პოლიცია

არასრულწლოვანთა მიმართ სქესობრივი დანაშაულების ბრალდებით 116 პირი ამხილეს

178
(განახლებულია 12:50 06.02.2019)
უწყების ცნობით, არასრულწლოვანთა მიმართ სქესობრივი დანაშაულის ჩამდენ პირთა მიმართ სასჯელი გამკაცრდება

თბილისი, 6 თებერვალი — Sputnik. არასრულწლოვანთა მიმართ ჩადენილი სქესობრივი დანაშაულების ბრალდებით 2018 წელს საქართველოს შინაგან საქმეთა სამინისტრომ 116 პირი ამხილა, ნათქვამია უწყების მიერ გავრცელებულ განცხადებაში.

მათგან ოთხი პირი მხილებული იყო გაუპატიურებაში, ორი სექსუალური ხასიათის სხვაგვარი ქმედების ჩადენაში, 24 - გარყვნილი ქმედების ჩადენაში, ხოლო 86 ადამიანი კი 16 წლის ასაკს მიუღწეველ პირთან ნებაყოფლობით სექსუალურ კავშირში. 

„არასრულწლოვანთა მიმართ სქესობრივი თავისუფლებისა და ხელშეუხებლობის წინააღმდეგ ჩადენილი დანაშაულების წინააღმდეგ ბრძოლა და ასეთი კატეგორიის დანაშაულების არასრულწლოვან მსხვერპლთა ინტერესებზე მორგებული გამოძიების უზრუნველყოფა შინაგან საქმეთა სამინისტროს ერთ-ერთი პრიორიტეტი და გამოწვევაა", - აღნიშნული განცხადებაში.

ამ მიზნით სამინისტრომ შეიმუშავა საკანონმდებლო ცვლილებები, რომელიც ითვალისწინებს სქესობრივი დანაშაულის ჩამდენ პირთა მიმართ სასჯელის გამკაცრებას და მათთვის მთელი რიგი უფლებების ჩამორთმევას. მაგალითად, სასჯელაღსრულების დაწესებულების დატოვების შემდგომ, დანაშაულის ჩამდენ პირებს აეკრძალებათ სასწავლო, სააღმზრდელო დაწესებულებებში მუშაობა, ასეთ დაწესებულებებში ყოფნა და ა.შ.

კანონპროექტი ასევე ითვალისწინებს სისხლის სამართლის კოდექსის 137-ე, 138-ე, 139-ე და 141-ე მუხლებით მსჯავრდებულ პირთა ბაზის შექმნას, რაც მიზნად ისახავს მსჯავრდებულთა მონიტორინგის გზით, დანაშაულის პრევენციას.

ასევე, თებერვლიდან შინაგან საქმეთა სამინისტროში ამოქმედდება მოწმისა და დაზარალებულის კოორდინატორის ინსტიტუტი, რომლის მიზანი გამოძიების მიმდინარეობისას მსხვერპლთა ფსიქოლოგიური მხარდაჭერა და მათთვის სამართალწარმოების პროცესში მონაწილეობის გამარტივება იქნება.

 

178
თემები:
კრიმინალი საქართველოში – 2018 (1086)
თბილისის აეროპორტი

საქართველოში უცხოელებისთვის ლეგალურად ყოფნის ვადა გახანგრძლივდა

11
(განახლებულია 15:50 06.08.2020)
საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც საქართველოში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული

თბილისი, 6 აგვისტო  — Sputnik.  უცხოეთის იმ მოქალაქეებისთვის, რომლებმაც კორონავირუსის პანდემიის გამო ქვეყნის დატოვება ვერ შეძლეს, ქვეყანაში ლეგალურად ყოფნის ვადა 31 დეკემბრამდე გახანგრძლივდა, ნათქვამია საქართველოს მთავრობის განკარგულებაში შესულ  ცვლილებებში.

კორონავირუსის პანდემიის გამო საქართველოს ხელისუფლებამ 14 მარტიდან 31 ივლისამდე პერიოდში უცხოელებისა და მოქალაქეობის არმქონე პირებისთვის საქართველოს ტერიტორიაზე კანონიერი ყოფნის საშეღავათო პერიოდი აამოქმედა.  1 აგვისტოდან კი ყველა მათგანი არალეგალად ითვლება.

განკარგულებაში შესული ცვლილებების თანახმად, 14 მარტიდან 31 დეკემბრამდე პერიოდში საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც ქვეყანაში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული. 

კერძოდ, გარემოებები შემდეგია: სახელმწიფო, რომლის მოქალაქეებიც ისინი არიან, ინფიცირების მაღალი რისკის ზონაშია, ან თუ სახელმწიფომ საზღვრის კვეთაზე შეზღუდვები დააწესა, ან თუ პირი იმყოფება საავადმყოფოში, კარანტინსა ან თვითიზოლაციაში, ან თუ სამშობლოში დაბრუნებაში მას ხელს გაუქმებული ავიარეისები უშლის.

საქართველოში ყოფნის კანონიერი ვადის ამოწურვის შემდეგ უცხოეთის მოქალაქე ვალდებულია ქვეყანა დატოვოს, წინააღმდეგ შემთხვევაში მას ჯარიმა ან ქვეყნიდან გაძევება ემუქრება, რომელიც ითვალისწინებს ქვეყანაში შემოსვლაზე აკრძალვას ორიდან ხუთ წლამდე ვადით.

ქვეყნიდან გაძევების გადაწყვეტილებას საქართველოს შინაგან საქმეთა სამინისტრო იღებს – თითოეულ კონკრეტულ შემთხვევაში გადაწყვეტილება ინდივიდუალურია.

რაც შეეხება ჯარიმებს, ვადის ამოწურვის შემდეგ სამი თვის განმავლობაში მათ ჯარიმა 180 ლარი ეკისრებათ, შემდგომ პერიოდში კი ჯარიმის ოდენობა ორმაგდება.

11
თემები:
COVID-19 საქართველოში
ეკატერინე ტიკარაძე

მშობლების საყურადღებოდ! როგორ მივიღოთ ბავშვებისთვის გათვალისწინებული 200–ლარიანი დახმარება

31
(განახლებულია 14:59 06.08.2020)
მთარობამ კორონავირუსის პანდემიით გამოწვეული მოსალოდნელი ეკონომიკური კრიზისის გამო, მოსახლეობის დახმარების ახალი ეტაპის დაწყების გადაწყვეტილება მიიღო.

თბილისი, 6 აგვისტო  — Sputnik.  ბავშვებისთვის ფულადი დახმარების მისაღებად მშობლებმა გარკვეული დოკუმენტები უნდა წარმოადგინონ, განაცხადა ჯანდაცვის მინისტრმა ეკატერინე ტიკარაძემ მთავრობის სხდომის შემდეგ. 

დღეს საქართველოს პრემიერ–მინისტრმაა გიორგი გახარიამ მოსახლეობის დახმარების ახალი ეტაპის დაწყებაზე განაცხადა, რომლის ფარგლებშიც 18 წელს ქვემოთ ასაკის ყველა პირი სახელმწიფოსგან 200 ლარის ფარგლებში ერთჯერად დახმარებას მიიღებს.

 „ჯანდაცვის სამინისტრომ უკვე დაიწყო განცხადებების შევსების ფორმასა და კონკრეტულ დოკუმენტაციაზე მუშაობა. ჩვენ ვფიქრობთ, რომ ამ შემთხვევაში დოკუმენტების ჩამონათვალი მაქსიმალურად უბრალო უნდა იყოს,  რათა ჩვენი ბავშვების კეთილდღეობის მიზნით სახსრების გადარიჩხვა ოპერატიულად მოხდეს. ჩვენ პორტალს ხელმისაწვდომს გავხდით, სადაც შესაძლებელი გახდება დოკუმენტაციის ატვირთვა“, – განაცხადა ტიკარაძემ.

მისი თქმით, ჯანდაცვის უწყება იმედს გამოთქვამს, რომ ბავშვებისთვის დახმარება 1–დან 15 სექტემბრის პერიოდში გადაირიცხება.

მთარობამ კორონავირუსის პანდემიით გამოწვეული მოსალოდნელი ეკონომიკური კრიზისის გამო, მოსახლეობის დახმარების ახალი ეტაპის დაწყების გადაწყვეტილება მიიღო.

31
თემები:
საქართველოს მთავრობა