კანადის დროშა

ახალი შანსი კანადაში მუშაობისა და ცხოვრების მსურველებისთვის ყველაფერი ერთ სტატიაში

5694
(განახლებულია 19:23 12.06.2019)
გთავაზობთ ინფორმაციას მათ, ვისაც კანადაში საცხოვრებლად წასვლა სურს.

კანადის სახელმწიფო საემიგრაციო დეპარტამენტი 2019 წლიდან მომდევნო სამი წლის მანძილზე მიიღებს გაზრდილი რაოდენობის ემიგრანტებს (1 მილიონზე მეტ უცხო ქვეყნის მოქალაქეზეა საუბარი) და მიანიჭებს ემიგრანტის სტატუსს, რაც გულისხმობს კანადაში ლეგალურად ცხოვრების და მუშაობის უფლებას.

კანადამ 2017 წელს 286 ათასზე მეტი მუდმივი მცხოვრები დაიმატა, 2019 წელს ეს რიცხვი, შესაძლოა, 350 ათასამდე გაიზარდოს. კანადის ხელისუფლების გეგმის თანახმად, 2020 წელს მუდმივი მოქალაქეობა შეიძლება 360 ათას, 2021 წელს კი 370 ათას იმიგრანტს მიენიჭოს.

დღეიდან საქართველოს მოქალაქეები ტაილანდის ვიზას საზღვარზე აიღებენ >>>

ეს ინფორმაცია ფართოდ გავრცელდა ქართულ მედიასივრცეში, რამაც გამოიწვია გაურკვევლობა და აზრთა სხვადასხვაობა. კანადის ეს საიმიგრაციო პროგრამა 2015 წლიდან ფუნქციონირებს და საქართველოს მოქალაქეებს შეუძლიათ განაცხადი გააკეთონ და მონაწილეობა მიიღონ საიმიგრაციო პროგრამაში. თუმცა, ახალი რეგულაციების მიუხედავად, კანადის საკონსულოს ოფიციალური განცხადებით, საიმიგრაციო მოთხოვნები არ შეცვლილა და არ გამარტივებულა.

იმისათვის, რომ პიროვნებამ განაცხადი გააკეთოს და მონაწილოება მიიღოს საიმიგრაციო პროგრამაში, კვლავ რამდენიმე მნიშვნელოვანი მოთხოვნაა დასაკმაყოფილებელი, მათ შორის არის ენის ცოდნის დონე და შესაბამისი სერტიფიკატი (ILTS), ასევე სამუშაო გამოცდილების სტაჟი და პროფესია. პროგრამა რამდენიმე ეტაპად იყოფა და პროცედურა რამდენიმე თვე და, ზოგიერთ შემთხვევაში, წელიწადზე მეტ ხანს შეიძლება გაგრძელდეს.

ცოტა ხნის წინ კანადის მთავრობამ იმიგრაციის ხუთწლიანი საპილოტე პროგრამა წარადგინა. აღნიშნული გეგმის თანახმად, ეკონომიკური სიტუაციის გაუმჯობესების მიზნით კანადის ჩრდილოეთ და დასავლეთ ნაწილში, ასევე სასოფლო დასახლებებში ემიგრანტებს მიიღებენ.

საქართველოს მოქალაქეებს საკრუიზო გემებზე დასაქმებაში დაეხმარებიან >>>

გეგმა ხელს შეუწყობს და გაამარტივებს მუდმივი ბინადრობის მოწმობის გაცემას ისეთ ემიგრანტებზე, რომლებიც თავისი საქმის კარგი სპეციალისტები არიან.

კერძოდ, ემიგრანტების მოზიდვა იგეგმება შემდეგ პროვინციებსა და ტერიტორიებზე: ონტარიო, მანიტობა, სასკაჩევანი, ალბერტა, ბრიტანული კოლუმბია, იუკონი, ჩრდილო-დასავლეთ ტერიტორიები, ნუნავატი.

ჩამოთვლილ პროვინციებში არსებულ თითოეულ თემში 3000-მდე ემიგრანტის მიღება იგეგმება, ან 100 ემიგრანტის, რომელთაც თავიანთი ოჯახის წევრებიც ახლავთ.

სამუშაო ასაკის ემიგრანტების მოზიდვით კანადა ცდილობს აღნიშნულ რეგიონებში ეკონომიკური მდგომარეობა გააუმჯობესოს და სამუშაო ბაზარი გაამრავალფეროვნოს.

აღნიშნული პროგრამის ფარგლებში კანადაში სამუშაოდ წასვლის მსურველებს შეუძლიათ შეავსონ სპეციალური ფორმა კანადის სავიზო საიტზე.

უცხოეთში დასაქმებულ ქართველებზე გათვლილი ციფრებს აცდენილი რეალობა >>>

გვთავაზობს რამდენიმე რჩევას, რომლებიც კანადის მოქალაქეობის მიღებაში დაგვეხმარება.

1. აუცილებლად უნდა იყოთ სრულწლოვანი, 18 წლის ასაკის. თუმცა, იმ შემთხვევაში, თუ სრულწლოვანი არ ხართ, მაშინ არსებობს სპეციალური აპლიკაცია, რომელიც თქვენმა მშობელმა ან მეურვემ უნდა შეავსოს, რათა კანადის მუდმივი მოქალაქე გახდეთ.

2. კანადას იმიგრანტებისთვის სპეციალური დასაქმების სისტემა აქვს. როდესაც ქვეყანაში ჩადიხართ, ამოწმებენ თქვენს უნარებს, შემდეგ კი შესაფერის პოზიციას გთავაზობენ. სწრაფი დასაქმების პროგრამაში ჩართვის შემდეგ სპეციალურ ქულებს აგროვებთ, შემდეგ კი სხვა აპლიკანტებთან ერთად იმ სიაში შეგიყვანენ, რომლის მიხედვითაც უნარ-ჩვევების რეიტინგებს ადგენენ.

3. ქვეყანაში ჩასვლის შემდეგ შეგიძლიათ სურვილისამებრ აირჩიოთ საცხოვრებელი ადგილი. ოჯახისგან მიიღოთ საცხოვრებლით დახმარება ან კვებეკში წახვიდეთ, სადაც იმიგრანტებს შესაბამისი საცხოვრებელი ფართით აკმაყოფილებენ.

სად შეიძლება დასაქმდეს გერმანიაში ჩასული საქართველოს მოქალაქე >>>

4. იმ შემთხვევაში, თუ კანადის მოქალაქეობის მიღებაზე თანხმობა მიიღეთ, ამ სახელმწიფოში დარჩენის მიზეზები უნდა დაასაბუთოთ. კანადის მთავრობა მუდმივი მაცხოვრებლის სახით თავდაპირველად 2-დან 5 წლამდე დარჩენის უფლებას მოგცემთ, მაგრამ ამ ქვეყნის ფარგლებს გარეთ დიდ დროს თუ გაატარებთ, მუდმივი მაცხოვრებლის სტატუსს დაკარგავთ.

5. ქვეყნის მუდმივი მაცხოვრებლის სტატუსი თუ მიიღეთ, ეს ავტომატურად მოქალაქეობის მიღებას არ ნიშნავს, რადგან მის მისაღებად კანადაში ჩასვლის 6 წლიდან ბოლო 1 460 დღე (3 წელი) საზღვრების დატოვების გარეშე უნდა გაატაროთ.

6. აპლიკაციის შევსებისას გადასახადების გადახდის 4 წლის მონაცემები უნდა წარმოადგინოთ. ასევე თქვენი შრომის ანაზღაურება და შესაბამისი კომპანიის დასახელებაც, რათა შეამოწმონ, რეალურად არსებობს თუ არა თქვენი სამუშაო დაწესებულება.

7. აუცილებელია ინგლისურად ან ფრანგულად საუბრობდეთ, რადგან ქვეყანაში ეს ორი სალაპარაკო ენაა. კანადაში ცხოვრების უფლების მოსაპოვებლად მხოლოდ ერთი მათგანი გესაჭიროებათ. აღნიშნული ენების ძალიან კარგად ცოდნა არ მოგეთხოვებათ.

8. კარგი იქნება, თუ კანადის ისტორიას გადაავლებთ თვალს, რადგან აპლიკაციის შევსებისას ქვეყნის შესახებ შეკითხვები შეგხვდებათ, რომლებიც ღირებულებებს, ინსტიტუციებსა და სიმბოლოებს მოიცავს. ტესტს მხოლოდ იმ შემთხვევაში ავსებთ, თუ 16-დან 64 წლამდე ხართ. შეკითხვებს არა მხოლოდ აპლიკაციაში, არამედ საელჩოში ან შესაბამის ადმინისტრაციაშიც დაგისვამენ. ქვეყნის შესახებ ინფორმაციის მოძიება ამ ლინკზე შეიძლება: Discover Canada: The Rights and Responsibilities of Citizenship.

9. არსებობს რამდენიმე მიზეზი, რომელთა გამოც, შეიძლება, კანადის მოქალაქეობაზე უარი გითხრან. მაგალითად, ხელისუფლება აუცილებლად იძიებს, ბოლო 4 წლის განმავლობაში კრიმინალური ქმედებები ხომ არ "გახასიათებდათ".

10. სანამ კანადის მოქალაქეობის მიღებას გადაწყვეტთ, გაითვალისწინეთ, რომ ქვეყანაში მუდმივად ცივა, თუმცა იმ შემთხვევაში, თუ ბრიტანეთის კოლუმბიის სანაპიროსთან ახლოს იცხოვრებთ, გაზაფხული თებერვალში დაიწყება და მაქსიმალური ტემპერატურა 18ºC-მდე ავა.

5694
თემები:
საქართველოს საგარეო პოლიტიკა (227)
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86407
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86407
თემები:
COVID-19 საქართველოში
მოგზაურობა

რამდენს დახარჯავს მთავრობა უცხოეთიდან საქართველოს მოქალაქეების ჩამოყვანაზე

120
(განახლებულია 23:19 09.07.2020)
ფრენებს განახორციელებენ ავიაკომპანიები Myway Airlines და Wizz Air. ბილეთის ღირებულება საქართველოს მოქალაქეებისთვის 200 ევრო იქნება.

თბილისი, 9 ივლისი — Sputnik. მთავრობა უცხოეთიდან საქართველოს მოქალაქეების ჩამოყვანაზე მაქსიმუმ 261 000 ევროს დახარჯავს, აღნიშნულია მთავრობის განკარგულებაში, რომელიც „საკანონმდებლო მაცნეში“ გამოქვეყნდა.

„საქართველოს ტურიზმის ეროვნულმა ადმინისტრაციამ უზრუნველყოს, კორონავირუსის გავრცელების პრევენციისათვის საერთაშორისო ფრენებზე დაწესებული შეზღუდვებიდან გამომდინარე, შესაბამისი ჩარტერული რეისების ნაწილობრივი სუბსიდირება, ჯამურად არაუმეტეს 261 000 ევროს ეკვივალენტი ლარის ოდენობით“, - წერია განკარგულებაში.

საქართველოს საგარეო საქმეთა სამინისტროს მონაცემებით, პანდემიის პერიოდში საჰაერო, სახმელეთო და საზღვაო გზით საქართველოში 12 720 თანამემამულე დაბრუნდა, ადგილებზე დახმარება კი 22 391 ადამიანს აღმოუჩინეს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა. ბილეთის ღირებულება, რომელიც რეისამდე ორი დღით ადრე ონლაინ იყიდებოდა, 199 ევრო იყო.

120
თემები:
COVID-19-ის პანდემია მსოფლიოში