ხედი ჭიათურის საბაგიროდან

გაფიცვის მესამე დღე - რას მოითხოვენ მეშახტეები ჭიათურაში

100
მმართველმა პარტიამ მეშახტეებსა და კომპანია Georgian Manganese-ს უახლოეს დროს პრობლემების მოგვარება მოსთხოვა

თბილისი, 18 მაისი - Sputnik. ჭიათურაში მეშახტეები მესამე დღეა გაფიცულები არიან, ხოლო ხელისუფლება და ოპერატორი კომპანია შექმნილი სიტუაციიდან გამოსავალს ეძებენ.

გაფიცვა 15 მაისის საღამოს 150-ზე მეტმა მეშახტემ გამოაცხადა. მუშებმა ქალაქის ცენტრში კარავი გაშალეს - იქ იმყოფება 15 ადამიანი, რომლებმაც შიმშილობა დაიწყეს. ისინი მოითხოვენ ხელფასების გაზრდას 50%-ით, შრომის პირობების გაუმჯობესებას, სამედიცინო დაზღვევას და ეკოლოგიური პრობლემების მოგვარებას.

ჭიათურაში სულ ცხრა შახტია, რომელზეც მანგანუმის მადანს მოიპოვებენ. გაფიცვის გამო მუშაობა ხუთ შახტზე შეჩერდა. შახტებზე დაახლოებით 3000 ადამიანია დასაქმებული.

მას შემდეგ, რაც გაფიცულებს შეხვდნენ ოპერატორი კომპანია Georgian Manganese-ის წარმომადგენლები, გაირკვა, რომ ამ ეტაპზე შეუძლებელია მხოლოდ ერთი მოთხოვნის შესრულება - ხელფასის მომატება, იუწყება პირველი არხი.

„ამ მოთხოვნასთან დაკავშირებით, სპეციალურ მმართველს გააჩნია ეფექტიანი ხედვა და გეგმა ამ პრობლემის სისტემურად გადასაწყვეტად“, - აღნიშნა კომპანიამ.

ათობით დაღუპული მუშა: მშენებარე ობიექტებს რეიდების ტალღა გადაუვლის >>

„თუ მომდევნო დღეებში მოლაპარაკებები არ დასრულდება შეთანხმებით, ჩვენ კიდევ ერთხელ ჩავერთვებით საქმეში და მივიღებთ ზომებს მაღაროელების სამართლიანი მოთხოვნების დაკმაყოფილების უზრუნველსაყოფად“, – აღნიშნულია განცხადებაში, რომელსაც ხელს აწერს მმართველი პარტია „ქართული ოცნება - დემოკრატიული საქართველოს“ ხელმძღვანელობა - კახა კალაძე, ირაკლი ღარიბაშვილი, ირაკლი კობახიძე.

კვირას ჭიათურის რაიონში მერის რიგგარეშე არჩევნები გაიმართება.

საინტერესო დეტალები 19 მაისის არჩევნებზე: ჭიათურის მერობის მთავარი კანდიდატები >>

ჭიათურაში მანგანუმის მადანს 1879 წლიდან მოიპოვებენ. მანგანუმის მადნის და კონცენტრატის ექსპორტმა 2019 წლის იანვარ-მარტში 1,8 მილიონი დოლარი შეადგინა, რაც 2018 წლის ანალოგიურ პერიოდთან შედარებით სამჯერ მეტია.

100
თემები:
ჭიათურაში მეშახტეები გაიფიცნენ (9)
სამარშრუტო ტაქსი

ამირან გამყრელიძე ყვითელი მიკროავტობუსების მუშაობით უკმაყოფილოა

56
(განახლებულია 10:24 31.05.2020)
ყვითელი მიკროავტობუსების ბევრი მგზავრი არ იცავს წესებს, რომლებიც კორონავირუსის გავრცელების საფრთხის გამო დაწესდა

თბილისი, 31 მაისი — Sputnik. თბილისის სამარშრუტო ტაქსებში ცუდადაა დაცული უსაფრთხოების ზომები, რომელიც კორონავირუსის გავრცელების პრევენციისთვის დაწესდა, განუცხადა ჟურნალისტებს დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

საზოგადოებრივმა ტრანსპორტმა მუშაობა განაახლა >>

საზოგადოებრივი ტრანსპორტი თბილისში 29 ივნისს ამუშავდა. საზოგადოებრივი ტრანსპორტით მგზავრობისას მოქალაქეებმა გარკვეული წესები უნდა დაიცვან. ერთ-ერთი უმნიშვნელოვანესი მოთხოვნაა პირბადის ტარება.

ასევე საზოგადოებრივ ტრანსპორტში არ იმუშავებს კონდიციონერი, რადგან, ეპიდემიოლოგების აზრით, ის ვირუსის გავრცელების ერთ-ერთ საფრთხეს წარმოადგენს. ღია უნდა იყოს ფანჯრები.

მუშაობა განაახლა ასევე სამარშრუტო მიკროავტობუსებმა, სადაც ვრცელდება იგივე წესები და, ამასთან, მგზავრების ფეხზე დგომით გადაყვანა იკრძალება.

„გაიხსნა და ამუშავდა საზოგადოებრივი ტრანსპორტი, მობილობის ყველაზე ძლიერი მექანიზმი. გუშინ მე ვაკვირდებოდი, ქალაქში როცა გადავადგილდებოდი, რამდენად იცავდნენ წესებს და გამიხარდა, ბევრ ავტობუსში რომ ვუყურებდი, პატიოსნად იცავდნენ წესებს. თუმცა არა მიკროავტობუსებში და გასაფრთხილებელია ეს ხალხი“, - განაცხადა გამყრელიძემ.

საზოგადოებრივმა ტრანსპორტმა მუშაობა შეაჩერა საგანგებო მდგომარეობის გამოცხადების შემდეგ კორონავირუსის გავრცელების საფრთხის გამო.

ხანგრძლივი კამათის შემდეგ ხელისუფლებამ ტრანსპორტის ამუშავების გადაწყვეტილება მიიღო, თუმცა მგზავრებმა მკაცრი წესები უნდა დაიცვან.

56
თემები:
COVID-19 საქართველოში
დეზინფექცია ოფისებში

საჯარო დაწესებულებების თანამშრომლებმა მუშაობა შესაძლოა კვლავ დისტანციურად გააგრძელონ

164
კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

თბილისი, 30 მაისი - Sputnik. საჯარო სამსახურის ბიურო საჯარო დაწესებულებებს თხოვნით მიმართავს, თანამშრომელთა მიერ უფლებამოსილებების განხორციელება შენარჩუნდეს დისტანციურ რეჟიმში, ნათქვამია უწყების მიერ გავრცელებულ განცხადებაში.

აღნიშნული რეკომენდაცია არ ვრცელდება იმ დასაქმებულებზე, რომელთა ფუნქციების შესრულება შეუძლებელია დისტანციურად. დისტანციურ რეჟიმში მუშაობის პირობების თაობაზე შესაბამისი სარეკომენდაციო წესი მოგვიანებით გავრცელდება.

კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

კორონავირუსის პირველი შემთხვევა საქართველოში 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. ახლა საქართველოში შეზღუდვების ეტაპობრივად მოხსნა მიმდინარეობს.

ბოლო ორ დღეებში კორონავირუსით ინფიცირების შემთხვევების მატება შეინიშნება. მათი უმრავლესობა თბილისში დაფიქსირდა.

 

164
თემები:
COVID-19 საქართველოში
ნიკოლ ფაშინიანი

ფაშინიანი: სომხეთი საქართველოს დახმარებისთვის საჭიროების შემთხვევაში მიმართავს

0
(განახლებულია 09:54 31.05.2020)
სომხეთის მთავრობა მადლიერია თბილისის COVID-19-თან ბრძოლაში დახმარების მზადყოფნისთვის, მაგრამ ხელისუფლებსა სიტუაციას საკუთარი ძალებით გამკლავების იმედი აქვს

თბილისი, 31 მაისი — Sputnik. სომხეთი კორონავირუსის ბრძოლაში საქართველოს საჭიროების შემთხვევაში მიმართავს, თუმცა ქვეყნის ხელისუფლებას იმედი აქვს, რომ ამის საჭიროება არ დადგება, განაცხადა სომხეთის პრემიერ-მინისტრმა ნიკოლ ფაშინიანმა ბრიფინგზე, იუწყება Sputnik-სომხეთი.

რამდენიმე დღის წინ საქართველოს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ აღნიშნა, რომ თუ სომხეთს რაიმე დახმარება დასჭირდება, მათ შორის კორონავირუსით დაავადებული პაციენტების მკურნალობის კუთხით, საქართველო მზად არის დახმარება აღმოუჩინოს.

„ეპიდემიის პირველივე დღიდან ჩვენ მჭიდროდ ვითანამშრომლეთ საქართველოს ხელისუფლებასთან, დაწყებული პრემიერ-მინისტრით, დამთავრებული სპეციალისტებით. ჩვენ ამ თანამშრომლობას ეფექტურად მივიჩნევთ“, - განაცხადა ფაშინიანმა.

მან აღნიშნა, რომ საქართველო სომხეთისთვის მოძმე ქვეყანაა და დახმარებისთვის მზადყოფნა ურთიერთობებს კიდევ უფრო ათბობს.

მან გაიხსენა, რომ 2019 წელს, როდესაც საქართველოში იყო წითელას აფეთქება, სომხეთი საქართველოს 30 000 ვაქცინით დაეხმარა. მან აღნიშნა, რომ ასეთ დროს მხარეები ერთმანეთის გვერდით უნდა იყონ.

პრემიერმა აღნიშნა, რომ ეპიდემიის საკითხი სომხეთის ორმხრივი ურთიერთობების დღის წესრიგში ყველა მეზობელთან დგას - საქართველოსთან, ირანთან და საერთაშორისო პარტნიორებთან.

„ბოდიში უნდა მოიხადოს“ - თენგიზ ცერცვაძე სომხეთის ჯანდაცვის მინისტრის განცხადებამ შეაშფოთა >>

30 მაისის მდგომარეობით, სომხეთში COVID-19-ით ინფიცირების დადასტურებული შემთხვევების რაოდენობა 8927-ს აღწევს. სულ გამოჯანმრთელდა 3317 ადამიანი, მკურნალობას 5435 პაციენტი გადის. ქვეყანაში მთლიანობაში 57081 ტესტი ჩატარდა. დაავადებამ 127 ადამიანის სიცოცხლე იმსხვერპლა, კიდევ 48 პაციენტი სხვა დაავადებების გართულებებისგან დაიღუპნენ.

0
თემები:
COVID-19-ის პანდემია მსოფლიოში