანია ჟურნალისტმა გიორგი გაბუნიამ და ასევე შეიცვალოს არხის მენეჯმენტი. 

შეკრებილები აცხადებენ, რომ გაბუნიას ორთვიანი ჩამოშორება სამსახურიდან საკმარისი ზომა არ არის და ამით ტელეკომპანიის ხელმძღვანელობა საზოგადოების შეცდომაში შეყვანას ცდილობს.

აქციის მონაწილეები აცხადებენ, რომ არ დაიშლებიან მანამ, სანამ მათი მოთხოვნები არ შესრულდება. „რუსთავი2“-ის შენობასთან პოლიციის ძალებია მობილიზებული.

7 ივლისს ტელეკომპანია „რუსთავი 2“-ის ეთერში საავტორო გადაცემა „პოსტსკრიპტუმის“ კვირის გამოშვება დაიწყო გადაცემის წამყვანის მონოლოგით, რომელმაც უცენზურო ლექსიკის გამოყენებით შეურაცხყოფა მიაყენა რუსეთის პრეზიდენტ ვლადიმირ პუტინს. ამის შემდეგ ტელეკომპანიის შენობასთან ასობით ადამიანი შეიკრიბა, რომლებიც ნიკა გვარამიასა და გიორგი გაბუნიასგან ბოდიშის მოხდას მოითხოვდნენ, ხოლო ხელისუფლებას მოუწოდებდნენ, გაატაროს ზომები დაძაბულობის ესკალაციის აღსაკვეთად.

დაპირისპირებები და პოლიციის ჩარევა თბილისის ცენტრში მიმდინარე საპროტესტო აქციებზე >>

საქართველოს ხელისუფლების წარმომადგენლებმა, თავის მხრივ, მკვეთრი ფორმით გამოხატეს რეაქცია „რუსთავი 2“-ის ეთერთან დაკავშირებით. პრემიერმა მამუკა ბახტაძემ გაბუნიას გამონათქვამები ძალიან საშიში პროვოკაციის გამოვლინებად და დესტაბილიზაციის მცდელობად შეაფასა, ხოლო ქვეყნის საგარეო საქმეთა სამინისტრომ ჟურნალისტის გამოსვლას საქართველოსა და რუსეთს შორის დაძაბულობის შეტანის მცდელობა უწოდა.

1637
თემები:
გინება პირდაპირ ეთერში - სკანდალი Rustavi 2-ის ირგვლივ (49)
ნანიკო ხაზარაძე

„გასაყიდი გოჭი“- ნანიკო ხაზარაძის ქალიშვილმა დედა მხარზე მოიგდო - სახალისო ფოტო

8
ლილუ ნუცუბიძის და ნანიკო ხაზარაძის ერთი მხიარული დღე. ტელეწამყვანი პოზიტიურ ფოტოს საკუთარ გვერდზე აქვეყნებს. ნახეთ როგორ მოიგდო მხარზე შვილმა დედა

ნანიკო ხაზარაძე მეგობარ შვილთან ერთად გართობას არ წყვეტს. დედა-შვილს შესაშური დამოკიდებულება აქვთ და ერთმანეთის დიდი მესაიდუმლეებიც არიან. ნანიკო ხაზარაძის განცხადებით, შვილს არაფერში ზღუდავს. მხიარული ფოტო კი, ნანიკომ საკუთარ გვერდზე გამოაქვეყნა და „ფოლოვერები“ სახალისო განწყობაზე დააყენა.

View this post on Instagram

A post shared by ნანიკო (@naniko.khazaradze) on

უსაყვარლესმა გოგონამ ლილუ ნუცუბიძემ სამსახური 16 წლის ასაკში დაიწყო. ყვავილებით დაინტერესებულმა თავისუფალმა და დამოუკიდებელმა სკოლის მოსწავლემ სამსახური თბილისის ცენტრში იპოვა. ამის შესახებ ნანიკო ხაზარაძემ საკუთარ გვერდზე სულ ცოტა ხნის წინ დაწერა. „ლილუ სამსახურში“ – ამ სათაურით გამოქვეყნებულმა ფოტომ დიდი გამოხმაურება გამოიწვია. მიუხედავად იმისა, რომ ლილუს დედა უზრუნველყოფს, გოგონამ საკმაოდ თამამი გადაწყვეტილება მიიღო. ლილუ ნუცუბიძე გამყიდველად მუშაობს „ყვავილების ქარხანაში", რომელიც პეტრიაშვილის ქუჩის დასაწყისშია.

View this post on Instagram

@eeeelilu

A post shared by ნანიკო (@naniko.khazaradze) on

საზოგადოებაში დამკვიდრებული სტერეოტიპების გამო ცნობილი სახეების შვილებს სოციუმში თავის დამკვიდრება უჭირთ. ეს სტერეოტიპი ნანიკო ხაზარაძეს და მის ლაღ ქალიშვილს არ ეხებათ. წარმატებული ტელეწამყვანის თქმით, ერთადერთ ქალიშვილს არასდროს არაფერს უკრძალავდა. მიუხედავად იმისა, რომ ნანიკო და ლილუს მამა ძალიან მალე დაშორდნენ, ნანიკომ ყველა ძალა მოიკრიბა და ცხოვრება შვილთან ერთად ახალი ფურცლიდან დაიწყო. ლილუ და ნანიკო, ფაქტობრივად, ერთად გაიზარდნენ. ტელეწამყვანსა და მის ქალიშვილს საოცარი მეგობრობა აკავშირებთ. ლილუ სკოლის მოსწავლეა, თუმცა დედა დამოუკიდებლობას არ უშლის.

„გასაყიდი გოჭი“,- ასე დაასათაურა უახლესი ფოტო ნანიკომ. „ვახ, რა ჯანზეა ლილუ!“; „ორი ერთნაირი. ღმერთმა დალოცა თქვენი დედაშვილობა...“; „რა საყვარლად ჰყავხარ მოგდებული...“- წერენ ნანიკოს მეგობრები.

8
თემები:
სელებრითების ცხოვრება
ანუკი არეშიძე შვილებთან ერთად

ვაჩე კალაძე ნიკოლა კალაძეს ფრანგულად დათვლას დიდი მონდომებით ასწავლის - პოზიტიური ვიდეო

108
(განახლებულია 19:43 24.10.2020)
მოუსვენარი ნიკოლა კალაძე დედ-მამას მოდუნების არც ერთ წუთს არ აძლევს. უფროს ძმებს აწყობილ ლეგოებსა და კუბიკებს უნგრევს, მამას გაურბის და დედას ლოყებზე ჩქმეტს.

მიუხედავად იმისა, რომ ნიკოლა ოჯახის ყველაზე მოუსვენარი წევრია, უფროსი ძმები მის მორჯულებას სხვადასხვა ხერხებით ახერხებენ. ბიჭები ერთად ცეკვავენ, წყნეთის აგარაკის ეზოში ფეხბურთს თამაშობენ და მამასთან ერთად სკუტერით ერთობიან. ნიკოლა კალაძეც ცდილობს უფროს ძმებს მიბაძოს. ანუკი არეშიძის ერთი ჩვეულებრივი დღე ბიჭების გარემოცვაში იწყება და სრულდება. ნიკოლა კალაძე კი სამსახურიდან დაბრუნებულ მამას ყოველდღე ფანჯარასთან ელოდება. კახა კალაძეს და ნიკოლას განსაკუთრებულად ემოციური დამოკიდებულება აკავშირებს.

View this post on Instagram

❤️❤️

A post shared by Kakha Kaladze (@kakhakaladze) on

ძმის გართობას ყველაზე უმცროსი ვაჩე კალაძეც ცდილობს. ბიჭები სამუშაო ოთახში ერთმანეთს ცოდნას უზიარებენ. ანუკის გვერდზე ეს უკვე მეორე ვიდეოა, რომელზეც ვაჩეს და ნიკოლას განსაკუთრებული დამოკიდებულება კარგად ჩანს. მანამდე ანუკი ორივე ვაჟს იტალიურს ასწავლიდა, ახლა კი, ვაჩე ყველაზე პატარა კალაძეს ფრანგულად დათვლას დიდი მონდომებით უზიარებს. პოზიტიური ვიდეო დიზაინერმა თავად გამოაქვეყნა.

გადატვირთული გრაფიკი კორონავირუსის გავრცელების გამო სახლში, ოჯახთან ერთად ყოფნამ ჩაანაცვლა. ამიტომ სელებრითები სოციალურ ქსელში საკუთარი ფეშენებელური სახლებიდან სახალისო ფოტო-ვიდეოებს აქვეყნებენ ან სასარგებლო რჩევებს იძლევიან. ისინი კულინარიულ ნიჭსა და სხვადასხვა ხრიკებს ასაჯაროებენ. დიზაინერი დიდ დროს ვაჟებს უთმობს და პარალელურად სამზარეულოში ფუსფუსსაც ასწრებს. მისი ყოველდღიური რუტინა პანდემიის გამო შეიცვალა და ახლა ყველა საქმემ სახლში გადმოინაცვლა.

View this post on Instagram

❤️❤️❤️❤️

A post shared by Kakha Kaladze (@kakhakaladze) on

პირველი სამი ვაჟი ანუკი არეშიძემ იტალიაში, მილანში გააჩინა. უფროსი შვილი ლევან კალაძეა, მეორე შვილი კახაბერ კალაძე 2012 წელს შეეძინათ, მესამე ვაჩე კალაძეა. ძმების მეგობრობა და თბილი დამოკიდებულება მშობლების დამსახურებაა. ანუკის მიერ გამოქვეყნებულ ვიდეოებზე ჩანს, რომ დაღლილ დედას უფროსი ვაჟები ეხმარებიან.

108
თემები:
სელებრითების ცხოვრება