თბილისი, 11 ივნისი — Sputnik. დამსვენებლების უსაფრთხოებას წელს პირველად საქართველოს სანაპიროებზე მაშველი გოგონები უზრუნველყოფენ, განუცხადეს „Sputnik-საქართველოს" კორესპონდენტს ბათუმის სახელმწიფო საზღვაო აკადემიაში.
ამ ზაფხულს მაშველად მუშაობის სურვილი ცრა გოგონამ გამოთქვა. ისინი ამ უმაღლეს სასწავლებელში სწავლობენ. სანამ მუშაობას დაიწყებენ, ისინი შესაბამის გადამზადებას გაივლიან.
საქართველოს საგანგებო სიტუაციების სამსახურმა ბათუმის საზღვაო აკადემიასთან გააფორმა მემორანდუმი, რომლის ფარგლებში მაშველად მუშაობის მსურველი სტუდენტები სპეციალურ მომზადებას გაივლიან. ამ პროფესიისთვის აუცილებელი უნარ-ჩვევების შეძენის შემდეგ ისინი მთელი სეზონის განმავლობაში დასაქმდებიან.
ბათუმში საზღვაო განათლება 70 წელზე მეტს ითვლის. სასწავლებელმა უკვე მოამზადა დაახლოებით 5 ათასი მაღალკვალიფიციური სპეციალისტი საზღვაო სფეროში მუშაობისთვის. ბათუმის საზღვაო აკადემიაში შესაძლებელია ფართო განათლების მიღება საზღვაო ინდუსტრიის სფეროში. სტუდენტები გადიან სრულფასოვან პრაქტიკას ბათუმის, ფოთისა და ყულევის პორტებში.
