საქართველომ ორი სამაშველო ვერტმფრენი დაიქირავა

საქართველომ ორი სამაშველო ვერტმფრენი დაიქირავა

163
(განახლებულია 21:28 09.07.2018)
ბელარუსიდან ვერტმფრენების დაქირავების მიზნით ქვეყნის ბიუჯეტიდან ორი მილიონი ლარი გამოიყო

თბილისი,  9 ივლისი — Sputnik.  საქართველოში რამდენიმე თვის განმავლობაში ორი სამაშველო ვერტმფრენი იქნება მობილიზებული, რათა აუცილებლობის შემთხვევაში ქვეყანამ დაუყოვნებლივ შეძლოს მათი გამოყენება, წერს გაზეთი „საქართველოს რესპუბლიკა“. 

როგორც საგანგებო სიტუაციების მართვის სააგენტოში აღნიშნავენ, უახლოეს დღეებში ბელარუსიდან ორი ვერტმფრენი ჩამოვა, რომელთა ბაზირებაც ქვეყანაში 1 ოქტომბრამდე გაგრძელდება.

საქართველოს მთავრობამ ვერტმფრენები ეკიპაჟთან ერთად დაიქირავა, რისთვისაც ქვეყნის ბიუჯეტიდან დაახლოებით ორი მილიონი ლარი გამოიყო.

ვერტმფრენები მრავალფუნქციური იქნება. ეს ნიშნავს, რომ მათი გამოყენება სხვადასხვა სამაშველო ოპერაციებისას იქნება შესაძლებელი. 

ქვეყნის მთავრობამ აღნიშნული გადაწყვეტილება საგანგებო ვითარებებში ეფექტური რეაგირებისა და ზაფხულის ტურისტულ სეზონზე მოქალაქეების უსაფრთხოების უზრუნველწყოფის  მიზნით მიიღო.

საქართველოში ასევე არსებობს ტყის ხანძრების წარმოშობის რისკი, სწორედ ამიტომ არის მნიშვნელოვანი, რომ სამაშველო ვერტმფრენები ქვეყანაში დაუყოვნებლივ რეაგირებისთვის იყოს მობილიზებული.

2017 წლის ზაფხულში საქართველოს ხანძრების სერია მოედო. ტყის ხანძრები განსაკუთრებით აგვისტოში გახშირდა. ყველაზე მსხვილი ბორჯომის ხეობის სოფელ დაბასთან მომხდარი ტყის ხანძარი აღმოჩნდა, რომელსაც ექვსი დღის განმავლობაში აქრობდნენ. წინასწარი ინფორმაციით, 100 ათას ჰექტარზე მეტი ტერიტორია დაიწვა. სიტუაციას ართულებდა მთიანი რელიეფი, ქარი და მშრალი ამინდი. ხანძრის ჩაქრობაში საქართველოს დახმარება აღმოუჩინეს თურქეთმა, სომხეთმა, აზერბაიჯანმა და ბელარუსმა. 

 


163
თემები:
შემთხვევები საქართველოში –2018 (1666)
ვალუტის გადამცვლელი პუნქტი

ლარის კურსი 4 აგვისტოს

15
(განახლებულია 07:36 04.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

თბილისი, 4 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0719 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 



15
თემები:
ლარის კურსი დღეს
ლილოს ბაზრობა

ჯერი „ელიავას“ ბაზრობაზეა: ლილოსა და „დინამოს“ ბაზრობებზე კორონავირუსზე ტესტირება დასრულდა

204
(განახლებულია 20:39 03.08.2020)
კორონავირუსით ინფიციფრების ექვსისვე შემთხვევა ლილოს ბაზრობაზე დასაქმებულთა ტესტირების შედეგად გამოვლინდა. სადაც ჯამში 4700-ზე მეტი პირი დაიტესტა.

თბილისი, 3 აგვისტო - Sputnik. ლილოსა და ე.წ. დინამოს ბაზრობაზე დასაქმებულთა ტესტირება დასრულდა, შედეგად კორონავირუსით ინფიცირების ექვსი შემთხვევა გამოვლინდა, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ, იუწყება პირველი არხი.

ინფიცირების წყარო ვერ დგინდება: კორონავირუსის ახალი შემთხვევები საქართველოში>>

კორონავირუსით ინფიციფრების ექვსივე შემთხვევა ლილოს ბაზრობაზე დასაქმებულთა ტესტირების შედეგად გამოვლინდა, სადაც ჯამში 4700-ზე მეტი პირი დაიტესტა. ამასთან, ეპიდემიოლოგები იკვლევენ აღნიშნულ ბაზრობასთან დაკავშირებული ოჯახის კონტაქტებსაც. აქედან გამომდინარე, შესაძლოა, ლილოს ბაზრობასთან დაკავშირებული სტატისტიკა კიდევ გაიზარდოს.

რაც შეეხება ე.წ. დინამოს ბაზრობას, ამირან გამყრელიძის თქმით, იქ შემთხვევითი შერჩევის პრინციპით 500-მდე ადამიანი დაიტესტა და ყველა პასუხი უარყოფითია.

„იმავე პრინციპით 500-მდე ადამიანის გამოკვლევა მიმდინარეობს ე.წ. ელიავას ბაზრობაზე, სადაც ეპიდემილოგები კიდევ რამდენიმე დღე იმუშავებენ. ეპიდვითარების გათვალისწინებით დაიგეგმება სხვა ბაზრობების კვლევაც“, – აღნიშნა გამყრელიძემ.

ამირან გამყრელიძის ცნობით, ბოლო კვირების განმავლობაში დადასტურებულ შემთხვევებიდან ყველას ინფიცირების წყარო დადგენილია.

რამდენიმე დღის წინ გარდაბნის მუნიციპალიტეტის სოფლებში კორონავირუსის ახალი შემთხვევები გამოვლინდა. ინფიცირების ჯაჭვის მიხედვით ეპიდემიოლოგები ლილოს ბაზრობაზე გავიდნენ, სადაც გარდაბნის მცხოვრებლები ვაჭრობენ. ამ ფაქტის გამო სპეციალისტებმა ყველა მოვაჭრის შემოწმება დაიწყეს.

 ლილოს ბაზრობის მსგავსად, კორონავირუსზე  სხვა ბაზრების მოვაჭრეთა შემოწმებაც იგეგმება.

3  აგვისტოს მონაცემებით, საქართველოში ინფიცირებულთა რიცხვმა 1179-ს მიაღწია, გამოჯანმრთელდა 959, გარდაიცვალა 17 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

204
თემები:
COVID-19 საქართველოში