თბილისი, 30 აპრილი-Sputnik. საქართველომ 2016 წელს FACEBOOK-ს 86-ჯერ მიმართა თხოვნით მომხმარებელთა აქაუნთის მიწოდების თაობაზე, ნათქვამია სოცქსელის გამოქვეყნებულ ანგარიშში.
FACEBOOK-ი ექვს თვეში ერთხელ აქვეყნებს ინფორმაციებს მხოლოდ იმ მოთხოვნებზე, რომლებიც ეხება სამართლებრივ საქმეებს ან აუცილებელი საჭიროების შემთხვევაში. სათანადო შესწავლის შემდეგ აკმაყოფილებს მხოლოდ იმ მოთხოვნებს, რომლებიც დაკავშირებულია კრიმინალურ შემთხვევებთან და ინფორმაციის გაცემა აუცილებელია საქმის გამოსაძიებლად.
FACEBOOK-ის მონაცემებით, 2016 წლის იანვრიდან ივნისის ჩათვლით, საქართველოს ხელისუფლებამ მათ 30-ჯერ მიმართა თხოვნით მიეწოდებინათ ინფორმაცია მომხმარებელთა 60 აქაუნთიდან. დაკმაყოფილდა ამ მოთხოვნათა 53.33%.
იმავე წლის ივნის-დეკემბერში იყო 15 მოთხოვნა 26 აქაუნთზე, საიდანაც დაკმაყოფილდა 86.7%. ანგარიშის თანახმად მოთხოვნებში ლიდერობენ პაკისტანი და პოლონეთი, რომლებიც წლის მანძილზე 2000-მდე მოთხოვნას აყენებენ.
რუსეთმა მათ მხოლოდ ოთხჯერ მიმართა, სომხეთმა 16-ჯერ, აზერბაიჯანმა 10-ჯერ, ხოლო თურქეთმა 1452-ჯერ.
