მიხეილ ბატიაშვილი

ახალი სასწავლო წლიდან პედაგოგების ხელფასები გაიზრდება

195
(განახლებულია 15:09 07.02.2019)
მინისტრის განცხადებით, სკოლა უნდა გახდეს ძლიერი ინსტიტუცია. ამასთან, ნებისმიერ პედაგოგს ნებისმიერ დონეზე შესაძლებლობა უნდა ჰქონდეს ჩააბაროს გამოცდა და აიმაღლოს კვალიფიკაცია.

თბილისი, 7 თებერვალი — Sputnik. საქართველოს განათლების, მეცნიერების, კულტურისა და სპორტის სამინისტრო პედაგოგების ანაზღაურებასთან დაკავშირებულ კონკრეტულ გეგმას მაისში წარმოადგენს, ანაზღაურება კი სექტემბრიდან გაიზრდება, განაცხადა განათლების მინისტრმა მიხეილ ბატიაშვილმა პარლამენტში სიტყვით გამოსვლისას.

განათლების სამინისტრო რეფორმების შესახებ საზოგადოებას ყოველკვირეულად მიაწვდის ინფორმაციას>>>

ახალი რეგლამენტის თანახმად, პარლამენტში „მინისტრის საათი" დაწესდა – თითოეული მინისტრი ვალდებულია წელიწადში ერთხელ დეპუტატების წინაშე წარდგეს. ხუთშაბათს პარლამენტში განათლების, მეცნიერების, კულტურისა და სპორტის მინისტრი მიხეილ ბატიაშვილი გამოცხადდა, პარასკევს კი ინფრასტრუქტურისა და რეგიონული განვითარების მინისტრი მაია ცქიტიშვილი მივა. ამასთან, მინისტრებს უფლება აქვთ, სურვილის შემთხვევაში, დეპუტატების წინაშე კიდევ ერთხელ ისაუბრონ გაწეული საქმიანობის შესახებ.

მიხეილ ბატიაშვილმა პარლამენტის პლენარულ სხდომაზე სამინისტროს მიერ განხორციელებულ და მიმდინარე რეფორმებზე ისაუბრა.

„პედაგოგებმა დრო და მოტივაცია არა ბიუროკრატიულ წინაღობებს, არამედ მოსწავლეების განვითარებას და მათთან შემოქმედებით მუშაობას უნდა მოახმარონ. სამინისტრო კი, თავის მხრივ, გაზრდილი ბიუჯეტით უზრუნველყოფს პედაგოგების ხელფასების ზრდას და სასკოლო ინფრასტრუქტურის განვითარებას", – განაცხადა განათლების მინისტრმა.

ბატიაშვილის თქმით, ნებისმიერ პედაგოგს ნებისმიერ დროსა და ნებისმიერ დონეზე შესაძლებლობა უნდა ჰქონდეს ჩააბაროს გამოცდა და აიმაღლოს კვალიფიკაცია.

მინისტრმა ანგარიშის წარდგენისას სკოლაში დაგეგმილ ცვლილებებზეც ისაუბრა. მისი განმარტებით, სკოლის რეფორმის ძირითადი პრინციპებია: სკოლების გაძლიერება, ავტონომია და დეცენტრალიზაცია, ბიუროკრატიიდან შემოქმედებით საკითხებზე გადასვლა, სკოლის დირექტორი – როგორც ლიდერი და შემოქმედებით საკითხებზე ორიენტირებული პედაგოგი.

„უნდა მოხდეს მნიშვნელოვანი ცვლილებები საგაკვეთილო პროცესში, ანუ დასწავლით ცოდნით დაგროვების მოდელიდან უნდა გადავიდეთ ისეთი უნარების განვითარებაზე, როგორიც არის კრიტიკული, შემოქმედებითი აზროვნება, თანამშრომლობა, კომუნიკაცია, პასუხისმგებლობა, წიგნიერება... გრძელვადიან პროცესში მაქსიმალურად უნდა გავაძლიეროთ ხარისხის სამსახურები და სკოლა უნდა გახდეს ძლიერი ინსტიტუცია, რომელიც თვითონ ზრუნავს ხარისხის განვითარებაზე", – განაცხადა მინისტრმა.

სამინისტროს ინფორმაციით, განათლების რეფორმის ფარგლებში 2019 წელს დაიწყება 149 საჯარო სკოლის რეაბილიტაცია, ნაწილობრივი რეაბილიტაცია ჩაუტარდება 31 საჯარო სკოლას, ასევე დაიწყება რვა ახალი საჯარო სკოლის მშენებლობა, საქართველოს მუნიციპალური განვითარების ფონდის (MDF) დაფინანსებით რეგიონებში 27 ახალი საჯარო სკოლა აშენდება.

საქართველოში განათლების სისტემის მასშტაბური რეფორმის ახალი ეტაპი დაიწყო. ექსპერტებმა რეფორმების ათი პაკეტი მოამზადეს, რაც ყველა მიმართულებას მოიცავს. სკოლებში დაგეგმილ ცვლილებებს შორისაა მასწავლებელთა უნარებისა და ცოდნის შეფასების ახალი სისტემა, სკოლის ინფრასტრუქტურის განვითარება, ტექნოლოგიებისა და ინოვაციების დანერგვა. რეფორმები ოთხ წელიწადს გაგრძელდება და მიმართულია იმისკენ, რომ საქართველო გახდეს საგანმანათლებლო ცენტრი და ლიდერი რეგიონში.

 

195
თემები:
განათლება საქართველოში-2018 (278)
ლიკუნა ხაჭაპურიძე

ნახეთ რომელი ცნობილი ადვოკატის შვილია მოდელი ლიკუნა ხაჭაპურიძე ფოტოები

1560
(განახლებულია 18:24 08.08.2020)
მოდელ ლიკუნა ხაჭაპურიძეზე საქართველოში ერთ-ერთი ყველაზე მაღალი მოთხოვნაა. გოგონა განსაკუთრებით პოპულარული მას შემდეგ გახდა, რაც მისი და სერიალ „გაქცევის“ ვარსკვლავ დომენიკ პარსელის რომანტიკულ ურთიერთობაზე გახდა ცნობილი.

ქართველი მოდელი ლიკუნა ხაჭაპურიძე სამოდელო კარიერაში მისმა მეგობარმა და სტილისტმა არტურ ავაკოვმა აღმოაჩინა. დღეისათვის ის ერთ-ერთი წარმატებული მოდელია.

შარშან სერიალ „გაქცევის“ ვარსკვლავი დომენიკ პარსელი საქართველოში იმყოფებოდა. გავრცელდა ინფორმაცია, რომ ის აქ გადასაღებად ჩამოვიდა, სინამდვილეში კი თავის მეგობარს, ქართველ მოდელს ლიკუნა ხაჭაპურიძეს სტუმრობდა და მას გადაღებებზე გაჰყვა, რის შედეგადაც ფოტოობიექტივშიც აღმოჩნდა.

როგორც ლიკუნა ერთ-ერთ ინტერვიუში ამბობდა, დომენიკ პარსელს ხუთი წლის წინ „ინსტაგრამზე“ მისწერა და მას შემდეგ მეგობრობენ. თავად მსახიობმა გადაწყვიტა ჩამოსულიყო და ლიკუნა პირადად გაეცნო. როგორც ლიკუნა ამბობს, დომენიკი ყველას ეუბნებოდა, რომ მას ქართველი მოდელის ცოლად შერთვა სურს, თუმცა ლიკუნამ მეგობრობა არჩია, მიზეზი კი 26-წლიანი ასაკობრივი სხვაობა აღმოჩნდა. „აქ რომ იყო, 49 წლის გახდა, მე – 23-ის. ჰოროსკოპით ორივე მერწყულები ვართ და ერთმანეთს ვგავართ, მაგრამ, ალბათ ეგეც ასაკის ბრალია, ცოტა სიგიჟეები აკლდა“, – ამბობდა მოდელი.

მოდელი შეყვარებულია. ბოლო დროს ხშირად აქვეყნებს ერთობლივ ფოტოებს და განსაკუთრებით Instagram-ის „სთორებში“ აქტიურობს, სადაც საყვარელ ადამიანს სიყვარულს უხსნის. მოდელის რჩეული ქართველი სანდრო ჭანტურიაა. წყვილმა ცოტა ხნის წინ ერთად ყოფნის ერთი წლის იუბილე აღნიშნა.

მოდელს მშობლებზე მასმედიასთან არასდროს უსაუბრია, თუმცა ერთ-ერთ ინტერვიუში აღნიშნა, რომ ძალიან ტრადიციული და მკაცრი ოჯახი აქვს და ცდილობს ყველაფერი გაითვალისწინოს, მაგრამ მთლად არ გამოსდის. ლიკუნას მამა ცნობილი ადვოკატი შალვა ხაჭაპურიძეა. ის არაერთი გახმაურებული საქმის ადვოკატი იყო და ბიზნესმენ ბადრი პატარკაციშვილთან დაახლოებული პირიც. თუ ფოტოებით ვიმსჯელებთ, ლიკუნა დედას – დიანა ხოფერიას უფრო ჰგავს.

1560
თემები:
სელებრითების ცხოვრება
პოლიცია

თამარ ბაჩალიაშვილის ძმა: არ დავუშვებ მამაჩემის ღირსება შელახონ

389
(განახლებულია 16:30 08.08.2020)
გუშინ მედიაში გავრცელდა  ინფორმაცია, რომ 2012 წელს  თამარ ბაჩალიაშვილმა ოჯახში ძალადობის თაობაზე მამის წინააღმდეგ პოლიციაში ჩვენება მისცა.

 

თბილისი, 8 აგვისტო - Sputnik. არ დავუშვებ მამაჩემისა და ჩემი ოჯახის ღირსება შელახონ,  განაცხადა ჟურნალისტებთან გარდაცვლილი თამარ ბაჩალიაშვილის ძმამ გიორგი ბაჩალიაშვილმა.

გუშინ მედიაში გავრცელდა  ინფორმაცია, რომ 2012 წელს  თამარ ბაჩალიაშვილმა ოჯახში ძალადობის თაობაზე მამის წინააღმდეგ პოლიციაში ჩვენება მისცა.  მის ჩვენებაში  დეტალურად არის მოთხრობილი იმის შესახებ, თუ როგორ ძალადობდა მამამისი ჯუმბერ ბაჩალიაშვილი ფიზიკურად დედაზე, თეონა თამაზაშვილზე. ამ ფაქტის გამო ჯუმბერ ბაჩალიაშვილს შემაკავებელი ორდერი გამოუწერეს, შემდეგ კი ოჯახური ძალადობისთვის ბრალი წარუდგინეს. თუმცა, მამაკაცი გირაოს სანაცვლოდ გათავისუფლდა. 

როგორც  გიორგი ბაჩალიაშვილმა განაცხადა, მან  გადაწყვიტა, ეპასუხა იმ ადამიანებისთვის, რომლებიც მისი ოჯახის ღირსების შელახვით არიან დაკავებული.

„არ დავუშვებ, რომ მამაჩემის ღირსება შელახონ. ბევრი ჭორი გავრცელდა მასზე, როგორც მოძალადე კაცზე. ჩემს დასთან ერთად 21 წელი ვიზრდებოდი. არც მე და არც თამარს მამაჩემისგან ყურადღება არ მოგვკლებია, არც დედაჩემისგან. ვინც დაკავებულია კლავიატურის კაკუნით, მობრძანდეს ჩემს სახლთან, დამიკაკუნოს და გავცემ სათანადო პასუხს“,- განაცხადა თამარ ბაჩალიაშვილის ძმამ ტელეკომპანია Imedi–ის ეთერზე.

თავად გარდაცვლილი გოგონას მამა ამტკიცებს, რომ ინციდენტს, რომელიც მრავალი წლის წინ მოხდა, გოგონას ფსიქოლოგიურ მდგომარეობაზე გავლენა არ მოუხდენია.

მასმედიის ცნობით, არსებობს 2012 წლის სამედიცინო დასკვნაც, რომელშიც საუბარია გოგონას მძიმე ფსიქოლოგიური მდგომარეობის შესახებ. დოკუმენტი  მამის წინააღმდეგ გამოძიებისთვის მიცემული ჩვენებიდან ერთი თვის შემდეგ არის შედგენილი.

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და წინასწარი ვერსიის – თვითმკვლელობის არ სჯერა. 

ბაჩალიაშვილის საქმის გამოძიება ორი მუხლით მიმდინარეობს – „თავისუფლების უკანონო აღკვეთა“ და „თვითმკვლელობამდე მიყვანა“.

389
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0