„ყაზტრანსგაზ-თბილისის ავტომობილი

ათასობით დარღვევა ერთ თვეში: თბილისში გაზის საშიშ დანადგარებს ებრძვიან

65
(განახლებულია 17:22 12.06.2019)
უსაფრთხოების წესების დაცვის გარეშე დამონტაჟებული მოწყობილობები საფრთხეს ბინის პარტონების გარდა მეზობლებსაც უქმნის.

თბილისი, 12 ივნისი — Sputnik. გაზგამანაწილებელი კომპანია „ყაზტრანსგაზ-თბილისის" თანამშრომლებმა მიმდინარე წლის მაისში ქსელიდან 3,8 ათასი კუსტარულად დამონტაჟებული ღიაკამერიანი წყლის გამაცხელებლები მოხსნეს, ნათქვამია კომპანიის განცხადებაში.

მათი უმეტესობა ქსელიდან ხელმეორედ მოიხსნა, რადგან ბინის მფლობელებმა ისინი ქსელს თავად, ნებართვის გარეშე, კუსტარულად მიაერთეს. კომპანია მოსახლეობას აფრთხილებს, რომ მსგავსი ქმედებები საფრთხეს უქმნის არა მხოლოდ კონკრეტული ბინის მცხოვრებლებს, არამედ მეზობლებსაც.

რაიონი დარღვევების რაოდენობა
სამგორი 891
ისანი-ვაზისუბანი 605
გლდანი 427
სანზონა 374
ჩუღურეთი 269
ვაკე 75
წყნეთი 16

 

სტატისტიკის თანახმად, უსაფრთხოების ზომები ყველაზე მეტად სამგორის რაიონში დაირღვა.

გაზის მოწყობილობების ექსპლუატაციის წესების დარღვევა საქართველოში განსაკუთრებით აქტუალური მას შემდეგ გახდა, რაც თბილისში ბოლო თვეების განმავლობაში ამის გამო ადამიანები დაიღუპნენ.

საქართველოში გაზის დეტექტორები ყველა ოჯახისთვის სავალდებულო გახდება>>

იანვრის შუა რიცხვებში დიდ დიღომში გაზის გაჟონვის შედეგად ოთხი ადამიანი დაიღუპა, მათ შორის - ბავშვიც. იანვრის ბოლოს შვიდი ადამიანი დაიღუპა ისნის რაიონში მხუთავი გაზის გამო.

 

65
გუდაური

რა საფრთხეს შეიცავს ზამთრის კურორტები: თურნავას განმარტება

0
საქართველოს ხელისუფლებამ, ქვეყანაში ეპიდემიოლოგიური ვითარების გაუარესების გამო, შეზღუდვების გაფართოებისა და გამკაცრების გადაწყვეტილება მიიღო.

 

თბილისი, 3 დეკემბერი – Sputnik. კორონავირუსის გავრცელების თვალსაზრისით ზამთრის კურორტები ევროპაშიც  ერთ-ერთ რისკის მატარებელ ფაქტორადაა მიჩნეული,  რის გამოც  ევროპული სახელმწიფოები ამ სეზონზე კურორტებს არ გახსნიან , - განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ ტელეკომპანია  „იმედის“ ეთერში. 

ახალი კორონავირუსის გავრცელების პრევენციის მიზნით, 28 ნოემბრიდან საქართველოს ზამთრის კურორტებმა მუშაობა შეწყვიტეს, სასტუმროებს კლიენტების მიღება აეკრძალათ, ხოლო საბაგიროები, სათხილამურო ტრასები, რესტორნები და კაფეები დაიკეტა – სასტუმროები საკარანტინე სივრცეებად გადაკეთდა.

„კორონავირუსის გავრცელების იმ დონის გათვალისწინებით, რაც დღეს ქვეყანაში ყოველდღიურად ფიქსირდება, მოსალოდნელი იყო, რომ ზამთრის კურორტები ახალი ეპიდკერა გახდებოდა.  ამიტომ მივიღეთ აბსოლუტურად სწორი გადაწყვეტილება, რომელიც ეყრდნობა ჩვენი ეპიდემიოლოგებისა და ექიმების რეკომენდაციებსა და მოთხოვნას. დროებით შევზღუდეთ კურორტების საქმიანობა“, - განაცხადა თურნავამ.

როგორც ადრე ტურიზმის ადმინისტრაციის ყოფილმა ხელმძღვანელმა მაია ქვრივიშვილმა განაცხადა, თუ ქვეყანაში კეთილსაიმედო ეპიდვითარება იქნება, საქართველოს ზამთრის კურორტები დამსვენებლების მიღებას 1 თებერვლიდან შეძლებენ.

ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა, ამიტომაც ამ სფეროსა და ტურიზმთან დაკავშირებული  დარგების დახმარება საქართველოს მთავრობის პრიორიტეტულ მიმართულებად იქცა. 

შეზღუდვების გამკაცრებასთან ერთად საქართველოს მთავრობამ მოსახლეობისა და ბიზნესის დასახმარებლად ახალი ანტიკრიზისული გეგმა შეიმუშავა, რომლის ფარგლებშიც რთული ეპიდემიოლოგიური სიტუაციის პირობებში ბიზნესსა და შეჭირვებულ მოსახლეობას დახმარებას გაუწევს. 

მთავრობის მიერ შემუშავებული დახმარების პაკეტი ითვალისწინებს საბანკო სესხების გადავადების შესაძლებლობას იმ სფეროებში დასაქმებულ პირებისთვის, რომელთა საქმიანობაც იზღუდება დეკემბერი-იანვარში. ამასთან, გრძელდება სასტუმროების საბანკო სესხების პროცენტის სუბსიდირება, ასევე ამოქმედდება რესტორნების საბანკო სესხების პროცენტის სუბსიდირება 6 თვის განმავლობაში.

ტურისტული სექტორის წარმომადგენლებს, რომელთაც მთავრობის ანტიკრიზისული გეგმის თანახმად საშემოსავლო და ქონების გადასახადი ოთხი თვის ვადით ჰქონდათ გადავადებული, აღნიშნული ვადა 1 იანვრამდე გაუხანგრძლივდათ.
საქართველოს მთის კურორტებზე ზამთრის სეზონი, ჩვეულებრივ, დეკემბრიდან აპრილის ჩათვლით გრძელდება ხოლმე.

გასულ სეზონზე, კორონავირუსის გავრცელების საფრთხის არიდების მიზნით, საქართველოს მთავრობამ მარტში ზამთრის სათხილამურო კურორტებზე სეზონის ვადაზე ადრე დახურვის გადაწყვეტილება მიიღო.

0
თემები:
საქართველოს ეკონომიკა
მზის ჩასვლა

როდის შეუქმნის გადახურებული მზე დედამიწას საფრთხეს: ცნობილია თარიღი

13
(განახლებულია 13:28 03.12.2020)
უახლოეს ათწლეულებში მზის აქტიურობა დაიკლებს და მაგნიტური ქარიშხლების რაოდენობა შემცირდება, თუმცა ამავდროულად გაიზრდება გალაქტიკური კოსმოსური გამოსხივება

თბილისი, 3 დეკემბერი — Sputnik. მზე, რომელმაც თავისი სიცოცხლის ნახევარი გალია, დედამიწას გადახურებით რამდენიმე მილიონი წლის შემდეგ დაემუქრება, განაცხადა РИА Новости–სთან ინტერვიუსი კოსმოსური კვლევების ინსტიტუტის დირექტორმა ანატოლი პეტრუკოვიჩმა.

„როცა ჩვენი ვარკვლავი დაიბადა, უფრო ცივი იყო, ვიდრე ახლაა. დროთა განმავლობაში ის თანდათან ხურდება და მისი გამოსხივება იზრდება. თანამედროვე გაგებით, მზე დედამიწას უკვე რამდენიმე მილიონი წლის შემდეგ შეუქმნის საფრთხეს, ვინაიდან მისგან წამოსული სითბური ნაკადი მეტისმეტად ცხელი იქნება დედამიწის ტანამედროვე კლიმატისთვის“, — აღნიშნა მეცნიერმა.

თუმცა, პეტრუკოვიჩის თქმით, კაცობრიობას ჯერ კიდევ ძალიან დიდი დრო აქვს ამ პრობლემის გადასაჭრელად — მაგალითად, ატმოსფეროს დარეგულირებისა თუ დედამიწიდან გაფრენის გზით.

ამასთან მეცნიერმა აღნიშნა, რომ უახლოეს ათწლეულებში მოსალოდნელია მზის აქტიურობისა და მაგნიტური ქარიშხლების რაოდენობის შემცირება. თუმცა ამავდროულად გაიზრდება გალაქტიკური კოსმოსური გამოსხივება, რასაც დედამიწისთვის არა, მაგრამ პლანეტათშორისი ფრენებისთვის ძალიან დიდი მნიშვნელობა აქვს.

 

 

 

 

13
თემები:
მსოფლიო და მეცნიერება