საკლასო ოთახი

პრემიერი: სკოლების მშენებლობასა და რეაბილიტაციაზე 7 მილიარდი ლარი დაიხარჯება

93
(განახლებულია 11:59 21.03.2019)
მამუკა ბახტაძის განცხადებით, ნებისმიერი ქვეყნის განათლების სისტემის წარმატების უკან ძლიერი სკოლა დგას, ამიტომაც, მთავრობა სასწავლო დაწესებულებებს განსაკუთრებულ ყურადღებას დაუთმობს.

თბილისი, 21 მარტი — Sputnik. საქართველოს მთავრობა შემდგომი 5-6- წლის განმავლობაში ქვეყნის მასშტაბით სკოლების მშენებლობასა და სარემონტო სამუშაოებზე დაახლოებით 7 მლრდ ლარს დახარჯავს, განაცხადა საქართველოს პრემიერ-მინისტრმა მამუკა ბახტაძემ Facebook-გვერდზე პირდაპირ ჩართვაში.

განათლების მინისტრი: პრიორიტეტი ქართული სკოლის მოდელის შექმნაა>>>

სწორედ აღნიშნული თანხაა საჭირო იმისთვის, რომ საქართველოს ყველა სოფელში, რაიონში, ქალაქში იყოს თანამედროვე, უახლესი ტექნოლოგიებით აღჭურვილი სკოლა. პრემიერის სიტყვებით, ნებისმიერი ქვეყნის განათლების სისტემის წარმატების უკან ძლიერი სკოლა დგას და ამიტომაც, მთავრობა სასწავლო დაწესებულებებს განსაკუთრებულ ყურადღებას დაუთმობს.

„ჩვენი მიზანია ის, რომ შემდგომი წლების განმავლობაში შვიდი მილიარდი გამოიყოს და აშენდეს ახალი სკოლები, მოხდეს არსებულების რეაბილიტაცია, რათა ჩვენ ეს პრობლემა გადავჭრათ. შესაბამისად, გვექნება კლასები, რომლებიც დაკომპლექტებული იქნება 13-15 მოსწავლით, ცალკეულ შემთხვევაში შეიძლება იყოს ოდნავ მეტი. ეს არის ის სტანდარტი, რომელიც ითვლება საუკეთესოდ და შემდეგი 5-6 წლის განმავლობაში ამ პრობლემას საქართველოს მასშტაბით გადავჭრით", - განაცხადა პრემიერ-მინისტრმა.

საქართველოს მთავრობის მეთაურმა განსაკუთრებული ყურადღება გაამახვილა საქართველოს პირველი დემოკრატიული რესპუბლიკის თაობის ღვაწლზე და აღნიშნა, რომ მაშინ ქვეყანაში 1,2 ათასი სკოლა გაიხსნა.

„ვფიქრობ, ამ თაობამ ჩვენს მრავალსაუკუნოვან ისტორიაში ძალიან მნიშვნელოვანი როლი შეასრულა. მიუხედავად იმისა, რომ სამი წლის განმავლობაში მოღვაწეობდნენ, საოცარი შედეგები ჰქონდათ. პირველი რესპუბლიკის პერიოდში ორი წლის განმავლობაში 1,2 სკოლა გაიხსნა, რაც უნიკალური შედეგია", - განაცხადა მამუკა ბახტაძემ.

პრემიერი: განათლების სფერო განვითარების ახალ დონეს მიაღწევს>>>

საქართველოში 2,3 ათასზე მეტი სხელმწიფო და კერძო სკოლაა.

საქართველოში განათლების მასშტაბური რეფორმა ხორციელდება, რომლის ერთ-ერთი მთავარი პრიორიტეტი ქვეყნის მასშტაბით არსებულ სკოლებში ინფრასტრუქტურის გაუმჯობესებაა. 2019 წელს სარემონტო სამუშაოები 149 საჯარო სკოლაში ჩატარდება, ნაწილობრივი სარეაბილიტაციო სამუშაოები კი - 31 სკოლაში, ამასთან, დაიწყება რვა ახალი სკოლის მშენებლობა. მოხდება რვა სპეცსკოლის განახლება. საქართველოს მუნიციპალური განვითარების ფონდის (MDF) ფინანსური მხარდაჭერით რეგიონებში 27 ახალი სკოლა აშენდება.

 

93
თემები:
საქართველოს პრემიერ–მინისტრი (82)
მაგიდა კაფეში

იმნაძე მოსახლეობას აფრთხილებს: რა ხდება ქობულეთში

55
(განახლებულია 17:18 15.08.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია

თბილისი, 15 აგვისტო - Sputnik. ყველა იმ მოქალაქემ, რომლებიც ქობულეთში, კაფე „ჰავანაში“ 9, 10 და 11 აგვისტოს იმყოფებოდნენ,  სიმპტომების გამოჩენისთანავე ცხელების ცენტრებს უნდა მიმართოს, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

დღეს საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია. დღეს გავრცელდა ინფორმაცია, რომ ერთ-ერთი ინფიცირებულია ქალი, რომელიც ქობულეთში, კაფე „ჰავანაში“ მუშაობს.

„ეს ქალბატონი თბილისიდან ქობულეთში სამუშაოდ არის ჩასული. ის ქობულეთში კაფე „ჰავანაში“ მუშაობდა. აქ მომუშავე პერსონალი, ყველა, ვინც კონტაქტში იყო ამ თანამშრომელთან, ყველა მოკვლეულია და იზოლაციაშია გადაყვანილი. მათ გამოიკვლევენ, მაგრამ მინდა, მაქსიმალურად გავაფრთხილო ისინი, ვინც 9, 10 და 11 აგვისტოს ამ კაფეში იმყოფებოდა, რომ ფრთხილად იყვნენ და თუ ოდნავ მაინც გამოუვლინდებათ სიმპტომები, აუცილებლად მიმართონ ცხელების ცენტრებს“, – განაცხადა  იმნაძემ.

რაც შეეხება დანარჩენ შემთხვევებს, იმნაძის თქმით, ცხრა ინფიცირებული იმყოფებოდა მესტიაში, ერთი - ყაზბეგში ინფიცირებულის ოჯახის წევრია, სამი - ადრე დადასტურებული შემთხვევის კონტაქტია, ხოლო ერთი - სომხეთიდან ჩამოსული მძღოლია.

ამ დროისათვის გამოჯანმრთელებულია 1088 ადამიანი, გარდაცვლილია – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

55
თემები:
COVID-19 საქართველოში
ანთებული სანთლები

საქართველოს დედაქალაქში და რეგიონებში 90-იან წლებში დაღუპული სამხედროები დაკრძალეს

44
(განახლებულია 16:17 15.08.2020)
ნეშტებს, რომლებიც წლების შემდეგ აღმოაჩინეს, იდენტიფიცირების და ნათესაური კავშირების დადგენის მიზნით დნმ-ის ანალიზი ჩაუტარდა. 

თბილისი, 15 აგვისტო — Sputnik. გასული საუკუნის 90-იან წლებში აფხაზეთის  შეიარაღებული კონფლიქტის დროს დაღუპული 13 სამხედრო მოსამსახურე დაკრძალეს, იუწყება პირველი არხი.

ნეშტებს, რომლებიც წლების შემდეგ აღმოაჩინეს, იდენტიფიცირების და ნათესაური კავშირების დადგენის მიზნით დნმ-ის ანალიზი ჩაუტარდა. 

გუშინ სამების საკათედრო ტაძარში სამოქალაქო პანაშვიდი გაიმართა. დაღუპულთა ოჯახის წევრებს სამძიმარი პირადად გამოუცხადეს პრეზიდენტმა სალომე ზურაბიშვილმა, მინისტრთა კაბინეტის წევრებმა, დეპუტატებმა და რიგითმა მოქალაქეებმა.

საქართველოს ტერიტორიაზე კონფლიქტების შედეგად 1990-იან წლებში უგზო-უკვლოდ 2,2 ათასზე მეტი ადამიანი დაიკარგა.

თბილისის ძმათა სასაფლაოზე ორი სამხედრო დაკრძალეს, დანარჩენების ნეშტები ოჯახებმა გადაასვენეს, რათა თავიანთი ნათესავები ოჯახურ სასაფლაოებზე დაკრძალონ.

2010 წელს წითელი ჯვრის საერთაშორისო კომიტეტის ფინანსური და ტექნიკური მხარდაჭერით შეიქმნა საკოორდინაციო მექანიზმი, რომლის წყალობით ნაპოვნია აფხაზეთში საბრძოლო მოქმედებების დროს უგზო-უკვლოდ დაკარგული 563 ადამიანის ნეშტი, საიდანაც 200-ზე მეტი იდენტიფიცირებულია. დანარჩენი ნეშტების ამოცნობის პროცესი გრძელდება.

44