მხარი დაუჭირეთ მის წარმატებებს, შეაქეთ ის

როგორ "მოვარჯულოთ" ჩვენი პატარა

1239
ბავშვის აღზრდა შეუძლებელია, თუ მშობელი საკუთარ თავზე არ მუშაობს.

თუ შვილი საუკეთესო სკოლაში მიიყვანეთ, დაგყავთ სხვადასხვა წრეზე, არდადეგებზე დასასვენებლად ზღვაზეც გაგყავთ და მთაში… ეს არ ნიშნავს, რომ კარგი მშობელი ხართ. მთავარი ბავშვის აღზრდაში სულ სხვა რამაა – როგორ ურთიერთობთ მასთან, როგორ ესაუბრებით, მიიჩნევს ცნობილი ფსიქოლოგი, პედაგოგი, პროფესორი, აღზრდის საკითხებზე მრავალი წიგნის ავტორი იულია გიპენრეიტერი.

ყველა მშობელს უნდა, შვილი სწორად აღზარდოს. ბოლო პერიოდში მშობლები ხშირად სვამენ კითხვას: ყოველთვის, ნებისმიერ ფასად უნდა დაუჯეროს თუ არა შვილმა მშობელს. თანდათან საზოგადოება ეგუება და აღიარებს აზრს, რომ ბავშვი ისეთი უნდა იყოს, როგორიც არის, რომ ის სტანდარტებს არ უნდა მოვარგოთ. მაგრამ როგორ უნდა გავაკეთოთ ეს? რაც უნდა ბანალური იყოს, პირველ რიგში, ამისთვის ბავშვს უნდა გავუგოთ. როდესაც გავიგებთ მის პირად მოთხოვნებს, უნდა დავამყაროთ ურთიერთობა.

დედა ვაჟთან ერთად
დედა ვაჟთან ერთად

სანამ შვილის მორიგ საქციელზე რეაგირება გვექნება, უნდა გავიგოთ, რა დგას ამის უკან – დაღლილობა, წყენა, გაღიზიანება, მრისხანება თუ სიხარული?

ამისთვის საჭიროა:

პირველ რიგში, მოვუსმინოთ ბავშვს

მეორე – გავიგოთ მისი ემოციები და ავუხსნათ მას თავისი განცდები – პატარას ხომ სიტყვებით თავისი ემოციების გადმოცემა ხშირად არ ძალუძს

მხოლოდ ამის შემდეგ შეიძლება საკუთარი მოთხოვნის გამეორება ან, პირიქით, იმ მომენტში მის „აღზრდაზე“ უარის თქმა 

პარტნიორის გაგება სასურველი, კარგი ურთიერთოების საძირკველია, იქნება ეს ცოლი და ქმარი, ან დედა, ან ბავშვი. აქ კი ძალზე ფასეულია აქტიური მოსმენის ტექნიკის როლი. მაგალითად, ბავშვი აცხადებს, რომ არ უნდა დაძინება. დედა დაჟინებით მოითხოვს, რომ დაწვეს დასაძინებლად, ბავშვი კი ჯიუტობს, ბოლოს და ბოლოს, დედა მამასთან მიდის შესაჩივლად – შვილი არ მიჯერებს! ეს უკვე კონფლიქტია.

როგორ ავირიდოთ თავიდან კონფრონტაცია? მშიბელს უნდა ესმოდეს, რომ ბავშვისთვის ძილი მოსაწყენია. უნდა უთხრათ: „ძალიან საინტერესოდ თამაშობ, არ გინდა დაწოლა, მაგრამ დროა. ახლა ჩვენ წავალთ, დავიბანთ, მე კი ზღაპარს წაგიკითხავ“. ეს თანაგრძნობით გამსჭვალული მოსმენაა. თქვენ ეუბნებით ბავშვს, რომ გესმით მისი გრძნობების და პატივს სცემთ მას. თქვენ არ ატეხეთ სკანდალი და არ წააგეთ, რადგან საბოლოოდ მშვიდობიანად წაიყვანეთ თქვენი პატარა დასაძინებლად.

თანაგრძნობით აღვსილი მოსმენის ალგორითმი ნებისმიერი ასაკის პარტნიორთან შეიძლება გამოიყენო. ბავშვის შემთხვევაში ურთიერთობაზე პასუხისმგებელი თქვენ ხართ, რადგან უფროსი და გამოცდილი ბრანდებით. და თუ ურთიერთობების ასეთი სტილი აირჩიეთ, წინ საკუთარ თავზე მუშაობა მოგელით. საჭიროა, ისწავლოთ საკუთარი შვილის ან პარტნიორის მოსმენა, გაგება და მიღება. თუ ის უარს ამბობს რაიმე დავალების შესრულებაზე, დაუგდეთ ყური საკუთარ თავს – ეს თხოვნა იყო თუ მოთხოვნა?

მზად ხართ, გაითვალისწინოთ სხვისი ინტერესები?

ხშირად მოეხვიეთ, ჩაეხუტეთ შვილს
ხშირად მოეხვიეთ, ჩაეხუტეთ შვილს

გააზრებული გაქვთ, რომ მისი საქმიანობა, ინტერესები მისთვის სასიცოცხლოდ მნიშვნელოვანია?

ბავშვის აღზრდა შეუძლებელია, თუ უფროსი საკუთარ თავზე არ მუშაობს. როდესაც აქტიური მოსმენის ტექნიკას იყენებთ, იწყება ოსტატური, გაწაფული ურთიერთობის მაგია: თანდათან იცვლება საერთო განწყობა, ჩნდება უფრო კეთილი ინტონაციები და ატმოსფერო მთლიანად ოჯახში; ქრება დაძაბულობა, საკუთარი მაგალითით ბავშვს სხვა პიროვნებისადმი პატივისცემით დამოკიდებულებას ასწავლით, ასწავლით ურთიერთობას.

ფსიქოლოგებმა დაასკვნეს, რომ მშობლის აღზრდის სტილი ბავშვის ფსიქიკაში აღიბეჭდება, ხოლო მომავალში, მოზრდილ ასაკში, ხშირად ავტომატურად მეორდება. დიდი ალბათობით, თქვენი შვილები ისევე გაზრდიან თქვენს შვილიშვილებს, როგორც თქვენ ზრდიდით მათ. და თუ თქვენ რაიმე არ მოგწონთ, გაშფოთებთ ბავშვთან ურთიერთობებში, ეს საკმაოდ დიდი მიზეზია, გადახედოთ აღზრდის სტილს ოჯახში და ვითარების გამოსწორება დაიწყოთ. 

ხუთი რამ, რაც ყოველდღე შეგიძლიათ გააკეთოთ ბავშვისთვის:

1. მხარი დაუჭირეთ მის წარმატებებს, აღნიშნეთ და შეაქეთ ის, განიხილეთ გამარჯვება დაწვრილებით, აღფრთოვანება გამოხატეთ შვილით ნებისმიერ შესაფერის მომეტში;

2. გაუზიარეთ გრძნობები. დაწვრილებით მოუყევით საკუთარი როგორც დადებითი, ისე უარყოფითი განცდებისა და ემოციების შესახებ; 

3. უთხარით სითბოს გამომხატველი ფრაზები, მაგალითად: „რა კარგია შენთან ყოფნა, მიხარია შენი დანახვა, კარგია რომ მოხვედი“ და ა. შ. 

4. მოეხვიეთ, ჩაეხუტეთ შვილს დღეში სულ ცოტა ოთხჯერ;

5 არ ჩაერიოთ მეცადინეობის დროს, თუ თვითონ არ გთხოვათ, თუნდაც იცოდეთ, როგორ ჯობია იმის გაკეთება, რასაც თქვენი შვილი აკეთებს, არ იჩქაროთ რჩევების მიცემა და დახმარება.


1239
ბერა ივანიშვილი მეუღლესთან და ვაჟთან ერთად

„მეამაყები...“ - ბერუკა ივანიშვილი ერთი წლის გახდა - ვარსკლავბიჭუნას ახალი ფოტოები

679
(განახლებულია 19:42 29.11.2020)
ცნობილი ოჯახის ცნობილი წევრი პატარა ბერუკა ივანიშვილი 1 წლის გახდა. ნახეთ რა ფოტოები გავრცელდა სოციალურ ქსელში

ბერუკა ივანიშვილი 1 წლის გახდა. ცნობილ ბიჭუნას დაბადების დღე სოციალურ ქსელში მისმა ნათლიამ, რეპერმა ამიკო ჯანელიძემ მიულოცა. „დღეს ბერუკას დღეა... დამოუკიდებელი პიროვნების, რომელსაც უკვე თავისი სამყარო აქვს. ჯანმრთელი და დღეგრძელი ყოფილიყავი მთელი ცხოვრება, მეამაყები“, - წერს მუსიკოსი.

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა).

View this post on Instagram

A post shared by BERA (@beraofficial)

ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენტრი­დან.

View this post on Instagram

A post shared by BERA (@beraofficial)

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ.

View this post on Instagram

A post shared by BERA (@beraofficial)

სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

679
თემები:
სელებრითების ცხოვრება
დიჯეი

შრომის ინსპექციამ შეზღუდვების დარღვევის ფაქტზე რამდენიმე ობიექტი დააჯარიმა

82
დაჯარიმების მიუხედავად ობიექტებმა აკრძალული საქმიანობა მაინს განაგრძეს. შრომის ინსპექციამ განმეორებითი დარღვევის ფაქტების დაფიქსირების შესახებ ინფორმაცია შინაგან საქმეთა სამინისტროს მიაწოდა.

თბილისი, 29 ნოემბერი – Sputnik. შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტმა ბოლო ორი დღის განმავლობაში გაფრთხილება 2738 ობიექტს მისცა, ორი დააჯარიმა და 2309 ობიექტს საქმიანობა შეუჩერა, იუწყება პირველი არხი.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე. აიკრძალა ფიტნეს-დარბაზების და აუზების საქმიანობა. გარდა ამისა, მოქმედებს სხვა მთელი რიგი შეზღუდვები.

ჯანდაცვის სამინისტროს ინფორმაციით, აკრძალული საქმიანობის გამო ბათუმში 10 ათასი ლარით დაჯარიმდა რესტორანი შპს „დიანა“ – ე.წ. „კიდობანი“.

ასევე, ბათუმში შპს „ონლაინ მეჯიქ“ ე. წ. „რეფორმერი ფიტნესი“ აკრძალულ ეკონომიკურ საქმიანობას ახორციელებდა. იურიდიული პირი 10 ათასი ლარით დაჯარიმდა. თუმცა, მიუხედავად ამისა, სპორტული დარბაზი საქმიანობას კვლავ განაგრძობდა.

გარდა ამისა, თბილისში შრომის ინსპექციის შემოწმების შედეგად დადგინდა, რომ 10 ათასი ლარით დაჯარიმებული ობიექტი შპს „და ჰაუს რეკორდს” აკრძალულ ეკონომიკურ საქმიანობას კვლავ განაგრძობდა.

შრომის ინსპექციამ განმეორებითი დარღვევის ფაქტების დაფიქსირების შესახებ ინფორმაცია შინაგან საქმეთა სამინისტროს მიაწოდა. „იზოლაციისა და კარანტინის წესების“ მოთხოვნების განმეორებით დარღვევაზე პასუხისმგებლობა გათვალისწინებულია სსკ-ის 248-ე მუხლის პირველი ნაწილით.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

82
თემები:
COVID-19 საქართველოში
ავერსის აფთიაქი

ყაზბეგის გამზირზე აფთიაქში ინციდენტი მოხდა - ერთი პირი დაკავებულია

0
(განახლებულია 22:11 29.11.2020)
შინაგან საქმეთა სამინისტრომ იარაღის უკანონო შეძენა-შენახვა-ტარების ფაქტზე გამოძიება დაიწყო, დაკავებულია ერთი პირი.

თბილისი, 29 ნოემბერი – Sputnik. თბილისში, ყაზბეგის გამზირზე, „ავერსის“ აფთიაქში ინციდენტი მოხდა, პოლიციამ ადგილზე ერთი პირი დააკავა, იუწყება „პირველი არხი“.

გავრცელებული ინფორმაციით, აფთიაქში შევიდა ორი პირი, მათ მოითხოვეს ფსიქოტროპული პრეპარატი, რომელიც მხოლოდ რეცეპტით იყიდება. უარის მიღების შემდეგ მათ ფარმაცევტს იარაღის მსგავსი ნივთი მიუშვირეს, ხოლო ფარმაცევტმა პრევენციის მიზნით პოლიცია გამოიძახა.

ორივე პირი პოლიციამ ადგილზე შეაჩერა. ერთ-ერთი არასრულწლოვანია. შინაგან საქმეთა სამინისტროს ინფორმაციით, მათგან ამოღებულ სავარაუდოდ იარაღზე დანიშნულია ექსპერტიზა.

„ავერსის“ თანამშრომლები აცხადებენ, რომ ორ პირს სათამაშო პისტოლეტები ჰქონდათ.

საპატრულო პოლიციის დეპარტამენტის მთავარი საგამოძიებო სამმართველოს ხელმძღვანელმა ვლადიმერ წითლაურმა განაცხადა, რომ 20 წლამდე ასაკის პირი ბრალდებულის სახით დააკავეს.

„ცეცხლსასროლი იარაღის უკანონო შეძენა-შენახვის ფაქტზე სისხლის სამართლის კოდექსის 236-ე მუხლის მესამე-მეოთხე ნაწილებით დაკავებულია ერთი პირი ბრალდებულის სახით, სავარაუდოდ ცეცხლსასროლი იარაღის შეძენა-შენახვის ფაქტზე, რაზეც დაინიშნება ექსპერტიზა, ჩატარდება საგამოძიებო მოქმედებები და შემდეგ მიეცემა საქმეს მსვლელობა“, – განაცხადა ვლადიმერ წითლაურმა.

0
თემები:
კრიმინალი საქართველოში