სამხედრო ქარხანა „დელტა

პროფესიული გადამზადების პროგრამა აპრილიდან დაიწყება

206
(განახლებულია 10:15 18.02.2019)
საჭირო პროფესიებსა და გადასამზადებელი ადამიანების რაოდენობას ეკონომიკის სამინისტროსთან არსებული საბჭოს სპეციალისტები განსაზღვრავენ.

თბილისი, 18 თებერვალი — Sputnik. საქართველოში 2019 წლის 1 აპრილს დაიწყება პროფესიული კადრების გადამზადების პროგრამა, რომელშიც 50 ათასი ადამიანი ჩაერთვება, ნათქვამია საქართველოს ეკონომიკისა და მდგრადი განვითარების სამინისტროს განცხადებაში.

ქვეყნის ერთ-ერთ ძირითად პრობლემას არასაკმარისად კვალიფიციური სამუშაო ძალა წარმოადგენს. ამავე დროს მთავრობა საქართველოს ერთ-ერთ მნიშვნელოვან პრობლემად უმუშევრობას მიიჩნევს.

„მასშტაბური პროფესიული გადამზადების პროგრამით იგეგმება ყოველწლიურად 50 ათასამდე ადამიანის გადამზადება", – განაცხადა ეკონომიკის მინისტრმა გიორგი ქობულიამ.

ქობულიას განცხადებით, პრიორიტეტული მიმართულებები კადრების გადამზადების საკითხში იქნება ტურიზმი, სასტუმროები, IT-სექტორი, ბიზნეს-პროცესების აუთსორსინგი, ტანსაცმლის, ფეხსაცმლისა და ტყავის ნაწარმის წარმოება, ავეჯის დამზადება, საავტომობილო და საჰაერო სატრანსპორტო საშუალებების აწყობა–წარმოება, კომპიუტერებისა და ელექტრონული ნაწარმის წარმოება, სოფლის მეურნეობა, ენერგეტიკა და მშენებლობა.

ეკონომიკის სამინისტროში შეიქმნება საბჭოები პრიორიტეტული სექტორების მიხედვით, რომლებშიც, მთავრობის წარმომადგენელთა გარდა, შევლენ ბიზნესის, პროფესიული განათლებისა და დონორი ორგანიზაციების წარმომადგენლები.

ეს საბჭოები განსაზღვრავენ საჭირო პროფესიებსა და გადასამზადებელ ადამიანთა რაოდენობას, შეადგენენ სასწავლო პროგრამას და გადაწყვეტენ სწავლის პროცესთან დაკავშირებულ ყველა საკითხს.

206
თემები:
განათლება საქართველოში-2018 (278)
ექიმები

კომპენსაცია გმირ ექიმებს - პარლამენტში კანონპროექტზე მუშაობა დაიწყეს

77
პანდემიის დაწყებიდან კორონავირუსს ასზე მეტი ექიმი შეეწირა, პაციენტების გადარჩენისას მედპერსონალის 33%-მა გადაიტანა COVID-19 - მათი თავდადებული შრომა უნდა დაფასდეს

თბილისი, 26 ივლისი – Sputnik. სამედიცინო პერსონალის გარდაცვალების, ან ჯანმრთელობის მძიმე დაზიანების მიღების დროს საკომპენსაციო განაკვეთების და გაცემის პირობების განმსაზღვრელ კანონპროექტზე პარლამენტში შექმნილი სპეციალური სამუშაო ჯგუფი იმუშავებს.

სამუშაო ჯგუფის შექმნის გადაწყვეტილება ჯანმრთელობის დაცვისა და სოციალურ საკითხთა კომიტეტმა ორშაბათს გამართულ სხდომაზე მიიღო.

საკანონმდებლო ინიციატივა ეკუთვნის მოძრაობას „სამართლიანი მედიცინა“.

ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის განცხადებით, პანდემიის დროს მედპერსონალს საკმაოდ მაღალი რისკის ზონაში უწევს მუშაობა და აღნიშნული საკითხის საკანონმდებლო დონეზე დარეგულირება ნამდვილად სამართლიანი იქნება.

„ამდაგვარი საკანონმდებლო ცვლილებები ჩვენ მივიღეთ მაშველებთან, მეხანძრეებთან, პოლიციელებთან მიმართებაში. როგორც ინფორმაცია მაქვს, საგანგებო სამსახურის მიერ ასეთი ფაქტების დროს კომპენსაციები გაიცა, მაგრამ საკანონმდებლო დონეზე, ასეთი ჩარჩო არ არსებობს, როგოც სხვა შემთხვევებში და ლოგიკა არის იმაში, რომ მედპერსონალთან დაკავშირებითაც მივიღოთ შესაბამისი გადაწყვეტილება“, - განაცხადა ხუნდაძემ.

მისი თქმით, საკანონმდებლო წინადადება კარგია, მაგრამ უნდა შეიქმნას სამუშაო ჯგუფი, რომელიც მის საკანონმდებლო გაფორმებაზე იმუშავებს. ხუნდაძის თქმით, ამ პროცესში ჩაერთვება ყველა კომპეტენტური უწყება - ჯანდაცვის სამინისტრო, ფინანსთა სამინისტრო და სხვა სტრუქტურები.

დიმიტრი ხუნდაძემ კანონპროექტზე მუშაობაში ჩართვისკენ ოპოზიციასაც მოუწოდა.

„ეს არის ზეპარტიული და აპოლიტიკური თემა, ამიტომ ყველამ ერთად ვეცადოთ, რომ სწორი, სამართლიანი და, მე ფიქრობ, აუცილებელი და დროული გადაწყვეტილებაც მივიღოთ“, - განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ.

პანდემიის დაწყებიდან საქართველოში კორონავირუსის გამო ასზე მეტი ექიმი გარდაიცვალა, ხოლო 33% დაინფიცირდა.

77
ხელოვნური სუნთქვის აპარატი

ჯანდაცვა: საქართველოში ინფიცირებულთა 40-50%-ს „დელტა" შტამი აქვს

47
(განახლებულია 17:11 26.07.2021)
საქართველოში კორონავირუსის მეოთხე ტალღა აქტიურ ფაზაში შედის. იზრდება „დელტა" შტამით ინფიცირებულთა რაოდენობა, შესაბამისად, უფრო მეტი ადამიანი საჭიროებს ჰოსპიტალიზაციას.

თბილისი, 26 ივლისი — Sputnik. საქართველოში კორონავირუსით ინფიცირებული მოქალაქეების 50%-ს „ინდური შტამი" გამოუვლინდა, განაცხადა ჯანდაცვის მინისტრის მოადგილე თამარ გაბუნიამ.

„თუ აქამდე ვსაუბრობდით, რომ „დელტა" შტამი დაახლოებით, 20%-ში ცირკულირებდა, ახლა ეს მაჩვენებელი იზრდება და სავარაუდოდ, 40-50%-ს აღწევს. ევროპის ქვეყნები თითქმის უახლოვდება იმ მდგომარეობას, რომ „დელტა" შტამი ყველა სხვა შტამს ანაცვლებს, ასე რომ, ტენდენციები ჩვენთანაც მსგავსია", - განაცხადა გაბუნიამ.

გაბუნიას განმარტებით, რაც უფრო წარმატებული იქნება ვაქცინაციის პროგრამა, მით უფრო გააქტიურდებიან ანტივაქსერები. მისი თქმით, საქართველო ერთადერთი ქვეყანაა, სადაც ანტივაქსერული კამპანია ასე აქტუალურია, რომელსაც ჯანდაცვის უწყება სწორი ინფორმაციული პოლიტიკის დახმარებით ებრძვის.

დღეისთვის საქართველოში კოვიდ-პაციენტებისთვის 6 ათასი საწოლია მობილიზებული, მათგან 5,2 ათასი დაკავებულია. ჯანდაცვის უწყება მინიმუმ 1,5 ათასი საწოლის დამატებას გეგმავს.

საქართველოში „ინდური" შტამის პირველი შემთხვევა ლაბორატორიულად 27 მაისს დაფიქსირდა.

„ინდური შტამის" გავრცელების ტემპი კორონავირუსის მუტაციის შემდეგ გაიზარდა, რადგან ის იოლად უმკლავდება ანტისხეულებს, რომლებიც წარმოიქმნება აცრის შემდეგ, ან ბუნებრივი გზით იმ ადამიანების ორგანიზმში, რომლებმაც უკვე გადაიტანეს COVID-19.

საქართველოში ამ ეტაპზე ე.წ. ინდური („დელტა") და ბრიტანული შტამები ცირკულირებს. "დელტა" შტამი ყველაზე მეტად ბავშვებსა და ახალგაზრდებში ვრცელდება და იგი 50%-ით უფრო ვერაგია „ბრიტანულ" შტამთან შედარებით.

ეპიდემიოლოგების პროგნოზით, საქართველოში კორონავირუსის მეოთხე ტალღის პიკი აგვისტოშია მოსალოდნელი, როდესაც ე.წ. „ინდური" შტამი „ბრიტანულს" მთლიანად ჩაანაცვლებს.

47
თემები:
კორონავირუსი საქართველოში: ბოლო ცნობები
გიორგი ღოღობერიძე

ღოღობერიძე: როგორ უნდა მოვიქცეთ მაღალი სიცხის დროს

0
(განახლებულია 20:25 26.07.2021)
ექიმი-რეზიდენტი გიორგი ღოღობერიძე საუბრობს, როგორ დავიცვათ თავი ზაფხულის მაღალი სიცხისგან და  საზოგადოებას რჩევებს აძლევს.
ღოღობერიძე: როგორ უნდა მოვიქცეთ მაღალი სიცხის დროს
„მაღალი ტემპერატურის მიმართ განსაკუთრებით მგრძნობიარეები არიან ისინი, ვისაც ქრონიკული დაავადებები აწუხებთ, ან არიან ასაკიანები. ძალიან მნიშვნელოვანია, მაღალი სიცხი დროს ბევრი სითხე მიიღოთ, ასევე მიირთვით ისეთი საკვები, რომელიც დიდი რაოდენობით წყალს შეიცავს, მაგალითად, კიტრი, საზამთრო, ნესვი. სასურველია ეს სასმელი არ იყოს ალკოჰოლის, კოფეინისა და შაქრის შემცველი“, - ამბობს ღოღობერიძე.

მისი რჩევით, სიცხის დროს კარგია მოვერიდოთ ფიზიკურ აქტივობას, რადგან ამ დროს მეტი სითხე ორთქლდება, ასევე, ჩავიცვათ ღია ფერის, ბამბის ტანსაცმელი.

 

0