საგამოცდო აუდიტორია

რა ცვლილებები ელოდებათ აბიტურიენტებს ეროვნულ გამოცდებზე

267
მომავალში აბიტურიენტები ერთიან, მსხვილ, კომბინირებულ გამოცდას ჩააბარებენ

თბილისი, 11 თებერვალი — Sputnik. ერთიანი ეროვნული გამოცდების გაუქმება არ იგეგმება, იუწყება საზოგადოებრივი მაუწყებლის პირველი არხი.

ერთიანი ეროვნული გამოცდები საქართველოში 2005 წელს დაინერგა. იმისათვის, რომ გახდეს სტუდენტი, აბიტურიენტმა უნდა ჩააბაროს გამოცდები სამ აუცილებელ საგანში — ზოგადი უნარ-ჩვევები, ქართული ენა და ლიტერატურა, უცხო ენა, ასევე ერთი გამოცდა არჩევით საგანში — ლიტერატურა, მათემატიკა, ისტორია, გეოგრაფია, ქიმია, ფიზიკა, ბიოლოგია, სახვითი და გამოყენებითი ხელოვნება, სამოქალაქო განათლება. რაც შეეხება სკოლის გამოსაშვებ გამოცდებს, რამდენიმე დღის წინ ცნობილი გახდა, რომ 2018-2019 სასწავლო წლიდან სკოლის გამოსაშვები (ე. წ. CAT-ის) გამოცდები მე-11 და მე-12 კლასებისთვის მოიხსნა.

საქართველოს განათლების, მეცნიერების, კულტურისა და სპორტის მინისტრის მოადგილის ირინა აბულაძის განცხადებით, შესაძლოა, მომავალში იყოს ერთი დიდი ცენტრალიზებული გამოცდა, რომელშიც საგანი და უნარ-ჩვევები კომბინირებული იქნება.

„ამის გარდა, უნდა არსებობდეს სამოტივაციო წერილი, პროექტი, სხვადასხვა წყაროები, რის მიხედვითაც უნივერსიტეტები შეარჩევენ სტუდენტებს. თუმცა, ეს არის შორეული პერსპექტივა და ცხადია, ეს წელს და მომავალ წელს არ იგეგმება. პრინციპის დონეზე საუბარი არის, რომ მომავალში, მას შემდეგ, რაც სკოლების დონეზე ამ გამოწვევებს მოვაგვარებთ, გახდეს ერთიანი, მსხვილი, კომბინირებული გამოცდა“, - განაცხადა  მინისტრის მოადგილემ.

მისივე თქმით, თუ ამ საკითხზე შეთანხმება მოხდება, შესაძლებელია ქვეყანა ამ მოდელზე 2023-2024 წლისთვის გადავიდეს.

კითხვაზე, იგეგმება თუ არა ეროვნული გამოცდების გაუქმება და განიხილება თუ არა სტუდენტების შიდასაუნივერსიტეტო გამოცდით ჩარიცხვის შესაძლებლობა, ირინა აბულაძემ განაცხადა, რომ მსგავს საკითხზე მსჯელობა არ მიმდინარეობს და საუბარია მხოლოდ ეროვნული გამოცდების არსებული მოდელის დახვეწაზე. თუმცა, მისივე თქმით, უნივერსიტეტებთან გამოცდების მოდელების განხილვისას ეროვნული გამოცდების შესაძლო გაუქმების საკითხზეც იყო საუბარი.

„მას შემდეგ, რაც სკოლების სისტემა გვექნება იმგვარად უზრუნველყოფილი, რომ უნივერსიტეტები და საზოგადოება ენდობა სკოლას და იქ მიმდინარე პროცესებს, შემდეგ გრძელვადიან პერსპექტივაში წავიდეთ იქითკენ, რომ სკოლის აკადემიური მიღწევები: რას აკეთებდა მოსწავლე 12 წლის განმავლობაში სკოლაში, როგორც საგანში, ასევე კლასგარეშე აქტივობაში, რამდენად ლიდერული და აქტიური იყო, მისი ძლიერი მხარეები შესაძლებელია, მონაწილეობდეს ჩარიცხვაში. გრძელვადიან პერსპექტივაში განიხილება ეს მოდელი“, – აღნიშნა ირინა აბულაძემ.

2019 წლის ერთიანი ეროვნული გამოცდების ტესტებში ცვლილებები ოთხ გამოცდას შეეხება: ქართული ენისა და ლიტერატურის, ლიტერატურის, უცხოური ენებისა და გეოგრაფიის გამოცდას. ამასთან, არ შეიცვლება მინიმალური კომპეტენციის პროცენტული ზღვარი.

267
თემები:
განათლება საქართველოში (279)
ანთებული სანთლები

საქართველოს დედაქალაქში და რეგიონებში 90-იან წლებში დაღუპული სამხედროები დაკრძალეს

14
(განახლებულია 16:17 15.08.2020)
ნეშტებს, რომლებიც წლების შემდეგ აღმოაჩინეს, იდენტიფიცირების და ნათესაური კავშირების დადგენის მიზნით დნმ-ის ანალიზი ჩაუტარდა. 

თბილისი, 15 აგვისტო — Sputnik. გასული საუკუნის 90-იან წლებში აფხაზეთის  შეიარაღებული კონფლიქტის დროს დაღუპული 13 სამხედრო მოსამსახურე დაკრძალეს, იუწყება პირველი არხი.

ნეშტებს, რომლებიც წლების შემდეგ აღმოაჩინეს, იდენტიფიცირების და ნათესაური კავშირების დადგენის მიზნით დნმ-ის ანალიზი ჩაუტარდა. 

გუშინ სამების საკათედრო ტაძარში სამოქალაქო პანაშვიდი გაიმართა. დაღუპულთა ოჯახის წევრებს სამძიმარი პირადად გამოუცხადეს პრეზიდენტმა სალომე ზურაბიშვილმა, მინისტრთა კაბინეტის წევრებმა, დეპუტატებმა და რიგითმა მოქალაქეებმა.

საქართველოს ტერიტორიაზე კონფლიქტების შედეგად 1990-იან წლებში უგზო-უკვლოდ 2,2 ათასზე მეტი ადამიანი დაიკარგა.

თბილისის ძმათა სასაფლაოზე ორი სამხედრო დაკრძალეს, დანარჩენების ნეშტები ოჯახებმა გადაასვენეს, რათა თავიანთი ნათესავები ოჯახურ სასაფლაოებზე დაკრძალონ.

2010 წელს წითელი ჯვრის საერთაშორისო კომიტეტის ფინანსური და ტექნიკური მხარდაჭერით შეიქმნა საკოორდინაციო მექანიზმი, რომლის წყალობით ნაპოვნია აფხაზეთში საბრძოლო მოქმედებების დროს უგზო-უკვლოდ დაკარგული 563 ადამიანის ნეშტი, საიდანაც 200-ზე მეტი იდენტიფიცირებულია. დანარჩენი ნეშტების ამოცნობის პროცესი გრძელდება.

14
ბერა ივანიშვილი და ნანუკა გუდავაძე

როგორ შეიცვალა ნანუკა გუდავაძის და ბერა ივანიშვილის ცხოვრება დაქორწინების შემდეგ - ვიდეო

2144
(განახლებულია 15:03 31.07.2020)
თუ ქორწინებამდე ბერა ივანიშვილი შეყვარებულს ნანუკა გუდავაძეს სიმღერებს უძღვნიდა, ოჯახურ ამპლუაში ნანუკა ძირითადად დივანზე ხან მობილურით, ხან ლეპტოპით ზის და მის ფონზე ბერა როიალზე მეცადინეობს. წყვილს შორის ურთიერთობა გახუნდა?

მუსიკოს ბერა ივანიშვილის და მოდის ბლოგერ ნანუკა გუდავაძის ერთობლივი სახალისო ვიდეო TikTok-ზე გამოქვეყნდა, სადაც მათი ურთიერთობა ქორწინებამდე და მის შემდეგ რამდენიმე წამშია ასახული. ვიდეო, რა თქმა უნდა, იუმორისტულადაა გადაღებული, სადაც ჩანს, რომ ქორწინების შემდეგ ბერა მეუღლეს თითქოს ყურადღებას აღარ აქცევს და ნანუკამაც მოიწყინა. ეს რეალობა ძნელად შეესაბამება ალბათ სიმართლეს, რადგან სხვა ვიდეოებში წყვილი ძალიან ბედნიერი ჩანს. ისინი იმპროვიზაციას მუდმივად მიმართავენ და თითქმის ყოველდღე ახალ-ახალი ვიდეოები ჩნდება მათ TikTok-ზე.

View this post on Instagram

🤣❤

A post shared by @ beraivanishvili_fanclub on

მათ ერთ-ერთ ყველაზე პოპულარულ ვიდეოში ბერა მამასთან ერთადაც კი ცეკვავს. შემდეგ ბერამ დედა და ძმაც გამოაჩინა. კორონავირუსის პანდემიისას სოციალური პლატფორმა განსაკუთრებით აქტუალური გახდა. მუსიკოსმა ბერა ივანიშვილმა და მისმა მეუღლემ ნანუკა გუდავაძემ გადაწყვიტეს არ ჩამორჩნენ მოდას და სახალისო ვიდეოებით გაანებივრონ მაყურებელი. ამასთან, წყვილი „ფეისბუქის“ მხოლოდ მნიშვნელოვანი განცხადებების გასაკეთებლად გამოყენებას გეგმავს.

ვიდეოებში მათი ვაჟი - ბერუკაც ხშირად მონაწილეობს, რომელიც ცნობილ წყვილს 2019 წლის ნოემბერში შეეძინა და უკვე დიდი პოპულარობით სარგებლობს სოცქსელებში. ისინი ორი წლის წინ დაქორწინდნენ და ერთ-ერთ პოპულარულ წყვილად ითვლებიან საქართველოში. ცოტა ხნის წინ ბერამ ახალი ოჯახური ფოტოები გამოაქვეყნა. როგორც ჩანს, ოჯახი გადაღებებს დიდ დროს უთმობს.

2144
თემები:
სელებრითების ცხოვრება