ზაზა სარალიძე მომიტინგეებთან კარავში

სარალიძემ პრემიერს ერთკვირიანი ვადა მისცა

184
(განახლებულია 21:15 04.06.2018)
პარლამენტთან საპროტესტო აქციები გაგრძელდება

თბილისი, 4 ივნისი — Sputnik. ზაზა სარალიძემ, 16 წლის მოკლული მოზარდის მამამ, საქართველოს პრემიერ-მინისტრ გიორგი კვირიკაშვილთან შეხვედრის შემდეგ განაცხადა, რომ მთავრობის მეთაურისგან 10 ივნისამდე მისი შვილის მკვლელობის საქმის განმეორებით გამოძიებასთან დაკავშირებით კონკრეტულ ნაბიჯებს ელოდება.

სარალიძე კვირიკაშვილს ორშაბათს შეხვდა. მოკლული მოზარდის მამა და ქვეყნის მოსახლეობა თბილისში 31 მაისიდან პარლამენტის შენობასთან საპროტესტო ქციებს მართავენ. ზაზა სარალიძემ ქუჩის აქციებს მას შემდეგ მიმართა, რაც 31 მაისს თბილისის საქალაქო სასამართლომ ვერ გასცა პასუხი კითხვაზე — ვინ მოკლა მისი შვილი დათო სარალიძე. სარალიძე აცხადებს, გამოძიება მისი შვილის მკვლელს ხელს აფარებს.

„პრემიერმა მითხრა: „თუ გინდა, დღესვე გადავდგები“. მაგრამ ჯერ კონკრეტულ ნაბიჯებს ველოდები“, — განაცხადა მოკლული მოსწავლის მამამ.

მისი თქმით, საპროტესტო აქციები არ შეწყდება.

16 წლის მოსწავლეების, სარალიძისა და დადუნაშვილის მკვლელობა საქართველოს უახლეს ისტორიაში ერთ-ერთი ყველაზე რეზონანსული გახდა. ორივე უფროსკლასელების მასობრივი ჩხუბის შედეგად 2017 წლის 1 დეკემბერს დაიღუპნენ. სასამართლომ ჩხუბის ორ მონაწილეს განაჩენი 6 თვის შემდეგ გამოუტანა. ერთ-ერთი დამნაშავედ ცნეს ლევან დადუნაშვილის მკვლელობაში. სასამართლომ ვერ დაასახელა დავით სარალიძის მკვლელი — მეორე ბრალდებული დამნაშავედ მხოლოდ განზრახ მკვლელობის მცდელობაში აღიარეს. დავით სარალიძეს ათზე მეტი ჭრილობა მიაყენეს.

რა ულტიმატუმი წაუყენა კვირიკაშვილმა ზაზა სარალიძეს>>>

სარალიძის მამა მიიჩნევს, რომ გამოძიება თავიდანვე მფარველობდა ინციდენტის სხვა მონაწილეებს, პირველ რიგში — პროკურატურის ყოფილი თანამშრომლის შვილს, და სამართლის აღსრულებას მოითხოვს. განაჩენის გამოცხადების დღეს სარალიძის ოჯახის მხარდასაჭერად თბილისში მრავალათასიანი აქციები დაიწყო. მომიტინგეებმა მთავარი პროკურორის, ირაკლი შოთაძის გადადგომას მიაღწიეს, შემდეგ კი მთავრობის გადადგომა მოითხოვეს. სამოქალაქო პროტესტი პოლიტიკურში გადაიზარდა, მას მხარი რამდენიმე ოპოზიციურმა პარტიამ დაუჭირა.

პარლამენტმა საქმის გარემოების შესწავლის მიზნით დროებითი საგამოძიებო კომისიის შექმნის გადაწყვეტილება მიიღო.


184
თემები:
მკვლელობა ხორავას ქუჩაზე – პროტესტის ტალღა თბილისში–2018 (131)
მაია ასათიანი

„ძალიან ცუდად მოვიქეცი... არ მიმატოვოთ ამ განსაცდელში“ - მაია ასათიანი დახმარებას ითხოვს

101
(განახლებულია 16:12 21.09.2020)
პოპულარული ტელეწამყვანი განსაცდელშია. ნახეთ რა შეემთხვა მაია ასათიანს და რატომ ითხოვს დახმარებას სოციალურ ქსელში

„ბავშვი რომ დედას რაღაცას უმალავს ისეთი განცდა მაქვს, თინეიჯერობის შემდეგ ასეთი განცდა არ მქონია“, - ამბობს ტელეწამყვანი მაია ასათიანი „ინსტაგრამზე“ გავრცელებულ ვიდეოში. ჟურნალისტი საზოგადოებას საკუთარ ისტორიას უყვება და დახმარებას სთხოვს. ასათიანი ყვება, რომ ცუდი საქციელი ჩაიდინა, რაც სიგარეტის მოწევის განახლებას უკავშირდება.

View this post on Instagram

A post shared by maia asatiani (@maia.assatiani) on

„ძალიან ცუდად მოვიქეცი დაახლოებით ორი კვირაა. ვიფიქრე, რომ 10 წელია დანებებული მაქვს მოწევისთვის თავი და ერთ ღერს მოვწევ მეთქი და აი ამ ერთმა ღერმა დამღუპა. რაღაც სუფრაზე ვიყავი, დავლიე ერთი ორი ჭიქა და... ჩემებმა გაიგეს, ვერ მიშველა იმათმა აკრძალვებმაც. ერთი კვირაა უკვე აღარ მივარჯიშია. ეს ვიდეოც იმიტომ ჩავწერე, რომ საკუთარი თავის შემრცხვეს. ახლა მე მჭირდება თქვენი დახმარება, არ მიმატოვოთ ამ განსაცდელის ჟამს“, - ამბობს ჟურნალისტი და „ფოლოვერებს“ თხოვს ურჩიონ, როგორ დაანებოს მოწევას თავი.
View this post on Instagram

A post shared by maia asatiani (@maia.assatiani) on

პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს. მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან.

View this post on Instagram

A post shared by maia asatiani (@maia.assatiani) on

როგორც ოჯახის წევრებს შეეფერებათ, მაიას დებთან ძალიან ახლო და მეგობრული ურთიერთობა აქვს. უმცროსი და ვერონიკა მაიას ჰგავს, გოგონები ერთად ხშირად მოგზაურობენ მიუხედავად იმისა, რომ მაიას ბოლო პერიოდის მანძილზე საზოგადოებრივი თავშეყრის ადგილებში გამოჩენა აღარ ხიბლავს.

View this post on Instagram

A post shared by maia asatiani (@maia.assatiani) on

მისი სოციალური ქსელის ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა.

101
თემები:
სელებრითების ცხოვრება
ლაბორატორია

სოფელ შრომაში საჯარო სკოლა დაიხურა კორონავირუსი დაწყებითი კლასის მოსწავლეს დაუდგინდა

48
(განახლებულია 16:38 21.09.2020)
საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 193-ით გაიზარდა.

თბილისი, 21  სექტემბერი – Sputnik.  გურიის რეგიონის სოფელ შრომაში საჯარო სკოლა დაიხურა  - მიზეზი კორონავირუსის დადასტურებული შემთხვევაა, იუწყება ტელეკომპანია Rustavi 2. 

გავრცელებული ინფოცრმაციით, კორონავირუსის ინფექცია  სკოლის დაწყებითი კლასის მოსწავლეს დაუდასტურდა, რის გამოც 35 პირი, მათ შორის, 27 ბავშვი თვითიზოლაციაშია გადაყვანილი.

 „სკოლის 27 მოსწავლეს და 14 მასწავლებელს ტესტი უკვე ჩაუტარდა, რომლის პასუხიც 72 საათში გახდება ცნობილი. იმ შემთხვევაში თუ რომელიმე მათგანს კორონავირუსი დაუდასტურდება, დაიწყება წყაროების მოკვლევა, რათა გავრცელების რისკი მინიმუმამდე იყოს დაყვანილი“, – განაცხადა ოზურგეთის მუნიციპალიტეტის მერის წარმომადგენელმა კონსტანტინე ხომერიკმა.

დღეს, სასწავლო პროცესის დისტანციურ რეჟიმზე გადავიდა სენაკის საჯარო სკოლაც, სადაც პედაგოგსა და ორ მოსწავლეს კორონავირუსი დაუდგინდა –  ეპიდემიოლოგების ვარაუდით, მასწავლებელს ვირუსი სენაკელი ქალისგან გადაედო, რომელიც დადასტურებულ შემთხვევას წარმოადგენს, მოსწავლეები კი მისი კონტაქტები არიან. სკოლის ყველა მოსწავლეს და პედაგოგს PCR-ტესტი უკვე ჩაუტარდა – პასუხები დღეს გახდება ცნობილი. 

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 193-ით გაიზარდა.

ბოლო მონაცემებით, ქვეყანაში კორონავირუსის 3695 დადასტურებული შემთხვევა დაფიქსირდა. სულ გამოჯანმრთელდა 1534 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

48
თემები:
COVID-19 საქართველოში
საქსოფონი

ჯაზი და ღვინო: კახეთი მუსიკალურ ფესტივალს უმასპინძლებს

0
(განახლებულია 17:34 21.09.2020)
ფესტივალის Jazz and Wine Kakheti სტუმრები ჯაზური მუსიკის ფონზე ქართული სხვადასხვა ღვინის დაგემოვნებას შეძლებენ

თბილისი, 21 სექტემბერი – Sputnik. ფესტივალი Jazz and Wine Kakheti 3 ოქტომბერს კახეთში, წინანდლის მამულში მეოთხედ გაიმართება, იუწყებიან ორგანიზატორები.

ფესტივალის ჰედლაინერია სოულისა და ჯაზის ვარსკვლავი ლისა სიმონი. ამჯერად ფესტივალში ასევე მონაწილეობენ ბექა გოჩიაშვილის ტრიო, რუსა მანველი და დავით მაზანაშვილის ტრიო.

ფესტივალის Jazz and Wine Kakheti ფარგლებში 15–ზე მეტი ღვინის კომპანია ღვინის დეგუსტაციას გამართავს და ფესტივალის სტუმრები სხვადასხვა ღვინის დაგემოვნებას შეძლებენ.

ქვეყანაში კორონავირუსის ეპიდემიის გამო ფესტივალში მონაწილეობისთვის გაიყიდება მხოლოდ ე.წ. სპეციალური ნაკრებები, რაც მოიცავს წინანდლის მამულის ტერიტორიაზე არსებულ სასტუმროებში განთავსებასა და ღონისძიებაზე დასასწრებ ბილეთებს.

ღონისძიება გაიმართება სასტუმროებში Radisson Collection, Tsinandali Estate Georgia.

ფესტივალი Jazz and Wine კახეთში 2017 წლიდან ტარდება. წინა წლებისგან განსხვავებით, როდესაც ფესტივალი რამდენიმე დღე გრძელდებოდა, მეორე წელია, ის მხოლოდ ერთ დღეს მიმდინარეობს.

0
თემები:
საქართველო და კულტურა