სამეფო დინასტიის მემკვიდრეთა ქორწილი

სკანდალის ახალი დეტალები ქართულ სამეფო ოჯახში - ადვოკატი საინტერესო ფაქტებზე საუბრობს

246
ანა ბაგრატიონ-გრუზინსკის ადვოკატმა ლევან გორელაშვილმა პრესკონფერენცია გამართა და სამეფო ოჯახის ირგვლივ განვითარებული სკანდალის ახალ დეტალებზე ისაუბრა

როგორც ცნობილია, საქართველოს სამეფო გვარის ბაგრატიონ-გრუზინსკების წარმომადგენლებმა – ნუგზარ ბაგრატიონმა და მისმა ქალიშვილმა ანამ დავით ბაგრატიონ-მუხრანელს, ანას ყოფილ მეუღლეს, საქართველოს სამეფო სახლის სიმბოლიკის უკანონოდ გამოყენებაში დასდეს ბრალი და სასამართლოში უჩივლეს.

დავით ბაგრატიონ-მუხრანელმა და ანა ბაგრატიონ-გრუზინსკიმ 2009 წელს იქორწინეს. ქორწილი საზოგადოებრიობის ყურადღების ცენტრში მოექცა. ქართველმა მონარქისტებმა ქორწილი ისტორიულ მოვლენად შეაფასეს. ორი წლის შემდეგ წყვილს ვაჟი გიორგი შეეძინა. თუმცა დავითისა და ანას ოჯახურმა თანაცხოვრებამ დიდხანს არ გასტანა და 2013 წელს ისინი ერთმანეთს დაშორდნენ.

ანა ბაგრატიონმა პოლიციას ჩვენება მისცა და ყოფილი მეუღლე, თავად დავით ბაგრატიონ-მუხრანელს მათი საერთო შვილის თვალწინ ცოლის მიმართ ჩადენილ ძალადობაში დასდო ბრალი.

ორიოდ სიტყვით, გაქცევის მიზეზებზე

„ბუნებრივია, მართალი ადამიანები არსად არ გარბიან, არამედ თავიანთ სიმართლეს იცავენ. თუმცა ამ ადამიანმა გაქცევა არჩია, რითაც ყველანი კიდევ უფრო მეტად დაგვარწმუნა იმაში, რომ გამოძიება სწორი მიმართულებით მიდის“, - განაცხადა გორელაშვილმა.

უნდა აღინიშნოს, რომ დავით ბაგრატიონ-მუხრანელი საქართველოდან ესპანეთში გაემგზავრა, რაც იმით ახსნა, რომ საზღვარგარეთ მცხოვრები დედამისის ჯანმრთელობის მდგომარეობა მკვეთრად გაუარესდა. მისი ადვოკატის, ლევან ჩხეიძის სიტყვებით, დავითი იმაზეც ფიქრობს, რომ საქართველოში საერთოდ აღარ დაბრუნდეს.

გრუზინსკის ადვოკატი კი ამტკიცებს, რომ დავითის დედა ცუდად ხუთშაბათს, ღამით გახდა, თუმცა დავითი ყოფილ მეუღლეს ტელეფონით ჯერ კიდევ ოთხშაბათს დაემშვიდობა.

„ძალიან უცნაური ზარი იყო. იგი ცრემლებამდე აღელვებული იყო. ისტერიულად ითხოვდა ანასგან, ყურადღება არ მოეკლო და კარგად აღეზარდა მათი შვილი გიორგი, რაც მისი მხრიდან ძალიან უცნაური იყო“, - განაცხადა გორელაშვილმა.

მისი სიტყვებით, ბაგრატიონ-მუხრანელი იმ მომენტში ფხიზელი კაცის შთაბეჭდილებას არ ტოვებდა: საუბრობდა არეულად და არ პასუხობდა ანას კითხვებს.

„საუბრის ბოლოს იგი ანას დაემშვიდობა. მაგრამ ეს არ იყო ჩვეულებრივი დამშვიდობება. ეს ისეთი დამშვიდობება იყო, თითქოს მან იცოდა, რომ ამ ადამიანს ცხოვრებაში აღარასდროს ნახავდა. სწორედ ეს გახდა მინიშნება იმისა, რომ მან საქართველოდან წასვლა გადაწყვიტა“, - აღნიშნა ადვოკატმა.

ამასთანავე, როგორც გორელაშვილმა მიუთითა, ბაგრატიონ-მუხრანელმა თვითმფრინავის ბილეთი უფრო ადრე შეიძინა, ვიდრე დედამისის შეუძლოდ ყოფნის შესახებ გახდებოდა ცნობილი. ამგვარად, ბრალდების მხარე დარწმუნებულია, რომ დედის ჯანმრთელობის მდგომარეობა მხოლოდ ქვეყნის დატოვების საბაბი იყო.

გაქცეული თუ პროტეჟე?

გორელაშვილმა ყურადღება გაამახვილა დავით ბაგრატიონ-მუხრანელის განცხადებაზე, რომ იგი შეიძლება გახდეს პოლიტიკური დევნის მსხვერპლი.

„ამაზე ლაპარაკიც კი ზედმეტია. დავით ბაგრატიონ-მუხრანელი არ არის ის ფიგურა, რომ ვინმეს აზრად მოუვიდეს მისი პოლიტიკური დევნის ობიექტად ქცევა. ამასთანავე, თუ იგი ამ ხელისუფლებისგან რამეს იღებს კიდეც, ეს მხოლოდ მხარდაჭერაა“, - ხაზი გაუსვა ადვოკატმა.

გორელაშვილის მტკიცებით, ბაგრატიონ-მუხრანელი ქართველი მაღალჩინოსნების მხარდაჭერით სარგებლობდა.

ადვოკატს გაუჭირდა პასუხის გაცემა ჟურნალისტების კითხვაზე იმის შესახებ, თუ კონკრეტულად რომელი ჩინოვნიკი ლობირებდა ბაგრატიონ-მუხრანელის ინტერესებს, თუმცა დასძინა, რომ არსებობს გარკვეული გარემოებები, რომლებიც აღნიშნულ ფაქტზე მიუთითებს.

„თქვენთვის უკვე ცნობილია, რომ 2017 წლის მარტში დავითი ქართული სამეფო ოჯახის სახელით ბრიტანეთის სამეფო კარზე და ბუკინგემის სასახლეში იმყოფებოდა, რამაც დიდი აჟიოტაჟი გამოიწვია. ბრიტანულ ოჯახს მოუწია თავის მართლება იმის გამო, თუ როგორ მიიღეს იგი სასახლეში“, - აღნიშნა გორელაშვილმა.

მოგვიანებით, ბაგრატიონ-გრუზინსკის ადვოკატის სიტყვებით, წარმოდგენილ იქნა ოფიციალური წერილი იმის თაობაზე, რომ ბაგრატიონ-მუხრანელის ვიზიტი საქართველოს ხელისუფლებასთან იყო შეთანხმებული.

იყო თუ არა ძალადობა?

ანა ბაგრატიონმა პოლიციას ჩვენება მისცა და ყოფილი მეუღლე, თავად დავით ბაგრატიონ-მუხრანელს მათი საერთო შვილის თვალწინ 2014 წლის 9 მაისს ცოლის მიმართ ჩადენილ ძალადობაში დასდო ბრალი.

ოჯახის ადვოკატის თქმით, ინციდენტი საგურამოში, დავით ბაგრატიონ-მუხრანელის სახლში მოხდა. ამ დროს ისინი უკვე დაშორებული იყვნენ, მაგრამ იმისთვის, რომ ბავშვს მამასთან ურთიერთობა ჰქონოდა, ანა შვილთან ერთად პარასკეობით, შაბათობითა და კვირაობით საგურამოში ჩადიოდა ხოლმე. მამა-შვილის ურთიერთობის გრაფიკი ყოფილ მეუღლეებს წინასწარ ჰქონდათ შეთანხმებული.

როგორც მუხრანელის ადვოკატმა ლევან ჩხეიძემ განაცხადა, 2013 წელს განქორწინების შემდეგ ანას და დავითს არცერთი ღამე არ გაუთენებიათ ერთ ჭერქვეშ. თუმცა, გორელაშვილის თქმით, ეს სიცრუეა და ამის მტკიცებულებაც არსებობს.

„ეს მტკიცებულებებია სატელეკომუნიკაციო კომპანიის დეტალური ამონაწერი, სადაც ჩანს, რომ 2013 წლის შემდეგ ანას ტელეფონი 700-ზე მეტჯერ იყო დაფიქსირებული საგურამოს სატელეკომუნიკაციო ანძის მიღების ზონაში“, - განაცხადა ადვოკატმა.

მათ შორის, ანა ბაგრატიონ-მუხრანელის ტელეფონი საგურამოს სატელეკომუნიკაციო ანძის მიღების ზონაში დაფიქსირდა 2014 წლის 9 მაისსაც - სწორედ იმ დღეს, როდესაც, როგორც ბრალდების მხარე ამტკიცებს, ქალი ყოფილი მეუღლის მხრიდან ძალადობის მსხვერპლი გახდა. ამასთან, ადვოკატმა განაცხადა, რომ დავით ბაგრატიონ-მუხრანელის ტელეფონი ასევე დაფიქსირდა იმავე ზონაში იმავე პერიოდში.

„ეს ადასტურებს, რომ 2014 წლის 9 მაისს ყოფილი მეუღლეები საგურამოში იმყოფებოდნენ, რაც ეწინააღმდეგება იმას, რაც მთელი ამ დროის განმავლობაში გვესმოდა დავით ბაგრატიონის წარმომადგენლისგან“, - აღნიშნა გორელაშვილმა.

მისი სიტყვებით, არსებობს სხვა მრავალი გარემოება, რომელიც ანა ბაგრატიონის სიმართლეს ადასტურებს, მაგრამ ბრალდების მხარე ჯერ თავს იკავებს მათი გასაჯაროებისგან.

246
თემები:
სკანდალი ბაგრატიონთა სამეფო ოჯახში (12)
სალომე ზურაბიშვილი

სალომე ზურაბიშვილი ლეჩხუმს ეწვია

265
პრეზიდენტი ლეჩხუმს ადგილობრივი ტურიზმის ხელშეწყობის კამპანიის ფარგლებში ესტუმრა. რამდენიმე დღის წინ ის უჯარმაში და გურიაში იმყოფებოდა.

თბილისი, 4 ივლისი — Sputnik. საქართველოს პრეზიდენტი სალომე ზურაბიშვილი ლეჩხუმს ესტუმრა, იუწყება პრეზიდენტის ადმინისტრაციის ვებგვერდი.

პრეზიდენტი ლეჩხუმს ადგილობრივი ტურიზმის ხელშეწყობის კამპანიის ფარგლებში ესტუმრა. რამდენიმე დღის წინ ის უჯარმაში დაგურიაში იმყოფებოდა.

პრეზიდენტმა სოფელ ისუნდერში რაჩხას ჩანჩქერი მოინახულა, რომელიც მდინარე ცხენისწყალში ჩადის. სალომე ზურაბიშვილმა ასევე მოინახულა მურის ციხე, რომელიც კლდოვან ქედზეა აშენებული.

სალომე ზურაბიშვილი დღეს ასევე ესტუმრა სოფელ ოყურეშს და ზუბი-ოყურეშის მიკროზონაში, ენდემური ჯიშის ვაზისაგან გაშენებული ვენახი და მანაგაძეების მარანი მოინახულა, სადაც უსახელოურის ნახევრადტკბილ წითელ ღვინოს ამზადებენ.

როგორც გიორგი მანაგაძემ განაცხადა, ღვინო გამოირჩევა თავისი კეთილშობილი, არომატული თვისებებითა და გემური მაჩვენებლებით. მოდის მხოლოდ ამ მიკროზონაში და ძირითადად სოფელ ოყურეშში. ბუნებრივად ნახევრადტკბილი წითელი ღვინო დიდ მოწონებას იმსახურებს, როგორც ტურისტებში, ასევე, საერთაშორისო ბაზარზე.

„ღვინოს ორგანული მეთოდით ვამზადებთ. ვენახსაც, რა თქმა უნდა, ორგანული მეთოდით ვუვლით. ერთმა ძირმა ვაზმა მხოლოდ ორი კილო შეიძლება მოისხას, თუ გვინდა, რომ დავამზადოთ უმაღლესი ხარისხის ღვინო“, - განაცხადა გიორგი მანაგაძემ.

ევროკავშირი საქართველოსთვის საზღვრებს 1 ივლისიდან ხსნის >>

საქართველოში შიდა ტურიზმი 15 ივნისს გაიხსნა. კორონავირუსის პანდემიით გამოწვეული თითქმის სამთვიანი პაუზის შემდეგ ეტაპობრივად იხსნება ტურისტული ადგილები.

საქართველოს ცას კონკრეტული ავიაკომპანიებისთვის 1 ივლისიდან გაიხსნება მიუხედავად იმისა, რომ რეგულარული ავიამიმოსვლის აღდგენა 1 აგვისტომდე გადაიდო.

265
თემები:
საქართველოს პრეზიდენტი
მოგზაურები თბილისის აეროპორტში

ფასიანი კარანტინი ან ტესტი კორონავირუსზე:როგორ დახვდებიან საქართველოში უცხოელ ბიზნესმენებს

153
საქართველოში უცხოელ ბიზნესმენებს შესთავაზებენ ორ ვარიანტს: კარანტინს ან კორონავირუსზე ტესტის რეგულარულ გავლას

თბილისი, 4 ივლისი – Sputnik. საქართველოს ხელისუფლება უცხოელ ბიზნესმენებს შესთავაზებს ორ ვარიანტს: კარანტინში ყოფნის საფასურის გადახდას ან კორონავირუსზე ტესტის რეგულარულ გავლას, განაცხადა ეკონომიკისა და მდგრადი განვითარების მინისტრმა ნათია თურნავამ.

სახიფათო მდგომარეობა: COVID-19 სომხეთში სწრაფი ტემპებით ვრცელდება >>

საქართველო ეტაპობრივად ხსნის საზღვრებს საერთაშორისო მოგზაურებისთვის და უკვე ცნობილია, რომ პირველები ქვეყანაში ჩამოსვლას ბიზნესმენები შეძლებენ.

„მათ შეუძლიათ აირჩიონ ტესტირების რეჟიმი, თავად უნდა შეიძინონ ტესტი და 14 დღის განმავლობაში, ყოველ 3 დღეში უნდა ჩაიტარონ ტესტირება. ეს არ ეხება მხოლოდ ევროკავშირიდან ჩამოსულ ბიზნესვიზიტორებს“, - განაცხადა თურნავამ ტელეკომპანია Imedi-ს ეთერში.

ამასთან მან აღნიშნა, რომ კარანტინის და COVID-19-ის ტესტის ფასები საკმაოდ მისაღები იქნება.

„ეს ბიზნესმენებმა უნდა გააკეთონ იმისთვის, რომ თავადაც იყონ უსაფრთხოდ და ჩვენც ვიყოთ დარწმუნებულები, რომ ვართ უსაფრთხოდ და ამავდროულად, არ შეფერხდეს ინვესტორებთან კომუნიკაცია“, - განმარტა თურნავამ.

მისი თქმით, ფასიანი კარანტინი დაეხმარება სასტუმროებს, რომლებიც ძალიან დაზარალდნენ პანდემიის პერიოდში.

უცხოელების ბიზნეს-ვიზიტები არ წარმოადგენს საქართველოში ტურიზმის სფეროს შემოსავლების ძირითად წყაროს. გასულ წელს, როდესაც საქართველოში ტურიზმი აქტიურად ვითარდებოდა, მათზე უცხოელთა ვიზიტების საერთო რაოდენობის 17,4% მოდიოდა.

153
თემები:
COVID-19 საქართველოში
მთვარის ფაზები

5 ივლისი: მთვარის დაბნელება და სავსემთვარეობა გავლენა ზოდიაქოს ნიშნებზე

0
(განახლებულია 15:35 04.07.2020)
დაბნელებების დერეფანი, რომელიც 5 ივნისს დაიწყო, სრულდება – 5 ივლისს მოხდება მთვარის ნახევრადჩრდილოვანი დაბნელება თხის რქის ნიშანში. დაიწყება მოვლენების ახალი „გორგალი“, რომელიც შეეხება სახლს, ოჯახს, უძრავ ქონებას.

სავსემთვარეობა ემთხვევა ნახევრადჩრდილოვან დაბნელებას. ეს ნიშნავ, რომ მზე, დედამიწა და მთვარე სრულად არ არიან მწკრივში, ამიტომ ჩვენი პლანეტა თანამგზავრს სრულის ნაცვლად ნაწილობრივ დაჩრდილავს.

ვინ იყავით წინა ცხოვრებაში ზოდიაქოს ნიშნის მიხედვით>>

სავსემთვარეობის პერიოდში შობადობა მატულობს, ჩნდება ჭარბი იმპულსურობა ურთიერთობებში, იზრდება ნეგატიური აზროვნება, ალკოჰოლის მიღების სურვილი.

იდეალური დროა სამკურნალო მცენარეეების შესაგროვებლად, რადგან ამ დროს მათი სამკურნალო თვისებები მაქსიმალურ დონეს აღწევს.

რისი გაკეთება შეიძლება და რისი არა 5 ივლისს

5 ივლისი განსაკუთრებით ხელსაყრელი დღეა სხვადასხვა მნიშვნელოვანი წამოწყებებისთვის. შეიძლება საკუთარი წინადადბების წამოყენება. თუმცა, გასათვალისწინებელია, რომ საქმის დაწყება კი შეიძლება, მაგრამ მან შეიძლება მიგიყვანოთ არა მხოლოდ დიდ გამარჯვებამდე, არამედ სრულ კრახამდეც, ამიტომ ყველაფერი კარგად უნდა გათვალოთ, დაგეგმოთ და აწონ–დაწონოთ.

კარგი დღეა ნათესაური კავშირების გასამტკიცებლად.

არცთუ წარმატებულია ურთიერთობები სახელმწიფო სტრუქტურებთან. ასევე არახელსაყრელი დროა ფულთან დკავშირებული საკითხებისთვის: დიდია ალბათობა იმისა, რომ მოგების მიღება დაყოვნდეს, იზარალოთ. მეორე მხრივ კი არგი დღეა უძრავ ქონებასთან დაკავშირებული საკითხების გადაჭრისთვის, ორგანიზატორული საქმეების მოგვარებისთვის, ხანმოკლე მოგზაურობისთვის.

როგორი იქნება სავსემთვარეობისა და დაბნელების დღე ზოდიაქოს ნიშნებისთვის

ვერძი: წარმატებული დღეა. ფინანსურ საკითხებში ვარსკვლავები დაგეხმარებიან. არ გაუშვათ ინიციატივა საკუთარი ხელიდან, უარი არ თქვათ დახმარებაზე – საიმედო ადამიანების რჩევა და მხარდაჭერა ძალიან წაგადგებათ. შეგიძლათ ძველი გეგმები და საქმეები შეაჯამოთ. მოსალოდნელია ახალი ამბის გაგება, რომელიც თქვენს საქმეებზე სასიკეთოდ იმოქმედებს.

კურო: ამ დღის მოვლენები მთლიანად „ჩაგითრევთ“. აღმოჩნდება, რომ ყველას სჭირდებით, ამიტომ მოგიწევთ პრიორიტეტების განსაზღვრა. მოსალოდნელია გართულება, რომელიც ვითარების არასწორი შეფასების, წინდაუხედავი დაპირების ან გადატვირთული მუშაობის გამო შეიძლება წარმოიშვას. სასურველია საღამოს სტუმრად გატარება. არაა გამორიცხული, რომ საინტერესო და დასამახსოვრებელი შეხვედრა გქონდეთ. მოუსმინეთ ინტუიციას. მატერიალურ საკითხებზე შესაძლებელია გაუგებრობები ახლობლებთან.

ტყუპი: საბოლოოდ უნდა გაუსვათ ხაზი ძველი და ახალ გეგმებს, საქმეებსა და კონტაქტებს. ახალ პარტნიორებთან ურთიერთობები არ იქნება წარმატებული, სამაგიეროდ ძველმა მეგობრებმა ძვირფასი რჩევა შეიძლება მოგცენ. არის დიდი ალბათობა იმისა, რომ მიიღოთ რაღაც ინფორმაცია, რომელიც სერიოზულ გავლენას მოახდენს თქვენს საქმეებზე ან ჯანმრთელობაზე. განსაკუთრებული ყურადღება მართებს შემოქმედებითი პროფესიის მქონე ტყუპებს.

კირჩხიბი: შესაძლოა, ემოციური შებოჭილობა და განწყობის დაქვეითება იგრძნოთ; მოსალოდნელია მატერიალურ საკითხებზე გაუგებრობები მეგობრებთან, ცუდი წინათგრძნობის ახდენა. დაუფიქრდით თითოეულ სიტყვასა და მოქმედებას.

ლომი: კრიტიკული დღეა. სავარაუდოდ, სხვადასხვა საქმე და პრობლემა გამოგიჩნდებათ, ეს კი მაქსიმალურ აქტიურობასა და შრომისუნარიანობას მოითხოვს თქვენგან. დასვენების ნაცვლად მოგიწევთ ორომტრიალში ჩართვა, ზრუნვა სხვებზე. შესაძლოა, დღის განმავლობაში ერთი წუთითაც ვერ მოახერხოთ დასვენება. ეს შესაძლებელი მხოლოდ საღამოს გახდება.

ქალწული: იღბლიანი დღე გელოდებათ. არ გაგიჭირდებათ ახალი მოკავშირეების მოძებნა, საკუთარი იდეებით სხვების დაინტერესება. არ არის გამორიცხული ნაცნობობა, რომელიც დიდ სიხარულს მოგანიჭებთ და წინსვლის მიმართულებას გიჩვენებთ. შეგიძლიათ დაასრულოთ ძველი საქმეები. შესაძლოა, შედეგი ისეთი არ იყოს, როგორიც გსურდათ, მაგრამ არც იმედგაცრუებული დარჩებით.

სასწორი: მიხედეთ პირად საქმეებსა და ჯანმრთელობაზე იზრუნეთ. მშვენიერი, ხელსაყრელი დღეა ყოფითი მნიშვნელოვანი საქმეებისთვის, როგორიცაა, მაგაითად, რემონტის დაწყება, ახალი ავეჯის ყიდვა. მარტოხელებს მრავლისმთქმელი, საინტერესო შეხვედრები გელოდებათ. ვარსკვლავები გირჩევენ, იყოთ თავშეკავები და გაუმკლავდეთ ცდუნებებს.

მორიელი: ხელსაყრელი დღეა, გამძაფრებული გექნებათ ინტუიცია, რომელიც გააზრებულ და კარგად გათვლილ მოქმედებებს უნდა შეუხამოთ. მომატებულია სასიცოცხლო ძალები, იოლად შეძლებთ მდგომაროების შეფასებას. ზედმეტი თვითკმაყოფილების გამო შეიძლება გაგირთულდეთ ურთიერთობები გარშემომყოფებთან. მოთოკეთ სიამაყე და ამპარტავნება და იმოქმედეთ საერთო საქმის სასიკეთოდ.

მშვილდოსანი: საშიშია დღეა ჯანმრთელობისთვის, ამიტომ ფრთხილად იყავით. საქმეებში სერიოზული გარღვევის მოლოდინი ნუ გექნებათ. სჯობს, მოამთავროთ ძველი საქმეები, გეგმები. საინტერესო დღეა ინფორმაციის მიღების თვალსაზრისით. არ გაუშვათ ხელიდან ძველი კავშირების აღდგენის შანსი.

თხის რქა: შესაძლოა, მოხდეს რამე მოვლენა ან გაიგოთ ისეთი ახალი ამბავი, რომელიც დიდ გავლენას მოახდენს თქვენს საქმეებზე. არ არის გამორიცხული, რომ შეიცვალოს ახალი პერსპექტიული გეგმების სტილი და თქვენი მუშაობის დონე, ან მიიღოთ პერსპექტიულ ერთობლივ პროექტში მონაწილეობის წინადადება. ასევე, შესაძლებელია, თქვენი პირადი ცხოვრება პროფესიულ საქმიანობაზე აისახოს, რაც გარკვეულ ცვლილებებს მოიტანს პარტნიორთან ურთიერთობებში.

მერწყული: ჰარმონიული და მშვიდი დღე გელოდებათ. შეიგრძნობთ, რომ თქვენი ფიქრები და გრძნობები გაწონასწორებულია. მშვიდ მდგომარეობაში ბევრ მიმდინარე საქმესთან გამკლავებას, ასევე ჩახლართულ ვითარებაში გარკვევას შეძლებთ. განსაკუთრებით ხელსაყრელი იქნება დღის მეორე ნახევარი.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

თევზები: წინააღმდეგობრივი, ორბუნებოვანი დღე გელოდებათ. განწყობა გაუმართლებელი ოპტიმიზმიდან მელანქოლიამდე იმერყევებს, იქნებით ხან კეთილი და დამთმობი, ხან კი – ჯიუტი და გამაღიზიანებელი. დაუკვირდით თითოეულ სიტყვას, მოქმედებებს. შესაძლოა, ეჭვიანობის ნიადაგზე კონფლიქტშიც კი ჩაებათ.

0