მიწის ნაკვეთი

დევნილი ოჯახებისთვის 240-მდე კერძო სახლი აშენდება

162
(განახლებულია 13:56 26.02.2019)
პროექტი 2019 წელს დაიწყება და სამი წლის განმავლობაში გაგრძელდება.

თბილისი, 26 თებერვალი — Sputnik. გერმანიის მთავრობის გრანტით საქართველოს მასშტაბით დევნილი ოჯახების საკუთრებაში არსებულ მიწის ნაკვეთებზე 240-მდე კერძო სახლი აშენდება, აშენდება აგრეთვე რვა ახალი საბავშვო ბაღი, განაცხადა საქართველოს პრემიერ-მინისტრმა მამუკა ბახტაძემ დღევანდელ ბრიფინგზე.

რამდენიმე დღის წინ ცნობილი გახდა, რომ იძულებით გადაადგილებულ პირთა დახმარების მიზნით გერმანიის მთავრობამ საქართველოს გრანტის სახით 10 მლნ ევრო გამოუყო. პრემიერის განცხადებით, საგრანტო პროგრამა, რომელიც მნიშვნელოვანი პროექტების განხორციელებას გულისხმობს, საქართველოსა და გერმანიის თანამშრომლობით, ერთობლივად შემუშავდა.

„ვფიქრობ, ეს პროგრამა ძალიან მნიშვნელოვანი ორიენტირია, რათა მიღებული გამოცდილებით მომავალ წლებში ჩვენი აქტივობები გავაფართოვოთ. დარწმუნებული ვარ, ეს პროგრამა წარმატებით დასრულდება და მიღებული გამოცდილება იქნება საფუძველი, რომ 2020 წლის ბიუჯეტში მსგავსი პროგრამები ერთ-ერთი წამყვანი პრიორიტეტი იყოს", – განაცხადა ბახტაძემ.

გერმანიის ფედერაციული რესპუბლიკის მიერ გამოყოფილი 10 მლნ ევროს ოდენობის გრანტით საქართველოში აშენდება რვა ახალი საბავშვო ბაღი, ასევე რეაბილიტაცია ჩაუტარდება სკოლამდელი აღზრდის ორ დაწესებულებას, ახალ საცხოვრებელ ადგილზე გადასული დევნილებისთვის შემოსავლის წყაროს გაჩენის მიზნით კი გაიცემა 236 გრანტი, ხოლო დევნილებისთვის ახალი სამუშაო ადგილების შექმნის მიზნით მცირე და საშუალო საწარმოებზე გაიცემა 130 ბიზნეს-გრანტი.

ამას გარდა, 260-მდე დევნილი ახალგაზრდა გაივლის პროფესიული კვალიფიკაციის ასამაღლებელ კურსებს. დევნილი და არადევნილი მოსახლეობის პროფესიული განათლებისა და უნარების გაუმჯობესების ხელშეწყობის მიზნით დასავლეთ საქართველოში აშენდება საგანმანათლებლო ცენტრები.

პროექტი 2019 წელს დაიწყება და სამი წლის განმავლობაში გაგრძელდება.

ამჟამად საქართველოში იძულებით გადაადგილებული პირის სტატუსის მქონე 273,4 ათასი ადამიანია.

 

162
თემები:
სოციალური სფერო საქართველოში (182)
გიორგი შაქარაშვილი

„გიორგის დედა ცუდად გახდა...“ - შაქარაშვილის ბიძა ოჯახის რეაქციაზე საუბრობს

62
(განახლებულია 11:23 07.07.2020)
თითქმის ორი კვირა გავიდა, რაც 19 წლის ფეხბურთელი გიორგი შაქარაშვილი მდინარე არაგვში გარდაცვლილი იპოვეს. გამოძიება ელოდება ექსპერტიზის პასუხს, თუ რა გახდა გარდაცვალების მიზეზი.

თბილისი, 7 ივლისი  — Sputnik. მედიაში გასული სიუჟეტის ნახვის შემდეგ, რომელიც გიორგი შაქარაშვილის გარდაცვალების საქმეს ეხებოდა, გიორგის დედა ცუდად გახდა, აცხადებს ოჯახის ნათესავი და მისი უფლებების დამცველი მირიან ნიკოლაძე „აჭარის ტელევიზიასთან“.

19 წლის გარდაცვლილი ფეხბურთელის ბიძის თქმით, ერთ-ერთი სიუჟეტის ეთერში გასვლის შემდგომ, მას გიორგის დედამ ტირილით დაურეკა და უთხრა, რომ „შვილი მეორედ მოუკლეს“.

„ბავშვის გარდაცვალებაზე მეტად, სკანდალები და რეიტინგები აღელვებთ. მე არ მინახავს სიუჟეტი. არანაირი მოტეხილობა არ ჰქონია გიორგის. მას რაც დაზიანებები ჰქონდა, ისინი სიცოცხლისთვის საშიში არ იყო“, - აცხადებს უფლებადამცველი.

მისი თქმით, ვრცელდება ინფორმაცია თითქოს გარდაცვლილს ყური არ ჰქონდა, რაც არ შეესაბამება სიმართლეს და ეს ექსპერტმაც ბევრჯერ დაადასტურა.

გასულ სიუჟეტში ნაჩვენები იყო, თუ რა დაზიანებები ჰქონდა 19 წლის გიორგი შაქარაშვილს. საქმეში არსებულ მტკიცებულებებთან ერთად არის ფოტომასალა შემთხვევის ადგილიდან.

19 წლის ახალგაზრდას სხეულზე 10-მდე დაზიანება ჰქონდა, მათ შორის საუბარია მოტეხილობებზე. გარდაცვლილი ფეხბურთელის ბიძის თქმით, სწორედ აღნიშნული ინფორმაციის გავრცელებას მოჰყვა გიორგი შაქარაშვილის დედის ცუდად გახდომა.

23 ივნისს 19 წლის გიორგი შაქარაშვილის ცხედარი ოთხდღიანი ძებნის შემდეგ მაშველებმა მდინარე არაგვში იპოვეს.

„გოგოს, რომელიც უყვარდა ჩიქოვანს, უყვარდა შაქარაშვილი“– ახალი სკანდალი ფეხბურთელის საქმეში >>>

18-19 ივნისის ღამით მომხდარ ფაქტებზე აღძრულ საქმეებზე 26 ივნისს 17 პირი დააკავეს. მათ ბრალი ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე აქვთ წარდგენილი – სსკ-ის 126-ე მუხლის პირველი პრიმა ნაწილის „ბ“ და „გ“ ქვეპუნქტებით, 225-ე მუხლის 1-ლი და მე-2 ნაწილებით და 143-ე მუხლის მე-3 ნაწილის „ა“ ქვეპუნქტით. ბრალდებულთა შორის არიან ფეხბურთელები, მორაგბეები, მოჭიდავეები. მათგან რამდენიმე თავადაც დაზარალებულად ცნეს.  

მოსამართლემ აღკვეთის ღონისძიების სახით პატიმრობის გამოყენებაზე პროკურატურის შუამდგომლობა დააკმაყოფილა. ადვოკატების ნაწილმა მათი დაცვის ქვეშ მყოფების აღკვეთის ღონისძიების გარეშე დატოვება მოითხოვა, ნაწილმა კი გირაოს შეფარდების შუამდგომლობა დააყენა.

მცხეთის რაიონულ სასამართლოში პროცესი დახურულ რეჟიმში მიმდინარეობდა, რადგან საქმეში ექვსი ბრალდებული არასრულწლოვანია.

გამოძიების ვერსიით, 18 ივნისს შაქარაშვილი მეგობართან ერთად ესწრებოდა მცხეთაში დაქირავებულ კერძო სახლში გამართულ წვეულებას, სადაც ერთ-ერთი გოგონას დაბადების დღეს აღნიშნავდნენ. წვეულებაზე სტუმრებს შორის კონფლიქტი მოხდა. ურთიერთობების გარჩევა ქალაქისკენ მიმავალ ცენტრალურ მაგისტრალზე გაგრძელდა, სადაც საქმეში თბილისიდან ჩასული ახალი პირები ჩაერთვნენ, რადგან კონფლიქტის მონაწილეთა ნაწილმა თბილისიდან „დახმარება“ გამოიძახა.

მოწმეები ამტკიცებენ, რომ გიორგი შაქარაშვილი გარჩევის ადგილს გაერიდა და მდინარისკენ გაიქცა, შემდეგ კი მისი კვალი იკარგება. ახალგაზრდა ფეხბურთელის ცხედარი ოთხი დღის ძებნის შემდეგ მაშველებმა და მყვინთავებმა მდინარეში იპოვეს.

62
ესტონეთის დროშა

ესტონეთი საზღვრებს ხსნის რა პირობები უნდა დააკმაყოფილონ საქართველოს მოქალაქეებმა

46
(განახლებულია 10:59 07.07.2020)
საქართველოდან ესტონეთში გამგზავრების მსურველებმა უნდა დააკმაყოფილონ შენგენის ზონის ქვეყნების ტერიტორიაზე შესვლის პირობები

თბილისი, 7 ივლისი — Sputnik.  ესტონეთი საქართველოს მოქალაქეებისთვის საკუთარ საზღვრებს ხსნის, იუწყება ესტონეთში საქართველოს საელჩო.

ქვეყნის მთავრობის გადაწყვეტილებით, ევროკავშირის რეკომენდაციების საფუძველზე, ესტონეთში მოგზაურობას შეძლებენ ე.წ. უსაფრთხო ქვეყნების სიაში შესული 14 ქვეყნის, მათ შორის, საქართველოს მოქალაქეები.

ამასთან, საქართველოდან ესტონეთში გამგზავრების მსურველი პირი უნდა აკმაყოფილებდეს შენგენის ზონის ქვეყნების ტერიტორიაზე  შესვლის პირობებს. 

ლოკდაუნის შემდეგ ესტონეთის ტერიტორიაზე შესვლისას მოთხოვნები ასეთია: საზღვრის კვეთისას პირს არ უნდა აღენიშნებოდეს კორონავირუსისთვის დამახასიათებელი სიმპტომები;  იმ შემთხვევაში თუ პირი ესტონეთში შედის იმ ქვეყნიდან, სადაც კორონავირუსის გავრცელების მაჩვენებელი ბოლო 14 დღის განმავლობაში 100 ათას მოსახლეზე 16 ინფიცირებულს აჭარბებს, მაშინ იგი 14–დღიან სავალდებულო იზოლაციას ექვემდებარება, ნათქვამია ტალინში საქართველოს საელჩოს მიერ გავრცელებულ განცხადებაში.
კორონავირუსთან ბრძოლის წინააღმდეგ სამთავრობო ვებგვერდის ინფორმაციით, ქვეყანაში ინფიცირების 1994 დადასტურებული შემთხვევაა დაფიქსირებული, გარდაცვლილია 69.

გასულ კვირაში ევროკავშირმა საქართველო იმ 15 ქვეყნის ჩამონათვალში შეიყვანა, რომელთათვისაც ევროკავშირის წევრ–ქვეყნებს საზღვრების გახსნის რეკომენდაციას აძლევს.

საქართველოსთან ერთად, სიაში შესულია: ავსტრალია, კანადა, იაპონია, მაროკო, სამხრეთ კორეა, ალჟირი, მონტენეგრო, ახალი ზელანდია, რუანდა, სერბეთი, ტაილანდი, ტუნისი, ურუგვაი და ჩინეთი. ამასთან, ჩინეთთან მიმართებით ვრცელდება პირობა, რომ სიც გახსნის ევროკავშირის წევრი–ქვეყნების მოქალაქეებსთვის საზღვრებს.

საქართველოს მოქალაქეებისთვის საკუთარი საზღვრების გახსნის შესახებ უკვე განაცხადეს ნიდერლანდებმა, გერმანიამ, საფრანგეთმა, უნგრეთმა და ევროკავშირის სხვა ქვეყნებმა.

46
თემები:
COVID-19-ის პანდემია მსოფლიოში
თბილისი

როგორი ამინდი იქნება თბილისში ხუთშაბათს, 9 ივლისს

0
(განახლებულია 11:25 07.07.2020)
ხუთშაბათს კვლავ სიცხე იქნება, მაგრამ არა ისეთი, როგორც დღეს - ხუთშაბათს დედაქალაქში სულ +34 გრადუსი იქნება და თუ გაგვიმართლებს, ჰაერს წვიმაც გააგრილებს

თბილისი, 7 ივლისი — Sputnik. სინოპტიკოსების პროგნოზით ხუთშაბათს, 9 ივლისს უპირატესად მზიანი და ცხელი ამინდია მოსალოდნელი. შესაძლებელია ხანმოკლე წვიმა ელჭექით.

ტემპერატურა ღამით იქნება +23, ხოლო დღისით +34 გრადუსი.

ქარი ღამით 10-15 მეტრი წამში სიჩქარით დაუბერავს, დღისით კი დროგამოშვებით 17-22 მეტრამდე გაძლიერდება.

მზე 05:35 საათზე ამოვა და 20:36 საათზე ჩავა.

0
თემები:
ამინდის ზუსტი პროგნოზი თბილისში