მამაკაცურ პოლიგამიას თანდათან მონოგამია ანაცვლებს

რაზეა დამოკიდებული მამაკაცის ერთგულება?

3343
(განახლებულია 13:12 10.09.2017)
თუ ბიჭს ბავშვობაში დედაზე მეტ ყურადღებას ძიძა უთმობს, მოზრდილ ასაკში მას საყვარლის გაჩენის სურვილი უჩნდება. მას ბავშვობაში ქვეცნობიერ დონეზე განუმტკიცდა აზრი, რომ ოფიციალური ოჯახური ურთიერთობების გარდა ასევე არსებობს სულიერი გრძნობა „გვერდით“, რომელიც ძიძის სახით ჩნდება.

გამოირკვა, რომ ჭკვიანი ქმრები მეუღლეებს ბევრად იშვიათად ღალატობენ.

თანამედროვე სამყაროში პოლიგამია საკმაოდ გავრცელებული მოვლენაა. მიუხედავად იმისა, რომ მან სუსტი სქესის წარმომადგენლებიც მოიცვა, ლიდერები ამ საკითხში მაინც მამაკაცები არიან. მიღებულად ითვლება, რომ მამაკაცის ერთგულება ოჯახში ქალის ქცევაზეა დამოკიდებული. მისი თითოეული „გვერდზე გახედვის“ მცდელობა ცოლის „ცუდი“ ქცევით ან ოჯახურ ურთიერთობებში სექსუალური დაუკმაყოფილებლობით აიხსნება.

ლონდონის ეკონომიკის ინსტიტუტის სპეციალისტებმა ეს სტერეოტიპი უარყვეს. მათ ჩაატარეს კვლევა, რომლის შედეგად დაადგინეს კავშირი მამაკაცის ინტელექტუალურ დონესა და ღალატისადმი მიდრეკილებას შორის.

რა განაპირობებს ასეთ კანონზომიერებას?

ბრიტანელი მეცნიერები ამტკიცებენ, რომ მაღალი ინტელექტის მქონე მამაკაცი საყვარელს არ გაიჩენს, რადგან სოციალური თვალსაზრისით მონოგამია ყველაზე ხელსაყრელი და უსაფრთხო ვარიანტია პარტნიორებს შორის ურთიერთობაში. მაგრამ ამ ფაქტის გაცნობიერება მხოლოდ მამაკაცების ჭკვიან ნაწილს შეუძლია.

მეცნიერებმა დაადასტურეს, რომ ცოლქმრული ერთგულება ქალისა და მამაკაცის სიცოცხლეს ახანგრძლივებს
მეცნიერებმა დაადასტურეს, რომ ცოლქმრული ერთგულება ქალისა და მამაკაცის სიცოცხლეს ახანგრძლივებს

თუ ევოლუციის ისტორიას მივადევნებთ თვალს, შევნიშნავთ, რომ მამაკაცურ პოლიგამიას თანდათან მონოგამია ანაცვლებს. სექსუალური ურთიერთობები ერთ ქალთან ინტიმური ქცევის საუკეთესო და ოპტიმალურ მოდელად მიიჩნევა. ეს მამაკაცს ახალი პარტნიორის მუდმივი ძებნის აუცილებლობისგან ათავისუფლებს, ამცირებს სტრესის, განცდების დონეს და ნერვული სისტემის კარგ მდგომარეობაში შენარჩუნებას ეხმარება. მონოგამია სექსუალური ურთიერთობების უფრო მაღალი დონეა.

რაზეა დამოკიდებული მამაკაცის ერთგულება — ამ საკითხთან დაკავშირებით ამერიკელ ფსიქოლოგს მაიკლ დაიმონდს საკუთარი მოსაზრება გააჩნია. მისი აზრით, მამაკაცური მონოგამია ან პოლიგამია ბავშვობიდან ყალიბდება. ყველაფერი იმ ოჯახური ურთიერთობების მოდელზეა დამოკიდებული, რომელსაც ბიჭი თვალს ადევნებს. თუ მამა ცოლქმრული ერთგულებით არ გამოირჩეოდა, ვაჟი მოზრდილ ასაკში მონოგამიის პრინციპებს არ უერთგულებს. თუ ოჯახურ ცხოვრებაში სიყვარული და მამის დედისადმი ერთგულება სუფევს, მომავალში ვაჟიც ამ მაგალითის საკუთარ ოჯახურ ცხოვრებაში დანერგვას შეეცდება.

ბრიტანელმა მეცნიერებმა ასევე გააფრთხილეს მშობლები – ძიძის მომსახურებით ძალიანაც ნუ განებივრდებიან. თუ ბიჭს ბავშვობაში დედაზე მეტ ყურადღებას ძიძა უთმობს, მოზრდილ ასაკში მას საყვარლის გაჩენის სურვილი უჩნდება. ეს ყველაფერი იმიტომ, რომ ბავშვობაში ქვეცნობიერ დონეზე განუმტკიცდა აზრი – ოფიციალური ოჯახური ურთიერთობების გარდა ასევე არსებობს სულიერი გრძნობა „გვერდით“, რომელიც ძიძის სახით ჩნდება.

პარტნიორის ერთგულება — ეს არა მხოლოდ მოდური, არამედ სასარგებლოცაა. მეცნიერებმა ფლორენციის უნივერსიტეტიდან დაადასტურეს, რომ ცოლქმრული ერთგულება ქალისა და მამაკაცის სიცოცხლეს ახანგრძლივებს.

3343
ბერლინი

ქართველი სტუდენტები გერმანიაში სასწავლებლად დაბრუნებას შეძლებენ

17
(განახლებულია 17:46 16.07.2020)
საქართველოს მთავრობამ ქართველი სტუდენტებისთვის სპეციალური ავიარეისი დაამტკიცა, რომელიც 25 ივლისს შესრულდება

თბილისი, 16 ივლისი – Sputnik. დაინიშნა დამატებითი სპეციალური ავიარეისი თბილისი–ბერლინი–თბილისი, რათა ქართველმა სტუდენტებმა გერმანიაში დაბრუნება და სწავლის გაგრძელება შეძლონ, განაცხადა ეკონომიკისა და მდგრადი განვითარების მინისტრმა ნათია თურნავამ ჟურნალისტებთან.

ბილეთები არის, მაგრამ მათი შეძენა ადვილი არ არის: ვინ და როგორ გაფრინდება საქართველოდან>>

მისი თქმით, სტუდენტები ბერლინში გამგზავრებას უკვე 25 ივლისს შეძლებენ.

„ჩემთვის ცნობილი გახდა, რომ არის გარკვეული რაოდენობა ქართველი სტუდენტებისა, ვისაც დროზე ადრე, ანუ სწავლის დაწყებამდე სურს ჩასვლა გერმანიაში იმის გამო, რომ მათ ხელთ უჭირავთ დასაქმების კონტრაქტები. ჩვენ ამაზე ვიმსჯელეთ და მთავრობამ, სულ ორიოდე დღის წინ დაამტკიცა კიდევ ერთი, ე.წ. სოციალური ჩარტერი, ანუ სუბსიდირებადი ფრენა თბილისი-ბერლინი-თბილისის მიმართულებით“, – განაცხადა თურნავამ.

მან სტუდენტებს მოუწოდა, დროულად მიმართონ მთავრობის ადმინისტრაციასთან არსებულ ახალგაზრდობის საქმეთა დეპარტამენტს, რათა მიიღონ ადგილები ბორტზე.

ევროპის მიმართულებით ყველა ავიარეისი და ბილეთის გაყიდვა შეთანხმდება – თურნავა>>

კორონავირუსის პანდემიის გამო საქართველომ ყველა რეგულარული რეისი 2 აგვისტომდე შეაჩერა, სრულდება მხოლოდ ჩარტერული რეისები გარკვეული მიმართულებებით. იმისთვის, რომ დაეხმარონ მოქალაქეებს ჩვეულ ცხოვრებასთან დაბრუნებაში, ხელისუფლებამ ე.წ. სოციალური რეისების შემოღება გადაწყვიტა, როდესაც სახელმწიფო ბილეთის ღირებულების ნაწილს ფარავს და ბილეთი მოსახლეობისთვის უფრო ხელმისაწვდომია.

17
პარიზი

ოჰ, ეს უცნაური პარიზი! - რა მოთხოვნებს უყენებს საფრანგეთი საქართველოს მოქალაქეებს

65
(განახლებულია 16:02 16.07.2020)
ევროკავშირმა საქართველო ევროკავშირის არაწევრი 15 ქვეყნის სიაში შეიყვანა, რომლებისთვისაც 1 ივლისიდან საზღვრები გახსნა.

თბილისი, 16 ივლისი — Sputnik. საფრანგეთის საელჩომ რიგი მოთხოვნები გამოაქვეყნა, რომელთაც საქართველოს მოქალაქეებს საფრანგეთში შესვლისას წარუდგენენ.

როგორც საელჩოს განცხადებაშია ნათქვამია, 2 ივლისიდან საფრანგეთის კონტინენტურ ტერიტორიაზე შესვლისთვის აუცილებელია იყოთ ამ ქვეყნის ან ევროკავშირის სხვა რომელიმე ქვეყნის მოქალაქე; ან საფრანგეთის ან ევროკავშირის სხვა რომელიმე ქვეყნის ბინადრობის ბარათის მფლობელი უცხო ქვეყნის მოქალაქე; ან D ტიპის საფრანგეთის ვიზის მფლობელი.

თუმცა, თუ თქვენ ხართ საქართველოს მოქალაქე, საფრანგეთის საზღვრის გადაკვეთისას აუცილებლად უნდა გქონდეთ ბიომეტრული პასპორტი და შემდეგი დოკუმენტები: გამგზავრების და უკან დაბრუნების ბილეთი, დადასტურებული სასტუმროს ჯავშანი, მოწვევის წერილი ან ოფიციალური მოწვევა ; საფრანგეთში ყოფნის მთელ პერიოდზე საკმარისი ფინანსური რესურსის დამადასტურებელი საბუთი, ნაღდი ფულით ან საბანკო ანგარიშზე; სამედიცინო დაზღვევა ქვეყანაში ყოფნის მთელ პერიოდზე გათვლილი.

საფრანგეთში სტუმრობა შეუძლია შენგენის ვიზის მფლობელ ნებისმიერ პირს.

საელჩო ასევე იუწყება, რომ თუ საფრანგეთში ბინადრობის უფლების დოკუმენტს მოქმედების ვადა 2020 წლის 16 მარტსა და 15 ივნისს შორის პერიოდში ამოეწურა, იგი 6 თვით ავტომატურად გახანგრძლივდება.

ევროკავშირმა საქართველო ევროკავშირის არაწევრი 15 ქვეყნის სიაში შეიყვანა, რომლებისთვისაც 1 ივლისიდან საზღვრები გახსნა. საქართველოს მოქალაქეებისთვის საზღვრები გახსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ, მონტენეგრომ და სხვ.

თავის მხრივ, საქართველომ ზოგიერთი ქვეყნის მოქალაქეებისთვის საზღვრები უპირობოდ გახსნა. ხუთი ქვეყნის – გერმანიის, საფრანგეთის, ლატვიის, ლიეტუვასა და ესტონეთის მოქალაქეებს საქართველოში ჩამოსვლა ყოველგვარი წინააღმდეგობის გარეშე შეუძლიათ.

65
თემები:
COVID-19-ის პანდემია მსოფლიოში
ატომური სადგური სომხეთში

ბაქომ გააფრთხილა ერევანი ატომურ სადგურზე შესაძლო დარტყმის შესახებ

22
(განახლებულია 19:57 16.07.2020)
რიგმა ქვეყნებმა, მათ შორის საქართველომ, შეშფოთება გამოთქვეს სომხეთ-აზერბაიჯანის საზღვარზე შექმნილი ვითარების გამო და მხარეებს დიალოგისკენ მოუწოდეს.

თბილისი, 15 ივლისი — Sputnik. აზერბაიჯანის თავდაცვის სამინისტრომ სომხეთს აცნობა, რომ თუ ის დარტყმას მიაყენებს მინგეჩაურის წყალსაცავს, აზერბაიჯანის მხარეს შეუძლია უპასუხოს დარტყმით მეწამორის ატომურ ელექტროსადგურზე, რაც ქვეყნისთვის „უზარმაზარ ტრაგედიად“ იქცევა, წერს РИА Новости.

ადრე სოციალური ქსელების სომხურ სეგმენტში და მედიაში ექსპერტების დონეზე სომხური მხარის მიერ გაისმა მუქარა - აზერბაიჯანში მინგეჩაურის წყალსაცავზე დარტყმის მიყენების თაობაზე.

„ტერიტორიის რელიეფი, რომელზეც მინგეჩაურის წყალსაცავი მდებარეობს, ამ ნაგებობის გამაგრებითი სამუშაოები, ასევე ჩვენი საჰაერო თავდაცვის ძალების განკარგულებაში არსებული საჰაერო თავდაცვის თანამედროვე საშუალებები ამ სტრატეგიულ ობიექტზე დარტყმის მიყენების შესაძლებლობას არ იძლევა, - განუცხადა РИА Новости-ს აზერბაიჯანის თავდაცვის სამინისტროს პრესსამსახურის უფროსმა ვაგიფ დარგაღლიმ, - ამავე დროს სომხურ მხარეს უნდა ახსოვდეს, რომ ჩვენი არმიის შეიარაღებაში არსებულ უახლოეს სარაკეტო სისტემებს შეუძლიათ დიდი სიზუსტით მიაყენონ დარტყმა მეწამორის ატომურ ელექტროსადგურზე, ეს კი სომხეთისთვის უზარმაზარი ტრაგედია იქნება“.

12 ივლისს დაწყებული შეტაკებები აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე, რომელიც საკმაოდ ახლოსაა საქართველოს საზღვართან და ასობით კილომეტრითაა დაშორებული არაღიარებული მთიანი ყარაბაღიდან, მესამე დღეა გრძელდება. სროლების ადგილას მდებარეობს საბრძოლო პოსტები, რომლებიც სოფელ მოვსესთან არის განლაგებული.

ბაქოს ინფორმაციით, საბრძოლო მოქმედებებში დაღუპულია 11 აზერბაიჯანელი სამხედრო, მათ შორის გენერალ-მაიორი ფოლად გაშიმოვი და პოლკოვნიკი ილგარ მირზიაევი. ერევნის მონაცემებით, მათი მხრიდან დაღუპულია ორი ოფიცერი და ორი ჯარისკაცი, ხოლო დაჭრილია ათი სამხედრო. აზერბაიჯანი და სომხეთი ერთმანეთს აბრალებენ შეტაკების დაწყებასა და სროლებს.

მსოფლიოს საერთაშორისო ორგანიზაციებმა და რიგმა ქვეყნებმა, მათ შორის საქართველომ, შეშფოთება გამოთქვეს შექმნილი ვითარების გამო და მხარეებს დიალოგისკენ მოუწოდეს.

 

22