რამაზ შამანაური

ვინ არის ქართველი დიზაინერი კაცი, რომელიც კლუბებში ქალად გადაცმული დადის

876
(განახლებულია 15:57 10.07.2019)
ქართველი დიზაინერი ხშირად ჩნდება ბომონდურ წვეულებებზე.

ყველასთვის ცნობილი ქართველი დიზაინერი რამაზო რომა, რომელსაც მიაჩნია, რომ პოპულარობა ჯერ კი­დევ 90-იანი წლე­ბის სა­ქარ­თვე­ლო­ში, 12 წლის ასაკში და­ა­ტყდა თავს, ხშირად ჩნდება ბომონდურ წვეულებებზე. განსაკუთრებით აქტიურია სოციალურ ქსელშიც.

მისი „ინსტაგრამის“ გვერდი ყოველთვის იქცევს განსაკუთრებულ ყურადღებას, განსაკუთრებით კი „სთორები“, სადაც დიზაინერი დროდადრო თაყვანისმცემლების მიერ მოწერილ წერილებს ასაჯაროებს. საგულისხმო ისაა, რომ თაყვანისმემლები მას, როგორც „მადლენას“ ისე მოიხსენიებენ. დიზაინერი ხშირად იცვამს ქალის ტანსაცმელს და განსაკუთრებით უცხოეთის კლუბებში უყვარს ასეთ ფორმაში სიარული.

ეს მისი ერთგვარი სტილია, ამიტომ მის გარდერობში ბოლო პერიოდში ხშირად ჩანს ქალის ტანსაცმელიც, რომელსაც სხვა დიზაინერები სპეციალურად „მადლენასთვის“ ქმნიან.

ის ყოველთვის უც­ნა­უ­რი ჩაც­მუ­ლო­ბით გა­მო­ირ­ჩე­ო­და. სა­ქარ­თვე­ლო­ში რა­მაზ შა­მა­ნა­უ­რი იყო, თა­ვი­სი ქო­რე­ოგ­რა­ფი­უ­ლი ჯგუ­ფი ჰყავ­და და ცნო­ბი­ლი ქარ­თვე­ლი მომ­ღერ­ლე­ბის სა­კონ­ცერ­ტო ნომ­რებს აფორ­მებ­და. წლე­ბის წინ ბა­ქო­ში გა­და­ვი­და სა­ცხოვ­რებ­ლად და დი­ზა­ი­ნე­რი რა­მა­ზო რომა გახ­და.

მისი კარიერა 1994 წლიდან იწყება, როცა თბილისში „ავანგარდული მოდის ასამბლეა“ ჩატარდა. რამაზო რომა ამ ღონისძიებაზე ქორეოგრაფად მიიწვიეს. პროფესიით მოცეკვავეა. ჰყავდა ჯგუფი "ექსტაზი", რომელთან ერთადაც არაერთ ღონისძიებაში მიუღია მონაწილეობა.

აზერბაიჯანში ქართული კულტურის დღეებზე მოხვდა. მის მიერ დადგმული შოუ ერთ მომღერალ ქალბატონს ისე მოეწონა, რომ მასთან მუშაობა და აზერბაიჯანში დარჩენა შესთავაზა. ისიც დარჩა. მისი სახელი და წარმატება აზერბაიჯანს უფრო უკავშირდება, თუმცა საქართველო ძალიან უყვარს.

მისი გემოვნებით შერჩეული კოსტიუმები ეცვათ... ასე, ნელ-ნელა სტილზე ფიქრიც დაიწყო. სტილზე მუშაობას 3-4 წელი დასჭირდა. სწორედ იმ პერიოდში აზერბაიჯანში კონკურსი „ბესტ მოდელი“ გაიმართა, სადაც რამაზო მიიწვიეს, როგორც ქორეოგრაფი.

კონკურსზე მოწვეული იყო ამ საერთაშორისო კონკურსის პრეზიდენტი ერქან ოზერმანი. ერთმანეთი იქ გაიცნეს. რამაზოს ქორეოგრაფიამ დიდი მოწონება დაიმსახურა და კონკურსის პრეზიდენტმა იგი სტამბულში დაპატიჟა. სწორედ იქ დაიწყო დიზაინერობაზე ფიქრი. სტამბულში საკუთარი მოდის სახლიც გახსნა. კოლექციის ჩვენებას ხშირად აწყობს.

რამ­დე­ნი­მე წლის წინ ქარ­თუ­ლი სა­ინ­ფორ­მა­ციო გა­და­ცე­მე­ბი რა­მა­ზო რო­მას და­კა­ვე­ბის ფაქ­ტით იწყე­ბო­და. ყვე­ლას­თვის მო­უ­ლოდ­ნე­ლად ცნო­ბი­ლი დი­ზა­ი­ნე­რი თურ­ქეთ­ში და­ა­კა­ვეს. ბრალ­დე­ბა მძი­მე გახ­ლდათ – ტრე­ფი­კინგსა და ყალ­ბი პას­პორ­ტე­ბის დამ­ზა­დე­ბა­ში ადა­ნა­შა­უ­ლებ­დნენ, თუმცა ბრალი არ დაუმტკიცდა, ციხე რამ­დე­ნი­მე დღე­ში და­ტო­ვა და პირ­და­პირ სა­სა­მარ­თლო დარ­ბა­ზი­დან გა­ა­თა­ვი­სუფ­ლეს. 

რამაზო რომამ თავისი სტილი დაამკვიდრა. ერთ-ერთ გამოცემასთან იხსენებს, რომ არავის ემორჩილებოდა – ერთხელ სამხატვრო აკადემიიდან ნატურა კლუბთან დააყენა დეკორაციასავით შიშველი და ყელზე სვაროვსკის თვლებით გაფორმებული ყელსაბამი გაუკეთა.

„ეს ხდებოდა 1995 წელს. ახლაც სკანდალური იქნებოდა მსგავსი აქცია. მერე ყველა გზა მომიჭრეს, შემოქმედებითი აქტიურობის პრობლემა დადგა და მაშინ მივხვდი, რომ უნდა წავსულიყავი“, – იხსენებს რამაზო.

ამბობს, რომ კომუნიკაბელური ადამიანია და მასთან ურთიერთობა იოლია. აქვს საოცარი თვისება – წინააღმდეგობების მიუხედავად, ყოველთვის ბედნიერ ადამიანად მიაჩნია თავი.

876
თემები:
სელებრითების ცხოვრება (1913)
ზვიად გამსახურდიას საფლავი

ზვიად გამსახურდიას გარდაცვალების საქმე: საკონსტიტუციო სასამართლო და ოჯახის მოთხოვნები

40
(განახლებულია 14:54 16.07.2020)
1994 წლის თებერვალში სოფელ ჯიხაშკარში დაკრძალული ზვიად გამსახურდიას ცხედარი ოჯახის მოთხოვნით გროზნოში გადაასვენეს. 2007 წლის მარტში გამსახურდიას ნეშტი ჩეჩნეთიდან თბილისში გადმოასვენეს.

თბილისი, 16 ივლისი — Sputnik. საქართველოს პირველი პრეზიდენტის ოჯახი ზვიად გამსახურდიას გარდაცვალების საქმის მასალებზე წვდომას საკონსტიტუციო სასამართლოს გზით მოითხოვს, განაცხადა ხუთშბათს გამართულ ბრიფინგზე ოჯახის ადვოკატმა ამირან გიგუაშვილმა.

საქართველოს პირველი პრეზიდენტი ზვიად გამსახურდია 1993 წლის 31 დეკემბერს სოფელ ძველ ხიბულაში გაურკვეველ ვითარებაში გარდაიცვალა.

ოჯახს თვითმკვლელობის შესახებ გამოძიების ოფიციალური ვერსიის არ სჯერა და აცხადებს, რომ გამსახურდია პრეზიდენტ ედუარდ შევარდნაძის ხელისუფლების წარმომადგენლებმა გამოასალმეს სიცოცხლეს. ოჯახის ზეწოლის შედეგად 2015 წელს პროკურატურამ საქმის გამოძიება „განზრახ მკვლელობის" მუხლით განაახლა.

ზვიად გამსახურდია საქართველოს პრეზიდენტად 1991 წლის 26 მაისს აირჩიეს. სამოქალაქო დაპირისპირების შედეგად, რომელიც „თბილისის ომის" სახელით არის ცნობილი, 1992 წლის იანვარში ის სახელმწიფოს მეთაურის პოსტიდან გადააყენეს.

ერთი წლის განმავლობაში გამსახურდია დევნილობაში ცხოვრობდა — ჯერ აზერბაიჯანში, შემდეგ სომხეთში, ბოლოს კი ჩეჩნეთში. 1993 წლის შემოდგომაზე ის საქართველოში დაბრუნდა, სადაც იმავე წლის 31 დეკემბერს სამეგრელოს სოფელ ძველ ხიბულაში დღემდე გაურკვეველ გარემოებაში დაიღუპა.

მაშინდელმა გამოძიებამ თვითმკვლელობის ვერსია წამოაყენა, თუმცა, გამსახურდიას მომხრეები და ოჯახის წევრები ამ ვერსიას არ იზიარებენ.

2018 წლის დეკემბრის ბოლოს ზვიად გამსახურდიას შვილებმა, ცოტნე და კონსტანტინე გამსახურდიებმა, ადვოკატთან ერთად გენერალურ პროკურორ შალვა თადუმაძესთან შეხვედრა გამართეს, რომელმაც საქმის გამოძიების პირობა მისცა.

„საქართველოს პირველი პრეზიდენტის, ზვიად გამსახურდიას მკვლელობის საქმის მასალების გადაცემაზე პროკურატურის უარიდან გამომდინარე, 2019 წლის 28 მარტს საკონსტიტუციო სასამართლომ განიხილა სარჩელი "კონსტანტინე გამსახურდია საქართველოს პარლამენტის წინააღმდეგ". დასახელებულ საქმეზე სადავოდ გამხდარი ნორმის თანახმად, დაზარალებულს უფლება აქვს გაეცნოს სისხლის სამართლის საქმის მასალებს, თუ ეს არ ეწინააღმდეგება გამოძიების ინტერესებს", - განაცხადა გიგუაშვილმა.

ოჯახის ადვოკატს თქმით, ბრალდებას, დაზარალებული მხარისგან განსხვავებით, საქმის მასალების წვდომაზე შეზღუდვა არ აქვს, რაც არასამართლიანია.

„ამ საქმის საჯარო ინტერესი არის ძალიან მაღალი. ჩვენ ვითხოვთ, რომ ყველა დაზარალებულს ჰქონდეს სრულფასოვანი წვდომა სისხლის სამართლის საქმის მასალებთან და ისინი არ იყვნენ დამოკიდებული პროკურორების კეთილ ნებაზე და არ უწევდეთ საქმის მასალების გაცნობა გამომძიებლების ოთახში, მათი ზედამხედველობის ქვეშ. წარმოიდგინეთ, როგორი შვება იქნება ეს ყველასთვის, რადგან ხშირად დაზარალებულების უკმაყოფილების მიზეზი სწორედ ის არის, რომ არ იციან რა ხდება საქმეში და დამოკიდებული არიან ადვოკატების თუ პროკურორების მიერ მიწოდებულ ზეპირ ინფორმაციაზე", - განაცხადა გიგუაშვილომა.

ბრიფინგზე ადვოკატმა ჟურნალისტებს ცოტნე გამსახურდიას ჯანმრთელობის მდგომარეობის შესახებ ინფორმაცია მიაწოდა, რომელიც 2019 წლის 19 დეკემბერს თბილისის ცენტრში მძიმედ დაჭრეს. ადვოკატის თქმით, პირველი პრეზიდენტის შვილი გერმანიის ერთ-ერთ კლინიკაში რეაბილიტაციის კურსს გადის.

1994 წლის თებერვალში სოფელ ჯიხაშკარში დაკრძალული გამსახურდიას ცხედარი ოჯახის მოთხოვნით გროზნოში გადაასვენეს და ქალაქის მთავარი მოედნის სიახლოვეს დაკრძალეს. შემდგომ, ჩეჩნეთში მომხდარი საომარი მოქმედებების შედეგად, საფლავი დაიკარგა და ის მხოლოდ 2007 წელს აღმოაჩინეს. პირველი პრეზიდენტის ნეშტის სასამართლო-სამედიცინო ექსპერტიზა დონის როსტოვში ჩატარდა.

2007 წლის მარტში გამსახურდიას ნეშტი ჩეჩნეთიდან ჩამოასვენეს და თბილისში, მწერალთა და საზოგადო მოღვაწეთა მთაწმინდის პანთეონის ტერიტორიაზე დაკრძალეს.

40
თემები:
პრეზიდენტ ზვიად გამსახურდიას გარდაცვალების საქმის ახალი დეტალები
ემიგრანტების დაბრუნება

მიგრანტების დახმარების პროგრამა: რა მოცულობის გრანტს მიიღებს სახელმწიფოსგან თითოეული

56
(განახლებულია 15:12 16.07.2020)
სახელმწიფო პროგრამაზე, რომელიც სამშობლოში დაბრუნებული თანამემამულეების დახმარებას ითვალისწინებს, სახელმწიფო ბიუჯეტიდან 500 ათას ლარზე მეტი გამოიყო.

თბილისი, 16 ივლისი — Sputnik. საქართველოს მთავრობა პანდემიის პირობებში სამშობლოში დაბრუნებული მიგრანტების დახმარების პროგრამას იწყებს.

პროგრამას ჯანდაცვის სამინისტროს დევნილთა, ეკომიგრანტთა და საარსებო წყაროებით უზრუნველყოფის სააგენტო ახორციელებს, იუწყება საზოგადოებრივი მაუწყებლის პირველი არხი.

სახელმწიფო პროგრამის მიზანს ემიგრაციიდან დაბრუნებული საქართველოს მოქალაქეების რეინტეგრაციის პროცესის მხარდაჭერა წარმოადგენს, რისთვისაც სახელმწიფო ბიუჯეტიდან 500 ათას ლარზე მეტი გამოიყო.

სარეინტეგრაციო დახმარების პროგრამა მიგრანტებისთვის შემოსავლის წყაროს გაჩენისა და დასაქმების მიზნით გრანტების გაცემას, პროფესიული განათლების ხელშეწყობას, სამედიცინო დახმარებითა და დროებითი საცხოვრებლით უზრუნველყოფას ითვალისწინებს.

მთლიანობაში დაგეგმილია დაახლოებით150 მიგრანტის დაფინანსება. გრანტის მიღება შესაძლებელია როგორც საქმიანობის დაწყების, ისე გაფართოების შემთხვევაში და მისი მაქსიმალური ოდენობა 4 ათას ლარს შეადგენს.

განაცხადების მიღება 5 აგვისტოს ჩათვლით გაგრძელდება.

სახელმწიფო პროგრამაში მონაწილეობა შეუძლიათ საქართველოს მოქალაქეებს (ან მოქალაქეობის არმქონე პირებს საქართველოში მუდმივად ცხოვრების უფლებით), რომლებიც საზღვარგარეთ 12 თვეზე მეტ ხანს არალეგალურად იმყოფებოდნენ ან ჰქონდათ განაცხადი თავშესაფრის მიღებაზე ან სარგებლობდნენ თავშესაფრით და სამშობლოში ბოლო ერთი წლის განმავლობაში დაბრუნდნენ.

განაცხადების მიიღება თბილისში შესაძლებელია შემდეგ მისამართზე: თამარაშვილის N15ა, გორში - სამების N1, რუსთავი - ცურტაველის ქ N5ა, ქუთაისი - აბაშიძის N27, ზუგდიდი - აღმაშენებლის N106.

განაცხადის გაგზავნა ასევე შესაძლებელია სააგენტოს ელექტრონულ ფოსტაზე: info@idp.gov.ge

რაც შეეხება პროფესიული განათლების ხელშეწყობის, სამედიცინო დახმარებითა და დროებითი საცხოვრებლით უზრუნველყოფის მოთხოვნით განაცხადების მიღებას, ამ სერვისებთან დაკავშირებით განაცხადების მიღება 15 ივლისიდან დაიწყო.

56
თემები:
საქართველოს ეკონომიკა
უკრაინელ ტელეწამყვანს პირდაპირ ეთერში კბილი მოძვრა

უკრაინელ ტელეწამყვანს პირდაპირ ეთერში კბილი მოძვრა - სახალისო ვიდეო

0
(განახლებულია 13:30 16.07.2020)
უკრაინული ტელეარხის „1+1“ წამყვანს მარიჩკა პადალკოს პირდაპირ ეთერში კბილი მოძვრა. უხერხული ინციდენტი ახალი ამბების გამოშვების მიმდინარეობისას მოხდა

თუმცა ტელეწამყვანი არ დაიბნა, კბილი ხელში დამალა და ახალი ამბების კითხვა განაგრძო.

ინტერნეტ-მომხმარებლებმა მარიჩკა პადალკოს პროფესიონალიზმს გაუსვეს ხაზი და ივარაუდეს, რომ ეს დროებითი კბილი იყო.

0
თემები:
სახალისო და საინტერესო ვიდეოები