თბილისის ზოოპარკი საფრთხეში მყოფი ცხოველების გადასარჩენად კამპანიას იწყებს

119
(განახლებულია 16:36 01.04.2019)
ზოოპარკში რეაბილიტაციას დაობლებული ბელებიც გადიან.

თბილისი, 1 აპრილი — Sputnik. თბილისის ზოოპარკმა საქართველოში გადაშენების პირას მყოფი ცხოველების გადარჩენისა და კონსერვაციის კამპანია დაიწყო, აღნიშნულია თბილისის ზოოპარკის ადმინისტრაციის მიერ გავრცელებულ განცხადებაში.

პროექტის ფარგლებში გათვალისწინებულია იშვიათი სახეობების – კეთილშობილი ირმის, დასავლეთ კავკასიური ჯიხვისა და ნიამორის გამრავლება და მათი ბუნებაში დაბრუნება.

„პროექტის განსახორციელებლად დამატებითი ფინანსებია საჭირო, ამიტომ გვჭირდება თითოეული მოქალაქის ჩართულობა და თანადგომა", – აღნიშნულია განცხადებაში.

ადმინისტრაციის ინფორმაციით, უკვე გახსნილია ონლაინ-გადარიცხვის ფორმა, რომლის საშუალებითაც ნებისმიერი რაოდენობის თანხის შემოწირვაა შესაძლებელი.

„შეგროვებული თანხით გადავარჩენთ საფრთხეში მყოფ სახეობებს და საქართველოში სიცოცხლის მრავალფეროვნებას შევინარჩუნებთ", – აღნიშნულია განცხადებაში.

გარდა ამისა, ზოოპარკში რეაბილიტაციას დაობლებული ბელებიც გადიან.

რამდენიმე დღის წინ, ჯიხვების კონსერვაციის პროექტის ფარგლებში, თბილისის ზოოპარკში ოთხი დასავლეთ კავკასიური ჯიხვი ჩამოიყვანეს საფრანგეთიდან და ჩეხეთიდან.

 

119
თემები:
ჩვენ და ბუნება (32)