საახალწლო ილუმინაციების მონტაჟის გამო თბილისში მოძრაობა შეიზღუდება

© photo: Sputnik / Stringerსაახალწლო განათება რუსთაველის გამზირზე
საახალწლო განათება რუსთაველის გამზირზე - Sputnik საქართველო
გამოწერა
დედაქალაქის საახალწლო გაფორმებასა და განათებაზე წელს თბილისის მერია ორ მილიონ ლარზე მეტს დახარჯავს.

თბილისი, 10 დეკემბერი — Sputnik. თბილისის რამდენიმე ქუჩაზე საახალწლო განათების მონტაჟის გამო ტრანსპორტის მოძრაობა აიკრძალება, ნათქვამია თბილისის მერიის ვებ-გვერდზე გავრცელებულ განცხადებაში.

კერძოდ, დღეს, 24:00 საათიდან 07:00 საათამდე გადაიკეტება რუსთაველის გამზირი პირველი რესპუბლიკის მოედნიდან თავისუფლების მოედნამდე.

საახალწლო განათება - Sputnik საქართველო
რამდენი  დაუჯდება თბილისს საახალწლო გაფორმება

თბილისში საახალწლო განათების მონტაჟი 7 ნოემბერს დაიწყო. სამუშაოებს შპს „თბილსერვის ჯგუფი" ახორციელებს.

სამუშაოების მოცულობიდან გამომდინარე „თბილსერვის ჯგუფი" საახალწლო ილუმინაციებისა და აქსესუარების მონტაჟს ყოველწლიურად ნოემბრის პირველ რიცხვებში თბილისის გარეუბნებიდან იწყებს და დეკემბრის შუა რიცხვებამდე ასრულებს.

„თბილსერვის ჯგუფის" ცნობით, 2019 წელს დედაქალაქის უფრო მეტი უბანი შეხვდება საახალწლო დეკორაციებით.

დედაქალაქის საახალწლო გაფორმებასა და განათებაზე წელს თბილისის მერია ორ მილიონ ლარზე მეტს დახარჯავს. გასულ წელს ამაზე მერიამ სამი მლნ ლარი დახარჯა.

 

ყველა ახალი ამბავი
0