ქეთევან ციხელაშვილი

ადმინისტრაციულ საზღვრებთან სოფლებში მოსახლეობა გაზის ვაუჩერებს მიიღებს

58
(განახლებულია 12:35 09.11.2018)
ამ ზამთარს ბუნებრივი აირის საფასურის გადასახდელად 200 ლარის ოდენობის დახმარებას 14 ათასზე მეტი ოჯახი მიიღებს.

თბილისი, 9 ნოემბერი — Sputnik. ცხინვალის რეგიონთან ადმინისტრაციულ საზღვართან მცხოვრები თითოეული ოჯახი გაზის 200-ლარიან ვაუჩერს მიიღებს. სახელმწიფო ასევე გადაუხდის სწავლის ფულს ქვეყნის უმაღლეს სასწავლებლებში სტუდენტებს ამ სოფლებიდან, განაცხადა სახელმწიფო მინისტრმა შერიგებისა და სამოქალაქო თანასწორობის საკითხებში ქეთევან ციხელაშვილმა ბრიფინგზე.

სოციალურად დაუცველებს დასაქმების შემთხვევაში ფულადი დახმარება შეუნარჩუნდებათ>>

საქართველომ კონტროლი ცხინვალის რეგიონსა და აფხაზეთზე გასული საუკუნის 90-იან წლებში შეიარაღებული კონფლიქტის შემდეგ დაკარგა; 2008 წლის აგვისტოს შემდეგ კი რუსეთმა ამ რეგიონების დამოუკიდებლობა აღიარა, რის საპასუხოდაც თბილისმა მოსკოვთან დიპლომატიური ურთიერთობები გაწყვიტა.

„მთავრობის განკარგულებით გადაწყდა, რომ წელს გამოზამთრებაში დავეხმარებით გამყოფ ხაზებთან მდებარე ყველა სოფლის მცხოვრებს. თითოეული ოჯახი გაზის საფასურის 200-ლარიან ვაუჩერს მიიღებს. გათბობის ვაუჩერს აგრეთვე მიიღებს ის რამდენიმე ოჯახიც, სადაც გაზიფიცირება ჯერ არ განხორციელებულა", – განაცხადა ციხელაშვილმა.

სახელმწიფო მინისტრის განცხადებით, ადმინისტრაციულ საზღვრებთან მდებარე სოფლების მოსახლეობის დახმარების პროგრამა უკვე რამდენიმე წელია ხორციელდება.

„ყველა სოფლის გაზიფიკაცია დასრულდა. საუბარია 62-ზე მეტ სოფელზე, ანუ 14 ათასამდე აბონენტს სახლში ბუნებრივი აირი აქვს. ეს მათთვის ძალიან მნიშვნელოვანი შეღავათია. უკვე რამდენიმე წელია ისინი გაზის საფასურის ვაუჩერს იღებენ და გამონაკლისი არც ეს ზამთარი იქნება, რადგან მათ სახელმწიფოს გვერდში დგომა სჭირდებათ", – აღნიშნა ციხელაშვილმა.

რაც შეეხება სტუდენტების სწავლის დაფინანსებას, ბოლო ოთხ წელიწადში მათი რაოდენობა 433-დან 1,2 ათასამდე გაიზარდა.

ციხელაშვილი თავის გამოსვლაში ასევე შეეხო წყალმომარაგების პრობლემას. მისი თქმით, გამყოფ ხაზთან მდებარე 33 სოფელში ეს საკითხი უკვე გადაწყვეტილია, ხოლო 26 სოფელში ეს პრობლემა კვლავ აქტუალურია. წლის ბოლომდე სიტუაცია 17 სოფელში გამოსწორდება.

მანამდე საქართველოს მთავრობის მეთაურმა მამუკა ბახტაძემ რამდენიმე ინიციატივაზე ისაუბრა, რომლებიც სოციალურად დაუცველ და მრავალშვილიან ოჯახებს ეხება. ამასთან დაკავშირებით არასამთავრობო ორგანიზაციამ „საერთაშორისო გამჭვირვალობა - საქართველო" ქვეყნის ხელისუფლება საპრეზიდენტო არჩევნების მეორე ტურის წინ ადმინისტრაციული რესურსების გამოყენებაში დაადანაშაულა.

 

58
თემები:
საქართველოს პრეზიდენტის არჩევნების მეორე ტური (169)
გიორგი გახარია

გახარია: ნებისმიერი შემდგომი შეზღუდვები იქნება მხოლოდ ლოკალური

59
(განახლებულია 12:31 27.09.2020)
საქართველოს პრემიერ-მინისტრის, გიორგი გახარიას თქმით, სისტემური და მასშტაბური შეზღუდვები ქვეყანაში ამ ეტაპზე არ იგეგმება

თბილისი, 27 სექტემბერი – Sputnik. სასწავლო პროცესი განახლდება ზუსტად იმ რეჟიმში, როგორც გამოვაცხადეთ, განუცხადა ჟურნალისტებს საქართველოს პრემიერ-მინისტრმა გიორგი გახარიამ.

როდის მოხვდება საქართველო ნარინჯისფერ ან წითელ ზონაში: თამარ გაბუნიას განმარტება >>

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო რვა ქალაქის – თბილისი, ბათუმი, ქობულეთი, ქუთაისი, ფოთი, რუსთავი, ზუგდიდი, გორი, ასევე კახეთის, გურიისა და შიდა ქართლის ზოგიერთი სოფლის სკოლების მოსწავლეები და სტუდენტები იძულებული არიან 1 ოქტომბრამდე დისტანციურად ისწავლონ. სხვა ქალაქებსა და სოფლებში სასწავლო დაწესებულებები გაიხსნა.

მთავრობის მეთაურის თქმით, კორონავირუსის გავრცელების წინააღმდეგ შემდგომ ღონისძიებებს ექნება მიზნობრივი და ლოკალური ხასიათი, სისტემური შეზღუდვები ამ ეტაპზე არ იგეგმება.

„ნებისმიერი ჩვენი შემდგომი ღონისძიება, ქმედება, ვირუსის გავრცელების წინააღმდეგ იქნება მიზნობრივი და ლოკალური. სისტემური შეზღუდვები ამ ეტაპზე არ იგეგმება. კიდევ ერთხელ ვიმეორებ – ჩვენ მარტივად შეგვიძლია ამის გაკეთება, მაგრამ ამას მოჰყვება მძიმე სოციალური და ეკონომიკური შედეგები“, - განაცხადა გახარიამ.

მან კიდევ ერთხელ მოუწოდა მოსახლეობას ეპიდემიოლოგების რეკომენდაციების დაცვისკენ.

„ნორმალური ცხოვრების პირობებში გავრცელება რომ იყოს შედარებით დაბალი, უნდა ვატაროთ პირბადე, დავიცვათ დისტანცია და მარტივად – დავიბანოთ ხელი უფრო ხშირად“, – განაცხადა გიორგი გახარიამ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 294-ით გაიზარდა და 5254-ს მიაღწია, გამოჯანმრთელებულთა რაოდენობას დაემატა 87 ადამიანი.

ამ დროისათვის სულ გამოჯანმრთელდა 1906 ადამიანი, გარდაიცვალა – 28, კარანტინის რეჟიმში იმყოფება 5674, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

59
თემები:
COVID-19 საქართველოში
ტესტირება კორონავირუსზე

ქვეყნის მასშტაბით 20 კრიტიკული პაციენტია: COVID-19-ის გეოგრაფია საქართველოში

60
(განახლებულია 12:36 27.09.2020)
დღეს დადასტურებული კორონავირუსის შემთხვევების 81% აჭარასა (193) და თბილისში (43) გამოვლინდა. გუშინდელთან შედარებით იმერეთში გაცილებით ნაკლები ახალი შემთხვევა დაფიქსირდა

თბილისი, 27 სექტემბერი – Sputnik. საქართველოში ბოლო 24 საათში გამოვლენილი კორონავირუსის 294 ახალი შემთხვევიდან 193 (66%) აჭარას უკავშირდება, 43 (15%) კი თბილისს, განაცხადა თბილისის ინფექციური საავადმყოფოს ბოქსირებული განყოფილების უფროსმა მარინა ენდელაძემ.

რაც შეეხება სხვა რეგიონებს, მაჩვენებლები ასეთია: გურიაში - 16, იმერეთში – 14, სამეგრელო-ზემო სვანეთში – 11 პაციენტი, სამცხე-ჯავახეთში - 5, ქვემო ქართლში - 5, შიდა ქართლში – 4, კახეთში – 2, მცხეთა-მთიანეთში – 1.

მისივე თქმით, ქვეყნის მასშტაბით კოვიდ-ცენტრებსა და სასტუმროებში მკურნალობას 3 348 ადამიანი გადის, აქედან 20-ის მდგომარეობა კრიტიკულია, ხოლო 17 მართვით სუნთქვაზეა. 

რაც შეეხება აჭარას, რეგიონში 1 800-ზე მეტი კოვიდინფივირებულია რეგისტრირებული. მათგან 494 პაციენტი მკურნალობს რეგიონის რვა კლინიკაში. კოვიდსასტუმროებში ექიმების მეთვალყურეობის ქვეშ რჩება 949 პირი, ბინაზე კი 400-მდე ინფიცირებული მკურნალობს.

აჭარაში დღეს 32 ინფიცირებული გამოჯანმრთელდა, ხოლო ქვეყნის მასშტაბით - 87.

ამ დროისათვის საქართველოს მასშტაბით გამოჯანმრთელდა 1906 ადამიანი, გარდაიცვალა – 28, კარანტინის რეჟიმში იმყოფება 5674, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

60
თემები:
COVID-19 საქართველოში
ნიკოლ ფაშინიანი

კონფლიქტი მთიან ყარაბაღში: სომხეთმა საყოველთაო მობილიზაცია გამოაცხადა

35
(განახლებულია 13:41 27.09.2020)
სომხეთის პრემიერ-მინისტრმა ჯარებში რეგისტრირებული პირად შემადგენლობას ტერიტორიულ სამხედრო კომისარიატებში გამოცხადება უბრძანა

თბილისი, 27 სექტემბერი — Sputnik. სომხეთის მთავრობამ ქვეყანაში სამხედრო მდგომარეობა და საყოველთაო მობილიზაცია გამოაცხადა, იუწყება Sputnik-სომხეთი.

მთიან ყარაბაღში 27 სექტემბრის დილას სიტუაცია მკვეთრად გამწვავდა - სომხეთი და აზერბაიჯანი ერთმანეთს აგრესიაში ადანაშაულებენ.

„მთავრობის გადაწყვეტილებით სომხეთის რესპუბლიკაში ცხადდება სამხედრო მდგომარეობა და საყოველთაო მობილიზაცია. გადაწყვეტილება ძალაში გამოქვეყნების მომენტიდან შედის. პირად შემადგენლობას, რომელიც ჯარებშია რეგისტრირებული, ვუბრძანებ გამოცხადდეს ტერიტორიულ სამხედრო კომისარიატებში. სამშობლოსთვის, გამარჯვებისთვის“, - დაწერა თავის Facebook-გვერდზე რესპუბლიკის პრემიერ-მინისტრმა ნიკოლ ფაშინიანმა.

 

ბაქო და ერევანი ერთმანეთს სიტუაციის გამწვავებაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ ყარაბაღზე აზერბაიჯანის მხრიდან „საჰაერო და სარაკეტო იერიში მიიტანა“.

კონფლიქტის მხარეები მოწინააღმდეგის დანაკარგებზე საუბრობენ. ასე, სომხეთში ჩამოგდებულ ვერტმფრენებსა და აფეთქებულ ტანკებზე საუბრობენ, ხოლო აზერბაიჯანში - განადგურებულ საზენიტო კომპლექსებზე.

რუსეთის საგარეო საქმეთა სამინისტრომ სომხეთსა და აზერბაიჯანს მოუწოდა დაუყოვნებლივ შეწყვიტონ ცეცხლი და სიტუაციის სტაბილიზაციის მიზნით მოლაპარაკებები დაიწყონ.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ–დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარების მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს - რუსეთი, აშშ და საფრანგეთი. აზერბაიჯანი მოითხოვს საკუთარი ტერიტორიული მთლიანობის შენარჩუნებას, სომხეთი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

35
თემები:
მთიან ყარაბაღში სიტუაცია გამწვავდა