თბილისი, 25 თებერვალი — Sputnik. გოგონას ახლობლები სამედიცინო პერსონალს გულგრილობაში ადანაშაულებენ.
ქუთაისში, კლინიკა "უნიქალ მედი"-ში 18 წლის პაციენტი გარდაიცვალა, იუწყება ტელეკომპანია Rustavi2.
ნათია შეყილაძე კლინიკაში სამი დღის წინ ჭიათურიდან კომატოზურ მდგომარეობაში გადაიყვანეს.
პირველ ეტაპზე ჩატარებული სამედიცინო ღონისძიებების შედეგად პაციენტის მდგომარეობა გაუმჯობესდა, ხოლო შემდგომ კი ისევ დამძიმდა. გოგონა რეანიმაციაში ხელოვნურ სუნთქვაზე იმყოფებოდა, გუშინ საღამოს კი გარდაიცვალა.
პაციენტის ოჯახის წევრები ნათია შეყილაძის გარდაცვალებაში მედიკოსებს ადანაშაულებენ და გამოძიებას ითხოვენ.
კლინიკა „იუნიქალ მედის“ დირექტორის განცხადებით, მკურნალობისას შეცდომები არ დაუშვიათ და პაციენტი აპარატიდან გუშინ დილით, მდგომარეობის გაუმჯობესების შემდეგ გამორთეს. თუმცა, რა გახდა სიკვდილის მიზეზი, მისთვის უცნობია. სამედიცინო პერსონალი ექსპერტიზის დასკვნას ელოდება.
