ღამის საზკვების ობიექტი

Food Trucks თბილისის მერიის ახალი ინიციატივა

298
(განახლებულია 15:33 20.02.2019)
თბილისში ღამის ცხოვრების აქტიური განვითარებიდან გამომდინარე, ღამის კვების ობიექტებიც გაჩნდება.

თბილისი, 20 თებერვალი — Sputnik. ახლო მომავალში დედაქალაქის ქუჩებში ღამის კვების ობიექტები, ე.წ. Food Trucks გაჩნდება, განაცხადა თბილისის მერის მოადგილემ სოფიო ხუნწარიამ.

ხუნწარიას განცხადებით, აღნიშნული პროექტის განხორციელება „ღამის ეკონომიკის" განვითარების მიზნით იგეგმება.

„ე.წ. Food Trucks-ები ერთ-ერთ კონკრეტულ ლოკაციაზე გაიშლება. ღამის კვების ობიექტების განვითარების მიმართულებით საკმაოდ დიდი ინტერესია, რომელიც მოსაწესრიგებელია, რადგან ღამის ცხოვრების მხრივ მოთხოვნა საკმაოდ გაზრდილია. იმ გამოწვევებს, რაც ამ მიმართულებით დგას, უნდა ვუპასუხოთ", – აღნიშნა სოფიო ხუნწარიამ თბილისის მერთან კახა კალაძესთან ერთად თბილისის მოსახლეობასთან ვიდეოდიალოგის დროს.

თბილისის ათივე რაიონში ჩატარდება კვლევები, თუ რამდენად სჭირდება თითოეულ მათგანს „ღამის ეკონომიკის" განვითარება.

ღამის თბილისის განვითარება კახა კალაძის წინასაარჩევნო დაპირება იყო და ეს ღამის კულტურული ცხოვრების გამოცოცხლებას და ქალაქის საგადასახადო შემოსავლების გაზრდას ისახავს მიზნად.

თბილისის მერიამ „ღამის ეკონომიკის" განვითარების კუთხით კონკრეტული ნაბიჯები უკვე გადადგა. კერძოდ, 2018 წლის სექტემბრის ბოლოს ამოქმედდა კანონპროექტი, რომლის ფარგლებშიც შაბათ-კვირას ღამის საათებში დედაქალაქის ქუჩებში ავტობუსები მოძრაობენ. „ღამის ავტობუსი" №222 მეტროს სადგურ „ახმეტელის თეატრიდან" „ვარკეთილამდე" 24:00 საათიდან 06:00 საათამდე მოძრაობს.

გარდა ამისა, პირველად გაიმართა „თბილისის ღამის ეკონომიკის საერთაშორისო ფორუმი", რომლის ფარგლებშიც ჩატარდა მუსიკალური ფესტივალი Newon.

სამშაბათს, საღამოს თბილისის მერმა კახა კალაძემ მოადგილეებთან ერთად სოციალურ ქსელ Facebook-ზე ვიდეოკონფერენცია გამართა, რომელზეც მათ თბილისელების კითხვებს უპასუხეს. ოთხშაბათს დედაქალაქის მთავრობის სხდომაზე მერმა აღნიშნა, რომ საზოგადოებასთან კომუნიკაციის ინტენსიური ფორმატის დაწყებაა საჭირო. კალაძემ პირობა დადო, რომ მოსახლეობასთან დიალოგის ეს ფორმატი გაგრძელდება, რაიონების ხელმძღვანელებს კი მისგან მაგალითის აღებისკენ მოუწოდა.

 

298
თემები:
თბილისის მერია (239)
მაგიდა კაფეში

იმნაძე მოსახლეობას აფრთხილებს: რა ხდება ქობულეთში

46
(განახლებულია 17:18 15.08.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია

თბილისი, 15 აგვისტო - Sputnik. ყველა იმ მოქალაქემ, რომლებიც ქობულეთში, კაფე „ჰავანაში“ 9, 10 და 11 აგვისტოს იმყოფებოდნენ,  სიმპტომების გამოჩენისთანავე ცხელების ცენტრებს უნდა მიმართოს, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

დღეს საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია. დღეს გავრცელდა ინფორმაცია, რომ ერთ-ერთი ინფიცირებულია ქალი, რომელიც ქობულეთში, კაფე „ჰავანაში“ მუშაობს.

„ეს ქალბატონი თბილისიდან ქობულეთში სამუშაოდ არის ჩასული. ის ქობულეთში კაფე „ჰავანაში“ მუშაობდა. აქ მომუშავე პერსონალი, ყველა, ვინც კონტაქტში იყო ამ თანამშრომელთან, ყველა მოკვლეულია და იზოლაციაშია გადაყვანილი. მათ გამოიკვლევენ, მაგრამ მინდა, მაქსიმალურად გავაფრთხილო ისინი, ვინც 9, 10 და 11 აგვისტოს ამ კაფეში იმყოფებოდა, რომ ფრთხილად იყვნენ და თუ ოდნავ მაინც გამოუვლინდებათ სიმპტომები, აუცილებლად მიმართონ ცხელების ცენტრებს“, – განაცხადა  იმნაძემ.

რაც შეეხება დანარჩენ შემთხვევებს, იმნაძის თქმით, ცხრა ინფიცირებული იმყოფებოდა მესტიაში, ერთი - ყაზბეგში ინფიცირებულის ოჯახის წევრია, სამი - ადრე დადასტურებული შემთხვევის კონტაქტია, ხოლო ერთი - სომხეთიდან ჩამოსული მძღოლია.

ამ დროისათვის გამოჯანმრთელებულია 1088 ადამიანი, გარდაცვლილია – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

46
თემები:
COVID-19 საქართველოში
ანთებული სანთლები

საქართველოს დედაქალაქში და რეგიონებში 90-იან წლებში დაღუპული სამხედროები დაკრძალეს

43
(განახლებულია 16:17 15.08.2020)
ნეშტებს, რომლებიც წლების შემდეგ აღმოაჩინეს, იდენტიფიცირების და ნათესაური კავშირების დადგენის მიზნით დნმ-ის ანალიზი ჩაუტარდა. 

თბილისი, 15 აგვისტო — Sputnik. გასული საუკუნის 90-იან წლებში აფხაზეთის  შეიარაღებული კონფლიქტის დროს დაღუპული 13 სამხედრო მოსამსახურე დაკრძალეს, იუწყება პირველი არხი.

ნეშტებს, რომლებიც წლების შემდეგ აღმოაჩინეს, იდენტიფიცირების და ნათესაური კავშირების დადგენის მიზნით დნმ-ის ანალიზი ჩაუტარდა. 

გუშინ სამების საკათედრო ტაძარში სამოქალაქო პანაშვიდი გაიმართა. დაღუპულთა ოჯახის წევრებს სამძიმარი პირადად გამოუცხადეს პრეზიდენტმა სალომე ზურაბიშვილმა, მინისტრთა კაბინეტის წევრებმა, დეპუტატებმა და რიგითმა მოქალაქეებმა.

საქართველოს ტერიტორიაზე კონფლიქტების შედეგად 1990-იან წლებში უგზო-უკვლოდ 2,2 ათასზე მეტი ადამიანი დაიკარგა.

თბილისის ძმათა სასაფლაოზე ორი სამხედრო დაკრძალეს, დანარჩენების ნეშტები ოჯახებმა გადაასვენეს, რათა თავიანთი ნათესავები ოჯახურ სასაფლაოებზე დაკრძალონ.

2010 წელს წითელი ჯვრის საერთაშორისო კომიტეტის ფინანსური და ტექნიკური მხარდაჭერით შეიქმნა საკოორდინაციო მექანიზმი, რომლის წყალობით ნაპოვნია აფხაზეთში საბრძოლო მოქმედებების დროს უგზო-უკვლოდ დაკარგული 563 ადამიანის ნეშტი, საიდანაც 200-ზე მეტი იდენტიფიცირებულია. დანარჩენი ნეშტების ამოცნობის პროცესი გრძელდება.

43