სახელმწიფო დუმა

უკრაინა რუსეთზე ზეწოლის ბერკეტია: დუმაში „ჩრდილოეთის ნაკადი-2“-ზე გარიგება შეაფასეს

40
(განახლებულია 17:30 22.07.2021)
გარიგების თანახმად, აშშ იტოვებს უფლებას, დაუყოვნებლივი რეაგირება მოახდინოს სანქციებით იმ შემთხვევაში, თუ რუსეთი გაზსადენს გეოპოლიტიკურ იარაღად გამოიყენებს.

თბილისი, 22 ივლისი − Sputnik. ვაშინგტონისა და ბერლინის გარიგება გაზსადენ „ჩრდილოეთის ნაკადი-2“-თან დაკავშირებით არის კომპრომისი, რომლითაც უკრაინის მეშვეობით რუსეთზე ზეწოლა შენარჩუნდება, განუცხადა სააგენტო РИА Новости-ს სახელმწიფო დუმის საერთაშორისო საქმეთა კომიტეტის წევრმა სერგეი ჟელეზნიაკმა.

„ვაშინგტონისა და ბერლინის შეთანხმება „ჩრდილოეთის ნაკადი-2“-თან დაკავშირებით − ეს გერმანიის წარმავალი კანცლერის [ანგელა] მერკელისა და პრეზიდენტ ბაიდენის კომპრომისია, რომელშიც უკრაინა რუსეთზე ზეწოლის ბერკეტად გვევლინება“, − განაცხადა მან.

რუსი პოლიტიკოსის თქმით, აშშ, ერთი მხრივ, უკიდურესად უკმაყოფილოა გაზსადენის პროექტის დასრულების გარდაუვალობით, მეორე მხრივ კი სურს, შეინარჩუნოს ევროპაში ვითარების კონტროლის გზა, განსაკუთრებით, თუ ეს რუსეთთან ურთიერთობებს ეხება.

ჟელეზნიაკის განმარტებით, გერმანიას აუცილებლად ესაჭიროება პროექტის ბოლომდე დასრულება და ხარისხიანი რუსული გაზის მიღება − ეს ანგელა მერკელისთვის პრინციპის საქმეა და ასევე მნიშვნელოვანი წერტილი, რომლის დასმაც სურს მას კანცლერის კარიერის დასრულების წინ.

„ამასთან აშშ-სა და გერმანიას შორის გარიგებას არაფერი აქვს საერთო არც ევროპის ენერგეტიკულ უსაფრთხოებასთან, არც უკრაინის მოქალაქეების ინტერესებთან, მიუხედავად იმ განსაკუთრებული პუნქტისა, რომელიც უკრაინის გავლით გაზის ტრანზიტის შენარჩუნებას ეხება“, − აღნიშნა დუმის წევრმა.

მისი აზრით, აღნიშნული შეთანხმება მთლიანობაში დარტყმას არ აყენებს რუსულ პროექტს, თუმცა მისი რიგი პირობები შეიძლება რუსეთზე ზეწოლის ბერკეტად იყოს გამოყენებული. ამასთან პოლიტიკოსისთვის გაუგებარია, როგორ აპირებს გერმანია უკრაინის გავლით ტრანზიტის 2034 წლამდე შენარჩუნებას.

მანამდე გერმანიის საგარეო საქმეთა სამინისტრომ გამოაქვეყნა აშშ-თან გარიგების ტექსტი, რომელიც „ჩრდილოეთის ნაკადი-2“-ის რეალიზაციას ეხება. როგორც დოკუმენტშია ნათქვამი, ვაშინგტონის დასკვნით, სანქციები ვერ შეაჩერებს პრაქტიკულად დასრულებული გაზსადენის მშენებლობას, თუმცა შეერთებულმა შტატებმა დაიტოვა უფლება, მიიღოს შესაბამისი ზომები იმ შემთხვევაში, თუ რუსეთი ენერგომატარებლებს გეოპოლიტიკურ იარაღად გამოიყენებს ევროპის წინააღმდეგ და ასევე „უკრაინის მიმართ აგრესიის შემთხვევაში“. ამასთან გერმანიაც ვალდებული იქნება, სწრაფად იმოქმედოს და ეფექტური ზომები გაატაროს ევროკავშირის დონეზე.

მანამდე რუსულმა მხარემ არაერთხელ განაცხადა, რომ „ჩრდილოეთის ნაკადი-2“ კომერციული პროექტია და პოლიტიკური მოტივაცია არ გააჩნია.

40
თემები:
რუსეთი დღეს (937)
დმიტრი პესკოვი

„ნატო ჩვენი საზღვრების ირგვლივ“ რუსეთი საქართველოში Agile Spirit–ის წვრთნებს აფასებს

23
(განახლებულია 17:16 29.07.2021)
რუსულმა მხარემ არაერთხელ გამოხატა უკმაყოფილება საქართველო–ნატოს თანამშრომლობის გაძლიერების თაობაზე.

 

თბილისი, 29 ივლისი – Sputnik. საქართველოში მიმდინარე ნატოს წვრთნები ოფიციალური მოსკოვის მხრიდან ძალიან სერიოზულ მონიტორინგს ექვემდებარება, განაცხადა რუსეთის პრეზიდენტის პრეს–მდივანმა დმიტრი პესკოვმა, იუწყება РИА Новости.

საქართველოში რიგით მეათე ნატოს მრავალეროვნული სამხედრო სწავლება Agile Spirit 2021 („მტკიცე სული") 26 ივლისს დაიწყო და  6 აგვისტოს დასრულდება.  წვრთნებში მონაწილეობს  700 ამერიკელი, 1.600 ქართველი და სხვადასხვა ქვეყნის 250 სამხედრო მოსამსახურე.

„საქართველოში მიმდინარე სამხედრო წვრთნები კიდევ ერთი დასტურია, რომ ნატოს სამხედრო ინფრასტრუქტურა არა მხოლოდ ჩვენი საზღვრების ირგვლივ არის, არამედ ჩვენს საზღვრებს ეხება. ეს საკითხი, რა თქმა უნდა, რუსეთის მხრიდან ძალიან სერიოზული მონიტორინგის საგანია“, – განაცხადა პესკოვმა ჟურნალისტებთან.

წვრთნები Agile Spirit 2011 წლიდან ტარდება და იგი აშშ-თან და ნატოსთან საქართველოს თანამშრომლობის ერთ-ერთი კომპონენტია. 2020 წელს კორონავირუსის პანდემიის გამო სწავლება არ ჩატარებულა.

რუსულმა მხარემ არაერთხელ გამოხატა უკმაყოფილება საქართველო–ნატოს თანამშრომლობის გაძლიერების თაობაზე. როგორც ადრე რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, მოსკოვი არ ეთანხმება ოფიციალური თბილისის პოზიციას იმასთან დაკავშირებით, რომ წვრთნები მოწოდებულია ხელი შეუწყოს შავი ზღვის რეგიონში სტაბილურობას.


23
თემები:
რუსეთი დღეს (937)
ჩრდილოეთის ნაკადი-2

„გაჭიანურებული თამაში“ პოლიტოლოგის მოსაზრება რესპუბლიკელი სენატორების ულტიმატუმზე

14
(განახლებულია 19:52 29.07.2021)
რუსეთში მიაჩნიათ, რომ დემოკრატებმა და რესპუბლიკელებმა პოზიციები გაცვალეს და ახლა დემოკრატებს უწევთ იმის მტკიცება, რომ კრემლის აგენტები არ არიან.

თბილისი, 29 ივლისი — Sputnik. ამერიკელი რესპუბლიკელი სენატორები აშშ-ის ფინანსთა სამინისტროს ხელმძღვანელ თანამდებობებზე ორი კანდიდატურის დაბლოკვით იმუქრებიან, თუ თეთრი სახლი გაზსადენ „ჩრდილოეთის ნაკადი-2“-ს ახალ სანქციებს არ დაუწესებს, იუწყება სააგენტო Bloomberg-ი.

„გაზსადენი „ჩრდილოეთის ნაკადი-2“ პირდაპირ ვნებს შეერთებული შტატების, მისი მოკავშირეებისა და პარტნიორების ეროვნული უსაფრთხოების ინტერესებს. დამთავრების შემთხვევაში ეს პროექტი გაზრდის ვლადიმირ პუტინის დამღუპველ გავლენას ევროპაზე, გამოიწვევს უკრაინის მყიფე უსაფრთხოების დესტაბილიზაციას და წაახალისებს რუსეთის შემდგომ აგრესიას“, — ნათქვამია წერილში, რომელიც უკვე გაეგზავნა ფინანსთა მინისტრ ჯანეტ იელენს.  

იმ შემთხვევაში, თუ აშშ-ის პრეზიდენტი ჯო ბაიდენი გაზსადენის მიმართ „პოზიციას არ შეცვლის და ახალ სანქციებს არ დაუწესებს პროექტს“, სენატორები იმუქრებიან, რომ ფინანსთა სამინისტროში ორი კანდიდატურის — ბრაიან ნელსონისა და ელიზაბეტ როზენბერგის ხელმძღვანელ თანამდებობებზე დანიშვნას ჩააგდებენ. 

გარდა ამისა, რესპუბლიკელები მოითხოვენ იმ სასანქციო შეღავათების გაუქმებასაც, რომლებიც ბაიდენის ადმინისტრაციამ გაზსადენის ოპერატორ კომპანია Nord Stream2 AG-ს დაუწესა. ამ უკანასკნელმა გუშინ გაავრცელა ინფორმაცია, რომ „ჩრდილოეთის ნაკადი-2“-ის მშენებლობა 99%-ით არის დასრულებული.

ამასთან დაკავშირებით რადიო Sputnik-ის ეთერში მოსაზრება გამოთქვა რუსეთის თანამედროვე სახელმწიფოებრივი განვითარების ინსტიტუტის დირექტორმა, პოლიტოლოგმა დმიტრი სოლონნიკოვმა.

მისი თქმით, რუსული გაზსადენის მიმართ წინააღმდეგობა შიდაპოლიტიკური დაპირისპირების იარაღად იქცა.

„ეს გაჭიანურებული თამაშია. ჩვენ ვხედავთ, როგორ გაცვალეს ადგილები დემოკრატებმა და რესპუბლიკელებმა: ახლა დემოკრატებმა უნდა დაიცვან საკუთარი პოზიცია, დაამტკიცონ, რომ ისინი „კრემლის აგენტები“ არ არიან, რაშიც ისინი მანამდე რესპუბლიკელებს ადანაშაულებდნენ. გამოდის, რომ ახლა თავად ისინი არიან „აგენტები“. ის ფაქტი კი, რომ შეერთებულ შტატებში სხვადასხვა პოზიციები არსებობს და მარტო პრეზიდენტი არ განსაზღვრავს ქვეყნის მომავალს, ისედაც ცნობილია. ამ პოზიციის ავტორები სხვადასხვა ნაბიჯებს გადადგამენ ზეწოლის მოსახდენად, და ეს შენარჩუნდება მანამ, სანამ „ჩრდილოეთის ნაკადი-2“ საბოლოოდ არ დასრულდება და ამუშავდება. მაგრამ თამაში იმაში მდგომარეობს, რომ ის მალე ამუშავდება. ამიტომ ფინანსთა სამინისტროში კანდიდატურების დანიშვნას გააჭიანურებენ. ეს არის ბრძოლა გავლენისთვის შეერთებულ შტატებში“, — მიაჩნია სოლონნიკოვს.

მიმდინარე წლის 21 ივლისს შეერთებულმა შტატებმა და გერმანიამ შეთანხმებას მიაღწიეს გაზსადენ „ჩრდილოეთის ნაკადი-2“-თან დაკავშირებით. მხარეებმა ხელი მოაწერეს დოკუმენტს, რომლის თანახმადაც ბერლინი იტოვებს უფლებას, კვლავ მოითხოვოს სანქციების დაწესება რუსეთისთვის იმ შემთხვევაში, თუ მოსკოვი ენერგორესურსებს სხვა ქვეყნებზე ეკონომიკური და პოლიტიკური ზეწოლის იარაღად გამოიყენებს. საკუთარი სანქციების დაწესების უფლებას იტოვებს ვაშინგტონიც.

შეთანხმების კიდევ ერთი პირობის თანახმად, „ჩრდილოეთის ნაკადი-2“-ის ამუშავების შემდეგ ბერლინმა უნდა მიაღწიოს უკრაინის გავლით ევროპაში ბუნებრივი აირის ტრანზიტის გაგრძელებას.

გარდა ამისა, აშშ და გერმანია თითო მილიარდ დოლარს ჩადებენ უკრაინაში განახლებადი ენერგიის წყაროების განვითარებაში, ხოლო ბერლინი მხარს დაუჭერს უკრაინის ინტეგრაციას ევროპულ ენერგოსისტემაში. ამ საკითხში ქვეყანას ტექნიკური მხარდაჭერა გაეწევა.

14
თემები:
რუსეთი დღეს (937)
ელექტროგადამცემი ხაზი

„თელასი" ნაძალადევის რაიონს ხვალ ელექტროენერგიას გაუთიშავს

0
(განახლებულია 18:01 29.07.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 ივლისი – Sputnik. სააქციო საზოგადოება „თელასი" იუწყება, რომ 30 ივლისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: თბილისის ზღვის მიმდებარე ტერიტორიის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს