მანქანის რადიაციაზე შემოწმება

დღეიდან საქართველოში ავტომობილის რადიაციაზე შემოწმებაა შესაძლებელი

78
(განახლებულია 16:18 18.08.2016)
იაპონიიდან იმპორტირებულ ავტომობილებს რადიაციაზე საერთაშორისო საკონტროლო-გამშვებ პუნქტებზე ამოწმებენ, მაგრამ საქართველოს მოსახლეობა მანქანების ხელმეორედ შემოწმებას ამჯობინებს.

თბილისი, 18 აგვისტო — Sputnik. იაპონიიდან იმპორტირებული ავტომობილების მფლობელებს მათი ხელმეორედ შემოწმება საქართველოს გარემოს დაცვის სამინისტროს ბირთვული და რადიაციული უსაფრთხოების სააგენტოს სპეციალისტებთან შეუძლიათ.

„დღეს უკვე განხორციელდა რამდენიმე ავტომანქანის შემოწმება, რის შედეგადაც რადიაცული დაბინძურების ფაქტი არ გამოვლენილა", ნათქვამია გარემოსა და ბუნებრივი რესურსების დაცვის სამინისტროს ფეისბუქ-გვერდზე.

მომსახურების ღირებულება 50 ლარია.

იაპონიიდან იმპორტირებულ ავტომობილებს რადიაციაზე საერთაშორისო საკონტროლო-გამშვებ პუნქტებზე ამოწმებენ, მაგრამ საქართველოს მოსახლეობა მანქანების ხელმეორედ შემოწმებას ამჯობინებს. სწორედ ამიტომ დანერგა სამინისტრომ ახალი სერვისი.

78