ჩვილი

რატომ არ სძინავთ პატარებს ღამით? იმიტომ, რომ არც უნდა ეძინოთ

72980
(განახლებულია 18:45 11.08.2016)
ბავშვის ტირილზე მშობლის დროული რეაქცია მნიშვნელოვანია მისი ფსიქოლოგიური და ფიზიკური ჯანმრთელობისთვის. გახსოვდეთ, რომ როდესაც ბავშვს ყურადღებას არ აქცევთ, ამით მას უაზრო ტკივილსა და ტანჯვას აყენებთ.

პატარის ყველა მშობელი განიცდის, რომ ბავშვს ღამღამობით არ სძინავს. უწყვეტი, „ნორმალური“ ძილი მშობლებისთვის სანუკვარი ოცნებაა.

რამდენიმე ფაქტი იმის თაობაზე, თუ როგორ და როდის უნდა ეძინოთ ბავშვებს.

რატომ იღვიძებენ ბავშვები ღამით? იმიტომ, რომ ბუნებამ ასე დააწესა.

ბრისტოლის უნივერსიტეტის პროფესორი, პედიატრი პიტერ ფლემინგი ამბობს, რომ თვითონ იდეა, რომ ბავშვს მთელი ღამე უნდა ეძინოს, მხოლოდ მე-20 საუკუნეში გაჩნდა. სინამდვილეში, ღამით ყველა ბავშვი იღვიძებს და ეს ნორმალურია.

„ჩვენი პატარები ბუნებამ იმისთვის არ შექმნა, რომ ძალიან დიდხანს ეძინოთ. როცა მათ დიდხანს სძინავთ, ეს არც თუ ძალიან კარგია. არანაირი მტკიცებულება არ არის იმისა, რომ ბავშვი, რომელსაც კარგად სძინავს, ჯანმრთელი ბავშვია“, — აცხადებს პროფესორი.

ეს, ალბათ, ის არ არის, რის მოსმენაც მშობლების უმრავლესობას სურს, აღნიშნავს ის.

ბავშვი მამასთან
ბავშვი მამასთან

სინამდვილეში, მთელი ღამის განმავლობაში არავის სძინავს, მათ შორის — არც უფროსებს.

ნოტრ-დამის უნივერსიტეტის ფსიქოლოგიის პროფესორი დარსია ნარვაეზი ამბობს, რომ უწყვეტი რვასაათიანი ძილი — ეს მითია. ადამიანებს, შეიძლება, სჯერათ, რომ მთელი ღამე უწყვეტად სძინავთ, მაგრამ ეს ასე არაა.

„ადამიანებს მთელი ღამე ისე, რომ არ გაიღვიძონ, იშვიათად სძინავთ. მაგრამ ჩვენი ტვინი ისეა მოწყობილი, რომ ეს გვავიწყდება. ნახეთ კაცობრიობის ისტორია: მე-20 საუკუნემდე, ელექტროენერგიის გამოგონებამდე რატომ მუშაობდნენ ხშირად ადამიანები ღამით? ადამიანი ბუნებამ იმგვარად შექმნა, რომ დღე-ღამის განმავლობაში რამდენჯერმე, მოკლე პერიოდებით დაიძინოს. ცხოვრება რომ უსიერ ტყეებში გაგვეგრძელებინა, ასე ჩვენთვის უფრო უსაფრთხო იქნებოდა. მაშინ ადამიანი დღეში რამდენჯერმე იძინებდა — დაახლოებით 2-2 საათით“, — ამბობს ფსიქოლოგიის პროფესორი.

ადამიანის პატარას უფრო მჭიდრო კონტაქტი უნდა ჰქონდეს მშობლებთან, ვიდრე ცხოველის პატარას. ბავშვს უფრო ესაჭიროება, რომ გვერდით დედა იგრძნოს.

„ადამიანები დაბადების შემდეგ სხვა ძუძუმწოვრებს განვითარებაში დაახლოებით 9-18 თვით ჩამორჩებიან. სხვა ცხოველები მალევე იწყებენ სიარულსა და დამოუკიდებლად კვებას. თქვენ გინდათ, რომ თქვენი შვილი მშვიდად იყოს დაბადებიდანვე, მაგრამ მისი ტვინი მხოლოდ 25%-ით არის განვითარებული, მას არ შეუძლია თავისი ემოციების გაკონტროლება და მუდმივ ყურადღებასა და მზრუნველობას საჭიროებს“, — აღნიშნავს ნარვაეზი.

ბავშვმა მშობლის სხეული უნდა იგრძნოს
ბავშვმა მშობლის სხეული უნდა იგრძნოს

ბავშვებს, რომლებიც უფრო ხშირად იღვიძებენ ღამით, ჩვეულებრივ, ინტელექტის უფრო მაღალი დონე აქვთ და ისინი საუკეთესო ფსიქიკური ჯანმრთელობით გამოირჩევიან.

როგორც ფლემინგი ამბობს, მრავალრიცხოვანი კვლევა ადასტურებს თეზისს, რომ ადამიანები, რომლებიც ძალზე მშფოთვარე, მოუსვენარი ბავშვები იყვნენ, მოზრდილ ასაკში უფრო მაღალი IQ-ით გამოირჩევიან.
ნარვაეზი კი აცხადებს: რაც უფრო მეტ ყურადღებას იღებს მშობლებისგან ჩვილი, მით უფრო ფსიქოლოგიურად მომწიფებული იზრდება. ის, დიდი ალბათობით, ემპათიური, კეთილი გაიზრდება, თანაუგრძნობს სხვებს და ამავდროულად იქნება დისციპლინირებული და პასუხისმგებლობის გრძნობით.

ერთმა კვლევამ ისიც აჩვენა, რომ ბავშვებს, რომლებსაც სხვებზე „ცუდად“ ეძინათ, დიდი კოგნიტური შესაძლებლობები გააჩნდათ და მოზრდილ ასაკში უფრო იშვიათად ჰქონდათ დეპრესია, ვიდრე „წყნარ“ ბავშვებს.

ბავშვებს ძილის ციკლი უფრო მოკლე აქვთ, ვიდრე მოზრდილებს.

მოზრდილი ადამიანის ძილს, როგორც წესი, 90-წუთიანი ციკლი აქვს. თავდაპირველად გძინავთ „სწრაფი“ ძილით, შემდეგ — „ღრმა“; ხოლო საათნახევრის შემდეგ — კვლავ „სწრაფი“ ძილით.

ბავშვებს სხვაგვარად აქვთ, ამბობს ფლემინგი. ახალდაბადებულებს ეს ციკლი 60-წუთიანი აქვთ. ამიტომ თუ ისინი მუდამ კრთიან საწოლში და იღვიძებენ — ეს სრულებით ნორმალურია.

მშობელს ბავშვის ტირილზე დროული რეაგირება უნდა ჰქონდეს, თუნდაც ის ჩუმად ტიროდეს.

როდესაც ბავშვს ყურადღებას არ აქცევთ, ამით მას უაზრო ტკივილსა და ტანჯვას აყენებთ
როდესაც ბავშვს ყურადღებას არ აქცევთ, ამით მას უაზრო ტკივილსა და ტანჯვას აყენებთ

2011 წელს ჩატარებულმა კვლევამ აჩვენა, რომ ბავშვის ტირილზე მშობლის დროული რეაქცია მნიშვნელოვანია მისი ფსიქოლოგიური და, ასევე, ფიზიკური ჯანმრთელობისთვის. მშობლებმა, რომლებიც ადრეული ასაკიდანვე იწყებენ ბავშვის დარიგებას, რომ მან არ იტიროს, უნდა იცოდნენ: მისთვის ისტერიკა — უდიდესი სტრესია.

ნარვაეზი განმარტავს: „თქვენ შეიძლება გგონიათ, რომ ბავშვს ასწავლით, გაკვეთილს უტარებთ, რომ ტყუილად არ იტიროს და ამიტომ მის ტირილს ყურადღებას არ აქცევთ. მაგრამ სანამ ის ყვირის, მის პატარა სხეულში სწრაფად გროვდება სტრესის ჰორმონი — კორტიზოლი. დასამშვიდებლად მას სტრესზე სწორი რეაქცია სჭირდება: დედის დანახვა და მისი სხეულის შეგრძნება“.

თუ მშობელი დროზე არ გამოჩნდება, ბავშვის ნერვული სისტემა ტვინს სიგნალს უგზავნის: „იჩხუბე ან გაიქეცი“.

ეს უსაფრთხოების შეგრძნებაზე სიღრმისეული და, შეიძლება ითქვას, პირველადი რეაქციაა. ტვინი ამას ასე აღიქვამს: „უფრო ხმამაღლა უნდა ვიყვირო. თუ ვერავის გავაგებინებ, მოვკვდები“. ამიტომ თუ მომავალში დაფიქრდებით, რას გრძნობს ბავშვი, როცა „უმიზეზოდ“ ყვირის, იცოდეთ: ის ისე გრძნობს თავს, როგორც ადამიანი, რომელმაც იცის, რომ მალე მოკვდება.

ზოგიერთი ბავშვი ისე ძლიერად ყვირის, რომ „ლურჯდება“. ეს უკვე სხეულის რეაქციაა ნერვული სისტემის მოთხოვნაზე: ენერგიის ეკონომიაა საჭირო, ე.ი. სხეულის ტემპერატურის დაწევა. ეს უკიდურესი რეაქციაა — როდესაც ორგანიზმი მობილიზებას ახდენს იმისთვის, რომ არ მოკვდეს.

ბავშვებს, შეიძლება, დღისით ეძინოთ და ღამით მხოლოდ იმიტომ გაიღვიძონ, რომ დარწმუნდნენ, გვერდით ხართ.

„როგორც წესი, ბავშვებს დღისით ძილი უყვართ, ხოლო საღამოს ექვსიდან შუაღამემდე, როდესაც მშობლების მეთვალყურეობის ქვეშ არიან, დიდი კმაყოფილებით ფხიზლობენ“, — აღნიშნავს ფლემინგი.

„საუბარია ბუნებრივ პროგრამირებაზე. როდესაც ბავშვი ორივე მშობლის ყურადღების ქვეშ ექცევა, ბიოლოგიურ უპირატესობას იღებს: როცა ორი მზრუნველია, გადარჩენის შანსიც მაღალია. ბავშვი ფხიზლად ყოფნის ასეთ გრაფიკს გაცნობიერებულად და სწორად ირჩევს. ის, რომ ასეთი რეჟიმი ჩვენ განრიგში არ ჯდება, მას არ აღელვებს“.

ბავშვებს მშობლებისგან ცალკე და, მით უმეტეს, სხვა ოთახში არ უნდა ეძინოთ.

 ბავშვები დედასთან არიან გამუდმებით და მის სხეულს გრძნობენ
ბავშვები დედასთან არიან გამუდმებით და მის სხეულს გრძნობენ

ფლემინგი ადამიანის ევოლუციის ისტორიას იხსენებს. ათასობით წლის წინ ბავშვები ყოველთვის მჭიდრო ურთიერთობაში იყვნენ მშობლებთან: ეძინათ მათ სხეულებს შორის გამოქვაბულში, დღისით დედა სხეულზე მიკრულს ატარებდა.

„აფრიკასა და სხვა ქვეყნებში დიდი ხანი გავატარე, სადაც მიღებულია ბავშვების სხეულზე აკრული ტარება. ისინი დედასთან არიან გამუდმებით. სძინავთ, როცა უნდა ეძინოთ, ფხიზლობენ, როცა უნდა იფხიზლონ. დედის რძეზეც ყოველთვის მიუწვდებათ ხელი. ეს ბავშვის გაზრდის ყველაზე სწორი და უსაფრთხო საშუალებაა. აუცილებელი არაა, პატარასთან ერთად მუდამ სახლში იყოთ გამოკეტილი“.

ფლემინგი ასევე ამბობს, რომ არის მტკიცებულება, რომ ბავშვების მოულოდნელი სიკვდილის სინდრომი ყველაზე ხშირად იმ ბავშვებს ემართებათ, რომლებსაც ცალკე ოთახში სძინავთ.

მთელ მსოფლიოში სიცოცხლის პირველ ეტაპზე მრავალ ბავშვს სძინავს მშობლებთან ერთად. ეს აბსოლუტურად ლოგიკურია: მათ მშობლებთან მუდმივი კონტაქტი ესაჭიროებათ და ძალიან განიცდიან, თუ ამას არ იღებენ.

ფლემინგი ამტკიცებს, რომ ჩვევა, ბავშვებს მშობლებთან ერთად ერთ საწოლში ეძინოთ, უფრო ხშირია, ვიდრე ეს დიდი ევროპული და ამერიკული ქალაქების მოსახლეობას წარმოუდგენია.

„იდეა, თითქოს ჩვილს თავისი საწოლი უნდა ჰქონდეს, საკმაოდ არანორმალურია, ეს, საერთოდ, ნონსენსია“, — აცხადებს ის და ასევე დასძენს: „500 ათასი წლის წინ ადამიანის ბავშვების 90%-ს მშობლებთან ჩახუტებულს ეძინა“.

მთელ მსოფლიოში სიცოცხლის პირველ ეტაპზე მრავალ ბავშვს სძინავს მშობლებთან ერთად. ეს აბსოლუტურად ლოგიკურია
მთელ მსოფლიოში სიცოცხლის პირველ ეტაპზე მრავალ ბავშვს სძინავს მშობლებთან ერთად. ეს აბსოლუტურად ლოგიკურია

რა თქმა უნდა, მშობლებს, რომლებიც სამსახურში დადიან, ბავშვებთან მუდმივი კონტაქტი არა აქვთ. ბუნებრივია, აქ კომპრომისების გარეშე არ გამოვა. მაგრამ ფლემინგი დაჟინებით მოითხოვს: სანამ სახლში ხართ, დაუთმეთ ბავშვებს იმდენი ყურადღება, რამდენიც შესაძლებელია.

ეს საუკეთესო საშუალებაა, გაზარდოთ ჭკვიანი, დამოუკიდებელი და ორგანიზებული ბავშვი.

ამ ჭეშმარიტებამ შეიძლება ზოგიერთ მშობელს გული აუცრუოს, მაგრამ როდესაც ბავშვი ყოველ დღე თუ ღამე თქვენს „სიმტკიცეს“ ამოწმებს, ეს ბავშვებისთვის სრულებით ბუნებრივია.

ჩვილი განწყობილია, რომ მის ყველა მოთხოვნას დედა (უმეტეს შემთხვევაში) წამიერად დააკმაყოფილებს. ის მის გვერდით უნდა იყოს მთელი ღამის განმავლობაში. ეს ყველაზე ცოტაა, რისი გაკეთებაც მათთვის შეგვიძლია.

ფლემინგი ასკვნის: „უნდა გვახსოვდეს, რომ ჩვენი საზოგადოება უფრო სწრაფად იცვლება და ვითარდება, ვიდრე ბიოლოგია. ცხოვრების ბიოლოგიური მოდელი, რომელსაც ჩვენი წინაპრები ნახევარი მილიონი წლის წინ იყენებდნენ ბავშვების აღზრდის საქმეში, უფრო კარგად მუშაობდა, ვიდრე თანამედროვე ანალოგი. გახსოვდეთ, რომ როდესაც ბავშვს ყურადღებას არ აქცევთ, ამით მას უაზრო ტკივილსა და ტანჯვას აყენებთ“.

72980
დაკეტილი მაღაზიები აბანოთუბანში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/2 ივნისი

79058
(განახლებულია 00:58 02.06.2020)
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 2 ივნისი – Sputnik. საქართველოს მთავრობა დაჩქარებული ტემპით აგრძელებს შეზღუდვების მოხსნას, რომლებიც კორონავირუსის პანდემიის გამო დაწესდა.

2 ივნისისთვის ქვეყნის ტერიტორიაზე შემდეგი შეზღუდვები მოქმედებს:

 

  • დახურულ სივრცეებში, საჯარო დაწესებულებებში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • კარანტინის რეჟიმი მოქმედებს თეთრიწყაროში და ბოლნისის მუნიციპალიტეტის ორ სოფელში – მუშევანსა და გეტაში;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  •  

    8 ივნისამდე ნარცუნდება შეზღუდვა საერთაშორისო სახმელეთო, საზღვაო და ავიამიმოსვლაზე, ასევე აკრძალულია დახურული ტიპის რესტორნების და ბარების მუშაობა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;
  • აკრძალულია ვალუტის გადამცვლელი პუნქტების მუშაობა;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს);
  • 29 მაისიდან ქვეყანაში ამუშავდა საზოგადოებრივი ტრანსპორტი, 1 ივნისიდან - სავაჭრო მოლები და ღია ცის ქვეშ მქონე სივრცეების რესტორნები. დახურული ტიპის დაწესებულებები 8 ივნისს იხსნება;
  • 15 ივნისიდან აღდგება შიდა ტურიზმი, ხოლო 1 ივლისიდან საქართველო უცხოელი მოგზაურების მიღებას დაიწყებს.

ამ მომენტისათვის ინფიცირებულთა რაოდენობა 794 ადამიანს შეადგენს, აქედან 624 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 2508, სტაციონარებში მეთვალყურეობის ქვეშ კი 300 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
79058
თემები:
COVID-19 საქართველოში
 საბავშვო ბაღი - ფონდის „ჩვენ - განსხვავებულები ვართ!“ და ცენტრ Miraculum-ის ერთობლივი პროექტი

როგორ ცხოვრობენ იზოლაციაში აუტისტი ბავშვები: ნათესავებისა და სპეციალისტების დახმარება

24
კორონავირუსის პანდემიამ აუტისტი ბავშვებისა და მათი მშობლების ცხოვრება გაართულა. ექსპერტები აცხადებენ, რომ ამის შეცვლა შესაძლებელია

თბილისი, 1 ივნისი - Sputnik. განსაკუთრებულ ბავშვებს უჭირთ კარანტინისა და თვითიზოლაციის გადატანა, რადგან მათთვის აუცილებელია ცოცხალი ურთიერთობა, აღნიშნეს ვიდეოხიდის - „შემოქმედებითი უნარების განვითარება ბავშვებში პანდემიის პირობებში“ - მონაწილეებმა, რომელსაც ორგანიზება გაუკეთეს Sputnik-ის პრესცენტრებმა მინსკში, თბილისსა და ერევანში.

იძულებითი თვითიზოლაციის დროს მწვავედ დადგა ბავშვებისთვის დისტანციური გაკვეთილების ორგანიზების საკითხი, რათა ბავშვებს მეგობრებთან და პედაგოგებთან ურთიერთობის შესაძლებლობა ჰქონოდათ. მით უფრო, როდესაც საუბარია განსაკუთრებულ ბავშვებზე. რთული იყო ბავშვების გართობა დახურულ სივრცეში ისე, რომ ეს სასარგებლოც ყოფილიყო და საინტერესოც.

„მათ უჭირთ ურთიერთობის გარეშე“

როგორც ოჯახური ინკლუზიური თეატრის "i" სამხატვრო ხელმძღვანელმა ირინა კისილიოვამ განაცხადა, აუტისტი ბავშვებისთვის აუცილებელია ურთიერთობა. გარდა ამისა, გაჩნდა ბევრი ჩარჩო და შეზღუდვა, დღის წესრიგიდან გაქრა მათთვის ჩვეული მეცადინეობა, სკოლა.

ამას ეთანხმება კლინიკური ფსიქოლოგი, განსაკუთრებული ბავშვების განვითარების სპეციალისტი ანაიტ აიკაზუნი, რომელიც ამბობს, რომ სწავლების ონლაინ-ფორმატი მათთვის ნაკლებად შესაფერისია.

„ბევრ ბავშვს, საზოგადოებაში სოციალიზებულსაც კი, რომლის უნარებიც კარგადაა გენერალიზებული - არ შეუძლია ამ მეცადინეობების კარგად აღქმა, არ შეუძლია ამგვარი გაკვეთილების დროს ურთიერთობის მოთხოვნილების დაკმაყოფილება. ამიტომ ერთმნიშვნელოვნად შეგვიძლია განვაცხადოთ, რომ დისტანციური გაკვეთილები ვერ შეძლებს იმის კომპენსაციას, რაც აქამდე იყო“, - აღნიშნა აიკაზუნიმ.

პროექტის „ინკლუზიური ოჯახი სომხეთში“ დამფუძნებელმა ანა გრიგორიანმა ხაზი გაუსვა, რომ მნიშვნელოვანია, მშობელი თავად ასწავლიდეს და ავითარებდეს შვილს და მასთან ურთიერთობა ჰქონდეს ნებისმიერ სიტუაციაში.

„ცხოვრებაში ნებისმიერი რამ შეიძლება მოხდეს, არ შეიძლება ყოველთვის სპეციალისტზე იყო დამოკიდებული. სპეციალისტი არის ადამიანი, რომელთანაც მშობელი და მთელი ოჯახი უნდა თანამშრომლობდეს - ინკლუზიის არსიც ესაა“, - განმარტა გრიგორიანმა.

თვითიზოლაცია ოჯახთან ერთად

საქველმოქმედო ფონდ „სერაფიმის“ დამფუძნებელმა ლია სერგეევამ აღნიშნა, რომ საქართველოში ამჟამად არიან ექიმები, რომლებიც განაგრძობენ ბავშვებთან პირად ვიზიტებს ან უკავშირდებიან მათ დისტანციურად, რათა დააკვირდნენ ბავშვების ქცევას, განაგრძობენ მათი უნარების განვითარებას.

„ჩვენ ვმუშაობთ უნარების განვითარებაზე როგორც დისტანციურად, ისე რეალურად. ამასთან, პროცესში უფრო აქტიურად ჩაერთნენ ოჯახის წევრები, რადგან მოქმედებს თვითიზოლაციის რეჟიმი, არის ერთგვარი შინაგანი დაძაბულობა. ჩვენ ახლა შეგვიძლია ერთმანეთს დავეხმაროთ - მრავალშვილიანი ოჯახი გვყავს, უფროსი ქალიშვილები უფრო მეტად მონაწილეობენ ჩემი ვაჟის აღზრდაში, რომელსაც დარღვეული აქვს განვითარება. ერთი მოძრაობების დახვეწაში ეხმარება, მეორე მასთან ერთად სიმღერებს სწავლობს, მესამე ეთამაშება“, - ამბობს სერგეევა.

თუმცა, მისივე თქმით, ამ მომენტისთვის საქართველოში სარეაბილიტაციო ცენტრები ონლაინ რეჟიმში არ მუშაობენ, ამიტომ მისი შვილი მეცადინეობს არაქართული ცენტრის სპეციალისტებთან.

არ დავუშვათ დისტანციური კავშირი?

 „ჩვენ - განსხვავებულები ვართ!“ ფონდის პრეზიდენტისა და ინტეგრაციული მედიცინის ცენტრ Miraculum-ის დირექტორის, ანდრეი მაქსიმოვის განცხადებით, მნიშვნელოვანია არა იმაზე საუბარი, როგორ ვიმოქმედოთ დისტანციურად, არამედ იმაზე, რომ  ბავშვებისთვის დისტანციური მეცადინეობა პრინციპულად დაუშვებელია. აუტიზმის სპეციფიკა ხომ ის არის, რომ ბავშვებს უშუალო ურთიერთობის შესაძლებლობა ჰქონდეთ. აუტისტი ბავშვები, მაქსიმოვის თქმით, არ შეიძლება მუდმივად ოთხ კედელში იყვნენ გამომწყვდეული.

ფონდის პრეზიდენტმა აღნიშნა ასევე, რომ თბილისში არ უნდა დახურულიყო ბავშვთა სარეაბილიტაციო ცენტრები, ეს ხომ მათი მკურნალობის ნაწილია, რომელიც აუცილებლად სჭირდებათ. მსგავსი მოხდა არა მხოლოდ საქართველოში, არამედ სხვა ქვეყნებშიც.

„ჩვენი ბავშვების მიმართ აღმასრულებელი ხელისუფლების რეაქცია სწრაფი და გადამჭრელი იყო. ინვალიდობის ცნობებითა და ფორმა 100-ით ხელში დედებმა მიიღეს ნებართვა, ბავშვებთან ერთად წასულიყვნენ, სადაც მოისურვებდნენ“, - აღნიშნა მაქსიმოვმა.

მისი თქმით, ნებისმიერი თემა, რომელიც აუტიზმს უკავშირდება, მნიშვნელოვანია. მაგრამ თავდაპირველად უნდა გაანალიზდეს საკითხთა მთელი კომპლექსი. მაქსიმოვმა აღნიშნული თემა შეადარა სახლის შენებას, სადაც ყოველ დეტალს სათანადო ყურადღება უნდა დაეთმოს. 

24
ბოლნისის სიონის აღმოსავლეთ ფასადი

საეკლესიო კალენდარი: 2 ივნისი

0
(განახლებულია 08:34 02.06.2020)
2 ივნისი წმინდა ნინოს მშობლების ზაბულონისა და სოსანას მოწამეების თალალეს, ალექსანდრეს ასტერის, ასკალონის სხენების დღეა, ამ დღეს საქართველოს მართლმადიდებებლი ეკლესია ასევე აღნიშნავს წმინდა ალექსის, მოსკოველი მიტროპოლიტის წმიდათა ნაწილთა აღმოყვანებას.

Sputnik-საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

ზაბულონი და სოსანა 

ღირსი ზაბულონი და სოსანა წმიდა ნინოს მშობლები იყვნენ,  წმიდა ზაბულონი კაბადოკიელი იყო წარმოშობით. კაბადოკიაში მრავალი ქართველური ტომი ცხოვრობდა და, ვარაუდით, იგი სწორედ ქართველთა ტომიდან იყო. ფიქრობენ, რომ წმიდა დიდმოწამე გიორგი წმიდა ზაბულონის დისშვილი იყო. ზაბულონი იმპერატორის არმიაში მსახურობდა და სახელი ჰქონდა განთქმული, როგორც უბადლო მეომარს. ფრანგებთან ბრძოლის დროს მან შეიპყრო ფრანგების მეფე და მთავარნი და რომის იმპერატორს მიჰგვარა. იმპერატორმა სასიკვდილო განაჩენი გამოუტანა ტყვეებს.  წმიდა ზაბულონის ქადაგების გავლენით სიკვდილის წინ ტყვეებმა ქრისტიანული ნათლისღება ითხოვეს.  ზაბულონის შუამდგომლობით აუსრულეს მათ ეს სურვილი და ზაბულონმა თავისი ნათლულების შეწყალება ითხოვა.   იმპერატორმა დაუთმო მას მისი სულიერი შვილების სიცოცხლე.  წმიდა ზაბულონის ღვაწლით მთელი მაშინდელი საფრანგეთი ეზიარა ქრისტეს წმიდა ნათელს.

წმიდა ზაბულონი იერუსალიმში წავიდა წმიდა ადგილების მოსალოცად – მთელი ქონება  გლახაკებს დაურიგა და იერუსალიმის პატრიარქ იუბენალთან დაიწყო მსახურება. პატრიარქმა კეთილმოწესე ზაბულონს თავისი და, სოსანა მიათხოვა. წმიდა ზაბულონი და სოსანა ზაბულონის სამშობლოში - კაბადოკიაში წავიდნენ. აქ მათ შეეძინათ ქალიშვილი ნინო, რომელსაც ღვთისმოშიშებითა და სიყვარულით ზრდიდნენ .

ზაბულონმა პატრიარქ იუბენალისგან აიღო კურთხევა და უდაბნოში გავიდა სამოღვაწეოდ,  წმიდა სოსანამაც მონასტრული ცხოვრება აირჩია - „ მსახურად გლახაკთა დედათა და უძლურთა“.

 მოწამეები თალალე, ალექსანდრე და ასტერი

ნუმერიანეს მეფობის (283-284) დროს ქალაქ ეგეის მთავარმა მეომრები გაგზავნა ქრისტიანთა მოსაძებნად, მასთან მიიყვანეს 18 წლის თალალე. დაკითხვაზე ჭაბუკმა თქვა: „მე ვარ ქრისტიანი, ლიბანელი. მამაჩემი - ბერუტი მხედართმთავარი იყო, დედას რომელეა ჰქვია. მყავს იპოდიაკონი ძმა. მე ექიმობა შევისწავლე მკურნალ მაკარისგან. ტიბერიუსის დროს ერთხელ უკვე შემიპყრეს ქრისტეს აღსარებისთვის, მაგრამ გადავურჩი დასჯას. აწ ჰქმენით ჩემ ზედა, რაცა გსურთ. მე მზად ვარ სიხარულით დავითმინო სიკვდილი სახელისათვის უფლისა ჩემისა იესო ქრისტესა“.

განრისხებულმა მთავარმა ორ ჯალათს - ალექსანდრეს და ასტერს - უბრძანა, კიდურები გაეხვრიტათ მოწამისთვის და ხეზე ჩამოეკიდათ. ჯალათებმა შეიბრალეს ახალგაზრდა თალალე, ბრძანების შესრულებაზე უარი თქვეს და თავი ქრისტიანებად გამოაცხადეს. მთავარმა მათთვის თავის წარკვეთა ბრძანა, წმიდა თალალე კი ჯერ ზღვაში ჩააგდეს. ხოლო შემდეგ კი მთავრის ბრძანებით მახვილით განგმირეს.

მოწამე ასკალონი

წმიდა მოწამე ასკალონი დაიბადა დიდ ერმოპოლში (შუა ეგვიპტე). წმიდანი ეწამა დიოკლეტიანეს მიერ ქრისტიანთა დევნისას. მთავარ არიანესთან მიყვანილმა ასკალონმა თამამად აღიარა თავისი სარწმუნოება და უარი განაცხადა წარმართული ღმერთების მსახურებაზე. წმიდანმა არიანეს უწინასწარმეტყველა, რომ მოვიდოდა დრო და თვითონაც აღიარებდა იესო ქრისტეს ერთადერთ ჭეშმარიტ ღმერთად. არიანეს ბრძანებით ასკალონი სასტიკად აწამეს.

აღმოყვანება წმიდათა ნაწილთა წმიდისა ალექსისა, მიტროპოლიტისა მოსკოვისა და სრულიად რუსეთისა საკვირველთმოქმედისა

წმიდა ალექსიმ სიკვდილის წინ დაიბარა, დაესაფლავებინათ კრემლში, ჩუდოვის (სასწაულთა) მონასტერში. წმიდა კეთილმსახური მთავრის დიმიტრი დონელის ბრძანებით მიტროპოლიტის ცხედარი ამ ტაძრის საკურთხეველთან დაკრძალეს.

1431 წლის 20 მაისს ეკლესიის გუმბათი სიძველის გამო ჩამოიქცა. ახალი ტაძრის მშენებლობის დროს მოხდა წმიდა ალექსის უხრწნელი ნაწილების აღმოყვანება. 1485 წელს წმიდა ნაწილები გადაასვენეს წმიდანის სახელზე აგებულ ეკლესიაში. დღეს მისი ნაწილები მოსკოვის საპატრიარქო საკათედრო ტაძარში ინახება.

 მასალა მომზადებულია ღია წყაროებზე დაყრდნობით.

0
თემები:
საეკლესიო კალენდარი