სპორტული მანქანა

სპორტსმენების საყურადღებოდ! სპორტული ავტომობილის აქციზის გადასახადი 100 ლარი იქნება

167
2016 წელს საგადასახდო კოდექსში ცვლილება განხორციელდა, რამაც ავტოსატრასპორტო საშუალებების განბაჟების გაძვირება გამოიწვია.

თბილისი, 26 აპრილი — Sputnik. სპორტსმენს სპორტული დანიშნულების ავტომობილის საქართველოში ჩამოყვანის შემთხვევაში განბაჟების თანხის გადახდა აღარ მოუწევს და მხოლოდ სიმბოლურ თანხას გადაიხდის, განაცხადა საზოგადოებრივი მაუწყებლის პირველ არხთან მმართველი პარტიის საპარლამენტო ფრაქცია „ქართული ოცნების“ თავმჯდომარემ მამუკა მდინარაძემ.

ავტომობილების განბაჟება ერთი დღით ჩერდება: მიზეზი და თარიღი>>>

„საავტომობილო ტრანსპორტის შესახებ“ კანონში შესატანი ცვლილებების პროექტი დეპუტატებმა მამუკა მდინარაძემ, კახა კუჭავამ და მიხეილ ყაველაშვილმა მოამზადეს. აღნიშნული ცვლილებების ინიცირება პარლამენტის უახლოეს ბიუროს სხდომაზე მოხდება. ცვლილებების თანახმად, სპორტული დანიშნულების ავტომობილისთვის აქციზის გადასახადის თანხა მისი წლოვანებითა და ძრავის მოცულობით აღარ განისაზღვრება – სპორტული ავტომობილებისთვის აქციზის გადასახადი ფიქსირებული 100 ლარის ოდენობით დაწესდება. 

2016 წელს საგადასახდო კოდექსში ცვლილება განხორციელდა, რამაც ავტოსანტრასპორტო საშუალებების განბაჟების გაძვირება გამოიწვია. საკანონმდებლო პროექტის ავტორთა განმარტებით, აღნიშნული პერიოდიდან პრობლემა შეექმნა საავტომობილო სპორტს.

„როცა ავტომრბოლელი, სპორტსმენი ავტომობილს ჩამოიყვანს, პრაქტიკულად, განბაჟების თანხის გადახდა აღარ მოუწევს, მხოლოდ სიმბოლური თანხა იქნება დაწესებული, თუ ის ავტომობილს სპორტული დანიშნულების შესაბამისად გადააკეთებს. ეს სპორტსმენებისთვის შეღავათი იქნება და სპორტის ამ სახეობის განვითარებას ხელს შეუწყობს“, – აცხადებს დეპუტატი.

მამუკა მდინარაძის განცხადებით, დღეს მოქმედი კანონით სპორტსმენებს ავტომობილების ჩამოყვანისას მათი ჩვეულებრივ განბაჟება და შემდეგ გადაკეთება უწევდათ, რაც დიდი რაოდენობის თანხასთან იყო დაკავშირებული.

ახალი შეღავათები ისეთი სახის სპორტულ ავტომობილებს შეეხება, რომელიც ყოველდღიურ ყოფით პირობებში არ გამოიყენება.

 

167
თემები:
საქართველოს პარლამენტი (175)
ქარელის ადმინისტრაცია

ქარელში მოსახლეობამ სარწყავი წყლის მოთხოვნით ცენტრალური გზა გადაკეტა

0
(განახლებულია 13:22 04.07.2020)
სოფელ რუისის მაცხოვრებლები ირწმუნებიან, რომ მათ სარწყავი წყალი ორი კვირაა არ მიეწოდებათ, მელიორაციის სამსახურის თანამშრომლების განცხადებით კი მოსახლეობას წყალი გრაფიკით ღამის საათებში მიეწოდება.

თბილისი, 4 ივლისი – Sputnik. ქარელის მუნიციპალიტეტის სოფელ რუისის მოსახლეობამ სარწყავი წყლის მოთხოვნით საპროტესტო აქცია გამართა, იუწყება საზოგადოებრივი მაუწყებლის პირველი არხი.

ადგილობრივებმა პროტესტი თავდაპირველად სოფლის ცენტრში გამოხატეს, ხოლო შემდგ ცენტრალურ მაგისტრალზე გადაინაცვლეს.

აქციის მონაწილეებმა ცენტრალური მაგისტრალი გადაკეტეს, თუმცა სამართალდამცავების მოთხოვნის შემდეგ  გზა გახსნეს.

ადგილობრივების თქმით, უკვე ორი კვირაა  სარწყავი წყალი არ მიეწოდებათ და ისინი მოსავლის გარეშე დარჩენის საფრთხის წინაშე დგანან.

მოსახლეობასთან შესახვედრად მივიდნენ შიდა ქართლის მელიორაციის სამსახურის და ქარელის საკრებულოს წარმომადგენლებიც.

აქციის მონაწილეებმა ისინი უყურადღებობაში დაადანაშაულეს.

შიდა ქართლის მელიორაციის სამსახურის წარმომადგენლებმა კი თავის მხრივ  განუმარტეს მოსახლეობას, რომ ტაშისკარის მაგისტრალური არხიდან წყალი სოფელს გრაფიკით მიეწოდება მხოლოდ ღამის საათებში. საღამოს რვა საათზე წყლის მაგისტრალზე ფარები იკეტება და სოფელ რუისს სარწყავი წყალი 22:00 საათიდან დილამდე შეუძლია ისარგებლოს.

მოსახლეობა კი ირწმუნება, რომ ამ  გრაფიკით წყალი ყველას არ ყოფნის და უფრო მეტიც, წყალი ბოლო ორი კვირაა, არც ღამის საათებში მოდის.

0
თემები:
საქართველოს რეგიონები
ეკა კახიანი

ეკა კახიანი შვილებთან და შვილიშვილთან სახალისოდ ცეკვავს - ვიდეო

97
(განახლებულია 12:53 04.07.2020)
ეკა კახიანი, ქეთო თოფურიძე, ნინი ბადურაშვილი და პატარა ელენე სახალისოდ ცეკვავენ. ვიდეო სოციალურ ქსელში პოპულარობით სარგებლობს

ვარსკვლავური ოჯახი ქალაქგარეთ გაეშურა. ნინი ბადურაშვილი პანდემიის დროსაც არ ისვენებს. თოქ-შოუ „პრაიმშოუ“ ახლა განსაკუთრებულ რეჟიმში მუშაობს. მათი მიზანი საქართველოს სხვადასხვა კუთხის ღირსშესანიშნაობების პოპულარიზაციაა.

გადაღებების შუალედში ნინი არტისტ დედას და ქალიშვილს ქობულეთის ერთ-ერთ სასტუმროში ეწვია. ბებია და შვილიშვილი ერთად ისვენებენ. მათ თან ეკას უმცროსი შვილი - ქეთო თოფურიძეც ახლავთ. უსაყვარლესი ვიდეო სასტუმროშია გადაღებული, სადაც ეკა შვილებთან და შვილიშვილთან ერთად სახალისოდ ცეკვავს.

View this post on Instagram

A post shared by Nini badurashvili (@ninibadurashvili) on

ქართველ სელებრითებს შორის ნინი ბადურაშვილის ოჯახი ერთ-ერთი ყველაზე ცნობილი და წარმატებულია. საზოგადოება ბადურაშვილებისა და კახიანების ოჯახის თითოეულ წევრს კარგად იცნობს. ნინის შოუ-ბიზნესში თავის დამკვიდრება არ გასჭირვებია, და ამის მიზეზი მისი პოპულარული მშობლები და ბებია-ბაბუები არ არიან. ცოტამ თუ იცის, რომ შესანიშნავი მუსიკოსი პროფესიით მსახიობია. სწორედ ამიტომ მისთვის არც ისე რთულია რეიტინგული შოუ „პრაიმ შოუს“ წამყვანობა. ეკრანული და ბევრისათვის მისაბაძი მომღერალი შეუდარებლად არა მხოლოდ ეკრანებზე, არამედ ყოველდღიურობაშიც გამოიყურება.

View this post on Instagram

🤍

A post shared by Nini badurashvili (@ninibadurashvili) on

ნინი ბადურაშვილი, თაყვანისმცემლებისა და ოჯახის წევრების დიდი მოლოდინის შემდეგ, 2012 წელს დაოჯახდა. მისი რჩეული ბიზნესმენი ირაკლი კუტალაძე გახდა. ამ ქორწინებიდან ნინის ქალიშვილი ელენე ჰყავს. ელენე უკვე 6 წლისაა. ბადურაშვილების ოჯახმა გოგონა სკოლაში მიიყვანა. საკმარისია პოპულარულმა მომღერალმა შვილის ახალი ფოტოები გამოაქვეყნოს და ელენეს განხილვა არ წყდება. სკოლის მოსწავლე და პოპულარული დედის შვილი, როგორც ჩანს, სწავლისთვის მოწადინებულია. ამის შესახებ „იმედის დილის“ ერთ-ერთ გადაცემაში მომღერალმა თავად ისაუბრა და აღნიშნა, რომ ელენეს სწავლა არ უჭირს.

97
თემები:
სელებრითების ცხოვრება