ზოდიაქოს ნიშნები

ინდივიდუალური დიეტა ზოდიაქოს ნიშნებისთვის

13352
(განახლებულია 12:57 04.01.2018)
თუ გჯერათ აღმოსავლური ჰოროსკოპისა და იმ დახასიათების, რომელსაც ის თითოეული ზოდიაქოს ნიშნისთვის წარმოგვიდგენს, მაშინ გაითვალისწინეთ ეს რეკომენდაციები, რომელიც მიგითითებთ, რომელი საკვები პროდუქტების მიღებაა თქვენთვის სასურველი და რომლის - არა.

გაგიკვირდებათ, მაგრამ ზოდიაქოს თითოეულ ნიშანს აქვს თავისი მახასიათებლები არა მხოლოდ ტემპერამენტისა და ხასიათის, არამედ ცალკეული ჯგუფის დაავადებებისადმი განწყობის, ცხოვრების უნარისა და სწორი კვების მიხედვითაც. თუ ჭარბი წონა გაწუხებთ და კილოგრამების მოშორება გადაწყვიტეთ, დარწმუნებული იყავით, რომ ეს რჩევები თითოეულ ნიშანს დაეხმარება.

ვერძი

ვერძები გემრიელი საკვების მოყვარული ხალხია, მაგრამ ეს ძალიან ხშირად მავნე პროდუქტების მიღებასაც მოიაზრებს. თუ ამ ნიშნით დაიბადეთ, ერიდეთ ზედმეტ, გზადაგზა და ღამით ჭამას. თქვენი ჯანმრთელობის გარანტი კალიუმის ფოსფატია (მარწყვი, თხილი, პომიდორი).

მავნე პროდუქტებია: მუქი ხორცი, ცხოველური ცხიმები, მარილიანი, ცხარე და შემწვარი საკვები, ასევე ტკბილეული.

რაციონში შეიტანეთ: ფაფები, რძის პროდუქტები, თევზი და ბოსტნეული (ჭარხალი, თალგამი, კომბოსტო). ყოველდღიურად მიიღეთ С ვიტამინი, რომელსაც შეიცავს ციტრუსი, ვაშლი, ბანანი და კომბოსტოს მწნილი. ყავის ნაცვლად მიიღეთ ასკილისა და კარკადეს ჩაი.

თქვენს ზოდიაქოს ნიშანს ყველაზე მეტად ერგება ფაფების, ან ნაკლები ნახშირწყლების მქონე პროდუქტების დიეტები. ასევე, არ დაგავიწყდეთ – თქვენთვის განტვირთვის დღე სამშაბათია. 

ვერძი
ვერძი

კურო

კუროს, ისე, როგორც სხვა არც ერთ ნიშანს, ნივთიერებათა შენელებული ცვლის პროცესი აქვს. სწორედ ამიტომ კვებას კუროებმა დიდი ყურადღება უნდა მიაქციონ. ამასთან, ისინი გურმანები არიან, ისინი ხშირად ზედმეტ საკვებს იღებენ და ამიტომ წონაშიც იმატებენ. თქვენი ჯანმრთელობის რესურსია ნატრიუმის სულფატი (ხახვი, საქონლის ხორცი, შვრია და მარწყვი). სწორედ ეს პროდუქტები უწყობს ხელს ორგანიზმიდან ზედმეტი სითხის გამოდევნას.

მავნე პროდუქტებია: ფუნთუშეული და ტკბილეული, ცხიმიანი ხორცი და მაგარი ყავა.

რაციონში შეიტანეთ: რძე, არაჟანი, კეფირი, მცენარეული წარმოშობის პროდუქტები, თხილი, ზღვის პროდუქტები, ხილი (კომში, ფორთოხალი, გარგარი და ატამი). უარი თქვით მაგარ ჩაიზე და ის მოცვის ფოთლის ან გვირილის ლიმონიანი ნაყენით ჩაანაცვლეთ.

თუ გსურთ წონაში დაიკლოთ ისე, რომ ორგანიზმს ზიანი არ მიაყენოთ, აირჩიეთ ნაკლები ნახშირწყლების მქონე პროდუქტები და დაბალკალორიული დიეტები, თქვენი განტვირთვის დღე პარასკევია. 

კურო
კურო

ტყუპი

ტყუპი ყველაზე გაორებული ზოდიაქოს ნიშანია. ისინი, ერთი მხრივ, დაუცველად და სუსტად გამოიყურებიან, მეორე მხრივ, შესაშური შინაგანი ძალა, სიჯიუტე და მყარი ჯანმრთელობა აქვთ. ერთადერთი ნაკლია ის, რომ სტრესს სათანადო წინააღმდეგობას ვერ უწევენ. მაღალი ნერვული აღგზნების დროს მათ შეუძლიათ უზომოდ დიდი რაოდენობით ტკბილეული და ალკოჰოლი მიიღონ.

თუ ტყუპის ნიშნით დაიბადეთ, უნდა გახსოვდეთ, რომ თქვენ რაციონში მუდამ უნდა იყოს კალიუმი და В ჯგუფის ვიტამინები (ყაბაყი, ბადრიჯანი, ლეღვი, კომბოსტო, კარტოფილი).

მავნე პროდუქტები: ტკბილეული, ცხიმიანი საკვები და მაგარი სასმელები.

რაციონში შეიტანეთ: ყველი, თხილი, კვერცხი, ზღვის პროდუქტები, უცხიმო ხორცი (დღეში მხოლოდ ერთხელ), პარკოსნები, მარცვლეული. თუ თაფლზე ალერგია არ გაქვთ, შაქარი აუცილებლად თაფლით ჩაანაცვლეთ.

თუ გსურთ, მუდამ ფორმაში იყოთ, გახსოვდეთ, რომ თქვენი ჯანმრთელობის საიდუმლო სილიციუმით (მინდვრის შვიტასა და ჭინჭრის ნახარშები), ასევე კალიუმის ქლორიდით (არაქისი, ზეთისხილი, ყურძენი, მსხალი, ყაბაყი) მდიდარი პროდუქტების მიღებაშია.

მკაცრი დაბალკალორიული დიეტები თქვენთვის არ შეიძლება, ხოლო ნახშირწყლების შემცველი პროდუქტების ამოღება სწორედ ისაა, რაც გჭირდებათ. განტვირთვის დღე აუცილებლად ხილის უნდა იყოს და ამისთვის საუკეთესო დღე ოთხშაბათია. 

ტყუპები
ტყუპები

კირჩხიბი

კირჩხიბები ძლიერი, მიზანმიმართული პიროვნებები არიან და კარგი ჯანმრთელობით გამოირჩევიან. მათთვის ყველაზე სუსტი ადგილი საჭმლის მომნელებელი სისტემაა. თუ კიბორჩხალა ბრძანდებით, უნდა გახსოვდეთ, რომ წყალ-მარილოვანი ბალანსის დაცვისთვის საკმარისი რაოდენობით უნდა მიიღოთ პროდუქტები, რომლებიც შეიცავს კალციუმის ფტორიდს (ზღვის პროდუქტები, ჩაი, ზღვის თევზი).

მავნე პროდუქტებია: საკონდიტრო ნაწარმი, ნედლი ბოსტნეული, ხილი (უნდა შეზღუდოთ მიღება). პორცია უნდა იყოს ზომიერი და სადილის შემდეგ კანფეტისა და ჭიქა ღვინის დაყოლება საერთოდ არ ღირს.

რაციონში დაამატეთ: მარცვლეული, რძემჟავა და რძის პროდუქტები, ფრინველის ხორცი, უცხიმო თევზი. თქვენთვის კარგია ნიორი, რომელიც სელენიუმს შეიცავს, ეს კი თქვენი ორგანიზმისთვის სასიცოცხლოდ მნიშვნელოვანია. ყოველდღე ბოსტნეულის წვნიანი საჭმლის მონელების სისტემის მოწესრიგებაში დაგეხმარებათ.

თუ გსურთ, სწრაფად გახდეთ, თქვენთვის რეკომენდებულია კეფირის ან ხაჭოს დიეტა. ასევე მიაღწევთ სასურველ შედეგს ბოსტნეულის წვნიანების დახმარებით. ასევე, თქვენი განტვირთვის დღეა ორშაბათი, შემდეგ მთელი კვირა მსუბუქი და აქტიური გექნებათ. 

კირჩხიბი
კირჩხიბი

ლომი

ცნობილია, რომ ლომებს გემრიელად და ბევრის ჭამა უყვართ. ამ ტემპერამენტიანი ადამიანების ცდუნება ადვილია სხვადასხვა გემრიელი ნუგბარით, ამიტომ ეს ხშირად ზედმეტი კილოგრამების დაგროვებას იწვევს. თქვენთვის ჯანმრთელობის წყაროა ფოსფორით მდიდარი პროდუქტები: შვრიის, წიწიბურასა და ხორბლის ბურღული, სოია და კაკაო, თევზი და კვერცხი.

მავნე პროდუქტებია: მძიმე ცხიმიანი საკვები, ნამცხვარი და ალკოჰოლი.

რაციონში დაამატეთ: უჯრედისითა და კალიუმით მდიდარი ციტრუსები, რძის პროდუქტები. აუცილებელია ძირთეთრა, ნიორი, ნიახური, ყაბაყი, კარტოფილი, ლეღვი და გარგარის ჩირი. მიაქციეთ ყურადღება საჭმლის მონელების პროცესს და არ ჭამოთ ძილის წინ.

რაც შეეხება დიეტას, შეარჩიეთ ციტრუსისა და ნაკლები ნახშირწყლების შემცველი პროდუქტების დიეტა. თქვენი განტვირთვის დღე კი კვირაა და ამ დღეს მხოლოდ ციტრუსი უნდა მიიღოთ. 

ლომი
ლომი

ქალწული

ქალწული ზოდიაქოს განსაკუთრებული ნიშანია. ისინი, როგორც წესი, დღეგრძელნი არიან და ბავშვობიდან მომთხოვნი გურმანები ხდებიან, რომელთა გულის მოგება ამ მხრივ ძალზე ძნელია. სწორი კვება ქალწულის ერთ-ერთი მთავარი თვისებაა, მაგრამ მისი ნაკლი ისაა, რომ ის არარეგულარულად იკვებება. თუ ზოდიაქოს ნიშნით ქალწული ბრძანდებით, თქვენი ორგანიზმისთვის ყველაზე აუცილებელია რკინის ფოსფატისა და კალიუმის სულფატით მდიდარი პროდუქტები, როგორიცაა ვაშლი, ყაბაყი, ფეტვი, შვრია და წიწიბურა.

მავნე პროდუქტებია: კონსერვები, ტკბილეული და შებოლილი პროდუქტები. ალკოჰოლი კი საერთოდ დაივიწყეთ.

რაციონში შეიტანეთ: მაკარონი, ფაფები, ჩაშუშული ბოსტნეული და რძემჟავა პროდუქტები. ბოსტნეულიდან შეარჩიეთ ნიახური, გოგრა, სტაფილო და კომბოსტო. თქვენი ხილია ბროწეული, ყურძენი, გარგარი და ვაშლი.

თქვენთვის სწრაფად წონაში დაკლება არ შეიძლება. ერთადერთი, რისი უფლებაც თავს შეიძლება მისცეთ, დიეტურ სუპებზე დაფუძნებული დიეტებია. წონის თანდათანობით კორექციისთვის გამოიყენეთ დანაწევრებული კვების სისტემა, ან სცადეთ ვეგეტარიანელობა. ქალწულების განტვირთვის დღეა ოთხშაბათი. 

ქალწული
ქალწული

სასწორი

სასწორები საკმაოდ კარგი ჯანმრთელობით გამოირჩევიან, მაგრამ მათი მთავარი პრობლემა მარილიანი საკვებისადმი მიდრეკილებაა. გაითვალისწინეთ, რომ ყოველგვარ ზედმეტად მლაშე, ნედლად შებოლილ პროდუქტებზე, მარგარინით გამომცხვარ პროდუქტებზე და დიდი რაოდენობით რძეზე უარის თქმა თქვენ ჯანმრთელობაზე დადებითად აისახება. თქვენი ჯანმრთელობის საწინდარია პროდუქტები ნატრიუმის ფოსფორმჟავის შემცველობით (ჭარხალი, სატაცური, ატამი, სიმინდი, ნუში).

მავნე პროდუქტებია: დამარილებული, შებოლილი, მარგარინით გამომცხვარი საკვები და რძე.

რაციონში შეიტანეთ: ფაფები, მაკარონი მცენარეული გარნირით, ზღვის პროდუქტები და ფრინველის ხორცი. უცვლელი მიკროელემენტები, რომლებიც ყოველი ჭამის დროს უნდა მიიღოთ, არის სპილენძი (კიტრი, ჭარხალი, შავი მოცხარი, მოცვი, მიდიები), მანგანუმი (ბოლოკი, გოგრა, გაუწმენდელი ბრინჯი), Е ვიტამინი (მცენარეული ცხიმი, ალაო); მთავარი კი ჭამის დროს სასიამოვნო გარემოა.

გახსოვდეთ, რომ თქვენთვის ნაკლები ნახშირწყლების მქონე პროდუქტებით დიეტის დაცვა არ შეიძლება. წონაში დაკლება შეგიძლიათ საზამთროს ან ბანანის დიეტებით. განტვირთვის დღეები აუცილებელია. ეს დღე თქვენთვის პარასკევია. 

სასწორი
სასწორი

მორიელი

მორიელი ზოდიაქოს ყველაზე დაუმორჩილებელი ნიშანია. მორიელებისთვის კარგად არის ნაცნობი ვითარება, როდესაც მთელი დღე ჭამას ვერ ახერხებენ და საღამოს უზომოდ მიირთმევენ. ერთადერთი, რაც გჭირდებათ, კვების ასეთი რეჟიმის შეცვლა და საკუთარი ორგანიზმის კალციუმის სულფატით (მწვანე ხახვი, სატაცური, წიწმატი, შავი ქლიავი და ხურტკმელი) შევსებაა. ჭამის წინ აუცილებლად მიიღეთ 0,5 ჭიქა მინერალური წყალი სულფატით.

მავნე პროდუქტები: მწარე კერძები, ცომეული.

რაციონში შეიტანეთ: ზღვის პროდუქტები, თალგამი, ბოლოკი, ჭარხალი, კომბოსტო, ციტრუსები და ვაშლი. კარგი ეფექტი ექნება საკვებში დამატებულ სუნელებს: ვანილი, ჟენშენი, რეჰანი, ილი და სალბი. საკვები დღეში 5-6-ჯერ მიიღეთ.

უარი არ თქვათ განტვირთვის დღეებზე. ამისთვის სამშაბათი შეარჩიეთ. 

მორიელი
მორიელი

მშვილდოსანი

მშვილდოსნები ენერგიული პიროვნებები არიან მტკიცე ცხოვრებისეული პოზიციით. მათ უყვართ გემრიელი საკვები, მაგრამ ცხიმი და ალკოჰოლი მათთვის საერთოდ არ შეიძლება. თუ მშვილდოსანი ხართ, თქვენი ჯანმრთელობის რესურსი მინერალურ მარილებშია, რომლებიც მინერალური წყლების სპეციალურ სახეობებში შედის.

მავნე პროდუქტებია: შებოლილი პროდუქტები და ღორის ხორცი, დამარილებული საკვები და ტკბილეული.

რაციონში შეიტანეთ: მცენარეული ზეთი, პარკოსნები, თევზის დელიკატესი, რძის პროდუქცია. რაციონში აუცილებელია პროდუქტები, რომლებიც კაჟს (სილიციუმი, კაჟბადი) შეიცავს: სატაცური, ჭინჭარი, მატიტელა, კიტრი. არ დაივიწყოთ მწვანილიც: ოხრახუში, რეჰანი, ქინძი, ძირთეთრა, პიტნა, ნიახური. რაციონი შეავსეთ ხილით: ატამი, მანგო, გარგარი და ვაშლი.

განტვირთვის დღე მოაწყვეთ ხუთშაბათობით. გახდომისთვის საუკეთესო ვარიანტებია დიეტები მწვანე ბარდითა და ფაფებით. 

მშვილდოსანი
მშვილდოსანი

თხის რქა

თხის რქებმა არ უნდა დაივიწყონ, რომ მათი მთავარი ამოცანა ნივთიერებათა ცვლის მუდმივი სტიმულირებაა. ამის გაკეთება რთული არაა. საკმარისია, კერძის მომზადებისას სპეციალური მცენარეები და სუნელები გამოიყენოთ: პიტნა, ანისი, რეჰანი, ნიახური, მიხაკი, ოხრახუში და სალბი. თქვენს ორგანიზმს ფოსფატი და ფტორი ესაჭიროება, რაც შედის კვერცხის ნაჭუჭში, ზღვის თევზსა და ჩაიში.

მავნე პროდუქტებია: ტკბილეული, ისპანახი, ცხიმიანი კერძები და კონსერვები, არ შეიძლება ერთ თეფშში ნახშირწყლებისა და ცილების შერევა; გამორიცხეთ დესერტი ჭამის შემდეგ.

რაციონში შეიტანეთ: მარცვლოვანი პური, ხაჭო, მაკარონი, კეფირი, მოხარშული ბოსტნეული და უცხიმო ხორცი, ბადრიჯანი, სტაფილო. ხილიდან უპირატესობა მიანიჭეთ ალუბალს, მაყვალს, კომშს, ნესვს, მარწყვსა და ქლიავს. შაქარი ნატურალური თაფლით შეცვალეთ.

მკაცრი დიეტა არ დაიცვათ. წონის დაკლებისთვის გამოიყენეთ კეფირის, წიწიბურას, ვაშლის დიეტები. აუცილებლად ჩაიტარეთ ვიტამინოთერაპია. თქვენი განტვირთვის დღეა შაბათი. 

თხის რქა
თხის რქა

მერწყული

მერწყულის უწყვეტი აქტიურობა რესურსების ხარისხიან და დროულ შევსებას მოითხოვს. ზოდიაქოს სხვა ნიშნებისგან განსხვავებით, მერწყული საკვების ცდუნებას ადვილად უძლებს. თუ მერწყულის ნიშნით დაიბადეთ, მიაქციეთ ყურადღება თქვენთვის აუცილებელ პროდუქტებს: ლობიოს, არაქისს, კაკაოს, სოიასა და წიწიბურას ბურღულს. სწორედ ამ პროდუქტებშია თქვენთვის აუცილებელი მაგნიუმის ფოსფატი.

მავნე პროდუქტებია: ტორტი, ფუნთუშეული, შებოლილი პროდუქტები.

რაციონში შეიტანეთ: წიწიბურა, ბოსტნეულის წვნიანი, ხილი (კომში, ქლიავი, ბროწეული, ვაშლი), ბოსტნეული (ისპანახი, ბადრიჯანი, ლობიო, ყაბაყი, ჭარხალი), თევზი და თეთრი ხორცი. ყოველდღიურად უნდა მიიღოთ რძემჟავა პროდუქტები. ყოველი კვება მსუბუქი ბოსტნეულის სალათით (მცენარეული ზეთით) უნდა დაიწყოთ.

ერთდღიანი შიმშილობისთვის შაბათი შეარჩიეთ; რაც შეეხება დიეტას, თქვენი არჩევანია დაბალკალორიული და ნაკლებნახშირწყლებიანი ვარიანტები. 

მერწყული
მერწყული

თევზები

თევზები სხვადასხვა დაავადების მიმართ განსაკუთრებით მგრძნობიარე არიან. ამას რომ თავი აარიდოთ, მნიშვნელოვანია მარტივი წესების დაცვა. თქვენთვის არასასურველია ზედმეტი, ცივი და მშრალი საკვების მიღება, ორგანიზმის სითხით გადატვირთვა. დაამატეთ რაციონში მეტი წიწიბურა, ასკილი და კომში და ძალისა და ენერგიის მოზღვავებას იგრძნობთ.

მავნე პროდუქტებია: ცხიმები, შაქარი, ცხარე და მწარე სოუსები.

რაციონში შეიტანეთ: ზაფხულის ბოსტნეულისგან მომზადებული სალათები, ფაფები (ქერის, ბრინჯის, წიწიბურის), ზღვის პროდუქტები, ბროწეული, ყურძენი, ნიგოზი და მზესუმზირა. აუცილებლად იკვებეთ ერთსა და იმავე დროს. ჭამამდე ნახევარი საათით ადრე მიიღეთ ნახევარი ჭიქა მინერალური წყალი.

თქვენი განტვირთვის დღეა ხუთშაბათი. გახდომისთვის შეარჩიეთ მხოლოდ დაბალკალორიული მონოდიეტები, მაგალითად, ყურძნის ან ბანანის. 

თევზები
თევზები


13352
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
ნარიყალა

„თელასი": თბილისის ექვს რაიონს ხვალ ელექტროენერგია გაეთიშება

57
(განახლებულია 17:48 13.06.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 13 ივნისი – Sputnik. სააქციო საზოგადოება „თელასი" იუწყება, რომ 14 ივნისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

სამგორის რაიონი

00:00 საათიდან 03:00 საათამდე შეზღუდვა შეეხება: ვარკეთილი-3 დასახლების III მიკრორაიონის და ილია სუხიშვილის ქუჩის მოსახლეობას.

11:00 საათიდან 16:00 საათამდე შეზღუდვა შეეხება: ვარკეთილის III მასივის IV, VI, VII, VIII, IX კვარტლების, ვარკეთილი-3 დასახლების IV მიკრორაიონის, კახეთის გზატკეცილის, შუამთის და კალოუბნის ქუჩების მოსახლეობას.

11:00 საათიდან 13:00 საათამდე შეზღუდვა შეეხება: ვარკეთილი-3 დასახლების IIIა მიკრორაიონის და სესილია თაყაიშვილის ქუჩის მოსახლეობას.

11:00 საათიდან 12:00 საათამდე შეზღუდვა შეეხება: ვარკეთილი- 3 დასახლების IV მიკრორაიონის მოსახლეობას.

13:00 საათიდან 15:00 საათამდე შეზღუდვა შეეხება: კახეთის გზატკეცილის და ქიზიყის ქუჩის მოსახლეობას.

ნაძალადევის რაიონი

00:00 საათიდან 03:00 საათამდე შეზღუდვა შეეხება: ლოტკინის სანერგე მეურნეობის, ხეხილ სანერგე მეურნეობის, ლოტკინის ხევის, ლოტკინის მთის, ინტერნატის, ხუდადოვის, ჟღენტის, ზედაუბნის, კაჭრეთის, მაღაროს, მიტინგის, ენისელის, ვასილ თამარაშვილის, კოდალოს, დობროლუბოვის, კალუჟინის, სართანიას, კურნატოვის, ფილიას, სამღერეთის, ზაქარაიას, ჩოდრიშვილის, გომარეთის, ბახმაროს, ახტალას, ლეჩხუმის და თიგიშვილის ქუჩების მოსახლეობას.

გლდანის რაიონი

11:00 საათიდან 17:00 საათამდე შეზღუდვა შეეხება: გლდანის მასივის IV და VI მიკრორაიონების, ვირთაგავას, მიქატაძის და ხიზანიშვილის ქუჩების მოსახლეობას.

12:00 საათიდან 16:00 საათამდე შეზღუდვა შეეხება: მუხიანის I მიკრორაიონის მოსახლეობას.

დიდუბის რაიონი

11:00 საათიდან 18:00 საათამდე შეზღუდვა შეეხება: აკაკი წერეთლის გამზირის, სანაპიროს და კოსმონავტების ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: სამხედრო გზატკეცილის, დიღმის სასწავლო მეურნეობის, გრიგოლ ფერაძის და პეტრიწის ქუჩების მოსახლეობას.

11:00 საათიდან 18:00 საათამდე შეზღუდვა შეეხება: დიდი დიღმის III მიკრორაიონის მოსახლეობას.

11:00 საათიდან 16:00 საათამდე შეზღუდვა შეეხება: აღმაშენებლის ხეივნის მოსახლეობას.

11:00 საათიდან 15:00 საათამდე შეზღუდვა შეეხება: გაზაფხულის, დელისის, ნუცუბიძის და ნადარეიშვილის ქუჩების მოსახლეობას.

მთაწმინდის რაიონი

11:00 საათიდან 14:00 საათამდე შეზღუდვა შეეხება: 9 აპრილის ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

57
ნინოწმინდის პანსიონი

დაიხურება თუ არა ნინოწმინდის პანსიონი - რა გადაწყდა საპატრიარქოში გამართულ შეხვედრაზე

61
(განახლებულია 20:13 13.06.2021)
ნინოწმინდის პანსიონში ამ ეტაპზე 23 ბავშვი რჩება, მათთან სოციალური მუშაკები მუშაობენ, პარალელურად მიმდინარეობს ამ ბავშვებისთვის ოჯახების მოძიებაც.

თბილისი, 13 ივნისი — Sputnik. ნინოწმინდის პანსიონში არსებულ ვითარებაზე დღეს საქართველოს საპატრიარქოში იმსჯელეს, განაცხადა საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ შეხვედრის დასრულების შემდეგ.

 

წმინდა ნინოს სახელობის ობოლ, უპატრონო და მზრუნველობამოკლებულ ბავშვთა პანსიონი, რომელიც საპატრიარქოს პატრონაჟის ქვეშაა, ფართო საზოგადოებისა და სახელმწიფო სტრუქტურების ყურადღების ცენტრში სახალხო დამცველის განცხადების შემდეგ მოექცა. როგორც გასულ კვირაში ნინო ლომჯარიამ სპეციალურ ბრიფინგზე აღნიშნა, პანსიონში ბავშვებზე ფსიქოლოგიური და ფიზიკური ზეწოლა ხორციელდება, ხოლო დაწესებულების ტერიტორიაზე მის წარმომადგენლებს შესვლის უფლებას არ აძლევენ. აღნიშნული განცხადების საფუძველზე საქართველოს შსს-მ გამოძიება დაიწყო.

საპატრიარქოს მიერ ინიცირებულ შეხვედრას სენაკისა და ჩხოროწყუს მიტროპოლიტი შიო (მუჯირი), ბოდბელი მთავარეპისკოპოსი იაკობი (იაკობიშვილი) სასულიერო პირებთან და საპატრიარქოს შესაბამის თანამშრომლებთან  ერთად ესწრებოდნენ საქართველოში ევროკავშირის ელჩი, საქართველოს ჯანდაცვის მინისტრის მოადგილე, ასევე საქართველოში გაეროს ბავშთა ფონდისა (UNICEF) და არასამთავრობო ორგანიზაცია World Vision-ის წარმომადგენლები.

შეხვედრაზე ითქვა, რომ ნინოწმინდის ბავშვთა პანსიონი დროთა განმავლობაში გადავა და მოერგება მსოფლიოშო არსებულ საერთაშორისო სტანდარტებს.

„ვისაუბრეთ ბოლო დროს შექმნილ სირთულეებზე, რაც ნინოწმინდის მზრუნველობამოკლებულ ბავშვთა სახლთან იყო დაკავშირებული და არამხოლოდ ამ ბავშვთა სახლთან დაკავშირებით, არამედ ზოგადად პრინციპზე, რომელიც გულისხმობს, რომ თანამედროვე სტანდარტები უნდა იქნას გათვალისწინებული. მივაღწიეთ ერთსულოვნებას იმასთან დაკავშირებით, რომ ბავშვთა საუკეთესო ინტერესებიდან გამომდინარე უნდა იქნას ყველა საკითხი გადაწყვეტილი“, - განაცხადა ანდრია ჯაღმაიძემ.

კითხვაზე, დაიხურება თუ არა ნინოწმინდის ბავშვთა პანსიონი, ანდრია ჯაღმაიძემ აღნიშნა, რომ პანსიონის დახურვაზე კი არ არის საუბარი, არამედ დაწესებულების თანამედროვე სტანდარტებთან შესაბამისობაში მოყვანაზე.

საქართველოს ჯანდაცვის მინისტრის მოადგილის თამარ ბარკალაიას განცხადებით, ამ ეტაპზე ნინოწმინდის პანსიონში მცხოვრებ ბავშვებთან სოციალური მუშაკები მუშაობენ. პარალელურად მიმდინარეობს მუშაობა მათთვის ოჯახების მოსაძიებლად.

„ამ ეტაპზე 23 ბავშვია ნინოწმინდაში, დიდი უმრავლესობა გაყვანილია ოჯახებში, მაგრამ ასევე არიან ალტერნატიული ზრუნვის სერვისებშიც. ეს არ უნდა გაგრძელდეს ხანგრძლივად, კანონმდებლობით 2022 წლის პირველი აპრილიდან ძალაში შედის ლიცენზირების შესახებ კანონის ის პუნქტები, რომელიც დიდი ზომის ინსტიტუციების დახურვას მოიაზრებს და ალტერნატიული ზრუნვის სერვისების მიწოდებას გულისხმობს. გამოდის, რომ პანსიონის საჭიროება აღარ იქნება“, - განაცხადა ჯანდაცვის მინისტრის მოადგილემ.

მისი თქმით, შემდგომი მუშაობა იქნება მიმართული ბავშვების ოჯახში დაბრუნების და ინტეგრაციის წახალისებაზე.

„შევთანხმდით, რომ დიდი ინსტიტუცია აღარ არის ქვეყნისთვის პრიორიტეტი და არ შეიძლება დიდი ინსტიტუცია იყოს წახალისებული. შესაბამისად, ჩვენ ერთად ასეთივე ფორმატით გავაგრძელებთ თანამშრომლობას, როგორც ნინოწმინდაში, ასევე სხვაგან, რომ დიდი ზომის ინსტიტუციებში ბავშვების შეფასება, მათი საუკეთესო ინტერესის გამოვლენა, მათი ოჯახში დაბრუნება და ინტეგრაცია იყოს წახალისებული, მათ შორის ნინოწმინდაშიც“, - განაცხადა ბარკალაიამ.

გუშინ კი პროკურატურამ ბრალი წაუდგინა მამაკაცს, რომელიც თავის დისშვილს, ნინოწმინდის პანსიონის აღსაზრდელს, შსს-ში არაადამიანური მოპყრობის საქმის ფარგლებში გამოკითხვის შემდეგ მოკვლით ემუქრებოდა.

თბილისის საქალაქო სასამართლომ 5 ივნისს ნაწილობრივ დააკმაყოფილა არასამთავრობო ორგანიზაციის „პარტნიორობა ადამიანის უფლებებისთვის“ (PHR) შუამდგომლობა და შესაბამის სახელმწიფო უწყებებს დაავალა შშმ სტატუსის მქონე ბავშვების პანსიონიდან დაუყოვნებლივ გაყვანის პროცესის დაწყება.

ბოლო მონაცემებით, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტომ პანსიონიდან 25 არასრულწლოვანი, მათ შორის შშმ პირები გაიყვანა.

61
ფურისულა

დღის ასტროპროგნოზი ზოდიაქოს ნიშნებისთვის: 14 ივნისი

0
(განახლებულია 10:45 13.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 14 ივნისია, ორშაბათი. მზარდი მთვარე ლომის ნიშანშია. ამ დღეს პლანეტა მთვარე მფარველობს.

არ იჩქაროთ. დღეს შეიძლება ბევრი რამ ჩვეულებრივზე რთული გასაკეთებელი იყოს. უკან არ დაიხიოთ, თუ გზაზე დაბრკოლებები შეიქმნა. ასევე რთული იქნება ერთობლივ სამუშაოზე შეთანხმება, ადვილი არ იქნება კომპრომისის მოძებნა. სერიოზული უთანხმოებების თავიდან არიდება შესაძლებელი იქნება, თუ მეგობრულად და ტაქტიანად მოიქცევით.

მამაკაცის „საოცნებო ქალი“ ზოდიაქოს ნიშნის მიხედვით>>

ვერძი: ხართ ენერგიული, წარმატების მისაღწევად უკან არაფერზე იხევთ. გზაზე არ გაჩნდება დაბრკოლება, რომლის გადალახვასაც ვერ შეძლებთ. გაგახარებთ მეგობრებთან ურთიერთობები. შესაძლოა, მათ რამე ახალი ინფორმაცია მოგაწოდონ ან საინტერესო იდეა შემოგთავაზონ. არაა გამორიცხული რომანტიკული სიურპრიზები. ურთიერთობები საყვარელ ადამიანთან ჰარმონიული იქნება, შესანიშნავად უგებთ ერთმანეთს.

კურო: მშფოთვარე დღეა. არ არის გამორიცხული, რომ გეგმების შეცვლა მოგიწიოთ გზადაგზა და ეს მაინცდამაინც არ მოგეწონებათ. შესაძლოა გადაიდოს შეხვედრები, რომლებსაც მოუთმენლად ელოდებოდით, საკითხების გადაჭრა, რომლებიც მნიშვნელოვანია თქვენთვის. სამაგიეროდ გაიხსნება ახალი შესაძლებლობები. უნდა ეცადოთ, რომ მოცემული შანსი ხელიდან არ გაუშვათ. გამოიჩინეთ ინიციატივა როგორ საქმეებში, ისე პირად ურთიერთობებში.

ტყუპი: იღბლიანი იქნება დღის პირველი ნახევარი. დარწმუნებული ხართ თქვენს წარმატებებში და ინტუიცია არ გღალატობთ – მართლაც შესანიშნავი შედეგების მიღწევა შეგიძლიათ. კარგი დროა გეგმების განხილვისთვის. დღის მეორე ნახევარში შესაძლებელი იქნება ადრე დაწყებული საქმეების დამთავრება, პასუხების პოვნა კითხვებზე, რომლებიც ბოლო რამდენიმე კვირის განმავლობაში მოსვენებას არ გაძლევთ.

კირჩხიბი: დღის დასაწყისი ძალზე ხელსაყრელია. გაქვთ შანსი, რომ წარმატებას მიაღწიოთ მნიშვნელოვან საქმეში, რომლისთვისაც ძალღონე არ დაიშურეთ. პოზიტიური ტენდენციების გავლენა საქმიან სფეროში თანდათანობით მიილევა, მაგრამ ის კვლავ ძლიერი დარჩება პირად ურთიერთობებში. საღამო სასიამოვნო სიურპრიზებს გპირდებათ შეყვარებულ კირჩხიბებს. შეგიძლიათ საყვარელ ადამიანთან ერთად საერთო გეგმები განიხილოთ და იოცნებოთ.

ლომი: მიუხედავად იმისა, რომ არაერთი საქმე და საზრუნავი გექნებათ, დღეს ვერც უიღბლოსა და ვერც დაძაბულს ვერ ვუწოდებთ. ბევრ რამეს შესანიშნავად უმკლავდებით, მათ შორის, რთულ ამოცანებსაც. მოსალოდნელია შეხვედრა ძველ ნაცნობებთან, შესაძლებელია მათთან საერთო გეგმებიც გაჩნდეს.. კარგი დღეა სწავლისა და შემოქმედებითი საქმიანობისთვის. საჭიროა ყურადღება მცირე დეტალების მიმართ, რაც ზოგიერთ თქვენგანს გაუჭირდება.

ქალწული: დღის დასაწყისი საკმაოდ დაძაბული ემოციური ფონით იქნება გამორჩეული. შესაძლოა, მცირე წვრილმანებზეც კი ინერვიულოთ; მოსალოდნელია უთანხმოებები ახლობლებთან. ეს გაგანერვიულებთ. დროთა განმავლობაში გაძლიერდება პოზიტიური ტენდენციების გავლენა და დაგიბრუნდებათ ოპტიმიზმი, უკეთ გააკონტროლებთ თავს. დღის მეორე ნახევარში მოსალოდნელია საინტერესო ნაცნობობა. ახლობლებთან და საქმიან პარტნიორებთან შედეგიანი საუბრები.

სასწორი: ეცადეთ, დღის პირველ ნახევარში არ გადაიღალოთ. ეს ცუდად იმოქმედებს როგორც ფიზიკურ მდგომარეობაზე, ისე განწყობაზე. მოერიდეთ სტრესულ სიტუაციებს, არ იჩქაროთ გადაწყვეტილებების მიღება. ყველაფრის მშვიდად მოსაფიქრებლად დრო გჭირდებათ. დღის მეორე ნახევარი მსუბუქი და ხელსაყრელი იქნება. მოგეცემათ რაღაც მნიშვნელოვან საქმეებთან გამკლავების საშუალება. ბევრი მიაღწევს წარმატებას იქ, სადაც ფანტაზიაა საჭირო.

მორიელი: დღის დასაწყისი შესაფერისი დროა საქმიანი შეხვედრებისთვის. არ არის გამორიცხული, რომ მიიღოთ წინადადება, რომელიც ძალიან დაგაინტერესებთ. ასევე შეიძლება გაჩნდეს ძველი საქმიანი კავშირების აღდგენის შანსი. დღის მეორე ნახევარში მოგეცემათ საშუალება, რომ გამოასწოროთ რომელიმე ძველ საქმეში დაშვებული შეცდომები. დიდი ალბათობაა, რომ თანხა მიიღოთ – შესაძლოა, დიდი არა, მაგრამ ეს მაინც დაგეხმარებათ მნიშვნელოვანი ნივთების შეძენაში.

მშვილდოსანი: შეიძლება ითქვას, რომ აღმაფრენის დღეა, რომელიც მოგიტანთ კარგ და მნიშვნელოვან სიახლეებს. გექნებათ ძველი კავშირების აღდგენის საშუალება. ასევე მოსალოდნელია, რომ მიიღოთ უჩვეულო, საინტერესო წინადადება. დღის მეორე ნახევარი კარგი დროა ფინანსური საკითხების გადაწყვეტისთვის, მომგებიანი გარიგებების დადებისთვის, თანამშრომლობაზე შეთანხმებისთვის. არ არის გამორიცხული დაუგეგმავი ხარჯებიც, მაგრამ ეს ფუჭად დახარჯული ფული არ იქნება.

თხის რქა: ხელსაყრელი დღეა. შეგიძლიათ ახალი საქმის დაწყება, მაღალია წარმატებების სწრაფად მიღწევის შანსი. არაა გამორიცხული სასარგებლო ნაცნობობა. ხართ ძალზე მომხიბვლელი, ამიტომ თქვენდამი გულგრილი ვერავინ დარჩება. შესაძლოა, ვიღაც თქვენდამი სასიყვარულო გრძნობითაც განიმსჭვალოს. დღის მეორე ნახევარში კარგად წარიმართება სახლის საქმეები. შეგიძლიათ იყიდოთ ავეჯი, ყოფითი ტექნიკა და სხვა ნივთები სახლისთვის.

მერწყული: ეცადეთ, შეინარჩუნოთ ჯანსაღი აზრი და სწორად შეაფასოთ თქვენი ძალები. რეალური შეხედულებები იმედგაცრუებისგან გიხსნით. აჯობებს, თუ ყურადღებას გაამახვილებთ პრაქტიკულ ამოცანებზე, ისეთზე, რომლებიც უახლოეს მომავალში კონკრეტული შედეგების მიღების საშუალებას იძლევა. დღის მეორე ნახევარში შესაძლებელია შეხვედრები ძველ ნაცნობებთან. ეს ძალიან გაგახარებთ. მოგეცემათ ადრე დაშვებული შეცდომის გამოსწორების შანსი.

თევზები: დღე კარგად აეწყობა, მაგრამ თქვენ დაჟინებით ცდილობთ მოძებნოთ საბაბი იმისთვის, რომ აღელდეთ და განაწყენდეთ. ეცადეთ, უფრო პოზიტიურად განეწყოთ. ამ შემთხვევაში ბევრ საინტერესო შესაძლებლობას აღმოაჩენთ, მიხვდებით, როგორ მიაღწიოთ წარმატებას. არ გარისკოთ იქ, სადაც ამის საჭიროება არ არის. ფრთხილად მოქმედებით ბევრი რამის გაკეთება შეგიძლიათ. დაფიქრებით ნათქვამი სიტყვა და მოქმედება როგორც საქმიან სფეროში, ისე პირად ურთიერთობებში მიზნების მიღწევაში დაგეხმარებათ.

0