თბილისი, 2 ოქტომბერი — Sputnik. ქუთაისის მერიამ სოციალურ საცხოვრისში უსახლკაროთათვის საცხოვრებელი ფართის გადაცემა დაიწყო, იუწყება ტელეარხი Imedi.
ქუთაისში სოციალური საცხოვრისი საქართველოში უსახლკაროთათვის პირველი სახლია. მსგავსი სახლების მშენებლობა თბილისსა და გორში იგეგმება.
ტელეკომპანიის მონაცემებით, სოციალური სახლი 350 ადამიანზეა გათვლილი და მისი მშენებლობისთვის 4 მლნ ლარი დაიხარჯა.
უსახლკაროები საცხოვრებელ ფართებს ხუთი წლის სარგებლობის ვადით ორი კვირის განმავლობაში მიიღებენ.
ბენეფიციარები, რომელთაც საცხოვრებელი ფართები გადაეცემათ, ქუთაისის მერიის სპეციალურმა კომისიამ შეარჩია — ისინი სოციალურად დაუცველი, შშმ პირები და მრავალშვილიანი ოჯახებია.
