24 სექტემბერს აჭარაში ფრინველებზე დაკვირვების საერთაშორისო ფესტივალი იხსნება

© REUTERS / Regis Duvignauარწივი თავს დაესხა დრონს
არწივი თავს დაესხა დრონს - Sputnik საქართველო
გამოწერა
ფესტივალში მონაწილეობის მსურველებმა რეგისტრაცია უნდა გაიარონ საინფორმაციო ტურისტულ ცენტრებში ან ელექტორნულ მისამართზე

თბილისი, 23 სექტემბერი — Sputnik. 24-30 სექტემბერს აჭარა ფრინველებზე დაკვირვების მე-6 საერთაშორისო ფესტივალს უმასპინძლებს, ნათქვამია აჭარის ავტონომიური რესპუბლიკის ტურიზმისა და კურორტების დეპარტამენტის მიერ გავრცელებულ განცხადებაში.

ფესტივალი კვირას, საღამოს 8 საათზე, სასტუმრო „ოაზისში" საერთაშორისო კონფერენციით გაიხსნება.

გარეული იხვი - Sputnik საქართველო
საქართველოში გადამფრენ ფრინველებზე ნადირობის სეზონი გაიხსნა

საღამოზე უცხოელი და ქართველი მეცნიერები, ასევე დარგით დაინტერესებული ადამიანები მტაცებელ ფრინველებზე დაკვირვების მიღწევებისა და პრობლემების შესახებ ისაუბრებენ.

„ფესტივალის ფარგლებში 27, 28, 29 სექტემბერს მოეწყობა გასართობ-შემეცნებითი ექვსკურსიები ფრინველებზე დაკვირვებისთვის მნიშვნელოვან ტერიტორიებზე, როგორებიცაა სოფელი ჩაისუბანი, სოფელი სახალვაშო. ჭოროხის დელტა და კოლხეთის ნაციონალური პარკი. ფესტივალსა და გასვლით ექსკურსიებში მონაწილეობა უფასოა", — ნათქვამია უწყების მიერ გავრცელებულ განცხადებაში.

შევარდენი - Sputnik საქართველო
ფრინველთა სამყარო საქართველოში: სახეობები და მათი თავისებურება

ფესტივალში მონაწილეობის მსურველებმა რეგისტრაცია უნდა გაიარონ საინფორმაციო ტურისტულ ცენტრებში, ან ელექტორნულ მისამართზე.

დეპარტამენტი ფესტივალის მონაწილეებს ბინოკლებითა და გიდის მომსახურებით უზრუნველყოფს.

ეკოტურიზმის ერთ-ერთი პოპულარული მიმართულებას — ფრინველებზე დაკვირვების ტურიზმს რეგიონში უდიდესი პოტენციალი გააჩნია. აჭარა მსოფლიოში ფრინველთა მიგრაციის ერთ-ერთ უდიდეს დერეფნად მიიჩნევა. ფესტივალი, რომელიც რეგიონში 2012 წლიდან ტარდება, ხელს უწყობს აჭარაში ფრინველებზე დაკვირვების ტურიზმის განვითარებას, ადგილობრივების ეკონომიკურ კეთილდღეობასა და გადამფრენ მტაცებელ ფრინველთა სახეობების კონსერვაციას.

ყველა ახალი ამბავი
0