აცრა

აცრების სტატუსის შესამოწმებლად მშობლებისთვის ახალი აპლიკაცია ამოქმედდა

303
(განახლებულია 22:24 01.02.2019)
საქართველოში აცრების ეროვნული კალენდარი 10 ვაქცინას მოიცავს

თბილისი, 1 თებერვალი - Sputnik. მშობლებისთვის ბავშვთა აცრების სტატუსის შესამოწმებლად  აპლიკაცია  - „იმუნიზაციის აპლიკაცია“ ამოქმედდა, ნათქვამია დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გავრცელებულ განცხადებაში.

საქართველოში ბოლო 10 დღეში წითელაზე 38 ათასი მოქალაქე აიცრა>>>

მშობლებს საკუთარი და შვილების აცრების სტატუსის შესამოწმებლად შეუძლიათ იმუნიზაციის აპლიკაცია Play Market–დან  და Apple Store-დან გადმოწერონ და მათი მეშვეობით შვილების აცრების გრაფიკი გააკონტროლონ.

აპლიკაციით სარგებლობის წესები შემდეგია:

1. დარეგისტრირდებით პირადი ნომრით და ნახავთ პირად ნომერზე რეგისტრირებული ბავშვების აცრის სტატუსს, რომელიც იმუნიზაციის მართვის ელექტრონულ სისტემაში დარეგისტრირებული აქვს პოლიკლინიკას;

2. აცრის დროულად ჩასატარებლად, შეგიძლიათ ნახოთ თუ რომელი აცრა უწევს ბავშვს გეგმიურად;

3. ბავშვის აცრის თაობაზე ინფორმაცია ამ აპლიკაციის მეშვეობით ხელმისაწვდომი გახდება იმ შემთხვევაში, თუ პოლიკლინიკაში დარეგისტრირებულნი არიან მშობლები და ბავშვისთვის ჩატარებული აქვთ ყველა აცრა;

4. იმ შემთხვევაში თუ იმუნიზაციის ელექტრონულ მოდულში არა არის დარეგისტრირებული თქვენი მონაცემები, მოქმედი კანონმდებლობის ფარგლებში მიმართეთ თქვენს პოლიკლინიკას და მოითხოვეთ ინფომრაციის რეგისტრაცია იმუნიზაციის მართვის ელექტრონულ სისტემაში. 

საქართველოში მიმდინარე წლის 1 იანვრიდან  ბავშვთა ვაქცინაცია სავალდებულო გახდა. პარლამენტმა შესაბამისი ცვლილებები კანონში 2018 წლის შემოდგომაზე მიიღო. ამ ცვლილებების მიხედვით, სავალდებულო გახდა ა ჯანდაცვის სამინისტროს მიერ შემუშავებული და დამტკიცებული პროფილაქტიკური აცრები.

საქართველოში აცრების ეროვნული კალენდარი 10 ვაქცინას მოიცავს. ბავშვები იცრებიან B ჰეპატიტზე, დიფტერიაზე, ტეტანუსზე, ყივანახველაზე, წითელაზე, წითურაზე, ყბაყურაზე, პოლიომიელიტზე, როტავირუსულ ინფექციაზე და ა.შ.

 დაავადებათა კონტროლის ეროვნული ცენტრის ინფორმაციით, საქართველოში ორ წლამდე ბავშვთა 5%-ს პროფილაქტიკური აცრები არ აქვს გაკეთებული, ხუთი წლის ბავშვებში კი ეს მაჩვენებელი 10%-ია.

აღსანიშნავია, რომ მსოფლიოში ყოველწლიურად ინფექციური დაავადებებით 14 მლნ ადამიანი იღუპება, რომელთაგან ნახევარზე მეტი 5 წლამდე ბავშვია.

303
თემები:
მშობლები და შვილები (19)