ნინო ლომჯარია

საჯარო სკოლები, სადაც ანტისანიტარიისა და უწყლობის პრობლემაა

127
(განახლებულია 16:59 11.02.2019)
საქართველოს სახალხო დამცველის აპარატის ექსპერტებმა საქართველოს ტერიტორიაზე არსებულ 108 საჯარო სკოლაში შეამოწმეს რამდენად უსაფრთხოა სასმელი წყალი და დაცულია სანიტარიულ-ჰიგიენური პირობები.

2018 წელს ექსპერტებმა სკოლების პედაგოგები და მოსწავლეები გამოკითხეს, შეისწავლეს შიდა რეგულაციები და შესაბამისი სფეროს წარმომადგენლებთან ერთად ინფორმაცია დაამუშავეს. კვლევა „წყალი, სანიტარია და ჰიგიენა საქართველოს საჯარო სკოლებში" სახალხო დამცველის აპარატმა ფინეთის საგარეო საქმეთა სამინისტროს მხარდაჭერით მოამზადა.

„ჩატარებულმა კვლევამ კიდევ უფრო ნათლად წარმოაჩინა არსებული პრობლემები, რაც ყოველდღიურ რეჟიმში საფრთხეს უქმნის ბავშვების ჯანმრთელობას და ხელს უშლის მათ განათლების უფლების ეფექტურ რეალიზებაში", – ნათქვამია განცხადებაში.

მონიტორინგმა გამოავლინა, რომ საპირფარეშოები და ობიექტები, სადაც ბავშვებმა წყალი უნდა დალიონ, გაუმართავია, რიგ შემთხვევებში სრული ანტისანიტარია სუფევს. გარდა ამისა, შემოწმებულებიდან 18 სკოლაში საერთოდ არ არის სასმელი წყალი. წყლის არარსებობა პრობლემას უქმნის როგორც მოსწავლეებს, ისე სკოლის თანამშრომლებსა და დამლაგებლებს.

ომბუდსმენის აპარატის წევრებმა სკოლებში არაიზოლირებული და გასარემონტებელი საპირფარეშოები დააფიქსირეს. მათ შორის იყო ისეთიც, რომელსაც არ ჰქონდა კარი, არ მუშაობდა ხელსაბანი, არ ფუნქციონირებდა საკანალიზაციო სისტემა.

სახალხო დამცველის აპარატმა ასევე გამოავლინა, რომ შემოწმებული სკოლების უმრავლესობაში (71.3%) საერთოდ არ ჩატარებულა სასმელი წყლის მონიტორინგი. გარდა ამისა, სკოლების უმეტეს (77,4%) ნაწილში წყლის ხელმისაწვდომობაზე სპეციალური შიდა რეგულაციები არ არის.

ფინანსური თუ ტერიტორიული პრობლემების გამო ზოგიერთ საჯარო სკოლას საკუთარი ინიციატივით წყლის ვარგისიანობის აკრედიტებულ ლაბორატორიებში შემოწმების შესაძლებლობა არ გააჩნია. ამასთან, სკოლების ხელმძღვანელობა ინფორმირებული არ არის, რომელმა უწყებამ უნდა განახორციელოს მონიტორინგი და, საერთოდ, როგორ უნდა შემოწმდეს წყალი. 

საქართველოს საჯარო სკოლებში წყლის და სანიტარიის ხელმისაწვდომობის კუთხით არსებული პრობლემები საქართველოს სახალხო დამცველის 2017 წლის საპარალამენტო ანგარიშშიც მოხვდა. როგორც ანგარიშში იყო აღნიშნული, ქვეყნის მასშტაბით წყალი საერთოდ არ მიეწოდებოდა 94 საჯარო სკოლას, 2 084 საჯარო სკოლიდან მხოლოდ მცირე ნაწილში მოწმდებოდა წყლისა და სანიტარიული ნორმების დაცულობა.

სკოლები, სადაც წყალზე წვდომა არ არის

რეგიონი სკოლების რაოდენობა სკოლების რაოდენობა, სადაც წყალი არ არის
სამეგრელო-ზემო სვანეთი 222 6
მცხეთა-მთიანეთი 88 13
გურია 112 4
აჭარა 255 6
სამცხე-ჯავახეთი 168 24
რაჭა-ლეჩხუმი - ქვემო სვანეთი 65 1
იმერეთი 379 17
ქვემო-ქართლი  253 18
კახეთი 192 1
შიდა-ქართლი 163 4

 

ამასთან, მონიტორინგმა გამოავლინა რიგ სკოლებში სასადილოების არარსებობა, რის გამოც მოსწავლეები ხშირად საკვებს სკოლასთან ახლოს მდებარე მაღაზიებში ყიდულობენ, სადაც პროდუქციის ხარისხს არავინ ამოწმებს.

საქართველოს სახალხო დამცველის ექსპერტებმა აღნიშნეს, რომ 108 შემოწმებული სკოლიდან მხოლოდ 18-ში იყო დაცული სანიტარულ-ჰიგიენური ნორმები.

სახალხო დამცველის აპარატი ხელისუფლებას რეკომენდაციას აძლევს – სკოლებში ხელმისაწვდომი გახდეს წყალი, გაუმჯობესდეს სანიტარიულ-ჰიგიენური პირობები, ჩატარდეს სასმელი წყლის მონიტორინგი და აღმოიფხვრას ანტისანიტარიასთან დაკავშირებული პრობლემები.

საქართველოს განათლების სამინისტროში სახალხო დამცველის ანგარიშს მიესალმებიან და დოკუმენტში დასახელებული პრობლემების არსებობას ადასტურებენ.

განათლების მინისტრის მოადგილის ნათია ზედგენიძის განცხადებით, შემუშავებულია კონკრეტული გეგმა, რომელიც სისტემურ მიდგომაზეა დაფუძნებული. 2019 წელს თბილისში, იმერეთსა და შიდა ქართლში რვა ახალი სკოლა აშენდება. საქართველოს მუნიციპალური განვითარების ფონდი (MDF) დამატებით 27 ახალ სკოლას ააშენებს. წელს სარემონტო სამუშაოები 234 სკოლაში ჩატარდება, ნაწილობრივ განახლდება 31 სკოლა.

 

127
თემები:
განათლება საქართველოში-2018 (278)
სასწრაფო დახმარება

გარდაბანში ქალს ერთდროულად ციმბირული წყლული და კორონავირუსი დაუდასტურდა

228
ამჯერად სოფელ ყარაჯალარის მკვიდრი ქალბატონი იზოლირებულია და საავადმყოფოში მკურნალობას ერთბაშად ორ დაავადებაზე გადის

თბილისი, 12 აგვისტო — Sputnik. გარდაბნის მუნიციპალიტეტის სოფელ ყარაჯალარის მკვიდრ, 43 წლის ქალს ერთდროულად ციმბირული წყლული და კორონავირუსი დაუდასტურდა, იუწყება ტელეარხი Imedi.

ტელეარხის მონაცემებით, ქალმა ნათესავის რჩევით ექიმს ხელზე ჭრილობის გამო მიმართა. ანალიზების შედეგებით მას ციმბირული წყლული დაუდგინდა.

„ის ჩვენთან შემოიყვანეს ეჭვით ციმბირულ წყლულზე, რადგან ნეკა თითზე ჰქონდა შავი გარსით დაფარული ჭრილობა. დილით მას კორონავირუსიც დაუდასტურდა და ციმბირული წყლულიც“, - განაცხადა რუსთავის კლინიკის დირექტორმა პაპუნა ბახტაძემ.

მისი თქმით, ამჯერად ქალი იზოლირებულია და საავადმყოფოში ერთბაშად ორ დაავადებაზე მკურნალობს.

228
თემები:
COVID-19 საქართველოში
ამირან გამყრელიძე

სვანეთში ჩატარებული 600 ტესტის შედეგი ცნობილია - რამდენს გამოუვლინდა ინფექცია

194
ეპიდემიოლოგები აგრძელებენ მაღალმთიანი რეგიონის მოსახლეობის აქტიურ კვლევას, რათა ვირუსის შემდგომი გავრცელება აღკვეთონ

თბილისი, 12 აგვისტო — Sputnik. სვანეთში სამშაბათს აღებული ტესტების ნაწილის შედეგები ცნობილია - 600 შემთხვევიდან Covid-19 დაუდასტურდა მხოლოდ ერთ პირს, რომელიც მესტიის მუნიციპალიტეტის სოფელ ლენჯერში ცხოვრობს, განაცხადა დაავადებათა კონტროლის ცენტრის ხელმძღვანელმა ამირან გამყრელიძემ.

სვანეთიდან 900-ზე მეტი ადამიანი საკარანტინო სივრცეებშია დაბინავებული >>

მისი თქმით, დილიდან მესტიის მუნიციპალიტეტის 16 დასახლებულ პუნქტში ეპიდემიოლოგების 16 ჯგუფი მუშაობდა, აქედან ორი - უშგულში. კონცენტრირებული მუშაობა მიმდინარეობს მესტიაში და რამდენიმე სოფელში.

„დღეს დასრულდა 600 ნიმუშის ტესტირება და იქიდან მხოლოდ ერთი დადებითია. ისიც უკავშირდება ლენჯერის კლასტერს. ჯერჯერობით, ვიდრე დარჩენილი კიდევ 300 ნიმუშის პასუხი იქნება, შეგვიძლია, ვთქვათ რომ ინფექცია ძირითადად კონცენტრირებულია ამ თემის ერთ-ერთ დასახლებაში. ამიტომ, იმ დასახლებაში მკაცრი საკარანტინო ზომები ტარდება, შესვლა-გამოსვლა სრულად აკრძალულია“, - განაცხადა გამყრელიძემ.

მისი თქმით, რამდენიმე საათში სამშაბათს აღებული ტესტებიდან დარჩენილი 300 ტესტის პასუხიც იქნება ცნობილი, შემდგომ - დღეს აღებული 800 ტესტის პასუხები. ამის შემდეგ კი ცხადი გახდება ეპიდსიტუაცია მუნიციპალიტეტში.

გამყრელიძემ ასევე განაცხადა, რომ დღეს მესტიის საავადმყოფოში გაიგზავნა სწრაფი ტესტირების აპარატი, რომელიც პასუხს იძლევა 45 წუთში, მაგრამ მისი გამტარუნარიანობა ისეთი მაღალი არაა, როგორც კლასიკურ PCR-ტესტს, ეს აპარატი ერთ ჯერზე მხოლოდ 4 ნიმუშის ტესტს აკეთებს. ამიტომ ამ აპარატზე გაკეთდება მხოლოდ იმ ნიმუშების ტესტები, რომლებიც სწრაფ დიაგნოსტიკას მოითხოვს.

დაავადებათა კონტროლის ცენტრი სვანეთში 4 ათასამდე მცხოვრების ტესტირებას გეგმავს, შემდეგ კი სამოქმედო გეგმა დაისახება.

მესტიის მუნიციპალიტეტში, სადაც 10 აგვისტოდან საკარანტინე შეზღუდვები მოქმედებს, მოსახლეობის ფართომასშტაბიანი ტესტირება კორონავირუსზე მიმდინარეობს.

მესტიის მოსახლეობა 2018 წლის 1 იანვრისთვის 9 511 ადამიანს შეადგენს. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება - მესტია.

194
თემები:
COVID-19 საქართველოში
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0