გონიოს ციხესიმაგრე

იშვიათი აღმოჩენა: აჭარაში რომაული პერიოდის მონეტები აღმოაჩინეს

342
(განახლებულია 22:21 05.07.2019)
სპეციალისტებმა აპოვეს მონეტა, რომელიც  იმპერატორ სეპტიმუს სევერუსის სახელით 210 წელსაა მოჭრილი და იშვიათ აღმოჩენათა ნომინალს მიეკუთვნება.

თბილისი, 5 ივლისი  — Sputnik.  გონიო–აფსაროსის ციხის ტერიტორიაზე მიმდინარე არქეოლოგიური გათხრების დროს უძველესი კერამიკული ნაკეთობები, ამფორები, ქოთნები და მონეტები აღმოაჩინეს, იუწყება „აჭარის ტელევიზია“

ციხის ტერიტორიაზე გათხრები  ქართულ-პოლონური საერთაშორისო არქეოლოგიური ექსპედიციის ფარგლებში მიმდინარეობს. ოთხი დღის განმავლობაში  სპეციალისტებმა მინისა და ლითონის ნაკეთობები,   ვერცხლის 7 და 2 ბრინჯაოს მონეტა აღმოაჩინეს. სპეციალისტების განმარტებით, მათგან ერთ-ერთი სეპტიმუს სევერუსის სახელით 210 წელსაა მოჭრილი და იშვიათ აღმოჩენათა ნომინალს მიეკუთვნება.

არქეოლოგიური სამუშაოები ერთდროულად 4 უბანზე მიმდინარეობს.  ციხის სამხრეთ-აღმოსავლეთ ნაწილში რომაული ეპოქის მესამე საუკუნის ნაგებობათა ნაშთებს სწავლობენ.  მეორე უბანზე ასევე აღმოჩენილია   რომაული ეპოქის, მაგრამ უფრო ადრეული პერიოდის – I-II საუკუნით დათარიღებული შენობის ნანგრევები.

კიდევ ერთი უბანი მდებარეობს ციხის ჩრდილ– აღმოსავლეთ ნაწილში სადაც, გასულ წელს აღმოჩნდა გარნიზონის მეთაურის სასახლე და აბანოს ნაშთები მოზაიკური იატაკით.

გათხრებში მონაწილეობენ ბათუმის შოთა რუსთაველის სახელწიფო უნივერსიტეტის და ბათუმის ხელოვნების სასწავლო უნივერსიტეტის სტუდენტები. 

342
თემები:
უძველესი საქართველო-2018 (9)
აბიტურიენტები

რატომ მოიხსნა ხუთი აბიტურიენტი ეროვნული გამოცდიდან

129
2 ახალგაზრდას შემთხვევაში მიზეზი დაგვიანება, ორის კი სამედიცინო შემოწმების შედეგად დაფიქსირებული მაღალი ტემპერატურა გახდა

თბილისი, 6 ივლისი — Sputnik. ერთიანი ეროვნული გამოცდიდან პირველივე დღეს ხუთი აბიტურიენტი მოიხსნა, იუწყება ტელეკომპანია Rustavi 2.

ქართველ აბიტურიენტებს პანდემიის პირობებში პირველად მოუწია უმაღლესში მისაღები გამოცდების ჩაბარება. პირველი გამოცდა 6 ივლისს ქართულ ენასა და ლიტერატურაში ჩატარდა. ქვეყანაში 24 საგამოცდო ცენტრია გახსნილი. გამოცდებზე აბიტურიენტების 93% გამოცხადდა.

2 ახალგაზრდას შემთხვევაში მიზეზი დაგვიანება იყო, ორს კი სამედიცინო შემოწმებისას მაღალი ტემპერატურა აღმოაჩნდა.

კიდევ ერთ აბიტურიენტს გამოცდაზე დასწრების უფლება მობილური ტელეფონის აღმოჩენის შემდეგ აღარ მისცეს.

დღეს გამოცდა ჩატარდა ქართულ ენასა და ლიტერატურაში. საგამოცდო პროცესი კი 25 ივლისს დასრულდება.

129
თემები:
განათლება საქართველოში
ტურისტული ორგანიზაციების საპროტესტო აქცია

საქართველოს ტურისტული სფეროს წარმომადგენლებმა საზღვრების გახსნის მოთხოვნით აქცია გამართეს

75
(განახლებულია 20:19 06.07.2020)
აქციის მონაწილეები მთავრობას დანაპირების შესრულებას სთხოვენ - საქართველო გახადონ პირველი ქვეყანა, რომელიც ტურისტებს მიიღებს

თბილისი, 6 ივლისი – Sputnik. ტურისტული სექტორის წარმომადგენლებმა ტურიზმის ადმინისტრაციის შენობის წინ გამართეს საპროტესტო აქცია, რომლის ერთადერთი მოთხოვნაა - საჰაერო მიმოსვლის აღდგენა სხვა ქვეყნებთან, იუწყება Sputnik-საქართველოს კორესპონდენტი ადგილიდან.

Акция протеста туристических организаций и гидов
© Sputnik / Vladimir Umikashvili.
ტურისტული ორგანიზაციების საპროტესტო აქცია

საზღვრების გახსნა და  სხვა ქვეყნებთან საჰაერო მიმოსვლის აღდგენა, რათა ტურისტებმა ჩამოსვლა შეძლონ, მიმდინარე წლის 1 ივლისისთვის იყო დაგეგმილი. თუმცა, ეპიდემიოლოგიური სიტუაციის გამო საზღვრების გახსნა 1 აგვისტოსთვის გადაიდო.

Акция протеста туристических организаций и гидов
© Sputnik / Vladimir Umikashvili.
ტურისტული ორგანიზაციების საპროტესტო აქცია

 „რა თქმა უნდა ჩვენ აღვიქვამთ ყველა რისკებს კორონავირუსის გავრცელების გამო, მაგრამ ხელისუფლებამ სიტყვა მოგვცა, რომ ჩვენ გავხვდებით ერთ-ერთი პირველი ქვეყანა, რომელიც ტურისტებისთვის საზღვრებს გახსნის. ჩვენ მოვითხოვთ ამ დანაპირების შესრულებას“, - განაცხადა აქციის ერთ-ერთმა მონაწილემ.

საქართველოში 15 ივნისს შიდა ტურიზმი აღდგა. ხელისუფლება მოუწოდებს მოქალაქეებს წელს საქართველოში დაისვენონ და ამით საქართველოს ტურისტულ სფეროს დაეხმარონ.

Акция протеста туристических организаций и гидов
© Sputnik / Vladimir Umikashvili.
ტურისტული ორგანიზაციების საპროტესტო აქცია

ტურისტული სფერო კორნავირუსის პანდემიის გამო ყველაზე მეტად დაზარალდა, რადგან საქართველოს მთავრობამ მოსახლეობის ჯანმრთელობის დასაცავად მარტში ყველა საზღვარი დაკეტა.

75
თემები:
COVID-19 საქართველოში
ხანძარი სვანეთის ტყეში

სვანეთში ტყის მასივში ხანძრის სალიკვიდაციო სამუშაოები დილიდან განახლდება

0
დღის მეორე ნახევარში ადგილზე გაძლიერდა ქარი, ცეცხლის ქრობის სამუშაოებს ართულებს ძლიერი სიცხე და მთიანი რელიეფი

თბილისი, 6 ივლისი – Sputnik. მეხანძრე-მაშველები მესტიის მუნიციპალიტეტის სოფელ ხაიშთან, ტყის მასივში ხანძრის ჩაქრობას დილიდან განაახლებენ.

კლდის ფერდობზე ხანძრის სალიკვიდაციო სამუშაოები ამ დროისთვის შეწყვეტილია. ვერტმფრენები ღამით ფრენებს ვერ ახორციელებენ.

დაკვამლიანებაა სოფელ იდლიანში. ხანძრის სიახლოვეს დაახლოებით 11 ოჯახი ცხოვრობს. ადგილობრივები ამბობენ, რომ საცხოვრებელი სახლების მიმდებარე ტერიტორიაზე დაკვამლიანების გამო, ბავშვები სახლიდან გაიყვანეს.

იდლიანში იმყოფებოდა სამეგრელო-ზემო სვანეთის გუბერნატორის მოადგილე ნინო ვიბლიანი. ის ადგილზე გაეცნო ვითარებას. მისი თქმით, მთელი ღამის განმავლობაში სამაშველო ჯგიფები ადგილზე დარჩებიან.

„დილიდან კვლავ განახლდება სამუშაოები. ამ ეტაპისთვის მოსახლეობის ევაკუაციის საჭიროება არ არის, თუმცა თუ ეს გახდება საჭირო, მობილიზებული მაშველები ადგილობრივებთან ერთად უზრუნველყოფენ მათ ევაკუაციას“, – განაცხადა პირველი არხის ეთერში ნინო ვიბლიანმა.

დღის მეორე ნახევარში ადგილზე გაძლიერდა ქარი, ცეცხლის ქრობის სამუშაოებს ართულებს ძლიერი სიცხე და მთიანი რელიეფი. ამან დამატებითი ძალების მობილიზება გამოიწვია.

სვანეთში მიემგზავრება მეხანძრე-მაშველთა პირადი შემადგენლობა სხვადასხვა რეგიონებიდან 80 მეხანძრე-მაშველის შემადგენლობით. ასევე, ადგილზე იმუშავებს დამატებით 5 სახანძრო-სამაშველო ავტოცისტერნა და 2 - 10 ტონიანი წყალმზიდი.

სულ პროცესში ჩაერთვება 110 მეხანძრე-მაშველი და 7 ერთეული სახანძრო-სამაშველო ტექნიკა. ტერიტორიაზე მუშაობას გააგრძელებს შინაგან საქმეთა სამინისტროს სასაზღვრო პოლიციის 2 ვერტმფრენი.

საზოგადოებრივი უსაფრთხოების მართვის ცენტრ „112“-ში ხანძრის შესახებ ინფორმაცია 5 ივლისს დღის მეორე ნახევარში შევიდა. თვითმხილველის განცხადებით, ტყის მასივში შეინიშნებოდა ძლიერი დაკვამლიანება. ხანძარი სავარაუდოდ მეხის ჩამოვარდნის შედეგად გაჩნდა.

0
თემები:
შემთხვევები საქართველოში