სალომე ზურაბიშვილის საარჩევნო ბანერი

ზურაბიშვილს - თაიგული, „ნაცებს“ „ვენოკი“: ქართული ელიტის რეაქცია არჩევნებზე

157
საქართველოს პრეზიდენტად პირველად აირჩიეს ქალი. ეს ქვეყნის ბოლო პრეზიდენტია, რომელიც მოქალაქეებმა პირდაპირი კენჭისყრის გზით აირჩიეს

დამოუკიდებელმა კანდიდატმა სალომე ზურაბიშვილმა, რომელსაც მოქმედი ხელისუფლების მხარდაჭერა ჰქონდა, გადამწყვეტ ბრძოლაში ყოფილი მმართველი „ერთიანი ნაციონალური მოძრაობის“ წევრი გრიგოლ ვაშაძე დაამარცხა.

საქართველოს პირველი ქალი-პრეზიდენტი: ზურაბიშვილის ბიოგრაფია >>

ამ ისტორიულ ფაქტს ქართული ელიტა გამოეხმაურა.

განსხვავებული თაიგულები

პირველი და ყველაზე ხმაურიანი რეაქცია იყო კინორეჟისორის, საზოგადო მოღვაწისა და კონფლიქტების დარეგულირების ყოფილი მინისტრის, გოგა ხაინდრავას ღამის საქციელი. ეგზიტპოლების პირველი შედეგების გამოცხადებისთანავე ის ზურაბიშვილის შტაბში უზარმაზარი თაიგულით გამოცხადდა.

„ყველას ვულოცავ ქართველი ხალხის გამარჯვებას. დღეს გაიმარჯვა ქართველმა ხალხმა, ქართულმა სულმა, ქართულმა ღირსებამ. გაიმარჯვა ხვალინდელმა დღემ. გაიმარჯვა საქართველომ... ეს თაიგული საქართველოს პრეზიდენტისთვის მიმაქვს, „რუსთავი 2“-სა და „ნაციონალურ მოძრაობას“ გული რომ არ დაგწყდეთ, თქვენთვის „ვენოკი“ მაქვს შეკვეთილი“, – განაცხადა გოგა ხაინდრავამ.

 მომღერალმა ნინი ქარსელაძემ, რომელიც ზურაბიშვილის აქტიური მხარდამჭერია, სასწრაფოდ გამოუცხადა ფანებს, რომ სამოქალაქო ვალი მოიხადა.

„მე ვიყავი არჩევნებზე, გავაკეთე ჩემი პრინციპული არჩევანი, ხმა მივეცი ევროპას და ადამიანს, რომელიც არ დაგვაბრუნებს წარსულში!!! არა ვუთხარი ძალადობას, სისხლიან რეჟიმს და რევანშს“, - დაწერა ქარსელაძემ Facebook-ზე.

„არა ძალადობას!“

ცნობილმა ქართველმა რეჟისორმა რობერტ სტურუამ არჩევნებისადმი დამოკიდებულება ხელოვნების გზით გამოხატა - სპექტაკლის მოკლე რგოლით მრავლისმთქმელი ფრაზით: „ისევ, ჩაიფსი მიხეილ?“

„ვულოცავ გამარჯვებას სალომე ზურაბიშვილს! იმედი მაქვს ის იქნება ჩვენი ქვეყნის ღირსეული პრეზიდენტი!“, - წერს საკუთარ Facebook-გვერდზე კინორეჟისორი ლევან თუთბერიძე.

ხოლო პოეტ შოთა იათაშვილის თავში ამ არჩევნების გამო ყველაფერი აირია. შოთა წერს „458!“ და ამით ზურაბიშვილის (№48) და ვაშაძის (№5) საარჩევნო ნომრების ერთგვარი კომბინაცია შექმნა.

157
თემები:
საქართველოს პრეზიდენტის არჩევნების მეორე ტური (169)
თამუნა მუსერიძე

„დავრეკე ქმრის ძმაკაცებთან და ნახეთ ვინ რა მიპასუხა“ - თამუნა მუსერიძე ვიდეოს აქვეყნებს

63
(განახლებულია 11:59 22.09.2020)
სანდრო მიკუჩაძისა და თამუნა მუსერიძის წყვილი დიდი პოპულარობით სარგებლობს. ნახეთ რა ექსპერიმენტი ჩაატარა ცნობილმა ტელეწამყვანმა

ცნობილმა ჟურნალისტმა თამუნა მუსერიძემ სოციალურ ქსელში ვიდეო გამოაქვეყნა, სადაც ექსპერიმენტის შედეგებია ნაჩვენები. ჟურნალისტმა გადაწყვიტა, მეუღლის ძმაკაცებისთვის სათითაოდ ჩამოერეკა და გაერკვია, რამდენად მოიტყუებდნენ, რომ მისი ქმარი მათთან იყო და შედეგით ძალიან კმაყოფილი დარჩა.

წყვილის სიყვარულის შესახებ 2015 წელს გახდა ცნობილი. რამდენიმე თვე დაშორებულებიც იყვნენ. ერთმანეთი გადაღებაზე გაიცნეს და რომანიც მალე გაჩაღდა. „როგორც კი დავინახე, მაშინვე მივხვდი, რომ ის იყო“, – ამბობდა თამუნა ერთ-ერთ ინტერვიუში.

თამუნა დაქორწინებული ორჯერ იყო და ერთი შვილი – ალექსანდრე მაკალათია ჰყავს. ქორწინებაში სანდროც იყო. მას პირველი ქორწინებიდან ელენე ჰყავს. წყვილს საერთო შვილი მარიამიც ჰყავს. წყვილი მეორე საერთო შვილს ელოდება.

63
თემები:
სელებრითების ცხოვრება
ეკა ბესელია

„ისეთი ემოციური დღე იყო“ - ეკა ბესელიას ვაჟი დაინიშნა - ნახეთ ვინ არის პოლიტიკოსის სარძლო

143
(განახლებულია 12:48 22.09.2020)
ცნობილი პოლიტიკოსის ოჯახში მატებაა. ეკა ბესელიას ვაჟი დაინიშნა. ნახეთ რა ფოტოებს აქვეყნებს ეკა ბესელია

პარტია „სამართლიანობისთვის“ ლიდერის ეკა ბესელიას ვაჟს რატი მილორავას ნიშნობა ჰქონდა. ამის შესახებ ეკა ბესელია სოციალურ ქსელში წერს და წყვილის ფოტოს აქვეყნებს.

„ეს ისეთი ემოციური დღე იყო ჩემთვისაც… ჩემი შვილები ისეთი ბედნიერები იყვნენ დღეს. ნიშნობა, ანუ არჩევანი ვისთან გინდა მომავალი დააკავშირო. მე ვიქნები ბედნიერი მათი ბედნიერებით“, - წერს ეკა ბესელია.

რო­გორც ირ­კვე­ვა, მისი რჩე­უ­ლი ქეთი ყრუ­აშ­ვი­ლია. წყვილს, როგორც ფოტოებიდან ჩანს, სავარაუდოდ, კორონაცირუსის პანდემიის გამო, მოკრძალებული ნიშნობა ჰქონდა.

143
თემები:
სელებრითების ცხოვრება
ხმელი აბზინდა

ჯანმომ COVID-19-ის ბალახებით მკურნალობა გადაწყვიტა: აბზინდის ნაყენი კლინიკურად გამოიცდება

0
(განახლებულია 13:10 22.09.2020)
აპრილში ჯანმოს წარმომადგენელი აცხადებდა, რომ ჯანდაცვის მსოფლიო ორგანიზაციამ არ იცის, შველის თუ არა აბზინდის ნაყენი COVID-19-ს

თბილისი, 22 სექტემბერი — Sputnik. მსოფლიო ჯანდაცვის ორგანიზაციამ COVID-19- ის სამკურნალოდ აფრიკული სამკურნალო მცენარეების სამ ეტაპიან კლინიკურ გამოკვლევას მხარი დაუჭირა, ნათქვამია ორგანიზაციის ოფიციალურ საიტზე.

აფრიკის დაავადებათა კონტროლისა და პროფილატიკის ცენტრის ტრადიციული მედიცინის რეგიონული კომიტეტის ექსპერტებმა COVID-19-ის წინააღმდეგ ბრძოლაში ხალხური წამლების ჩართვის საკითხი მას შემდეგ წამოჭრეს, რაც მადაგასკარის პრეზიდენტმა ანდრი რაძუელინამ აბზინდის ნაყენის ტესტირება შესთავაზა მათ. კვლევებით დადგენილია, რომ აღნიშნული სასმელი ეფექტურია მალარიის წინააღმდეგ.

ამ დროისათვის ეს ნაყენი, სახელწოდებით COVID-Organics, ან CVO,  ფართოდ გამოიყენება მადაგასკარზე და ასევე მთელ რიგ აფრიკულ ქვეყნებში.

„თუ ტრადიციული მედიცინის პროდუქტი უსაფრთხო, ეფექტური და გარანტირებული ხარისხისა აღმოჩნდა, ჯანმო მას ფართომასშტაბიანი ადგილობრივი წარმოებისთვის რეკომენდაციას მისცემს“, — განაცხადა აფრიკაში ჯანმოს წარმომადგენელმა პროსპერ ტუმუსიმემ.

აღსანიშნავია, რომ აბზინდა დიდი ხანია მედიცინაში გამოიყენება. ის რეფლექტორულად აღაგზნებს მადას და ხელს უწყობს საჭმლის მონელებას, გამოიყენება პანკრეასის, ღვიძლისა და ნაღვლის ბუშტის პათოლიგიებისას. გარდა ამისა, შედის კუჭ-ნაწლავის ტრაქტის ფუნქციის გამაუმჯობესებელ წვეთებში, მადისმომგვრელ, მეტეორიზმის საწინააღმდეგო და ნაღვლისმდენ ნაკრებებში. აბზინდა შედის ბრიტანეთის ფარმაკოპეაში, იყენებენ მრავალი ქვეყნის ტრადიციულ მედიცინაში და ჰომეოპათიაში.

 

0
თემები:
COVID-19-ის პანდემია მსოფლიოში