* საქართველო *
სამეფო ოჯახი

ანა ბაგრატიონ-გრუზინსკიმ ჩვენება მისცა, დავით ბაგრატიონ-მუხრანელმა კი ქვეყანა დატოვა

324
(განახლებულია 16:22 04.04.2019)
ანა ბაგრატიონ-გრუზინსკი ყოფილ მეუღლეს ძალადობაში ადანაშაულებს.

თბილისი, 4 აპრილი — Sputnik. ბატონიშვილმა დავით ბაგრატიონ-მუხრანელმა, მას შემდეგ, რაც ყოფილმა მეუღლემ ანა ბაგრატიონ-გრუზინსკიმ პოლიციას მის წინააღმდეგ ჩვენება მისცა, ქვეყანა დატოვა, განაცხადა საზოგადოებრივი მაუწყებლის პირველ არხზე ბატონიშვილის ადვოკატმა ლევან ჩხეიძემ.

საქართველოს სამეფო ოჯახში სკანდალი მძაფრდება>>>

ანა ბაგრატიონ-გრუზინსკიმ ყოფილი მეუღლე, ბატონიშვილი დავით ბაგრატიონ-მუხრანელი მათი საერთო შვილის თვალწინ ჩადენილ ძალადობაში დაადანაშაულა. ხუთშაბათს ბაგრატიონ-გრუზინსკიმ გამოძიებას ჩვენება მეორედ მისცა, იგი პოლიციის სამმართველოში პირველად  სამშაბათს გამოცხადდა.

„ბატონ დავითს არაფრის შეშინებია. მან დედამისის ჯანმრთელობის მდგომარეობის გამო გუშინ დატოვა ქვეყანა“, – განაცხადა დავით ბაგრატიონ-მუხრანელის ადვოკატმა ლევან ჩხეიძემ.

დავით ბაგრატიონ-მუხრანელი ანა ბაგრატიონ-გრუზინსკიზე 2009 წელს დაქორწინდა. სამეფო ქორწილი საზოგადოების ყურადღების ცენტრში მოექცა და ქართველმა მონარქისტებმა ამ მოვლენას ისტორიული უწოდეს. ორი წლის შემდეგ წყვილს ეყოლა ვაჟი გიორგი. თუმცა, ქორწინება ხანმოკლე გამოდგა – 2013 წელს სამეფო ოჯახმა განქორწინების შესახებ განაცხადა.

განქორწინებიდან ექვსი წლის შემდეგ ანას ადვოკატებმა განაცხადეს, რომ 2014 წლის 9 მაისს, როდესაც ანამ დავითს ვაჟიშვილი მიუყვანა, იგი მეუღლემ შვილის თვალწინ სცემა და ორი დღის განმავლობაში უფლებას არ აძლევდა სახლი დაეტოვებინა.

ბაგრატიონ-გრუზინსკის ერთ-ერთი ადვოკატის ლევან გორელაშვილის განცხადებით, ინციდენტი მოხდა საგურამოში, დავით ბაგრატიონ-მუხრანელის სახლში. იმ დროს სამეფო წყვილი უკვე განქორწინებული იყო, მაგრამ იმისათვის, რომ ბავშვს მამასთან ჰქონოდა ურთიერთობა, ანა პარასკევს, შაბათს და კვირას საგურამოში მიემგზავრებოდა. ბავშვთან ურთიერთობის განრიგი მათ წინასაწარ ჰქონდათ შეთანხმებული.

ანას დაცვის მხარემ ასევე გაავრცელა 2014 წლის 20 მაისს ჩატარებული ექსპერტიზა, რომლის თანახმად, ანას ჰქონდა დაზიანებული მუხლი, სხეულსა და სახეზე აღენიშნებოდა სისხლნაჟღენთები. ყველა ტრავმა ბლაგვი საგნით იყო მიყენებული.

„სამეფო თამაშები ბაგრატიონთა კარზე" – ქართველი მეფეების შთამომავლები სასამართლოში მიდიან>>>

2019 წლის მარტში მასმედიაში ექსპერტიზის შედეგების გავრცელების შემდეგ აღიძრა სისხლის სამართლის საქმე „ძალადობის" მუხლით. ანამ გამოძიებას ჩვენება უკვე მისცა.

„მოწინააღმდეგე მხარე სრულიად ბინძური ფორმით იყენებს პატარა გიორგის. ამბობენ (ადვოკატები - რედ.), რომ ამ ძალადობას ბავშვი შეესწრო, მაგრამ ესეც სიცრუეა, ისევე, როგორც ძალადობა. ისაუბრეს ასევე თავისუფლების აღკვეთაზეც, რაც არის აბსოლუტურად სიცრუე. ჩვენ ამ ფაქტს არ ვადასტურებთ. ეს ქალბატონი (ანა - რედ.) შვიდი საათი აძლევდა ჩვენებას და, როგორც იტყვიან, კალამი ვერ გააგდებინეს ხელიდან. ბატონ დავითს არაფრის შეშინებია. მან დედამისის ჯანმრთელობის მდგომარეობის გამო გუშინ დატოვა ქვეყანა", – განაცხადა ჩხეიძემ.

ამასთან, ადვოკატმა აღნიშნა, რომ მისი დაცვის ქვეშ მყოფი ჩვენებას არ მისცემს.

„ვერავინ ნახავს, თუ როგორც შედის დავით ბაგრატიონ-მუხრანელი თბილისის პოლიციის სამმართველოში. მსგავსი რამ არ იქნება. თუ მას დაიბარებენ დაკითხვაზე, ჩვენ ამას შევაფასებთ როგორც პოლიტიკურ დევნას ხელისუფლების მხრიდან", – განაცხადა ლევან ჩხეიძემ.

სკანდალი ყოფილ ნათესავებს შორის მას შემდეგ დაიწყო, რაც ანამ და ნუგზარ ბაგრატიონ-გრუზინსკიმ უკვე ყოფილ ნათესავს საქართველოს სამეფო სახლის სიმბოლიკის უკანონო გამოყენებაში დასდეს ბრალი. საპასუხოდ დავით ბაგრატიონ-მუხრანელმა ეჭვქვეშ დააყენა ანას სამეფო წარმომავლობა და განაცხადა, რომ მისი გვარი სიხარულიძეა.

მამა და მისი ქალიშვილი სასამართლოს გზით ცდილობენ დავით ბაგრატიონ-მუხრანელს აუკრძალონ ორდენების გადაცემა საქართველოს სამეფო სახლის სახელით, რომლის ხელმძღვანელია ნუგზარ ბაგრატიონ-გრუზინსკი.

324
თემები:
სკანდალი ბაგრატიონთა სამეფო ოჯახში (12)
ვაქცინაცია  AstraZeneca-ს პრეპარატით

ჯანდაცვის სამინისტროს შიდა აუდიტი AstraZeneca-ს დეფიციტის მიზეზებს სწავლობს

4
ჯანდაცვის სამინისტროს ინფორმაციით, საქართველოში უახლოეს პერიოდში ექვსი კომპანიის ვაქცინა შემოვა, რის შემდეგაც ვაქცინების დეფიციტი აღარ იქნება.

თბილისი, 24 ივნისი – Sputnik. თბილისის რესპუბლიკურ საავადმყოფოში AstraZeneca-ს ვაქცინის დეფიციტის გამო ჯანდაცვის სამინისტროს შიდა აუდიტი შევიდა.

შემოწმების ჩატარების გადაწყვეტილება ჯანდაცვის სამინისტრომ მას შემდეგ მიიღო, რაც ვაქცინაციის პროცესში AstraZeneca-ს ვაქცინის გადანაწილებაზე ლოჯისტიკური პრობლემები შეიქმნა.

რამდენიმე დღის წინ დაავადებათა კონტროლის ეროვნულმა ცენტრმა მოქალაქეებს ვაქცინების დეფიციტთან დაკავშირებით ბოდიში მოუხადა. როგორც მაშინ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა, მოწოდების სერიოზული შეფერხებაა, რომელიც ბევრ ფაქტორთან არის დაკავშირებული. 

რაც შეეხება ვაქცინების დანაკარგებს, გამყრელიძის თქმით, სხვა პრეპარატებისგან განსხვავებით, ყველაზე მეტი – სამპროცენტიანი დანაკარგი იყო AstraZeneca-ზე, რადგან ის 10-დოზიან ფლაკონებშია შეფუთული და გახსნის შემდეგ გარკვეული დოზა აუთვისებელი რჩებოდა, თუ ასაცრელად ჩაწერილი ადამიანი ვაქცინაციაზე არ გამოცხადდებოდა.

როგორც გამყრელიძემ დღეს აღნიშნა, საქართველოში არავითარი ვაქცინა არ გამქრალა.

„როგორც ინფორმირებული ვარ, იმ ქარხანაში, რომლიდანაც უნდა ყოფილიყო მოწოდება, თავად გაეროს ბავშვთა ფონდმა ვერ მიიღო შესაბამისი დოზები და ვერ შემოვიდა მესამე პარტია ქვეყანაში, აღმოჩნდა გარკვეული დეფიციტი 4 000-დან 5 000-მდე მეორე და პირველ აცრაზე 30 ივნისამდე ჩაწერილი ადამიანებისთვის“, – განაცხადა გამყრელიძემ.

მისივე განცხადებით, ივლისში ქვეყანა ვაქცინების საკმაოდ დიდ რაოდენობას მიიღებს და დეფიციტი აღარ იქნება.

როგორც გამყრელიძემ გასულ კვირას გამართულ ბრიფინგზე აღნიშნა, ივლისის დასაწყისიდან  საქართველო ეტაპობრივად დაიწყებს სხვადასხვა დასახელების ვაქცინების, მათ შორის  43 ათასი დოზა AstraZenecа–ს მიღებას.

რაც შეეხება მოქალაქეებს, რომლებიც  AstraZeneca–ს მეორე დოზით ვაქცინაციაზე იყვნენ დარეგისტრირებული და  პირველი დოზის მიღებიდან 10–12 კვირა გაუვიდათ, გამყრელიძის თქმით, მათ უკვე შეუძლიათ სპეციალურ პორტალზე რეგისტრაციის გავლა. უახლოესი ორი კვირის განმავლობაში დაახლოებით 1,8 ათასი მოქალაქე შეძლებს AstraZeneca–ს მეორე დოზით აცრას.

ამასთან, როგორც რესპუბლიკური საავადმყოფოს გენერალურმა დირექტორმა ლევან გოფოძემ განაცხადა,  ეს არის დროებითი შეფერხება და ვაქცინაციის პროცესი ისევ გაგრძელდება.

„რაღაც დოზები მოითხოვა ჯანმომ, იმიტომ, რომ შეემოწმებინა ამ ვაქცინების შენახვის პირობები რამდენად სწორად იყო დაცული. შემოწმდა და აღმოჩნდა, რომ ყველაფერი წესრიგშია და ეს დოზები ისევ დაუბრუნდება ჩვენ მოქალაქეებს", - განაცხადა გოფოძემ.

აღნიშნულ საკითხთან დაკავშირებით კომენტარი გააკეთა ჯანდაცვის მინისტრმა, ეკატერინე ტიკარაძემ. მისი თქმით, შიდა აუდიტი დაავადებათა კონტროლის ეროვნულ ცენტრშიც იმყოფებოდა, კონკრეტული მითითებები კი დღეს გახდება ცნობილი.

„ვაქცინები არსად გამქრალა, ჩვენ დროულად გავაკეთეთ ვაქცინების მობილიზება იმ მნიშვნელოვანი პაციენტებისთვის, რომლებსაც კრიტიკულად ესაჭიროებოდა 10-12 კვირაზე ვაქცინაციის პროცესის უწყვეტობა. შიდა აუდიტი დაავადებათა კონტროლის ეროვნულ ცენტრში იმყოფებოდა ამ ფაქტის და ასევე პროცესის მეტად უფრო ეფექტური მართვისთვის“, - აღნიშნა ტიკარაძემ.

ბოლო მონაცემებით, საქართველოში სულ 245.380 ადამიანია აცრილი, სრულად, ორი დოზით ვაქცინირებულია 88.754 ადამიანი.

4
სოფიკო შევარდნაძე

„სამი თვეა ამ სასწაულთან ერთად ვცხოვრობ“ - სოფო შევარდნაძე პირად ცხოვრებაზე დუმილს არღვევს

95
(განახლებულია 15:22 24.06.2021)
ცნობილმა ჟურნალისტმა პაუზის შემდეგ ვაჟთან ერთად უახლესი ფოტო გამოაქვეყნა და ცხოვრებისეულ პირად დეტალებზე ისაუბრა. რატომ არის 42 წლის ტელესახის ცხოვრებაში უკანასკნელი სამი თვე სასწაული?

საქართველოს ყოფილი პრეზიდენტის შვილიშვილი, ცნობილი ჟურნალისტი სოფო შევარდნაძე „ინსტაგრამის“ საკუთარ გვერდზე პირად ცხოვრებაზე საუბრობს, რადგან ბოლო პერიოდში, მას მერე, რაც ის დედა გახდა, არ წყდება კითხვები, თუ რატომ არ ჩანს მისი მეორე ნახევარი, ან რატომ არ ასაჯაროებს პატარა ანდრიას ფოტოს. მან გადაწყვიტა, დუმილი კიდევ ერთხელ დაარღვიოს.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

სოფიკოს მიერ ვაჟთან ერთად გამოქვეყნებულ ფოტოებს, „ფოლოვერები“ სულმოუთქმენლად ელიან, თუმცა სოფო პირადი სივრცის პრინციპებს არ არღვევს. ახალშობილ ვაჟთან ერთად პოზირებს, ერთობლივ კადრებს სოციალურ ქსელში განათავსებს, თუმცა სახეს ამ დრომდე უმალავს. „სამი თვეა ამ სასწაულთან ერთად ვცხოვრობ“,- აღნიშნავს სოფო მიკრობლოგის ახალ პოსტზე. „ამიერიდან ყველაფერი სხვანაირად იქნება, აღმოჩნდა, რომ ადამიანური რესურსები ამოუწურავია. როცა მესმის შეკითხვები დედობისა და სამსახურის შეთავსებაზე, წამიერად ვპასუხობ, რომ ყველაფერი შესაძლებელია, თუ გაქვს სურვილი და არ გაქვს კომპლექსები, რომლებსაც უსაფუძვლო დანაშაულის განცდა სდევს ხოლმე თან“,- უყვება ფანებს ჟურნალისტი.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

„ახლა ჩემი ოჯახი მაქვს. მე უკვე არა მხოლოდ ქალიშვილი, ან შვილიშვილი ვარ. ახლა დედა ვარ. და რაც არ უნდა უნდოდეს ბევრს, გაიგოს მეტი და უფრო ახლოს, მე უბრალოდ ვიცი, რომ ამიერიდან ჩემი შვილისთვის საზღვრების აგება ჩემი პასუხისმგებლობაა. ყოველთვის მიმაჩნდა, რომ ოჯახის წევრებს აქვთ უფლება, თავად გადაწყვიტონ, სურთ მათ საჯაროობა თუ არა. ჩვენი საქმე კი ის არის, მათ მივცეთ ეს არჩევანი და დავიცვათ არასაჭირო ყურადღებისგან. თუ ადამიანს, რომელიც ჩემ გვერდით არის, შეუძლია საკუთარი თავის დაცვა ამ უფლებით, ჩემი შვილისთვის მე ვარ ასეთი დამცველი. და მხოლოდ როდესაც ანდრია გაიზრდება და თავად შეძლებს გადაწყვიტოს, რის მიწოდება შეუძლია სამყაროსთვის, მე ვიქნები მხოლოდ და მხოლოდ დამკვირვებელი. მანამდე კი ასეა“, – წერდა სოფო.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

95
თემები:
ქართველი სელებრითები