გზის მშენებლობა

გაუფრთხილებელი შემოწმებები - შრომის უსაფრთხოებაზე კონტროლი გამკაცრდა

336
მინისტრმა განმარტა შრომის ინსპექტორების მუშაობის პრინციპი, რომლების თავიანთ სამსახურს 1 აგვისტოდან შეუდგნენ

თბილისი, 1 აგვისტო — Sputnik. საქართველოში 1 აგვისტოდან ამუშავდნენ შრომის ინსპექტორები, რომლებსაც ნებისმიერ ობიექტზე გაუფრთხილებლად შესვლის და შრომის უსაფრთხოების კუთხით შემოწმების უფლება აქვთ, ნათქვამია ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ვებგვერდზე გავრცელებულ განცხადებაში.

ტრაგიკული შემთხვევები სამუშაო ადგილებზე — შსს სტატისტიკას აქვეყნებს >>

შრომის ინსპექტორის ინსტიტუტი, როგორც საზედამხედველო ორგანო, „შრომის უსაფრთხოების შესახებ“ კანონის საფუძველზე შეიქმნა, რომელიც პარლამენტმა მარტში მიიღო. სრულიად შეცვლილი კანონის ძირითადი ნორმები ძალაში ოთხშაბათს შევიდა.

ოთხშაბათს შრომის ინსპექტორებს ტრენინგ-ცენტრში ჯანდაცვის მინისტრი დავით სერგეენკო შეხვდა და მათ წარმატებები უსურვა.

„დღეს კიდევ ერთი ახალი ეტაპი იწყება, იმ შემუშავებული გეგმის მიხედვით, რომელიც ჩვენ საერთაშორისო პარტნიორებთან ერთად შევიმუშავეთ. მისი დედააზრი შეგვიძლია გამოვხატოთ ორი მნიშვნელოვანი სიახლით, ერთი, რომ ნებაყოფლობიდან სავალდებულოდ გადაიქცევა ინსპექტირება და მინისტრის მიერ დამტკიცებული გეგმის მიხედვით შედიან ისე, რომ საწარმოს არ აფრთხილებენ და მეორე, თუ არაგეგმურ შესვლაზე სასამართლოს სანქცია იყო საჭირო, ახლა ის საჭირო აღარ არის“, — განაცხადა დავით სერგეენკომ.

მინისტრის თქმით, შრომის ინსპექტორებს უზრუნველყოფენ სპეციალური აღჭურვილობით, რომელიც საშუალებას იძლევა, რომ ზუსტად და გამჭვირვალედ დადგინდეს ესა თუ ის დარღვევა. პირველ ეტაპზე შრომის უსაფრთხოებას დააკვირდება 40 ადამიანი, თუმცა ჯანდაცვის სამინისტრომ შრომის ინსპექტორის პოსტზე კიდევ 19 ვაკანსია გამოაცხადა.

„შრომის უსაფრთხოების შესახებ“ კანონი შრომის ინსპექტორებს ანიჭებს უფლებას საწარმოში შრომის უსაფრთხოების წესების დარღვევის აღმოჩენის შემთხვევაში მისცეს გაფრთხილება, გამოწეროს ჯარიმა ან სამუშაო პროცესი შეაჩეროს. 

თუ საწარმოს მფლობელი შრომის ინსპექტორს მუშობის საშუალებას არ მისცემს, მას გაფრთხილებას მისცემენ, ხოლო განმეორების შემთხვევაში 1000 ლარით დააჯარიმებენ. შემდგომში ჯარიმა 2 000 ლარამდე გაიზრდება.

საქართველოს პრეზიდენტი შრომის უსაფრთხოების სტანდარტებით უკმაყოფილოა >>

ამასთან, 1 აგვისტოდან ამოქმედდა საჯარიმო სანქციები შრომის უსაფრთხოების შესახებ ტექნიკური რეგლამენტის დარღვევისთვის — ჯარიმები 100 ლარიდან 8 000 ლარამდე მერყეობს.

ახალი კანონი მოთხოვს უსაფრთხო და ჯანსაღ სამუშაო გარემოს დამსაქმებლისთვის, დასაქმებულისთვის და საწარმოში მყოფი სხვა ადამიანებისთვის, დასაქმებულთა პასუხისმგებლობის, უფლება-მოვალეობის განსაზღვრას და ა.შ.

შრომის უსაფრთხოების პრობლემა საქართველოში მწვავედ დგას. სამუშაო ადგილებზე უბედური შემთხვევების შედეგად წლის დასაწყისიდან 17 ადამიანი დაიღუპა, უსაფრთხოების წესების დარღვევის ფაქტებზე 19 სისხლის სამართლის საქმე აღიძრა, ბრალი ექვს პირს წაეყენა.

სხვა სტატისტიკა მოჰყავს საქართველოს პროფკავშირების გაერთიანებას. მათი მონაცემების თანახმად, 2018 წლის დასაწყისიდან სამუშაო ადგილებზე მიღებული ტრავმების შედეგად 29 ადამიანი გარდაიცვალა.

მუშების მასობრივი დაღუპვის ბოლო შემთხვევა ივლისში მოხდა. ტყიბულის მინდელის სახელობის შახტში ოთხი მეშახტე დაიღუპა, ექვსი კი დაშავდა. გამოძიების წინასწარი ვერსიით, შახტის ერთ-ერთ გვირაბში, სავარაუდოდ, მეთანის აფეთქების შედეგად კედლების დეფორმაციას ჭერის ჩამოშლა მოჰყვა. 

 

336
ნინი ბადურაშვილი

ნინი ბადურაშვილი ლელა წურწუმიას ქმრის მოკვლისკენ მოუწოდებს რა მოხდა მათ შორის?

368
(განახლებულია 14:11 31.07.2020)
ნინი ბადურაშვილმა სოციალურ ქსელში ლელა წურწუმიას საჯაროდ მიმართა. ნახეთ, რას სთხოვს ლელა წურწუმიას ბადურაშვილი.

ქართულ შოუბიზნესში არ არსებობს მომღერალი, რომელიც მამულაშვილი-წურწუმიას ოჯახს არ ემეგობრება. მიუხედავად ამისა, ქართული სცენის წარმატებულ შემსრულებლებს შორის ინტრიგები არ წყდება. ნინი ბადურაშვილმა ლელა წურწუმიას სოციალური ქსელით საჯაროდ მამულიჩას მოკვლის თხოვნით მიმართა.

View this post on Instagram

A post shared by Kakhi Mamulashvili.Mamulicha (@mamulicha888) on

აღნიშნული თხოვნა კი კახა მამულაშვილის დამაინტრიგებელ ქმედებას მოჰყვა. პოპ-დივას პროდიუსერმა ნინის ძველი სურათი გამოუქვეყნა. ამ ფოტოზე ბადურაშვილის სახეცვლილება კარგად ჩანს. მამულიჩამ გასაჯაროებული სურათი ასე დაასათაურა: „გახსოვდეს ლოყები შენი. ვაიმე, დედიკო, დედა. მაპატიე, ბადურ. დამედოსავით".

ნინი ბადურაშვილმა მამულიჩას ქმედება უპასუხოდ არ დატოვა. ის ჯერ ხუმრობით შემოიფარგლა, შემდეგ კი ლელა წურწუმიას ქმრის მოკვლის თხოვნით მიმართა. „გთხოვ, ფოტო კიდე სადმე გამოაქვეყნე", – მიმართა გაბრაზებულმა ბადურაშვილმა მამულიჩას.

View this post on Instagram

thanks to @itallook_tbilisi for this amazing dress 🙏💛 #tvimedi #primeshow photos by @savemoment_studio 📸

A post shared by Nini badurashvili (@ninibadurashvili) on

ლელა წურწუმია: „მე მოვკლავდი, თვითონ ხო დახატულია“. ლელა წურწუმიას ასეთ პასუხს ნინის შოკისმომგვრელი თხოვნა მოჰყვა: „მოკალი, გთხოვ“. ძველი და ახალი ფოტოებიდან ჩანს, რომ ნინი ბადურაშვილი რადიკალურად შეიცვალა. მამულიჩამ მის დიდ ლოყებზე გააკეთა აქცენტი, რამაც მსახიობი, მომღერალი და ტელეწამყვანი გააღიზიანა.

View this post on Instagram

A post shared by Nini badurashvili (@ninibadurashvili) on

როგორც ჩანს, თავად პროდიუსერმაც საგრძნობლად დაიკლო წონაში, რასაც ლელა წურწუმიას დამცინავი კომენტარიც მოჰყვა. ძველ ფოტოს ახალთან თუ შეადარებთ, კარგად ჩანს, რომ ნინი ბადურაშვილს რამდენიმე ოპერაცია აქვს გაკეთებული, მათ შორის ცხვირის პლასტიკა და ყვრიმალებისა და ტუჩის კონტურის კორექცია.

View this post on Instagram

A post shared by Nini badurashvili (@ninibadurashvili) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე ხშირად ჩნდება ვარსკვლავებთან გადაღებული სახალისო ფოტო-ვიდეოები. ეს უკანასკნელი ფოტოც მამულიჩამ არქივიდან გაასაჯაროვა.

368
თემები:
სელებრითების ცხოვრება
ბათუმი

დაგეგმეთ დასვენება ზღვისპირეთში: როდიდან გამოიდარებს საქართველოში

30
(განახლებულია 15:34 03.08.2020)
საქართველოს დედაქალაქში უნალექო ამინდებია მოსალოდნელი. 4–6 აგვისტოს თბილისში პლუს 29–31, 7–8 აგვისტოს კი 34 გრადუსამდე სითბოა ნავარაუდევი.

თბილისი, 3 აგვისტო  — Sputnik.  საქართველოში გამოიდარებს – 9 აგვისტომდე ხანმოკლე წვიმები მხოლოდ ქვეყნის ცალკეულ რაიონებშია მოსალოდნელი, ნათქვამია გარემოს დაცვის ეროვნული სააგენტოს განცხადებაში. 

 „3 აგვისტოს დღის მეორე ნახევრიდან საქართველოს უმეტეს ნაწილში გამოიდარებს. ქვეყნის ცალკეულ რაიონებში ხანმოკლე წვიმები 9 აგვისტომდეა ნავარაუდევი. 4–6 აგვისტოს ჰაერის ტემპერატურა დაბლობში პლუს 27–32, 7–8 აგვისტოს კი პლუს 30–35 გრადუსია ნავარაუდევი“, – ნათქვამია განცხადებაში.

საქართველოს დედაქალაქში უნალექო ამინდებია მოსალოდნელი. 4–6 აგვისტოს თბილისში პლუს 29–31, 7–8 აგვისტოს კი 34 გრადუსამდე სითბოა ნავარაუდევი.

30
თემები:
ამინდის ზუსტი პროგნოზი თბილისში