განათლების სამინისტროს სენობა თბილისში

ქართულ-ევროპულ უმაღლეს სასწავლებელს ავტორიზაცია შეუჩერეს

139
აკრედიტაცია დაკარგული სასწავლებლის სტუდენტებს სხვა უმაღლეს სასწავლებლებში გადასვლის საშუალება მიეცემათ.

თბილისი, 10 მარტი - Sputnik. განათლების ხარისხის განვითარების ეროვნულმა ცენტრმა ქართულ-ევროპულ უმაღლეს სასწავლებელს (GEU) ავტორიზაცია შეუჩერა, იუწყება პირველი არხი.

ავტორიზაციის შეჩერების მიზეზია სხვადასხვა დარღვევები, მათ შორის ის, რომ ქართულენოვან საგანმანათლებლო პროგრამებზე დაახლოებით 200 არაქართულენოვანი სტუდენტი სწავლობდა, რომელთა უმრავლესობა ქართულ ენას არ ფლობდა.

რა ცვლილებები ელოდებათ აბიტურიენტებს ეროვნულ გამოცდებზე >>

დარღვევები გეგმიური მონიტორინგის შედეგად გამოვლინდა. აღნიშნულ სასწავლებელში დაახლოებით 600 სტუდენტი სწავლობდა. ყველა მათგანს სხვა უმაღლეს სასწავლებლებში გადასვლის საშუალება მიეცემათ.

ქართულ-ევროპულ უმაღლეს სასწავლებელს (GEU) ავტორიზაცია 2013 წლის 1 აგვისტოს მიენიჭა.

GEU ქართველმა და უცხოელმა სპეციალისტებმა დააარსეს. სასწავლებელი სხვადასხვა საბაკალავრო და პროფესიულ პროგრამებს სთავაზობდა. კერძოდ, ბიზნეს-ადმინისტრირება, ტურიზმი, სოციალური მეცნიერებები, საერთაშორისო ურთიერთობები, ჟურნალისტიკა. ლექციებს კითხულობდნენ სამი პროფესორი, ცხრა ასოცირებული პროფესორი, ათი ასისტენტ-პროფესორი და სამი ასისტენტი.

2018 წელს 11 უმაღლეს სასწავლო დაწესებულებას უარი ეთქვა ან გაუუქმდა ავტორიზაცია ანდა პროფესიული სასწავლებლის სტატუსი მიენიჭა.

2018 წლიდან საქართველოს უმაღლეს სასწავლო დაწესებულებებს ავტორიზაციის გავლა ახალი ევროპული სტანდარტებით უწევს. მათი რიცხვი სამიდან შვიდამდე გაიზარდა.

საქართველოში უცხოელი სტუდენტების რაოდენობა გაიზარდა >>

თუ ადრე უნივერსიტეტებს ამოწმებდნენ საგანმანათლებლო პროგრამების, მატერიალური ბაზისა და უმაღლესი საგანმანათლებლო დაწესებულების პერსონალის კუთხით, ახალი სტანდარტებით განსაკუთრებული ყურადღება ეთმობა უმაღლესი საგანმანათლებლო დაწესებულების მისიას და სტრატეგიული განვითარებას, სტუდენტებზე ორიენტირებულ პროცესებს და მიღწეულ შედეგებს. ასევე ფასდება საორგანიზაციო მართვის ნაწილი და კვლევების ჩასატარებლად არსებული რესურსები.

დღეისათვის საქართველოში 60-ზე მეტი ავტორიზებული უმაღლესი სასწავლო დაწესებულება ფუნქციონირებს. უმაღლეს სასწავლო დაწესებულებებს ავტორიზაციის მოპოვება ექვსი წლით შეუძლიათ.

139
თემები:
განათლება საქართველოში-2018 (278)
სასწრაფო დახმარება

გარდაბანში ქალს ერთდროულად ციმბირული წყლული და კორონავირუსი დაუდასტურდა

233
ამჯერად სოფელ ყარაჯალარის მკვიდრი ქალბატონი იზოლირებულია და საავადმყოფოში მკურნალობას ერთბაშად ორ დაავადებაზე გადის

თბილისი, 12 აგვისტო — Sputnik. გარდაბნის მუნიციპალიტეტის სოფელ ყარაჯალარის მკვიდრ, 43 წლის ქალს ერთდროულად ციმბირული წყლული და კორონავირუსი დაუდასტურდა, იუწყება ტელეარხი Imedi.

ტელეარხის მონაცემებით, ქალმა ნათესავის რჩევით ექიმს ხელზე ჭრილობის გამო მიმართა. ანალიზების შედეგებით მას ციმბირული წყლული დაუდგინდა.

„ის ჩვენთან შემოიყვანეს ეჭვით ციმბირულ წყლულზე, რადგან ნეკა თითზე ჰქონდა შავი გარსით დაფარული ჭრილობა. დილით მას კორონავირუსიც დაუდასტურდა და ციმბირული წყლულიც“, - განაცხადა რუსთავის კლინიკის დირექტორმა პაპუნა ბახტაძემ.

მისი თქმით, ამჯერად ქალი იზოლირებულია და საავადმყოფოში ერთბაშად ორ დაავადებაზე მკურნალობს.

233
თემები:
COVID-19 საქართველოში
ამირან გამყრელიძე

სვანეთში ჩატარებული 600 ტესტის შედეგი ცნობილია - რამდენს გამოუვლინდა ინფექცია

204
ეპიდემიოლოგები აგრძელებენ მაღალმთიანი რეგიონის მოსახლეობის აქტიურ კვლევას, რათა ვირუსის შემდგომი გავრცელება აღკვეთონ

თბილისი, 12 აგვისტო — Sputnik. სვანეთში სამშაბათს აღებული ტესტების ნაწილის შედეგები ცნობილია - 600 შემთხვევიდან Covid-19 დაუდასტურდა მხოლოდ ერთ პირს, რომელიც მესტიის მუნიციპალიტეტის სოფელ ლენჯერში ცხოვრობს, განაცხადა დაავადებათა კონტროლის ცენტრის ხელმძღვანელმა ამირან გამყრელიძემ.

სვანეთიდან 900-ზე მეტი ადამიანი საკარანტინო სივრცეებშია დაბინავებული >>

მისი თქმით, დილიდან მესტიის მუნიციპალიტეტის 16 დასახლებულ პუნქტში ეპიდემიოლოგების 16 ჯგუფი მუშაობდა, აქედან ორი - უშგულში. კონცენტრირებული მუშაობა მიმდინარეობს მესტიაში და რამდენიმე სოფელში.

„დღეს დასრულდა 600 ნიმუშის ტესტირება და იქიდან მხოლოდ ერთი დადებითია. ისიც უკავშირდება ლენჯერის კლასტერს. ჯერჯერობით, ვიდრე დარჩენილი კიდევ 300 ნიმუშის პასუხი იქნება, შეგვიძლია, ვთქვათ რომ ინფექცია ძირითადად კონცენტრირებულია ამ თემის ერთ-ერთ დასახლებაში. ამიტომ, იმ დასახლებაში მკაცრი საკარანტინო ზომები ტარდება, შესვლა-გამოსვლა სრულად აკრძალულია“, - განაცხადა გამყრელიძემ.

მისი თქმით, რამდენიმე საათში სამშაბათს აღებული ტესტებიდან დარჩენილი 300 ტესტის პასუხიც იქნება ცნობილი, შემდგომ - დღეს აღებული 800 ტესტის პასუხები. ამის შემდეგ კი ცხადი გახდება ეპიდსიტუაცია მუნიციპალიტეტში.

გამყრელიძემ ასევე განაცხადა, რომ დღეს მესტიის საავადმყოფოში გაიგზავნა სწრაფი ტესტირების აპარატი, რომელიც პასუხს იძლევა 45 წუთში, მაგრამ მისი გამტარუნარიანობა ისეთი მაღალი არაა, როგორც კლასიკურ PCR-ტესტს, ეს აპარატი ერთ ჯერზე მხოლოდ 4 ნიმუშის ტესტს აკეთებს. ამიტომ ამ აპარატზე გაკეთდება მხოლოდ იმ ნიმუშების ტესტები, რომლებიც სწრაფ დიაგნოსტიკას მოითხოვს.

დაავადებათა კონტროლის ცენტრი სვანეთში 4 ათასამდე მცხოვრების ტესტირებას გეგმავს, შემდეგ კი სამოქმედო გეგმა დაისახება.

მესტიის მუნიციპალიტეტში, სადაც 10 აგვისტოდან საკარანტინე შეზღუდვები მოქმედებს, მოსახლეობის ფართომასშტაბიანი ტესტირება კორონავირუსზე მიმდინარეობს.

მესტიის მოსახლეობა 2018 წლის 1 იანვრისთვის 9 511 ადამიანს შეადგენს. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება - მესტია.

204
თემები:
COVID-19 საქართველოში
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0