სატელევიზიო კამერა

ვინ გახდება სახელმწიფო ინსპექტორი - საქართველოს პარლამენტი კანდიდატებზე მსჯელობს

81
ახალი სტრუქტურა მოქალაქეთა პერსონალური მონაცემების დაცვის საკითხებზე იმუშავებს

თბილისი, 10 ივნისი - Sputnik. ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტმა საქართველოს სახელმწიფო ინსპექტორის თანამდებობაზე ლონდა თოლორაიას კანდიდატურას დაუჭირა მხარი, ნათქვამია საკანონმდებლო ორგანოს განცხადებაში.

კანონი სახელმწიფო ინსპექტორის სამსახურის შექმნის შესახებ პარლამენტმა 2018 წელს მიიღო. ახალმა უწყებამ თავის თავზე უნდა აიღოს პერსონალური მონაცემების დაცვის ინსპექტორის ვალდებულება და გარკვეული ტიპის დანაშაულის გამოძიება.

საქართველოში ახალი საგამოძიებო უწყება იქმნება >>

თოლორაიას გარდა, სახელმწიფო ინსპექტორის თანამდებობაზე წარდგენილი იყო კიდევ ერთი კანდიდატურა - ვალერი ლომუაშვილი. კანდიდატების ბიოგრაფიები დეპუტატებს საპარლამენტო მდივანმა ნათია მიქელაძემ გააცნო, რის შემდეგაც კანდიდატებმა თავიანთ ხედვაზე ისაუბრეს და დეპუტატების კითხვებს უპასუხეს.

შედეგად, კომიტეტის წევრებმა მხარი დაუჭირეს 34 წლის თოლორაიას. საბოლოო გადაწყვეტილებას პლენარულ სხდომაზე მიიღებენ. იმ შემთხვევაში, თუ თოლორაია ხმათა საჭირო რაოდენობას მოაგროვებს, სახელმწიფო ინსპექტორის თანამდებობაზე ექვსი წლის ვადით დაინიშნება.

2009 წლიდან 2018 წლის თებერვლამდე თოლორაია საქართველოს მთავარ პროკურატურაში სხვადასხვა ხელმძღვანელ პოზიციებზე მუშაობდა.

2019 წლის თებერვლიდან დღემდე საქართველოს შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტის დირექტორია.

„თანამდებობა არ არის პრივილეგია" – აჭარის მთავრობის მეთაური ჩინოვნიკების დაკავებაზე >>

სახელმწიფო ინსპექტორის სამსახურის საგამოძიებო ორგანო გამოიძიებს საქმეებს, რომლებიც უკავშირდება წამებას, არაადამიანურ მოპყრობას, წამების მუქარას, დამამცირებელ მოპყრობას მართლწესრიგის დამცავი ორგანოების წარმომადგენელთა და ჩინოვნიკთა, ასევე მათთან გათანაბრებულ პირთა მხრიდან.

გარდა ამისა, ახალი საგამოძიებო ორგანოს კომპეტენციაში იქნება ძალის ან იარაღის გამოყენებით სამსახურებრივი უფლებამოსილების გადამეტებისა და ბოროტად გამოყენების შემთხვევები.

81
თემები:
საქართველოს პარლამენტი (176)
ავიაკომპანია  Wizz Air-ის თვითმფრინავი

რამდენს დახარჯავს მთავრობა უცხოეთიდან საქართველოს მოქალაქეების ჩამოყვანაზე

40
ფრენებს განახორციელებენ ავიაკომპანიები Myway Airlines და Wizz Air. ბილეთის ღირებულება საქართველოს მოქალაქეებისთვის 200 ევრო იქნება.

თბილისი, 9 ივლისი — Sputnik. მთავრობა უცხოეთიდან საქართველოს მოქალაქეების ჩამოყვანაზე მაქსიმუმ 261 000 ევროს დახარჯავს, აღნიშნულია მთავრობის განკარგულებაში, რომელიც „საკანონმდებლო მაცნეში“ გამოქვეყნდა.

„საქართველოს ტურიზმის ეროვნულმა ადმინისტრაციამ უზრუნველყოს, კორონავირუსის გავრცელების პრევენციისათვის საერთაშორისო ფრენებზე დაწესებული შეზღუდვებიდან გამომდინარე, შესაბამისი ჩარტერული რეისების ნაწილობრივი სუბსიდირება, ჯამურად არაუმეტეს 261 000 ევროს ეკვივალენტი ლარის ოდენობით“, - წერია განკარგულებაში.

საქართველოს საგარეო საქმეთა სამინისტროს მონაცემებით, პანდემიის პერიოდში საჰაერო, სახმელეთო და საზღვაო გზით საქართველოში 12 720 თანამემამულე დაბრუნდა, ადგილებზე დახმარება კი 22 391 ადამიანს აღმოუჩინეს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა. ბილეთის ღირებულება, რომელიც რეისამდე ორი დღით ადრე ონლაინ იყიდებოდა, 199 ევრო იყო.

40
თემები:
COVID-19-ის პანდემია მსოფლიოში
სამხედრო ბათინკები

საქართველოს თავდაცვის ძალები გერმანული წარმოების ფეხსაცმლით მოამარაგეს

47
თავდაცვის სამინისტროს ცნობით, ქართველი სამხედროები უკვე სრულად არიან აღჭურვილი უმაღლესი ხარისხის, მსოფლიო ბრენდის მიერ წარმოებული სამხედრო ფეხსაცმელით

თბილისი, 9 ივლისი – Sputnik. საქართველოს თავდაცვის ძალების გერმანული ფეხსაცმლით მომარაგების პროცესი წარმატებით დასრულდა, იუწყება საქართველოს თავდაცვის სამინისტროს პრეს-სამსახური.

უწყების ცნობით, თავდაცვის ძალების საწყობებში მაღალყელიანი სამხედრო ფეხსაცმლის მარაგები შეიქმნა და ქართველი სამხედროები უკვე სრულად არიან აღჭურვილი მსოფლიო ბრენდის მიერ წარმოებული უმაღლესი ხარისხის სამხედრო ფეხსაცმელით.

„წყალგამძლე, ქარგაუმტარი და ჰაერგამტარი ფეხსაცმელი წარმოებულია ევროკავშირში მაღალი ტექნოლოგიებისა და ინოვაციური სისტემების მქონე საწარმოში, რომელიც ასევე ამარაგებს გერმანიის, საფრანგეთის, დიდი ბრიტანეთის და ნატოს სხვა წამყვანი ქვეყნების შეიარაღებულ ძალებს“, - აღნიშნულია უწყების მიერ გავრცელებულ ინფორმაციაში.

უწყებაში ასევე აღნიშნავენ, რომ სამხედროები უმაღლესი სტანდარტის ფეხსაცმელით თავდაცვის მინისტრის ინიციატივით, თავდაცვის ძალების 29 წლიანი ისტორიის განმავლობაში პირველად არიან უზრუნველყოფილნი.

47
თემები:
საქართველოს თავდაცვა