20 ივნისის მიტინგის დაშლა თბილისში

აქციის დაშლა თბილისში საზღვარგარეთ სამკურნალოდ კიდევ რამდენიმე ადამიანი გაემგზავრა

145
(განახლებულია 18:53 04.07.2019)
საავადმყოფოდან აქციის დაშლის დროს დაშავებული კიდევ ერთი პირი გაეწერა, ხოლო საზღვარგარეთ სამკურნალოდ შვიდი ადამიანი იმყოფება.

თბილისი, 4 ივლისი — Sputnik. 20-21 ივნისს აქციის დაშლის დროს დაშავებულთაგან საზღვარგარეთ სამკურნალოდ უკვე შვიდი მოქალაქეა წასული, იუწყება საინფორმაციო სააგენტო Новости-Грузия ჯანდაცვის სამინისტროზე დაყრდნობით.

საპროტესტო ტალღა თბილისში, რომელიც რუსი დეპუტატის სერგეი გავრილოვის საქართველოში ჩამოსვლას მოჰყვა, 20 ივნისს, გვიან ღამით არეულობასა და ანტისამთავრობო გამოსვლებში გადაიზარდა. მომიტინგეები პარლამენტში შეჭრას ცდილობდნენ. პოლიციამ გამოიყენა ცრემლსადენი გაზი და რეზინის ტყვიები. არეულობების დროს დაშავდა 240 ადამიანი, დააკავეს 300-ზე მეტი.

ოთხშაბათის მონაცემებით, საზღვარგარეთ მკურნალობის კურსს სამი ადამიანი გადიოდა. ბოლო დრომდე რეგიონულ ჰოსპიტალში მყოფი სამიდან ერთი დაშავებული უკვე გაწერეს. ორი ინტენსიური თერაპიის პალატაში რჩება.

დაშავებულების საზღვარგარეთ მკურნალობას საქველმოქმედო ფონდი „ქართუ" აფინანსებს, რომელიც ბიძინა ივანიშვილმა დააარსა, იუწყება ტელეკომპანია Imedi თბილისი მერის კახა კალაძის ინფორმაციაზე დაყრდნობით.

 

145
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)

როგორ აღნიშნეს "ქართულმა ოცნებამ" და "ნაციონალურმა მოძრაობამ" არჩევნების დასრულება - ვიდეო

61
საპარლამენტო არჩევნები დასრულდა. ეგზიტპოლების მონაცემებით, ლიდერობს „ქართული ოცნება“. როგორ აღნიშნეს არჩევნების დასრულება მმართველი პარტიისა და ოპოზიციური ნაცმოძრაობის მომხრეებმა, ჩვენს ვიდეოში იხილავთ

ტელეარხებმა შაბათს საღამოს, ხმის მიცემის დასრულების შემდეგ, გამოაქვეყნეს ეგზიტპოლების შედეგების სერია. ყველა მათგანში ლიდერობს მმართველი პარტია „ქართული ოცნება“, მეორე ადგილზეა - „ერთიანი ნაციონალური მოძრაობა“.

სულ საქართველოს მეათე მოწვევის პარლამენტში შვიდიდან ათ პარტიამდე შევა. გამსვლელი ბარიერი ამ არჩევნებზე 1%-ს შეადგენდა, ბლოკებისათვის კი - მასში შემავალი პარტიების რაოდენობას უდრიდა. მანამდე ექსპერტები ვარაუდობდნენ, რომ ახალი პარლამენტი მრავალპარტიული იქნებოდა.

61
არჩევნები

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა

83
(განახლებულია 20:20 31.10.2020)
საქართველოს მოქალაქეებმა ქვეყნის პარლამენტი შერეული სისტემით ბოლოჯერ აირჩიეს, სადაც 150 ადგილიდად 120 პროპორციული სისტემით, 30 კი მაჟორიტარულით გადანაწილდება

თბილისი, 31 ოქტომბერი – Sputnik. ხმის მიცემის პროცედურის დასრულებისა და საარჩევნო უბნების დახურვის შემდეგ, ოთხმა ტელეკომპანიამ ეგზიტპოლების შედეგები გამოაქვეყნა.

„იმედის“ დაკვეთით ეგზიტპოლი ამერიკულმა „ფაბლიქ ოფინიონ სტრატეჯისმა“ (Public Opinion Strategies) ჩაატარა.

2020 წლის საპარლამენტო არჩევნების 18:00 საათის მონაცემებით, Public Opinion Strategies ეგზიტპოლის შედეგები შემდეგნაირად გადანაწილდა: „ქართული ოცნება“-55.0%; „ნაციონალური მოძრაობა“- 23.0%; „ევროპული საქართველო“ 3.0 %; „ლელო“ 3,0 %; „პატრიოტთა ალიანსი“ 3. 0%; „სტრატეგია აღმაშენებელი“-3.0%; „გირჩი“ 3,0%; „ლეიბორისტული პარტია“ 1.0%; „დემოკრატიული მოძრაობა ერთიანი საქართველო“ 1.0%; „ალეკო ელისაშვილი-მოქალაქეები“ 1.0 %.

ტელეკომპანია „მთავარის“ დაკვეთით ჩატარებული 17.00 საათის ეგზიტპოლების შედეგების თანახმად, 2020 წლის საპარლამენტო არჩევნებზე „ქართულმა ოცნება-დემოკრატიულმა საქართველომ“ მოქალაქეების 41%-იანი მხარდაჭერა მიიღო, მეორე ადგილი დაიკავა „ერთიანმა ნაციონალურმა მოძრაობამ-გაერთიანებული ოპოზიცია“ -33%-ით, „ევროპულმა საქართველომ“ ხმების 5-% მიიღო, პოლიტიკურმა გაერთიანებამ „ლელო საქართველოსთვის“ -4% მიიღო, "პატრიოტთა ალიანსმა"-3%, „სტრატეგია აღმაშენებელი“-3%, „გირჩი“-3%, „ლეიბორისტული პარტია“ -2%, „ნინო ბურჯანაძე-ერთიანი საქართველო“-1%, „მოქალაქეები“-1%, ხოლო დარჩენილი 5% სხვა პარტიებზე გადანაწილდა, რომლებმაც 1%-იანი ზღვარი ვერ გადალახეს.

აღნიშნული კვლევა ipsos საფრანგეთმა ჩაატარა.

ტელეკომპანია „ფორმულას“ დაკვეთით, Edison Research-ის მიერ ჩატარებული ეგზიტპოლით, არჩევნებში მონაწილე პოლიტიკურ სუბიექტებს ასეთი საარჩევნო შედეგი აქვთ: „ქართული ოცნება“ – 46%; „ერთიანი ნაციონალური მოძრაობა - გაერთიანებული ოპოზიცია“ – 28%; „ევროპული საქართველო“ – 5%; „ლელო“ – 3%; „გირჩი“ – 3%; „პატრიოტთა ალიანსი“ - 2%; „სტრატეგია აღმაშენებელი“ – 2%; ამასთან, ტელეკომპანიის ინფორმაციით, გამოკითხულთა 50%-ზე მეტმა პასუხის გაცემაზე უარი თქვა.

როგორც „ფორმულა“ განმარტავს, ამჟამად წარმოდგენილია ეგზიტპოლის 16:00 საათის მონაცემები, ხოლო 22:00 საათისათვის 18:00 საათის მონაცემებს გამოაქვეყნებენ.

ტელეკომპანია „რუსთავი 2-ის“ დაკვეთით ჩატარებული ეგზიტპოლების მიხედვით, „ქართული ოცნება- დემოკრატიულმა საქართველომ“ მოქალაქეების 52.26 %-იანი მხარდაჭერა მიიღო. ეგზიტპოლების მიხედვით, მეორე ადგილზეა „ნაციონალური მოძრაობა“, რომელსაც ამომრჩეველთა 25,33 %-მა დაუჭირა მხარი. „ევროპულმა საქართველომ“ მიიღო 4,20 %.

რაც შეეხება სხვა პარტიებს, „ლელო“ აქვს 2,61 %-იანი მხარდაჭერა, „გირჩმა“ მიიღო 3,52%, „სტრატეგია აღმაშენებელმა“ კი 2,37%.

83
თემები:
საქართველოს საპარლამენტო არჩევნები 2020
ანა მიქელაძე

ცესკო: ამომრჩეველთა აქტივობამ საპარლამენტო არჩევნებზე 56,11% შეადგინა

22
საქართველოში არჩევნები ჩატარებულად მიიჩნევა ამომრჩევლის ნებისმიერი რაოდენობის შემთხვევაში, კენჭისყრის დღის განმავლობაში საკუთარი ნება საარჩევნო ყუთთან 1 970 540–მა მოქალაქემ დააფიქსირა.  

თბილისი, 31 ოქტომბერი — Sputnik. საქართველოს მთელ ტერიტორიაზე საპარლამენტო არჩევნებში ამომრჩეველთა აქტივობა 20:00 საათის მონაცემებით 56,11%-ს აღწევს,  განაცხადა ცესკოა პრესსპიკერმა ანა მიქელაძემ ბრიფინგზე.

საია: კენჭისყრის პროცედურები მთელ რიგ უბნებზე მნიშვნელოვანი დარღვევებით მიმდინარეობდა >>

კერძოდ, კენჭისყრის დღის განმავლობაში საკუთარი ნება საარჩევნო ყუთთან 1 970 540–მა მოქალაქემ დააფიქსირა.  

შედარებისთვის, 2016 წელს საპარლამენტო არჩევნებზე 20:00 საათისთვის აქტივობამ შეადგინა 51,63%, ხოლო 2012 წელს – 60,8%.

დღევანდელ საპარლამენტო არჩევნებში სულ 3 526 023 ამომრჩეველი მონაწილეობს, რომელთაგან 3 511 853 საქართველოში ცხოვრობს, ხოლო დანარჩენი 14 170 უცხოეთის სახელმწიფოებში იმყოფებიან.

აღსანიშნავია, რომ საქართველოში არჩევნები ჩატარებულად მიიჩნევა ამომრჩევლის ნებისმიერი რაოდენობის შემთხვევაში.

საქართველოს მოქალაქეებმა ქვეყნის პარლამენტი შერეული სისტემით ბოლოჯერ აირჩიეს, სადაც 150 ადგილიდან 120 პროპორციული სისტემით, 30 კი მაჟორიტარულით გადანაწილდება. საქართველოში მომდევნო არჩევნები 2024 წელს მხოლოდ პროპორციული სისტემით ჩატარდება.

22
თემები:
საქართველოს საპარლამენტო არჩევნები 2020