ქვევრი - აჭარის ღვინის სახლი

თბილისში ქვევრის ღვინის საერთაშორისო კონკურსი გაიმართა

61
(განახლებულია 12:10 06.07.2019)
გამარჯვებულებს 29 ოქროს, 175 ვერცხლის და 76 ბრინჯაოს დიპლომები გადაეცათ.

თბილისი, 6 ივლისი - Sputnik. თბილისში, ქვევრის ღვინის მესამე საერთაშორისო კონკურსის გამარჯვებულების დაჯილდოების ცერემონია გაიმართა, იუწყება ტელეკომპანია Imedi.

გავრცელებული ინფორმაციით, გამარჯვებულებს 29 ოქროს, 175 ვერცხლის და 76 ბრინჯაოს დიპლომები გადაეცათ.

კონკურსი ასოციაცია „ქართული ღვინოს“, გარემოს დაცვისა და სოფლის მეურნეობის სამინისტროს და ღვინის ეროვნული სააგენტოს ორგანიზებით გაიმართა.

კონკურსის მიზანი მსოფლიოსთვის საუკეთესო ქვევრის ღვინოების წარდგენა და ქვევრის ღვინის წარმოებისა და მოხმარების ხელშეწყობაა.

კონკურსში სულ 120 ღვინის კომპანია იღებდა მონაწილეობას. მათ მიერ წარდგენილი იყო 320 ნიმუში.

ღვინოები, რომლებსაც კონკურსში ოქროს დიპლომები გადაეცათ, მიმდინარე წლის შემოდგომაზე აშშ-ში, ქალაქ ბოსტონში დაგეგმილ „ქართული ღვინის ფორუმზე“ იქნება წარმოდგენილი.

2019 წლის დასაწყისიდან საქართველომ ექსპორტზე 40,5 მილიონამდე ბოთლი ღვინო გაიტანა. მიმდინარე  წლის დასაწყისიდან ბრენდის ექსპორტი გაიზარდა 50%-ით – მსოფლიოს 18 ქვეყანაში ექსპორტირებული იყო 27,4 მილიონი დოლარის ღირებულების ბრენდი – 62%-ით მეტი, ვიდრე 2018 წლის პირველ ნახევარში.

61
თემები:
ღვინის კულტურა და მეღვინეობა (89)
კიბერუსაფრთხოება

კიბერუსაფრთხოების ოლიმპიადაზე ქართველმა მოსწავლეებმა პირველი ადგილი დაიკავეს

107
(განახლებულია 22:43 30.10.2020)
მეექვსე საერთაშორისო სტუდენტურ ოლიმპიადაზე მონაწილეობას 12 გუნდი იღებდა უკრაინიდან, საქართველოდან, ყაზახეთიდან და პოლონეთიდან

თბილისი, 30 ოქტომბერი - Sputnik. კიბერუსაფრთხოების საერთაშორისო ოლიმპიადაზე „სამეცნიერო კიბერუსაფრთხოების ასოციაციის“ (SCSA) საქართველოს ნაკრების წევრებმა პირველი ადგილი დაიკავეს.

კერძოდ, საკვირაო სკოლის მოსწავლეებმა: რეზიკო ჩალაძემ, გიორგი ჩარგეიშვილმა და გიორგი პაპავამ ნაშრომი სოციალურ ინჟინერიაში შექმნეს, რითიც გამარჯვება მოიპოვეს. 

„20-გვერდიანი ნაშრომი მოამზადეს, რომელიც მოიცავს თეორიულ ნაწილს სხვადასხვა ტიპის მომხმარებელზე ორიენტირებულ კიბერთავდასხმებზე.  ასევე ჩაატარეს კვლევა, გააანალიზეს, რა ტიპის თავდასხმები იყო უფრო პოპულარული მსოფლიოში და საქართველოში, ბოლოს კი დაადგინეს რამდენიმე სახის სტატისტიკა.. კვლევის ფარგლებში, ასევე განსაზღვრეს წესები, რაც მომხმარებლებმა კიბერუსაფრთხოებისთვის უნდა დაიცვან“, – განაცხადა სამეცნიერო კიბერუსაფრთხოების ასოციაციის ტექნიკურმა დირექტორმა გიორგი იაშვილმა.

სკოლა, რომლის მოსწავლეებმაც ოლიმპიადაზე გაიმარჯვეს, „სამეცნიერო კიბერუსაფრთხოების ასოციაციის“ ერთ-ერთი პროექტია.

მეექვსე საერთაშორისო სტუდენტური ოლიმპიადა “Ways and Mechanisms of Ukraine’s information space protection from harmful information and psychological influences“ ოდესის კომუნიკაციების ნაციონალური აკადემიის ორგანიზებით ჩატარდა. ღონისძიებაში მონაწილეობდა 12 გუნდი უკრაინიდან, საქართველოდან, ყაზახეთიდან და პოლონეთიდან. მსოფლიოში არსებული ვითარების გათვალისწინებით,  ოლიმპიადა ონლაინ გაიმართა.

107

მარადიული მტრები: ქართული არჩევნების მთავარი ინტრიგა ერთ წუთში

61
უკვე ხვალ, 31 ოქტომბერს, საქართველოს მოქალაქეებმა მეათე მოწვევის პარლამენტში 150 დეპუტატი უნდა აირჩიონ

იხილეთ Sputnik-საქართველოს ვიდეოში, რა არის ამ არჩევნების მთავარი ინტრიგა და რას უნდა მოველოდეთ მისი დასრულების შემდეგ.

საპარლამენტო არჩევნებში მონაწილეობს 48 პარტია და ორი ბლოკი. ამომრჩეველს მოუწევს 150 დეპუტატის არჩევა - 120 პროპორციული სისტემით და 30 - მაჟორიტარულით.

მთავარი ინტრიგაა - შეძლებს თუ არა მმართველი პარტია „ქართული ოცნება - დემოკრატიული საქართველო“ ხელისუფლების შენარჩუნებას თუ ოპოზიცია „ერთიანი ნაციონალური მოძრაობის“ მეთაურობით გაიმარჯვებს?

ხმის მიცემის შედეგები ისტორიული იქნება ნებისმიერ შემთხვევაში: თუ „ოცნება“ გაიმარჯვებს, ეს იქნება საქართველოს ისტორიაში პირველი შემთხვევა, როდესაც პარტიამ ხელისუფლება მესამე ვადით შეინარჩუნა. თუ მთავრობაში მოვა ოპოზიცია - პირვბელად საქართველოს ისტორიაში ყოფილი მმართველი პარტია მართვის სადავეებს დაიბრუნებს.

61
სავსე მთვარე

სავსემთვარეობა 31 ოქტომბერს, ანუ უჩვეულო „ცისფერი მთვარე“

0
(განახლებულია 10:09 28.10.2020)
წელიწადში, როგორც წესი, 12 სავსემთვარეობაა. მაგრამ 2020 წლის ოქტომბერი უჩვეულოდ გამონაკლისი თვეა – 2 ოქტომბერს უკვე იყო ერთი სავსემთვარეობა და მეორე 31 ოქტომბერსაა. სწორედ ასეთ შემთხვევას, როდესაც ერთ თვეში ორი სავსემთვარეობაა, ეწოდება „ცისფერი მთვარე“.

„ცისფერი მთვარე“ საშუალოდ 2,4 წელიწადში ერთხელ დგება. ბოლოს ის 2018 წელს იყო, შემდეგი უკვე 2023 წლის აგვისტოში იქნება – 1 და 31 აგვისტოს.

„ცისფერი მთვარე“ სულაც არ ნიშნავს იმას, რომ ციური სხეული ფერს შეიცვლის – ასე უწოდებენ თვეში მეორე სავსემთვარეობას და რადგან ეს შედარებით იშვიათი მოვლენაა, მისი ხატოვანი დასახელება ინგლისური გამოთქმიდან მოდის: Once in a Blue Moon, რაც ნიშნავს რამის ძალიან იშვიათად, ას წელიწადში ერთხელ გაკეთებას.

ოქტომბრის სავსემთვარეობა კიდევ იმით არის საინტერესო, რომ ის მისტიკურ დღესასწაულს – ჰელოუინს ემთხვევა.

რა სიურპრიზებს გვიმზადებს ოქტომბრის მეორე სავსემთვარეობა, რას უნდა ველოდოთ, როგორ მოვემზადოთ, რისი გაკეთება შეიძლება და რისი – არა ამ დღეს – გაეცანით ასტროლოგების რჩევებს.

სავსემთვარეობა 31 ოქტომბერს თბილისის დროით 18:52 საათზე დადგება. სავსე მთვარე კუროს თანავარსკვლავედში განთავსდება. ეს შესანიშნავი ნიშანია მათთვის, ვისაც ცდუნებების აბლაბუდაში მოხვედრის ეშინია.

რით იქნება გამორჩეული 31 ოქტომბრის სავსემთვარეობა

სავსე მთვარეს ამ დღეს თითქმის მთელი დედამიწის მოსახლეობა დაინახავს – ჩრდილოეთ და სამხრეთ ამერიკაში, ინდოეთში, მთელ ევროპასა და აზიის უმეტეს ნაწილში, ასევე დასავლეთ ავსტრალიაში. ბოლოს სავსე მთვარის დანახვის ასეთი „სინქრონულობა“ მთელ პლანეტაზე 1944 წელს მოხდა. როგორც NASA–ში აღნიშნავენ, ლამაზ, დიდ და ნათელ მთვარეს ადამიანები დაინახავენ არა მხოლოდ 31 ოქტომბერს, არამედ კიდევ ორ მომდევნო დღეს.

მოკლედ, 2020 წელს სრული „კომპლექტისთვის“ (კორონავირუსის პანდემია და სხვა უამრავი პრობლემა და კრიზისი) სავსემთვარეობა ჰელოუინის დღეს ემთხვევა. ასეთი რამ 1955 წელს მოხდა. ამჟამად ეს არანაირ საშიშროებას არ წარმოადგენს ცივილიზებული სამყაროსთვის, მაგრამ ძველს კელტებს, ვისი დღესასწაულიც „სამაინი“ დაედო თანამედროვე ჰელოუინს საფუძვლად, უსაზღვროდსწამდათ სავსე მთვარის ძალისა და მისი გავლენისა ადამიანსა და მის ბედზე. ისინი მიიჩნევდნენ, რომ ყველა წმინდანის დღის წინა დღეს დედამიწაზე გადმოდიოდნენ ბოროტი სულები. კელტები მათ განდევნას ყველანაირად ცდილობდნენ, პირველ რიგში, სინათლით – ანთებდნენ ჭრაქს სახლების ფანჯრებში. სავსე მთვარის ენერგეტიკა ზრდის ბოროტი სულების აგრესიულობას, ამიტომ ისინი ჯიუტად ცდილობდნენ ადამიანის საცხოვრებელთან მიახლოებას.

რა საშიშროება იმალება 31 ოქტომბრის სავსემთავრეობაში

ისევე, როგორც ნებისმიერი სავსემთვარეობის დღეს, 31 ოქტომბერს ემოციებისა და გრძნობების გამძაფრებაა მოსალოდნელი. თავისთავად შეიძლება წარმოიშვას კონფლიქტები, ჩხუბი. ადამიანებს დაავიწყდებათ თავიანთი დათქმული პირობა, ასევე:

იზრდება დანაშაულის, ავარიების, პირადი უთანხმოებების რიცხვი;

ემოციური და ზედმეტად მგრძნობიარე ადამიანები იგრძნობენ სისუსტეს, ან პირიქით – მომატებ ატიურობას.

სავსემთვარეობის დღეს იზრდება ავადმყოფობის შეტევები, მატულობს არტერიული წნევა.

ფსიქიკური დაავადებების მქონე ადამიანები უფრო აგრესიული ხდებიან.

რისი გაკეთება არ შეიძლება 31 ოქტომბერს

ნებისმიერი სავსემთვარეობის დღეს არ შეიძლება ახალი საქმეებისა და პროექტების დაწყება, მნიშვნელოვან დოკუმენტებზე ხელმოწერა, ასევე:

ალკოჰოლის მიღება, ურთიერთობების გამორკვევა, ჩხუბი;

შორეული მგზავრობა;

პროვოკაციებზე აყოლა – ეს ცუდად აისახება თქვენზე და თქვენს შინაგან მდგომარეობაზე;

უსიამოვნო ადამიანებთან ურთიერთობები;

ქირურგიული ოპერაციების ჩატარება – ნებისმიერი პროცედურა, თუნდაც კოსმეტიკური, შესაძლოა, ძალზე უარყოფითად აისახოს თქვენს ჯანმრთელობაზე და გართულებები გამოიწვიოს.

რისი გაკეთება შეიძლება 31 ოქტომბერს

სავსემთვარეობის დღეს იზრდება ნებისმიერი გეგმის ჩავარდნის ალბათობა, ამიტომ ამ დღეს აჩქარება არ ღირს.

რეკომენდებულია მოდუნება, დროის მხიარულად გატარება ახლობელ ადამიანებთან. ასევე:

მოსალოდნელია სიზარმაცის მოძალება – ნუ გაუწევთ მას წინააღმდეგობას;

უყურეთ ფილმს, წაიკითხეთ წიგნი, ან თქვენს ჰობის დაუთმეთ დრო;

გათავისუფლდით წყენებისგან, განეწყვეთ დადებითად. დაე, მთვარის ენერგიამ თქვენი ცხოვრება სითბოთი და პოზიტივით აავსოს.

რა გავლენას მოახდენს „ცისფერი მთვარე“ ზოდიაქოს ნიშნებზე

  • ვერძი: მძიმე იქნება სასიყვარულო იმედგაცრუების გადატანა. იმოქმედეთ თავშეკავებულად, ნუ აჰყვებით მაცდურ წინადადებებს, მოერიდეთ შემთხვევით ნაცნობობას, სარისკო საქმეებს. მოულოდნელმა ცნობამ, შესაძლოა, გეგმებში კორექტივების შეტანა გაიძულოთ.
  • კურო: მძიმე დღეა. როგორც ჩანს, ურთიერთობები და საქმიანი კონტაქტები კმაყოფილებას არ მოგიტანთ. მოსალოდნელია გაზრდილი ემოციურობა. ასტროლოგები გაფრთხილებენ, რომ მზად უნდა იყოთ კონკურენტებთან გარკვეული დაპირისპირებებისთვის და გირჩევენ, უაზრო და სულელურ საქციელს მოერიდოთ.
  • ტყუპი: ხელსაყრელი დღეა. არ არის გამორიცხული, რომ ნებისმიერი პრობლემის გადაჭრა შეძლოთ, მაგრამ არ ღირს ახალი საქმეების წამოწყება, შეიძლება მხოლოდ დაგეგმვა. განსაკუთრებით წარმატებული იქნება სხვადასხვა სახის გუნდური მუშაობა.
  • კირჩხიბი: დროა, დაგროვებულ საქმეებს მიხედოთ. სასიცოცხლო ტონუსი ჩვეულებრივთან შედარებით ცოტა დაქვეითებული იქნება. ასტროლოგები გირჩევენ, დაიცვათ თქვენი შეხედულებები, ინტერესები და არავის გავლენის ქვეშ არ მოექცეთ. შესაძლოა მოახერხოთ მოვლენების თქვენ სასარგებლოდ შემობრუბნება.
  • ლომი: მოულოდნელი ცნობები გამო, შესაძლოა, გეგმების შეცვლა მოგიწიოთ. ძალიან დიდი ალბათობაა ახალი ნაცნობობის, მაგრამ ახალი სასიყვარულო გამარჯვებებისკენ სვლის დროს აჩქარება არ ივარგებს – არაა გამორიცხული, რომ სასურველს რეალობად აღიქვამთ. ეცადეთ, თავშეკავებით იმოქმედოთ.
  • ქალწული: კრიტიკული დღეა. არ ღირს არავისთან კონფლიქტში ჩაბმა. შეიკავეთ თავი და დაზოგეთ სასიცოცხლო ძალები, მას უაზრო წვრილმანებზე ნუ დახარჯავთ. რამე პრობლემების გადაჭრის ალბათობა ძალიან მცირეა. უსიამოვნებებია მოსალოდნელი სასიყვარულო ასპარეზზეც, რომელთა გადალახვა გაგიჭირდებათ. თანდათანობით თქვენი თავდაჯერებულობა შეირყევა და შესაძლოა, იგრძნოთ, რომ არავის სჭირდებით. არ ღირს ყველაფრის გულთან ახლოს მიტანა. ეს დროებითია.
  • სასწორი: ასტროლოგები მოგიწოდებენ, ფრთხილად იყოთ მნიშვნელოვანი და საბოლოო გადაწყვეტილებების მიღებაში. საქმიანმა წინადადებებმა, მაცდურმა დაპირებებმა თუ იოლი ფულის შოვნის პერსპექტივებმა დიდი ფინანსური დანაკარგები შეიძლება გამოიწვიოს. ნუ ენდობით პარტნიორებსა და სხვების რჩევებს – ენდეთ მხოლოდ თქვენს ინტუიციასა და ჯანსაღ აზრს.
  • მორიელი: ენერგეტიკული ზრდა თქვენს შრომისუნარიანობაზე აისახება. არის ალბათობა, რომ საკუთარი გეგმების რეალიზებაში ხელმძღვანელობის მხარდაჭერა მიიღოთ. არ ღირს მნიშვნელოვანი საკითხების გადაჭრის სამომავლოდ გადადება. შესაძლოა, წინ პირად ცხოვრებაში ცვლილებები გელოდებათ. დიდი ალბათობაა, რომ სასიამოვნო სიახლე გაიგოთ.
  • მშვილდოსანი: ხელსაყრელი დღეა. ნებისმიერ საქმეს პასუხისმგებლობითა და სერიოზულობით მოეკიდეთ. შეძლებთ ნებისმიერი დაბრკოლების გადალახვას. განსაკუთრებით შედეგიანი იქნება გუნდური მუშაობა.
  • თხის რქა: რთული დღეა. რამე სახის პრობლემის გადაჭრის ალბათობა ძალზე მცირეა. გაფანტულობა, მსჯელობისას ზედაპირულობა, გარკვეული „ქარაფშუტობა“ ურთიერთობებში – ამან, შესაძლოა გარშემომყოფების თვალში თქვენი ავტორიტეტი შეარყიოს. მოსალოდნელია მცირე კონფლიქტები ირგვლივ მყოფ ადამიანებთან.
  • მერწყული: ამ დღეს ძალიან კარგი იქნება თქვენთვის სულიერ პრობლემებზე დაფიქრება, განმარტოება. ნებისმიერ კონტაქტს უარყოფითი შედეგების გამოწვევა შეუძლია. არარეკომენდებულია აჩქარება მსჯელობისას, რამე საკითხის განხილვისას, შეცდომების დაშვება მოქმედებების დროს. საღამოს ძალიან წაგადგებათ სუფთა ჰაერზე გასეირნება.
  • თევზები: მოულოდნელ სიახლეებს თქვენს გეგმებსა და ცხოვრებაში მნიშვნელოვანი ცვლილებების მოტანა შეუძლია. საქმის კეთება ძალიან გაგიჭირდებათ. ასტროლოგები გაფრთხილებენ, რომ თავი შეიკავოთ დაუფიქრებელი მოქმედებებისა და სიტყვებისგან. დიდია დანაკარგის ალბათობა. საკუთარი თავი ყველაფერში გააკონტროლეთ.
0