ვეტერანები უცნობი ჯარისკაცის საფლავთან

რამდენი მეორე მსოფლიო ომის ვეტერანია საქართველოში

915
ერთი წლის განმავლობაში საქართველომ მეორე მსოფლიო ომის 150 ვეტერანი დაკარგა

თბილისი, 7 მაისი -Sputnik. საქართველოში ამჟამად მეორე მსოფლიო ომის 492 მონაწილე ცხოვრობს, აქედან 99 ქალია, იუწყება Новости-Грузия ვეტერანების საქმეთა სახელმწიფო სამსახურზე დაყრდნობით.

მეორე მსოფლიო ომში საქართველოდან 700 ათასი ადამიანი წავიდა. აქედან უკან მხოლოდ 300 ათასი დაბრუნდა. ათობით ათასი დაჯილდოვდა სამთავრობო ჯილდოებით, 167 საბჭოთა კავშირის გმირი გახდა.

საქართველოში 2016 წელს 9 მაისის მდგომარეობით მეორე მსოფლიო ომის 1200-ზე მეტი ვეტერანი ცხოვრობდა, 2017 წელს - 948, 2018 წელს - 676.

საქართველოს მთავრობა მეორე მსოფლიო ომის ვეტერანებს 9 მაისს 600 ლარის ოდენობის ერთჯერად ფულად დახმარებას გადასცემს.

რა სახის დახმარებას იღებენ ვეტერანები საქართველოში

2018 წლის 1 ივნისიდან ვეტერანები 404 ლარის ოდენობის ყოველთვიურ სუბსიდიას იღებენ. მანამდე ისინი 224 ლარს იღებდნენ, ხოლო ყოფილი პრემიერ-მინისტრ გიორგი კვირიკაშვილის განკარგულებით აღნიშნული თანხა გაიზარდა.

ჯანდაცვა

თითქმის ყოველ უქმეებზე სხვადასხვა რეგიონებში სხვადასხვა პროფილის მედიკოსები მიემგზავრებიან და მეორე მსოფლიო ომის ვეტერანებს და მათი ოჯახის წევრებს ადგილზე გამოკვლევებს უტარებენ.

საყოველთაო ჯანდაცვის პროგრამა ომის ვეტერანებისა და ძალოვნებისთვის სპეციალურ პაკეტებს ითვალისწინებს - მათ ეკუთვნით ექიმ-სპეციალისტების უფასო კონსულტაციები, ფიზიოთერაპიული და ლაბორატორიულ-ინსტრუმენტული კვლევები, ასევე ბალნეოლოგიური პროცედურები, გამაჯანსაღებელი ფიზკულტურა და მანუალური თერაპია.

ვეტერანების საქმეთა სახელმწიფო სამსახურსა და სამედიცინო დაწესებულებებს შორის გაფორმებული მემორანდუმის ფარგლებში მეორე მსოფლიო ომის ვეტერანებისა და მათი ოჯახის წევრებისთვის ტარდება უფასო სამედიცინო გამოკვლევები: ექიმის უფასო კონსულტაცია, ექოსკოპია და ელექტროკარდიოგრამა. კვლევები ეხება ასევე C-ჰეპატიტსა და ტუბერკულიოზს.

ვეტერანებს რკინიგზით მგზავრობის საფასური გაუნახევრდათ >>

ვეტერანებს, რომელთაც დამოუკიდებლად გადაადგილება არ შეუძლიათ, აძლევენ თანამედროვე ეტლ-სავარძლებს. მათ ასევე აქვთ შესაძლებლობა, მიიღონ სხვა დამხმარე საშუალებები, როგორიცაა, მაგალითად, ყავარჯნები, სმენის აპარატები.

ვეტერანების საქმეთა სახელმწიფო სამსახურში მოქმედებს დამატებითი პროგრამა, რომლის ფარგლებში მეორე მსოფლიო ომის ვეტერანებს შეუძლიათ მიიღონ 1,5 ათასი ლარის დაფინანსება სამედიცინო მომსახურებაზე, ხოლო 500 ლარამდე — მედიკამენტებზე.

სამედიცინო მომსახურების დაფინანსებისთვის მეორე მსოფლიო ომის ვეტერანებმა უნდა მიმართონ ვეტერანების საქმეთა სახელმწიფო სამსახურთან არსებულ კომისიას. მათ განაცხადის შეტანა კომისიაში წელიწადში ორჯერ შეუძლიათ.

მეორე მსოფლიო ომის ვეტერანის გარდაცვალების შემთხვევაში მისი ოჯახის წევრები რიტუალური მომსახურებისთვის 500 ლარის ოდენობის დახმარებას იღებენ.

შეღავათები ტრანსპორტზე

მეორე მსოფლიო ომის ვეტერანები საზოგადოებრივ ტრანსპორტში შეღავათებით სარგებლობენ. მათ მეტროთი და ავტობუსით უფასოდ მგზავრობის უფლება აქვთ. ასევე მათ მიკროავტობუსებში ელექტრონული სისტემით 50%-იანი ფასდაკლება აქვთ.

ვეტერანების საქმეთა სახელმწიფო სამსახური სხვადასხვა ორგანიზაციებსა თუ დაწესებულებებთან აფორმებს მემორანდუმებს ვეტერანების და მათი ოჯახის წევრების დახმარების გაწევის მიზნით.

კერძოდ, ვეტერანები და მათი ოჯახის წევრები ერთ-ერთ მსხვილ სპორტულ კომპლექსში 50%-იანი ფასდაკლებით სარგებლობენ. აგრეთვე მეკლდეურობის ეროვნული ფედერაცია მეორე მსოფლიო ომის ვეტერანების შვილებსა და შვილიშვილებს კლდეზე ცოცვას უფასოდ ასწავლის.

სამართლებრივი შეღავათები

მეორე მსოფლიო ომის ვეტერანები თავისუფლდებიან საქართველოს მოქალაქის პასპორტის ან ბიომეტრიული პირადობის დამადასტურებელი მოწმობის (ID ბარათი) გადასახადისგან.

ვეტერანები, რომლებმაც მიმართეს სასამართლოს "ვეტერანებისა და სამხედრო ძალების შესახებ" საქართველოს კანონის მოთხოვნების დასაცავად, თავისუფლდებიან გადასახადისგან ყველა სასამართლო ინსტანციაში.

 

 

915
თემები:
სოციალური სფერო საქართველოში (215)
აქცია პარლამენტთან

მოძრაობა „შემახე ამნისტიას“ ორგანიზებით პარლამენტის შენობამდე მსვლელობა გაიმართა

53
აქციის მონაწილეები ფართომასშტაბიანი ამნისტიის გამოცხადებას მოითხოვენ. მათი თქმით, პარლამენტში საყოველთაო ამნისტიის შესახებ კანონპროექტი უკვე შეტანილია

თბილისი, 19 სექტემბერი - Sputnik. მოძრაობა „შემახე ამნისტიას“ წევრების ორგანიზებით ფილარმონიის მიმდებარე ტერიტორიიდან პარლამენტის შენობამდე საპროტესტო მსვლელობა გაიმართა, იუწყება საზოგადოებრივი მაუწყებლის „პირველი არხი“.

აქციის მონაწილეები ფართომასშტაბიანი ამნისტიის გამოცხადებას მოითხოვენ.

მათი თქმით, პარლამენტში საყოველთაო ამნისტიის შესახებ კანონპროექტი უკვე შეტანილია. ისინი აღნიშნული კანონპროექტის დაჩქარებული წესით განხილვას მოითხოვენ.

მოძრაობა „შემახე ამნისტიას“ რამდენიმე წევრი, მათ შორის პატიმრების მშობლები, უკვე ათ დღეზე მეტია, პარლამენტის შენობის წინ შიმშილობენ.

აქციის მონაწილეები მოთხოვნების შეუსრულებლობის შემთხვევაში ფართომასშტაბიან აქციებს აანონსებენ.

პატიმართა დედებმა პარლამენტის წინ შიმშილობა 8 სექტემბერს დაიწყეს.

2020 წლის მაისის ბოლოს არსებული მონაცემებით, საქართველოს ციხეებში 341 ქალი და დაახლოებით 9 ათასი მამაკაცია.

პატიმართა უმრავლესობის ასაკი 26-დან 49 წლამდეა. საპატიმროებში ორი არასრულწლოვანი გოგონა და 45 ყმაწვილია. დანარჩენები 18 წელს ზემოთ ასაკისა არიან.

პატიმართა ნახევარზე მეტი სასჯელს ნახევრად დახურული ტიპის დაწესებულებებში იხდის. მათთვის ნებადართულია კამერის დატოვება, მუშაობა, ეზოში გასვლა. კიდევ დაახლოებით 1,7 ათასი ვადას დახურული ტიპის დაწესებულებებში იხდის. 176 პატიმარი კი მაღალი რისკის დაწესებულებაშია, სადაც მკაცრი შეზღუდვები მოქმედებს.

53
ნინა სუბლატი

ნინა სუბლატი გადახოტრილი თმით გამოჩნდა - მომღერლის არაორდინალური გადაწყვეტილება

178
ექსტრავაგანტული არტისტის თამამი ნაბიჯი. მომღერალი თავს გადაპარსული თმით იწონებს. როგორ გამოიყურება ნინა სუბლატი გამორჩეული იმიჯით?

ნინა სუბლატის არაორდინარული და უჩვეულო იმიჯი მისი კარიერის დასაწყისიდან აქტიურად განიხილება. მომღერალმა წლების წინ გაამხილა, რომ ის ფსევდონიმს ატარებს. მისი ნამდვილი გვარი სულაბერიძეა. „საქართველოს ვარსკვლავით“ დაწყებულმა კარიერამ არტისტი ჟიურის წევრობამდე მიიყვანა. ცნობილი სახე დიდ ყურადღებას არა მხოლოდ ორიგინალური იმიჯით, არამედ ცხოვრების სტილითაც იქცევს, დახვეწილი მანერებითა და გაწონასწორებული საუბრით. მომღერალმა კომპოზიტორ მეუღლესთან ერთად ცხოვრების ახალი ეტაპი დაიწყო. ახლა ბუნებასთან სიახლოვეს ეძებს და სწორედ აქ მოსდის მუზაც. ნინა სუბლატი დაოჯახებულია. მისი რჩეული ცნობილი მუსიკოსი გიორგი შამანაურია. მათ შვილის გაჩენის შემდეგ მუსიკალური პაუზა აიღეს.

View this post on Instagram

A post shared by Nina Sublatti (@ninasublatti) on

მისი განთქმული იმიჯი და შესრულების მანერა ევროპელმა მსმენელმაც დააფასა, მაგრამ გამარჯვებისთვის ქულები არ ეყო. 2015 წელს ნინა სუბლატი საქართველოს სახელით „ევროვიზიის“ კონკურსზე წარდგა სიმღერით Warrior, სადაც ნახევარფინალი გადალახა და ფინალშიც მოხვდა. კონკურსზე გამოსულმა ნინამ მებრძოლი ქალის სახე წარადგინა. სიმღერა დამოუკიდებლად შექმნა და ბევრი ადამიანის გული დაიპყრო. მანამდე ის „საქართველოს ვარსკვლავის“ ერთ-ერთი ემოციური შემსრულებელი აღმოჩნდა. განსაკუთრებული ხმის ტემბრითა და არტისტიზმით დაჯილდოებული მომღერალი სოლო კარიერას ეწევა. მიუხედავად იმისა, რომ ბოლო დროს თაყვანისმცემელს ახალი სიმღერებით არ ანებივრებს, მუსიკის წერას განაგრძობს. ამის შესახებ საკუთარ სოციალურ ქსელში წერს და კომპოზიციის შექმნის ვიდეოებს აქტიურად აქვეყნებს. თუმცა, რამდენიმე თვეა ახალი სინგლების მაგივრად, მისი გვერდი ფეხმძიმობისა და შვილის ფოტოებმა დაიპყრო.

ნინა სუბლატს პირველი შვილი 26 აგვისტოს შეეძინა. „არ ვიცი, ვიღაც პატარა ბავშვია ჩემთან მოსული“ – ამ წარწერით პოსტი არტისტმა Instagram-ზე გამოაქვეყნა. ნინა სუბლატი ვარსკვლავურ ტრენდს არ აჰყვა და შვილის სახე პირველივე დღეს გამოაჩინა. წყვილს ბიჭი შეეძინა და მას ალექსანდრე დაარქვეს.

View this post on Instagram

🌚🌝

A post shared by Nina Sublatti (@ninasublatti) on

ნინას Instagram-ის „სთორიზე“ მისი ძველი ფოტო გამოჩნდა. მომღერალს წლების წინ გრძელი თმა გადახოტრილი ჰქონდა. არტისტი თამამ გადაწყვეტილებებს არ უშინდება, ხოლო ექსპერიმენტები მისი ცხოვრების განუყრელი ნაწილია. წარმატებული მომღერალი ფეხმძიმობის პერიოდში დიდი სირთულეებისა და რისკის  წინაშე აღმოჩნდა. მიუხედავად ამისა, მან საკუთარ თავში ძალა იპოვა და კომპოზიტორი მეუღლის დახმარებით ფეხმძიმობამ ჰარმონიულად ჩაიარა. კორონავირუსის პანდემიის დროს დაინფიცირდა მისი ნათესავი, რის გამოც ნინა სუბლატი საკარანტინო სივრცეში იმყოფებოდა.

178
თემები:
სელებრითების ცხოვრება
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0