ხორბალი

კახეთში ხორბლის მოსავლის აღება აქტიურ ფაზაში შევიდა

12688
(განახლებულია 15:32 09.07.2018)
ამ დროისთვის კახეთის რეგიონში უკვე აღებულია 11 ათას ჰექტარზე დათესილი თავთავიანი კულტურის მოსავალი

თბილისი,  9 ივლისი — Sputnik.  კახეთის რეგიონში ხორბლის აღების პროცესი აქტიურ ფაზაში შევიდა,  მოსავლის აღების პროცესს გარემოს დაცვისა და სოფლის მეურნეობის  მინისტრი  ლევან დავითაშვილი დედოფლისწყაროს მუნიციპალიტეტში   გაეცნო,  ნათქვამია უწყების მიერ გავრცელებულ განცხადებაში.

კახეთის რეგიონში თავთავიანი  კულტურების კარგი მოსავალია.  ამ ეტაპისთვის  67 ათას ჰექტრამდე ნათეს ფართობზე, წინასწარი მონაცემებით, 230 ათას ტონა ხორბალს ელოდებიან. 19 ათას ჰექტარზეა დათესილი ქერი, რომლის საპროგნოზო მოსავალი 58 ათასი ტონას შეადგენს. 

„მიუხედავად რთული კლიმატური პირობებისა, დედოფლისწყაროს მუნიციპალიტეტში საჰექტრო მოსავლიანობა კარგია. ყველა შესაბამისი სამსახური აქტიურად მუშაობს იმისთვის, რომ მოსავლის აღება და დაბინავება შეუფერხებლად მოხდეს“, – განაცხადა ლევან დავითაშვილმა ადგილობრივ ფერმერებთან შეხვედრისას. 

მოსავლის შეუფერხებლად აღების პროცესში აქტიურად არის ჩართული შპს,,მექანიზატორის“ სასოფლო-სამეურნეო ტექნიკა. კახეთის რეგიონში მობილიზებულია 103 ერთეული მარცვლეულის ამღები კომბაინი, აქედან, დედოფლისწყაროს სერვის–ცენტრში 49, ხოლო გურჯაანის სერვის–ცენტრში — 54 ერთეული. მოსავლის აღების პროცესში ჩართულია ბელარუსული წარმოების 30 ერთეული ახალი კომბაინიც, რომლებიც შპს „მექანიზატორმა“ 2018 წელს შეიძინა. 

„დიდია ფერმერების ინტერესი ტექნიკის შეძენაზე და ვფიქრობ, რამდენიმე წელიწადში მარცვლოვანი კულტურების  სექტორის განვითარებას, შესაბამისი ტექნიკით უზრუნველყოფის კუთხით, მნიშვნელოვნად გავაუმჯობესებთ“, — აღნიშნა  ლევან დავითაშვილმა.

მეწარმეებისა  და ფერმერებისთვის  სასოფლო-სამეურნეო ტექნიკის შეძენა უფრო მარტივი 2018 წლის თებერვალში, სახელმწიფოს მიერ „შეღავათიანი აგროკრედიტის“ პროექტში ახალი ქვეკომპონენტის დამატების შემდეგ  გახდა.

სახელმწიფო პროექტის „შეღავათიანი აგროკრედიტი“ ახალი ქვეკომპონენტი გულისხმობს შეღავათიან აგროკრედიტს სასოფლო-სამეურნეო დანიშნულების ტექნიკის შესაძენად და შეღავათიან აგროლიზინგს — სასოფლო-სამეურნეო დანიშნულების მექანიზაციისთვის (ტექნიკის დასაფინანსებლად).

დღეისათვის, კახეთის რეგიონში  შპს „მექანიზატორს“ უკვე აღებული აქვს 11 ათას ჰექტარზე დათესილი თავთავიანი კულტურის მოსავალი. 

 

 

12688
თემები:
საქართველოს სოფლის მეურნეობა – 2018 (96)
პალატა ბათუმის კლინიკაში

ბათუმში კორონავირუსით 31 წლის ქალი გარდაიცვალა

119
პაციენტის მდგომარეობა კლინიკა „მედინაში“ გადაყვანის შემდეგ დამძიმდა. მას სუნთქვის უკმარისობა და ფილტვების დაზიანება დაუდგინდა.

თბილისი, 3 დეკემბერი - Sputnik. ბათუმში, კლინიკა „მედინაში“ კორონავირუსით 31 წლის ქალი გარდაიცვალა. იუწყება პირველი არხი.

არსებული ინფორმაციით, ინფიცირებულ ქალს 25 ნოემბერს საკეისრო კვეთა ბათუმის სამშობიარო სახლში გაუკეთდა, ორი დღის შემდეგ კი გართულებებით კლინიკა „მედინაში“ გადაიყვანეს.

„მედინას“ ექიმის, ჯუმბერ უნგიაძის თქმით, კორონავირუსით ინფიცირებული ორსული პაციენტის მდგომარეობა დამძიმდა, რაც ნაყოფის მდგომარეობაზე მოქმედებდა, რის შემდეგაც მას საკეისრო კვეთა ჩაუტარდა. ექიმის განცხადებით, პაციენტს კლინიკაში მოთავსებისას ფილტვების მძიმე დაზიანება დაუდგინდა.

„მრავალი ადამიანი გვყავს გადარჩენილი, თუმცა დღეს ვერ შევძელით პაციენტის გადარჩენა. მიუხედავად ადეკვატური მკურნალობისა, მისი მდგომარეობა უარესდებოდა, კერძოდ, კლინიკური ცვლილებები ჰქონდა. პაციენტს ასევე აღენიშნებოდა სუნთქვის უკმარისობა. მას კვლევის შედეგად პნევმონია და ფილტვის 23 პროცენტიანი დაზიანება დაუდგინდა. 1-2 დეკემბერს მდგომარეობა შედარებით გაუმჯობესდა, თუმცა გუშინ საღამოს თრომბოემბოლია მოხდა, რამაც გულის გაჩერება გამოიწვია“, - განაცხადა ჯუმბერ უნგიაძემ.

ექიმის ინფორმაციით, ახალშობილი ჯანმრთელია და კლინიკიდან სახლში გაეწერა.

საქართველოში ბოლო დღე-ღამეში ახალი კორონავირუსით კიდევ 45 ადამიანი გარდაიცვალა და გარდაცვლილთა საერთო რაოდენობამ 1.387-ს მიაღწია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4.260-ით გაიზარდა და ინფიცირებულთა საერთო რიცხვმა 147.636-ს მიაღწია. მათ შორის ბოლო 24 საათში აჭარის რეგიონში 525 შემთხვევა გამოვლინდა.

საქართველოში კორონავირუსის პირველი შემთხვევა 26 თებერვალს დაფიქსირდა.

119
თემები:
COVID-19 საქართველოში
კლინიკა

რამდენი უჯდება სახელმწიფოს ერთი კოვიდ–პაციენტის მკურნალობა: ჯანდაცვის უწყების განმარტება

135
(განახლებულია 19:47 03.12.2020)
თამარ გაბუნიას განცხადებით, სიმპტომებიანი პაციენტებისთვის ანტიგენზე დამყარებული სწრაფი ტესტებით გაფართოებული კვლევის მიზანი ინფიცირებულთა დროულად გამოვლენაა.

თბილისი, 3 დეკემბერი – Sputnik. საქართველოს მთავრობას კლინიკაში ერთი კოვიდ–პაციენტის მკურნალობა საშუალოდ 2 ათასი ლარი უჯდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

ამასთან, მისი თქმით, კოვიდ-ინფიცირებულის მკურნალობის ხარჯები შეიძლება 500 ლარიდან 10 ათას ლარამდე მერყეობდეს – ყოველივე დაავადების სიმძიმეზეა დამოკიდებული. 

„საშუალოდ, შეფასებისთვის ჩვენ ვიყენებთ 2000-ლარიან ნიშნულს ჰოსპიტალური შემთხვევის მართვისთვის. ეს, რა თქმა უნდა, არ ითვალისწინებს იმ ხარჯებს, რომელიც ხმარდება, მაგალითად, ჟანგბადით უზრუნველყოფას, სუნთქვის აპარატების მობილიზებას და პერსონალის ტრენინგს. სისტემის მომზადების საინვესტიციო ხარჯები ცალკე თემაა“, – განაცხადა თამარ გაბუნიამ.

მინისტრის მოადგილის თქმით, საქართველოში კორონავირუსზე ტესტირების პროცესში დაახლოებით 300 დაწესებულებაა ჩართული. ინტენსიური ტესტირება, რომელიც ქვეყანაში დაიწყო და დღეში 20 ათასამდე ტესტის ჩატარებას ითვალისწინებს, ხელს შეუწყობს ვირუსის გავრცელების შემცირებას, დასძინა გაბუნიამ.

როგორც მან აღნიშნა, ანტიგენზე დაფუძნებული სწრაფი ტესტების ხარისხი საკმაოდ მაღალია, „ტესტის ხარისხი და სანდოობა ძალზე დიდია. ვფიქრობ, რომ ეს მნიშვნელოვნად შეამცირებს რიგებს და მოსახლეობას და ექიმებს მკურნალობის სწრაფად დაწყების შესაძლებლობას მისცემს“, – განაცხადა გაბუნიამ.

135
თემები:
COVID-19 საქართველოში
ყვავილები ზღვის სანაპიროზე

2021 წლის ჰოროსკოპი: მორიელი ფინანსები, სიყვარული, ჯანმრთელობა

0
(განახლებულია 11:09 03.12.2020)
როგორი იქნება 2021 წელი მორიელებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

მორიელები ის ადამიანები არიან, რომლებიც რთული სიტუაციიდან გამოსავალს ყოველთვის იპოვიან. 2021 წელს ასეთი რთული ვითარება შეიძლება ბევრი იყოს, რაც ნიშნავს, რომ დგება დრო, როცა მორიელებმა მათთვის დამახასიათებელი მთელი სიფრთხილე და მძლავრი ინტუიცია უნდა აამუშაონ.

2021 წელი ძალზე დინამიკური იქნება. დგება ხანა, როდესაც უკვალოდ არაფერი ჩაივლის, ამიტომ მნიშვნელოვანია, გახსოვდეთ თითოეული თქვენი საქციელის შედეგები.

მორიელებმა ყურადღება უნდა მიაქციოთ მნიშვნელოვან ასტროლოგიურ მოვლენებს, როგორიცაა დაბნელებები და რეტროგრადული პლანეტები. ამ მოვლენებმა თქვენი ცხოვრება, შესაძლოა, ძალიან შეცვალოს.

მამაკაცი მორიელი

წლის დასაწყისი მამაკაცი მორიელებისთვის ძალზე იღბლიანი აღმოჩნდება, შეძლებთ ყურადღების გამახვილებას მნიშვნელოვანი პრობლემების გადაჭრაზე ცხოვრების ყველა სფეროში. ენერგეტიკული ე.წ. უძრაობის დრო გაზაფხულის მიწურულს დადგება. იმ დროისთვის, სჯობს, ყველა მნიშვნელოვანი საქმე დაასრულოთ, რადგან ზაფხულის დადგომისას საამისოდ, შესაძლოა, ძალები აღარ გეყოთ.

ფინანსები და სამუშაო: ამ სფეროში წარმატებები გელოდებათ. მთავარია, ფინანსები სწორად გადაანაწილოთ – გადადოთ გარკვეული თანხა დანაზოგის სახით სამომავლოდ და უაზრო და უსარგებლო ნივთების შეძენაში ფული არ დახარჯოთ. ყველაზე ძვირადღირებული ნივთების ყიდვა წლის დასასრულისთვის გადადეთ.

სიყვარული და ურთიერთობები: სიყვარულის სფეროში მამაკაცი მორიელებისთვის ყველაფერი სტაბილურად იქნება. თამამად შეგიძლიათ ახალი ურთიერთობების დაწყება ან ძველის განახლება. 2021 ის დროა, როცა პრობლემების გარეშე შეიძლება ნებისმიერ ადამიანთან საერთო ენის გამონახვა.

განწყობა და ჯანმრთელობა: უმეტეს ვითარებაში მშვიდ და პოზიტიურ განწყობას შეინარჩუნებთ. სჯობს, არ დაიძაბოთ. თუ რამე საქმის მიტოვების სურვილი გაგიჩნდებათ, კარგად დაფიქრდით, რომ შეცდომა არ დაუშვათ.

კრიმინალური ტალანტი ზოდიაქოს ნიშნის მიხედვით>>

ქალი მორიელი

ქალ მორიელებს ძალზე პოზიტიური წელი გელოდებათ. ვარსკვლავები დაგეხმარებიან ყველაფერში, რომ საუკეთესო შედეგებს მიაღწიოთ. იქნებით შთაგონებით სავსე, გექნებათ მოტივაცია და იღბალი არ მიგატოვებთ. ერთადერთი, რაც აუცილებელია, ეს საქმეების წინასწარ დაგეგმვაა.

ფინანსები და სამუშაო: ქალ მორიელებს დიდი წარმატება გელოდებათ შემოქმედებით საქმიანობაში – დიზაინში, მუსიკასა და კინოში. ასტროლოგები გირჩევენ, თანხა ეკონომიურად ხარჯოთ. თუ რამე მნიშვნელოვანი და ძვირფასი ნივთის შეძენა გახდება საჭირო, ინტუიციასა და იღბალს მიენდეთ.

სიყვარული და ურთიერთობები: ვარსკვლავები ბევრად მომხიბლავსა და მიმზიდველს გაგხდიან. მეორე ნახევრის პოვნა თქვენთვის სირთულე არ იქნება, განსაკუთრებით წლის დასაწყისში. ზაფხული და შემოდგომის დასაწყისი იდეალური პერიოდია დროის ოჯახთან გასატარებლად. ძალზე იღბლიანი იქნება ერთობლივი მოგზაურობა, მოახერხებთ არსებული ურთიერთობების გამტკიცებას.

ზოდიაქოს ნიშნების ვენდეტა>>

განწყობა და ჯანმრთელობა: მორიელმა ქალებმა 2021 წელს მეტი დრო უნდა დაუთმოთ დასვენებას, უნდა მოერიდოთ გადაღლას. ბევრს თუ იმუშავებთ და ცოტას დაისვენებთ, უბრალოდ, „გადაიწვებით“. დაღლილობამ ცხოვრებაში „შავი პერიოდის“ დაწყებაც კი შეიძლება გამოიწვიოს.

გაეცანით ასევე 2021 წლის ჰოროსკოპს ვერძების, კუროების, ტყუპების, კირჩხიბების, ლომების, ქალწულების, სასწორებისთვის.

0