სარემონტო სამუშაოები გზებზე

თაღლითობის მსხვერპლი მუშები: ავტობანის მშენებლობაზე დასაქმებულები კუთვნილ ხელფასს ითხოვენ

171
(განახლებულია 19:05 02.06.2019)
მძღოლების  განცხადებით, ისინი თაღლითური სქემის მსხვერპლი არიან

თბილისი, 2 ივნისი - Sputnik. ზემო ოსიაურთან მდებარე ცენტრალური ავტობანის მშენებლობაზე მომუშავე 11 მძღოლი კომპანია „სინო ჰიდროსგან“ ნამუშევარი თანხის ანაზღაურებას ითხოვს, იუწყება ტელეკომპანია Imedi.

მძღოლებმა, რომლებმაც ხელფასის მოთხოვნით ჩინურ კომპანია „სინო ჰიდროს" ოფისთან საპროტესტო აქცია გამართეს და გზა გადაკეტეს, ამჟამად ხაშურის პოლიციის განყოფილებაში გამოკითხვაზე იმყოფებიან. პოლიციაში იმყოფებიან კომპანია „სინო ჰიდროს“ წარმომადგენლებიც.

მშენებლობაზე დასაქმებულების განცხადებით, ისინი სიტყვიერი შეთანხმების საფუძველზე აიყვანეს და ადგილზე საკუთარი ტექნიკით მუშაობდნენ. მათ 15 დღეში ანაზღაურების სახით 3500 ლარი უნდა მიეღოთ. ვადის გასვლის შემდეგ მათ განუმარტეს, რომ თანხა კონტრაქტორი ფირმის წარმომადგენელს, აზერბაიჯანის მოქალაქეს ბელა მუსტაფაევას უნდა გადაეხადა. მასთან შეხვედრას დასაქმებულები რამდენიმე დღე უშედეგოდ ცდილობდნენ, რის შემდეგაც პროტესტის ამ ფორმას მიმართეს. 

მძღოლების  განცხადებით, ისინი თაღლითური სქემის მსხვერპლი არიან და თუ დავალიანება დროულად არ დაიფარება, პროტესტის უკიდურეს ფორმას მიმართავენ.

დაზარალებულმა მძღოლებმა აქცია ხაშურში, კომპანიის შენობასთან  გამართეს. პოლიციაში კი ისინი დაკითხვაზე ჩინური კომპანიის მიერ პოლიციის გამოძახების შემდეგ გადაიყვანეს.

აღნიშნული ჩინური კომპანიის მიმართ პრეტენზიები მუშებმა შარშან, მაისის თვეშიც გამოხატეს. მაშინ აქცია ვაზისუბანი-ლანჩხუთის მონაკვეთზე ავტობანის მშენებლობაზე დასაქმებულმა 250-მა მძღოლმა გამართა. ისინი კუთვნილ ანაზღაურებას მოითხოვდნენ. მათი თქმით, ის 1 000 000 ლარს შეადგენდა.

171
თემები:
სოციალური სფერო საქართველოში (219)
ბათუმის რესპუბლიკური საავადმყოფო

მძიმე მდგომარეობაში იყვნენ: დეტალები კორონავირუსის ორი ახალი მსხვერპლის შესახებ

41
(განახლებულია 21:43 29.09.2020)
მამაკაცს ორმხრივი პნევმონია და გულის უკმარისობა ჰქონდა, ხოლო ქალს – გულის იშემიური დაავადება და შაქრიანი დიაბეტი

თბილისი, 29 სექტემბერი – Sputnik. სამშაბათს, საღამოს გარდაცვლილი ორივე პაციენტი ასაკოვანი ადამიანია ქრონიკული დაავადებებით, განაცხადეს ბათუმისა და ქუთაისის კლინიკის ექიმებმა ჟურნალისტებთან.

დღეს საქართველოში კორონავირუსისგან ოთხი ადამიანი გარდაიცვალა. გარდაცვლილთა საერთო რაოდენობა უკვე 36–ია.

ერთ–ერთი გარდაცვლილი 82 წლის ქალია, მეორე კი – 79 წლის მამაკაცი.

მამაკაცი ბათუმის კლინიკაში გარდაიცვალა. მას ორმხრივი პნევმონია და გულის უკმარისობა ჰქონდა. ქალი კი ქუთაისის საავადმყოფოში გარდაიცვალა. მას კორონავირუსის გარდა ჰქონდა პნევმონია, გულის იშემიური დაავადება და შაქრიანი დიაბეტი.

ექიმები აცხადებენ, რომ პაციენტების გადასარჩენად ყველაფერი გააკეთეს, მაგრამ მათი ძალისხმევა ამაო აღმოჩნდა.

41
თემები:
COVID-19 საქართველოში
განათლების სამინისტრო

განათლების სამინისტრო: ზოგიერთ სკოლაში წერტილოვანი შეზღუდვები დაწესდება

81
(განახლებულია 21:12 29.09.2020)
უწყების ინფორმაციით, დისტანციური სწავლებისთვის 600 ათასზე მეტ მოსწავლესა და 55 ათასამდე მასწავლებელს სპეციალური პროფილები უკვე გააქტიურებული აქვს.

თბილისი, 29 სექტემბერი – Sputnik. წერტილოვანი შეზღუდვები იმ სკოლებში დაწესდება, სადაც კორონავირუსით ინფიცირების ფაქტი დადასტურდება, ნათქვამია საქართველოს განათლების, მეცნიერების, კულტურისა და სპორტის სამინისტროს მიერ გავრცელებულ განცხადებაში.

ბავშვების დაბრუნება სკოლებში შეიძლება, თუ წესებს დავიცავთ – იმნაძე>>

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურად დაიწყო. 1 ოქტომბრიდან კი პირველიდან მეექვსე კლასის ჩათვლით ის მოსწავლეები, რომელთათვისაც სასწავლო პროცესი დისტანციურად მიმდინარეობს, სწავლას საკლასო ოთახებში გააგრძელებენ. გამონაკლისია აჭარის რეგიონი.

უწყების ცნობით, იმ შემთხვევაში, თუ რომელიმე სკოლაში კორონავირუსით ინფიცირების ფაქტი დაფიქსირდება, ყველა პედაგოგი და მოსწავლე გადავა თვითიზოლაციაში, სკოლას ჩაუტარდება დეზინფექცია, სწავლა კი დისტანციურ რეჟიმში გაგრძელდება.

სამინისტროს ინფორმაციით, დისტანციური სწავლებისთვის 600 ათასზე მეტ მოსწავლესა და 55 ათასამდე მასწავლებელს სპეციალური პროფილები უკვე გააქტიურებული აქვს.

„განათლების მართვის საინფორმაციო სისტემის (EMIS) წარმომადგენლებმა საქართველოს საჯარო სკოლების ყველა კლასისთვის პროგრამა TEAMS-ში ვირტუალური საკლასო ოთახები შექმნეს და პედაგოგებს ეხმარებიან სწავლა-სწავლების პროცესის მხარდამჭერი ტექნოლოგიური ინსტრუმენტების გამართვასა და დანერგვაში“, – აღნიშნულია განცხადებაში.

უწყების ცნობით, დისტანციური სწავლების მიმართულებით ერთ-ერთი მთავარ რესურსს წარმოადგენს „ტელესკოლაც“, რომელიც ახალ სასწავლო წელს ახალი სეზონით განახლდა. „ტელესკოლა“ განათლების სამინისტროსა და საზოგადოებრივი მაუწყებლის ერთობლივი პროექტია, რომელმაც სტარტი 30 მარტს აიღო. განათლების სამინისტრომ მოამზადა გაკვეთილების ცხრილი, რომელიც მოიცავს საქართველოს ეროვნული სასწავლო გეგმით გათვალისწინებულ დისციპლინებს. 

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა და მეცადინეობები დისტანციურად წარიმართა.

81
თემები:
განათლება საქართველოში
ვლადიმირ ვაისი

ვაისს სომხეთთან მატჩისთვის ჯერ „არ სცხელა“

0
საქართველოს ფეხბურთის ნაკრები 5 ოქტომბრიდან ბელარუსთან მატჩისთვის მზადებას დაიწყებს. გამარჯვების შემთხვევაში ის ევროზე საგზურის მისაღებად გააგრძელებს ბრძოლას

თბილისი, 29 სექტემბერი – Sputnik. საქართველოს ფეხბურთის ნაკრების მთავარმა მწვრთნელმა ვლადიმირ ვაისმა სომხეთის გუნდთან მომავალ მატჩზე კომენტარი არ გააკეთა. მატჩი 11 ოქტომბერს უეფას ერთა ლიგის ჯგუფური ეტაპის ფარგლებში უნდა გაიმართოს.

„სომხეთზე რატომ მეკითხებით? ჩვენი მთელი ძალები და ყურადღება, პირველ რიგში, ბელარუსის გუნდთან თამაშზეა მიმართული. მერ ეუკვე – ერთა ლიგა, მატჩები სომხეთთან და ჩრდილოეთ მაკედონიასთან. რაც შეეხება პოლიტიკასა და არეულ ვითარებას... ასეთ კითხვებს არ ვუპასუხებ“, – განუცხადა ვაისმა РИА Новости–ს.

უფრო ადრე ამავე საკითხზე Sputnik–საქართველომ საქართველოს ფეხბურთის ფედერაციის (სფფ) პრეს–სამსახურს მიმართა.

„ამ საკითხზე ჯერ ვერაფერს გეტყვით. საუბარი მატჩის გაუქმების ან მისი ნეიტრალურ მოედანზე გადატანის შესახებ ჯერ არ არის. თვალს ვადევნებთ ვითარებას, მაგრამ საბოლოოს სიტყვა, ნებისმიერ შემთხვევაში, უეფაზეა“, – განაცხადეს სფფ–ის პრეს–სამსახურში.

რაც შეეხება უშუალოდ უეფას რეაქციას, ორგანიზაცია თვალს ადევნებს მთიან ყარაბაღში განვითარებულ საომარ მოვლენებს, მაგრამ სომხეთისა და აზერბაიჯანის ნაკრებების ერთა ლიგის ჯგუფური ეტაპის საშინაო მატჩების გადატანას ჯერჯერობით არ გეგმავს.

საქართველოს ნაკრების ფეხბურთელები თბილისში 5 ოქტომბერს შეიკრიბებიან. ბელარუსის მატჩისთვის (უეფას ერთა ლიგის გასული გათამაშების ნახევარფინალი) ისინი სამი დღე მოემზადებიან. თამაში თბილისში 8 ოქტომბერს „დინამო არენაზე“ უნდა გაიმართოს.

საქართველოს ნაკრებმა ფიფას რეიტინგში პოზიციები გაიუმჯობესა>>

მატჩის შემდეგ საქართველოს ნაკრებს ორი გასვლითი შეხვედრა ელოდება უეფას ერთა ლიგის ამჟამინდელი გათამაშების ფარგლებში – 11 ოქტომბერს ერევანში სომხეთის წინააღმდეგ და სამი დღის შემდეგ სკოპიეში ჩრდილოეთ მაკედონიის წინააღმდეგ.

0
თემები:
სპორტის ამბები