„მუშები 24 საათი მუშაობენ და იღუპებიან - პროფკავშირები საპროტესტო აქციას გამართავენ

„მუშები 24 საათი მუშაობენ და იღუპებიან" პროფკავშირები საპროტესტო აქციას გამართავენ

88
(განახლებულია 17:20 23.04.2019)
საქართველოს პროფკავშირების გაერთიანების თავმჯდომარემ ისაუბრა პრობლემებზე, რასაც დასაქმებული მოსახლეობა აწყდება.

თბილისი, 23 აპრილი — Sputnik. საქართველოს პროფკავშირების გაერთიანება მთავრობის კანცელარიის შენობასთან საპროტესტო აქციას 1 მაისს გამართავს, განაცხადა ორგანიზაციის თავმჯდომარემ ირაკლი პეტრიაშვილმა ჟურნალისტებთან.

გახარია: ხელისუფლება დაინტერესებულია უსაფრთხო შრომით>>>

მისი სიტყვებით, აქციის მიზანი საქართველოს ხელისუფლებისთვის უმუშევრობისა და, ზოგადად, მშრომელთა პრობლემების კიდევ ერთხელ შეხსენებაა.

„შრომის უსაფრთხოების პირობები ირღვევა. მიზეზი დამსაქმებლების სიხარბეა. ადამიანები არ იცავენ სტანდარტებს, მუშაობენ ჩაფხუტების, უსაფრთხოების ქამრების გარეშე, კუსტარულად დამზადებული მიშენებებით, რომლებზეც დგანან და მუშაობენ", – განაცხადა პეტრიაშვილმა „Sputnik–საქართველოსთან" ინტერვიუში.

პეტრიაშვილის სიტყვებით, შრომის ინსპექცია, რომელმაც საქართველოში მუშაობა 2018 წლის აგვისტოდან განაახლა, არაეფექტურია. კანონის თანახმად, შრომის ინსპექტორებს ნებისმიერ ობიექტზე ან საწარმოში გაუფრთხილებლად შესვლისა და შრომის უსაფრთხოების ნორმების შემოწმების უფლება აქვთ.

„შრომითი უფლებების კონტროლის არარსებობას შრომის უსაფრთხოების ნორმების დარღვევამდე მივყავართ. როდესაც ადამიანი 24-საათიან რეჟიმში, შაბათს და კვირასაც მუშაობს, რა თქმა უნდა, იგი ვერ იჩენს ისეთ სიფრთხილეს, რომ შრომის უსაფრთხოების ნორმები დაიცვას. სიღარიბე საქართველოში ყველაზე დიდი გამოწვევაა და დამსაქმებლები ამით სარგებლობენ", – აღნიშნა პეტრიაშვილმა.

მისი სიტყვებით, მიმდინარე წელს მშენებლობებზე მუშაობის დროს 10 ადამიანი დაიღუპა, 11-მა კი სერიოზული დაზიანებები მიიღო. „ხოლო მათი სტატისტიკა, ვინც ტრავმა მიიღო და სიკვდილი არასამუშაო დროს დადგა, საერთოდ არ არსებობს", – განაცხადა პეტრიაშვილმა.

საქართველოში 2018 წელს სამუშაო ადგილებზე 39 ადამიანი დაიღუპა, მძიმე დაზიანებები მიიღო 37-მა. მუშების დაღუპვის ბოლო ფაქტი თბილისში 31 მარტს მოხდა. ჭავჭავაძის გამზირზე ყოფილი „ლეჩკომბინატის" შენობის საძირკვლის გამაგრების სამუშაოების დროს მიწის მასა ჩამოიშალა, რის შედეგადაც ორი – 25 და 40 წლის მუშა ცოცხლად დამარხული აღმოჩნდა.

პეტრიაშვილის განცხადებით, ცალკე პრობლემაა უმუშევრობა. ოფიციალური მონაცემების თანახმად, 2018 წელს უმუშევრობის დონემ 12,7%-ს მიაღწია.

„დიდი პრობლემაა ახალგაზრდების დასაქმება. ქვეყანაში ახალგაზრდების 35% დაუსაქმებელია. საპენსიო (დაგროვებითი) სისტემის გამო დამსაქმებელი დემოტივირებულია დაასაქმოს ახალგაზრდა კადრი. უპირატესობას აძლევენ მათ, ვინც 40 წელს ზემოთაა", – აღნიშნა პეტრიაშვილმა.

საქართველოში დაგროვებითი საპენსიო სისტემა 1 იანვრიდან ამოქმედდა.

88
თემები:
თბილისი დღეს (1694)
Georgian Airways-ის თვითმფრინავი

სპეცრეისი გერმანიაში: ვინ წავა და ვინ ჩამოვა სუბსიდირებული ბილეთებით

505
(განახლებულია 20:09 07.08.2020)
ავიარეისს  ავიაკომპანია „ჯორჯიან ეარვეისს“  (Georgian Airways)  შეასრულებს. ავიაკომპანიას სპეციალური რეისის განხორციელების ნებართვა 7 აგვისტოს მისცეს

თბილისი, 7 აგვისტო - Sputnik. საქართველოს მთავრობის ხელშეწყობით, თბილისი-ბერლინი-თბილისის მიმართულებით მორიგი სპეციალური რეისი შესრულდება. ინფორმაციას ამის თაობაზე საქართველოს ეკონომიკის სამინისტროს სამოქალაქო ავიაციის სააგენტო ავრცელებს.

სააგენტოს ინფორმაციით, აღნიშნული სპეცრეისი ქართველი სტუდენტების გერმანიაში გამგზავრებისა და საქართველოს მოქალაქეების სამშობლოში დაბრუნების მიზნით განხორციელდება.

სპეციალური  რეისის შესასრულებლად აუცილებელი ნებართვა ავიაკომპანია „ჯორჯიან ეარვეისს“  (Georgian Airways) საქართველოს სამოქალაქო ავიაციის სააგენტომ 7 აგვისტოს მისცა. ავიარეისი ბოინგი B737-800 ტიპის საჰაერო ხომალდით შესრულდება.

„ფრენას ავიაკომპანია „ჯორჯიან ეარვეისი“ 11 აგვისტოს, შემდეგი განრიგით განახორციელებს: 11 აგვისტო, თბილისი-ბერლინი-თბილისი, გაფრენა 11:00, მოფრენა 19:30 საათი“, - აღნიშნულია განცხადებაში.

სამოქალაქო ავიაციის სააგენტოს ინფორმაციით, თბილისი-ბერლინის მიმართულებით, სპეციალური რეისი ორიენტირებულია ქართველი სტუდენტების ტრანსპორტირებაზე, რომლებიც სწავლობენ საქართველოს უმაღლეს და პროფესიულ სასწავლებელში და აქვთ სამუშაო მოწვევა გერმანიაში.

საქართველოს მთავრობის მიერ დადგენილი სუბსიდირებული ბილეთების ფასი არ იქნება 199 ევროზე მეტი.

კორონავირუსის პანდემიასთან დაკავშირებით საქართველომ უცხოელებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა 21 მარტიდან ყველა მიმართულებით შეწყვიტა.

ივლისის ბოლოს საქართველომ საჰაერო სივრცე გაუხსნა ხუთ ქვეყანას, რომელთა მოქალაქეებს ქვეყანაში უპირობო შემოსვლის უფლება აქვთ. ესენია გერმანია, საფრანგეთი, ლატვია, ლიეტუვა და ესტონეთი.

2 აგვისტოდან რეგულარული ფრენები განახლდა მიუნხენის მიმართულებით. გერმანული ავიაკომპანია Lufthansa პირველი ავიაკომპანიაა, რომელმაც ოთხთვიანი შესვენების შემდეგ საქართველოში რეგულარული ავიარეისები აღადგინა. 5 აგვისტოდან რეგულარული საჰაერო მიმოსვლა აღდგა თბილისსა და რიგას შორის, რომელსაც AirBaltic ასრულებს, ხოლო 8 აგვისტოს თბილისსა და პარიზს შორის ფრენებს დაიწყებს Air France.

505
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„ფოტოგრაფები საქართველოსთვის“: დაიწყო პროექტი შიდა ტურიზმის სტიმულირებისთვის

138
(განახლებულია 18:12 07.08.2020)
სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც

თბილისი, 7 აგვისტო - Sputnik.  საქართველოს პრემიერ-მინისტრ გიორგი გახარიას დავალებით,  ტურიზმის ეროვნულმა ადმინისტრაციამ ახალი პროექტი „ფოტოგრაფები საქართველოსთვის“ დაიწყო, ნათქვამია უწყების მიერ გავრცელებულ განცხადებაში

ახალი პროექტი „იმოგზაურე საქართველოსთვის“ შიდა ტურიზმის კამპანიის ნაწილია.

ტურიზმის ეროვნული ადმინისტრაციის მიერ ორგანიზებული ფოტოტურები უკვე გაიმართა აჭარაში,  ხევსურეთსა და სამეგრელოში, სადაც  გადაღებული ფოტოები უკვე გავრცელდა სხვადახვა სოციალური ქსელებითა და ავტორთა ბლოგების საშუალებით. ტურებში ფოტოგრაფებთან ერთად ჩართულები არიან გიდები და სატრანპორტო კომპანიები.

„ტურების შედეგად უკვე მომზადდა ულამაზესი ფოტომასალა, რომელიც ქვეყნის ტურიზმის პოტენციალს ასახავს და რომელსაც შიდა და საერთაშორისო კამპანიების დაგეგმვისას გამოვიყენებთ. ამ პროექტით ხელს ვუწყობთ შიდა ტურიზმის სტიმულირებას და კოვიდით დაზარალებული პროფესიების: ფოტოგრაფების, გიდების, ტურისტული სატრანსპორტო კომპანიების წარმომადგენლების დასაქმებას და მათი ცოდნის ქვეყნის სასიკეთოდ გამოყენებას". - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც.

  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
1 / 4
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„პროექტი ძალიან კარგად არის ორგანიზებული, ტრანსპორტთან ერთად გამოყოფილი იყო გიდიც, რომელმაც შეგვირჩია ადგილები, დაგვათვალიერებინა სხვადასხვა ლოკაციები. რამდენიმე საათიც არ გასულა, რაც სამეგრელოს შესახებ ფოტო ალბომი ავტვირთე სოციალურ ქსელში და უკვე რამდენიმე ათასი მოწონება და გაზიარება აქვს, რაც ძალიან მახარებს“, - აღნიშნა გიორგი შერმაზანაშვილმა.

ტურიზმის ეროვნული ადმინისტრაციის ახალი პროექტის მიზანი COVID-19-ის დროს დაზარალებული პროფესიების გაძლიერება და ერთობლივი ძალებით შიდა ტურიზმის სტიმულირებაა.

138
თემები:
ტურიზმი საქართველოში
მთვარე

მთვარის კალენდარი: 8 აგვისტო რისი გაკეთება შეიძლება და რისი არა

0
(განახლებულია 10:09 06.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

8 აგვისტო, შაბათი. ამ დღეს სატურნი მართავს. კლებადი მთვარე ვერძის ნიშანშია.

მომატებულია იმპულსურობა, ამიტომ სჯობს, გადადოთ მნიშვნელოვანი შეხვედრები და მოლაპარაკებები.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. ამ დღეს დაწყებული სასიყვარულო რომანი მგზნებარე და დასამახსოვრებელი იქნება, მაგრამ, დიდი ალბათობით – ხანმოკლე.

ამ დღეს არ ღირს ფულის სესხება ან ვალის აღება. ნეიტრალური დღეა მუშაობისთვის.

რეკომენდებულია სიტყვების სიფრთხილით შერჩევა, ასე ფრთხილი მოქმედება, რადგან ადვილად შეიძლება კონფლიქტური ვითარების პროვოცირება, დღის მშვიდად გატარება, მაგრამ მარტოობაში – არა, ყველა შემოსული ინფორმაციის დაკვირვებით შემოწმება, სერიოზული საქმეების გადადება, მიმდინარე საკითხების განხილვა, კოლეგებთან ურთიერთობებში ნეიტრალიტეტის დაცვა.

არარეკომენდებულია ბიზნეს–საქმიანობა, შეხვედრების დანიშვნა, კონტრაქტებზე ხელმოწერა, ფულთან დაკავშირებული საკითხების მოგვარება, ფულით ტრაბახი, სიახლეების არაფრად ჩაგდება, ახალი სამსახურის დაწყება, დაუფიქრებლად მოქმედება, წინადადებების მიღება, უცნობებთან კონტაქტი და ახალი ნაცნობობა.

შეიძლება სამოგზაუროდ წასვლა, მაგრამ სიფრთხილეა საჭირო უცნობ ადამიანებთან, დოკუმენტებთან და ფულთან დაკავშირებით.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0