კალიები

კალიებთან ბრძოლა თბილისში შეიკრიბნენ სპეციალისტები მთელი მსოფლიოდან

255
მრავალ ქვეყანაში, მათ შორის საქართველოში, კალია სოფლის მეურნეობისთვის სერიოზულ საფრთხეს წარმოადგენს.

თბილისი, 6 მარტი — Sputnik. თბილისში საერთაშორისო ექსპერტები ერთმანეთს კალიებთან ბრძოლის გამოცდილებას უზიარებენ, ნათქვამია სურსათის ეროვნული სააგენტოს პრეს-სამსახურის განცხადებაში.

გაეროს სურსათისა და სოფლის მეურნეობის მსოფლიო ორგანიზაციის (FAO) საერთაშორისო ექსპერტები (აშშ, კანადა, მაროკო, ავსტრალია, ჰოლანდია, მავრიტანია) საქართველოს, რუსეთის, აზერბაიჯანისა და სომხეთის სპეციალისტებს კალიებთან ბრძოლის თანამედროვე ქიმიურ მეთოდებს აცნობენ.

მავნებლებთან ბრძოლის რეგიონული პროგრამა საქართველოში 2010 წლიდან ხორციელდება. FAO საქართველოს ტექნიკურ დახმარებას უწევს და აწვდის კალიების გასანადგურებლად საჭირო პესტიციდებს, ინდივიდუალური დაცვის საშუალებებს და შემასხურებლებს.

გარდა ამისა, რეგიონული პროგრამის ფარგლებში შემუშავდა და ინერგება გლობალური საინფორმაციო სისტემა, რომლის დახმარებით სპეციალისტები ამა თუ იმ ქვეყანაში მავნებლის გავრცელებასთან დაკავშირებული სიტუაციისთვის თვალის უკეთ დევნებას შეძლებენ.

2018 წელს საქართველო შეუერთდა პროექტს „ტრანსსასაზღვრო მავნებლებთან – კალიებთან ბრძოლის გაუმჯობესება კავკასიისა და შუა აზიის ქვეყნებში“, რომლის ფარგლებშიც 2019 წელს კვალიფიკაციას სურსათის ეროვნული სააგენტოს 7 სპეციალისტი აიმაღლებს. შემდეგ ისინი გადაამზადებენ აღნიშნულ დარგში დასაქმებულ სააგენტოს ინსპექტორებსა და სხვა სპეციალისტებს.

კავკასიასა და ცენტრალურ აზიაში კალია სოფლის მეურნეობისთვის სერიოზულ საფრთხეს წარმოადგენს. ერთ დღეში მავნებელს 100 კმ-მდე მანძილის გადაფრენა შეუძლია. მასობრივი გამრავლების დროს კალია აზიანებს მარცვლეულს, პარკოსნებს, მზესუმზირას, თამბაქოს, ვენახებს, ბოსტნეულს, ხეხილს, ბამბას, ბუნებრივ საძოვრებსა და სხვა მცენარეებს.

სურსათის ეროვნული სააგენტოს სპეციალისტები კახეთისა და ქვემო ქართლის რეგიონებში პერიოდულად წამლავენ ე.წ. იტალიურ კალიას, რომელიც სოფლის მეურნეობისთვის საფრთხეს წარმოადგენს.

255
თემები:
საქართველოს სოფლის მეურნეობა – 2018 (96)
უნგრეთის დროშა

პირველად პანდემიის შემდეგ: თბილისს უნგრეთის საგარეო საქმეთა მინისტრი ეწვევა

1
(განახლებულია 08:22 06.07.2020)
საგარეო საქმეთა მინისტრ დავით ზალკალიანის თქმით, უნგრელ დიპლომატს საკარანტინე სივრცე არ ელოდება, რადგანაც ეს რეგულაცია ოფიციალურ პირებზე არ ვრცელდება.

 

თბილისი, 6 ივლისი — Sputnik.  უნგრეთის საგარეო საქმეთა მინისტრი პიტერ სიიარტო თბილისს ოფიციალური ვიზიტით  ორშაბათს ეწვევა, ნათქვამია საქართველოს საგარეო საქმეთა სამინისტროს მიერ გავრცელებულ განცხადებაში. 

უნგრეთის საგარეო უწყების ხელმძღვანელი  პანდემიის დაწყების შემდეგ პირველი ოფიციალური პირი იქნება, რომელიც საქართველოს ეწვევა.

ვიზიტის ფარგლებში სიიარტო შეხვედრებს გამართავს საქართველოს პრემიერ-მინისტრთან, საგარეო საქმეთა, ეკონომიკისა და მდგრადი განვითარების, რეგიონული განვითარებისა და ინფრასტრუქტურის და განათლების სამინისტროების პირველ პირებთან.  

ქართველ კოლეგასთან შეხვედრაზე უნგრეთის საგარეო უწყების ხელმძღვანელი განიხილავს ორმხრივი და მრავალმხრივი თანამშრომლობის საკითხებს, შეხვედრის დასრულების შემდგომ კი  მინისტრების ერთობლივი განცხადება გაკეთდება. 

სიიარტო ვიზიტის ფარგლებში  სრულიად საქართველოს კათოლიკოს-პატრიარქ ილია მეორეს ესტუმრება.

როგორც ადრე საქართველოს საგარეო საქმეთა მინისტრმა დავით ზალკალიანმა განაცხადა, უნგრელ დიპლომატს საკარანტინე სივრცე არ ელოდება, რადგანაც ეს რეგულაცია ოფიციალურ პირებზე არ ვრცელდება.

1
თემები:
საქართველოს საგარეო პოლიტიკა
საგამოცდო ცენტრი

საქართველოში ერთიანი ეროვნული გამოცდები იწყება

38
საქართველოში 24 საგამოცდო ცენტრი გაიხსნება, აბიტურიენტები გამოცდას ქართულ ენასა და ლიტერატურაში ჩააბარებენ

 

თბილისი, 6 ივლისი – Sputnik. საქართველოში ერთიანი ეროვნული გამოცდები ორშაბათს, 6 ივლისს, 08:00 საათზე  იწყება.

აბიტურიენტებმა დღეს გამოცდა ქართულ ენასა და ლიტერატურაში უნდა ჩააბარონ. სულ ქვეყანაში 24 საგამოცდო ცენტრი გაიხსნება.

დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების თანახმად, აბიტურიენტები პირბადეებით უნდა გამოცხადდნენ. თუ ისინი პირბადის გარეშე იქნებიან, მათ გამოცდაზე არ დაუშვებენ. თითოეულ აბიტურიენტს თერმოსკრინინგი ჩაუტარდება. თუ საგამოცდო ცენტრებში ტემპერატურა 30 გრადუსს მიაღწევს, კონდიციონერს ჩართავენ, თუმცა, ამ შემთხვევაში აბიტურიენტებმა პირბადეები უნდა გაიკეთონ. 

აბიტურიენტებს თან უნდა ჰქონდეთ პირადობის დამადასტურებელი მოწმობა და საგამოცდო ფურცელი. სექტორში  აბიტურიენტებს შეუძლიათ თან იქონიონ ასევე წყალი პლასტმასის ბოთლით და შავი ფერის კალამი. საგამოცდო სექტორში მაგიდებს შორის სიგანეში დაშორება იქნება მინიმუმ 2 მეტრი, ერთმანეთის მიმდევრობით განლაგებულ მაგიდებს შორის მანძილი კი - 1 მეტრი იქნება.
თუ აბიტურიენტს 37 გრადუსი ტემპერატურა აღმოაჩნდება და მას საგამოცდო სექტორში არ დაუშვებენ, ამ შემთხვევაში მას PCR–ტესტის ჩატარებას ურჩევენ.

თუ აბიტურიენტს გამოცდების დაწყებამდე რამდენიმე დღის მანძილზე არანაირი რესპირატორული სიმპტომები და ტემპერატურა არ ჰქონდა, საგამოცდო ცენტრში თერმოსკრინინგის დროს კი ტემპერატურა დაუფიქსირდა, იგი გამოცდას იზოლირებულ სივრცეში ჩააბარებს.

ერთიანი ეროვნული გამოცდები 6 ივლისს დაიწყო და 25 ივლისს დასრულდება. საგრანტო კონკურსი 25 ივლისს, სამაგისტრო გამოცდები და 1–დან 4 აგვისტოს ჩათვლით ჩატარდება. მასწავლებლობის მსურველებისთვის საგამოცდო პროცესი კი 22 ივლისს დაიწყება და 30 ივლისს დასრულდება.

ერთიან ეროვნულ გამოცდებზე წელს 55 ათასზე მეტი აბიტურიენტი და სტუდენტი დარეგისტრირდა.

38
თემები:
განათლება საქართველოში