რუსეთის პრეზიდენტი ვლადიმირ პუტინი და მისი ბელარუსი კოლეგა ალექსანდრ ლუკაშენკო

ბელარუსის პრეზიდენტის პრესმდივანმა პუტინისა და ლუკაშენკოს შეხვედრის დეტალებზე ისაუბრა

22
სამიტის დასრულების შემდეგ ორი ქვეყნის მთავრობებს დასავლეთის ქვეყნების მიერ დაწესებული შეზღუდვების საწინააღმდეგო ერთობლივი გეგმის შემუშავება დაევალა.

თბილისი, 14 ივლისი - Sputnik. ბელარუსის პრეზიდენტის პრესმდივანმა ნატალია ეისმონტმა სანქტ-პეტერბურგში რუსეთის პრეზიდენტ ვლადიმირ პუტინისა და მისი ბელარუსი კოლეგის ალექსანდრ ლუკაშენკოს შეხვედრის დეტალებზე ისაუბრა. იუწყება РИА Новости.

პრესმდივნის თქმით, მოლაპარაკების ერთ-ერთი თემა იყო ავღანეთიდან ამერიკული ჯარების გაყვანა და ამასთან დაკავშირებული უსაფრთხოების საკითხები, ასევე ამ საფრთხეებთან დაპირისპირება კოლექტიური უსაფრთხოების შეთანხმების ორგანიზაციის წევრი ქვეყნების მხრიდან. ავღანეთში ორი დაპირისპირებული ძალა ერთმანეთს ებრძვის - სამთავრობო ძალები და თალიბები, რომლებმაც უკვე დაიკავეს მნიშვნელოვანი ტერიტორიები რეგიონებში და ამჟამად მსხვილ ქალაქებს უტევენ. არასტაბილურობა იზრდება აშშ-ის ადმინისტრაციის დაპირებების ფონზე, 11 სექტემბრამდე დაასრულოს რესპუბლიკიდან ჯარების გაყვანა.

პრეზიდენტებმა განიხილეს ასევე ნატოს მასშტაბური წვრთნების ჩატარების საკითხი და უკრაინაში სამხედრო ბაზების მშენებლობასთან დაკავშირებული ალიანსის გეგმები. როგორც ამას წინათ აშშ-ში რუსეთის საელჩოში აღნიშნეს, შავ ზღვაში ნატოს მანევრების მასშტაბი ზრდის დაუგეგმავი ინციდენტების რისკს, ამიტომ მოსკოვი ვაშინგტონსა და მის მოკავშირეებს მოუწოდებს, უარი თქვან მსგავს ღონისძიებებზე.

„საერთაშორისო დღის წესრიგი - დასავლეთის პოლიტიკა ბელარუსისა და რუსეთის მიმართ, კერძოდ, ევროკავშირისა და აშშ-ის მხრიდან. უკრაინა“, - იშველიებს ეისმონტის სიტყვებს სააგენტო BelTA.

პრესმდივანმა აღნიშნა, რომ სამიტის შედეგად ორი ქვეყნის მთავრობებს დაევალათ დასავლეთის ქვეყნების მიერ დაწესებული შეზღუდვების საწინააღმდეგო ერთობლივი გეგმის შემუშავება. მისი სიტყვებით, შეხვედრაზე განიხილეს ბელარუსიის პროდუქციის მიწოდებაზე ბარიერების გაუქმების საკითხიც, მათ შორის სახელმწიფო შესყიდვების კუთხით.

„მესამე ბლოკია - უსაფრთხოება და თავდაცვა, ტერორიზმთან ბრძოლა, კიბერუსაფრთხოება. ამ ნაწილში ქვეყნებს აბსოლუტურად ერთნაირი მიდგომა აქვთ. ურთიერთმხარდაჭერა და ერთად მოქმედება“, - ხაზი გაუსვა ეისმონტმა.

ამას წინათ ლუკაშენკომ ბელარუსისა და რუსეთის უსაფრთხოებას საკვანძო საკითხი უწოდა, რომელსაც ახლა მთელი ყურადღება უნდა დაეთმოს.

ორი ლიდერის შეხვედრა გუშინ სანქტ-პეტერბურგში ჩატარდა, როგორც ეისმონტმა აღნიშნა, რუსეთის ინიციატივით. მოლაპარაკება ხუთ საათზე მეტხანს გაგრძელდა. პრესმდივნის თქმით, შეხვედრის ერთ-ერთი საფუძველი იყო ლუკაშენკოს წერილი პუტინისადმი, რომელიც „ეკონომიკასა და ფინანსებს“, ასევე, დასავლეთის სანქციებთან დაპირისპირებას ეხებოდა.

22
Russia Today

ტელეარხი RT საერთაშორისო პრემიაზე ჟურნალისტების განაცხადების მიღებას იწყებს

22
(განახლებულია 21:23 30.07.2021)
კონკურსის გამარჯვებულ ჟურნალისტს ფულადი ჯილდო გადაეცემა კონფლიქტის ზონაში საუკეთესო ვიდეო- თუ ტექსტობრივი ნამუშევრისთვის

თბილისი, 30 ივლისი — Sputnik. ტელეარხი RT განაცხადების მიღებას იწყებს Khaled Alkhateb International Memorial Awards-ში მონაწილეობის მისაღებად, რომელიც ყოველწლიურად გასცემს ჟურნალისტებზე პრემიებს კონფლიქტის ზონებში საუკეთესო ნამუშევრებისთვის.

პრემია 2017 წლის 30 ივლისს სირიაში დაღუპული ჟურნალისტის, ჰალედ ალ-ჰათიბის ხსოვნის პატივსაცემად დაარსდა, რომელიც RT Arabic-თან თანამშრომლობდა. წელს პრემია მეოთხედ გადაიცემა.

პრემია Khaled Alkhateb International Memorial Awards ჟურნალისტებს ენიშებათ შემდეგ კატეგორიებში:

  • საუკეთესო ნამუშევარი კონფლიქტის ზონიდან: ტექსტი
  • საუკეთესო ნამუშევარი კონფლიქტის ზონიდან: ვიდეო
  • ომის შემდეგ: ტექსტი/ვიდეო — ომგამოვლილი ადამიანებისა და ხალხების ბედზე, რომლებიც მშვიდობიან ცხოვრებას უბრუნდებიან.

ეს უკანასკელი ნომინაცია წელს პირველადაა წარმოდგენილი.

გამარჯვებულს გადაეცემა ფულადი ჯილდო 200 ათასი რუბლის ოდენობით. გამარჯვებული 30 ნოემბერს გამოვლინდება.

განაცხადის წარდგენა შესაძლებელია საიტზე https://award.rt.com.

აღინიშნება, რომ პირველად პრემია ერაყელ, ირლანდიელ და სინგაპურელ კონკურსანტებს გადაეცათ.

კონკურსის ჟიურიში შედიან რუსი და სხვა უცხოელი ჟურნალისტები.

ჟურნალისტი ჰალედ ალ-ჰათიბი ბოევიკთა სარაკეტო შეტევას ემსხვერპლა სირიის პროვინცია ჰომსში. თავის რეპორტაჟებში ის სირიის სამთავრობო ძალების ბრძოლება აშუქებდა ტერორისტებთან. 2018 წელს რუსეთის პრეზიდენტმა ვლადიმირ პუტინმა ხელი მოაწერა ბრძანებულებას, სიკვდილის შემდეგ ჰალედ ალ-ჰათიბის დაჯილდოების შესახებ მედლით „მამაცობისთვის“. ჯილდო ჟურნალისტის ოჯახს გადაეცა.

22
თემები:
რუსეთი დღეს
მოსკოვის მეტროში

მოსკოვის ხელისუფლებამ საზოგადოებრივ ადგილებში ხელთათმანების ტარების წესი გააუქმა

22
(განახლებულია 21:07 30.07.2021)
რუსეთის დედაქალაქში პირბადის ტარების რეჟიმი კვლავ იმოქმედებს, სანამ კორონავირუსით ინფიცირების ახალი შემთხვევების რაოდენობა მინიმალური არ გახდება.

თბილისი, 30 ივლისი – Sputnik. მოსკოვის მერმა სერგეი სობიანინმა ტრანსპორტში, მაღაზიებსა და სხვა საზოგადოებრივ ადგილებში ხელთათმანების სავალდებულო ტარების წესი გააუქმა, თუმცა პირბადის ტარების რეჟიმი კვლავ იმოქმედებს, იუწყება РИА Новости.

პირბადისა და ხელთათმანის ტარების რეჟიმი რუსეთის დედაქალაქში 2020 წლის მაისში ამოქმედდა.

სობიანინმა აღნიშნა, რომ პირბადე უმნიშვნელოვანესი ბარიერია ვირუსის გავრცელების გზაზე და მისი ტარების წესი მანამდე დარჩება, ვიდრე დაავადების ახალი შემთხვევები მინიმუმამდე არ დავა.

COVID-19-ის გავრცელების მხრივ რუსეთი, აშშ-ის, ინდოეთის, ბრაზილიისა და საფრანგეთის შემდეგ მეხუთე ადგილზეა. კორონავირუსის გართულებების გამო რუსეთში გარდაიცვალა 156.977 ინფიცირებული. ინფიცირებულებიდან გამოჯანმრთელდა 5.568.363 ადამიანი.

22
თემები:
რუსეთი დღეს
ნაკადული

დღის ასტროპროგნოზი ზოდიაქოს ნიშნებისთვის: 2 აგვისტო

0
(განახლებულია 11:44 01.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აგვისტოა, ორშაბათი. კლებადი მთვარე ტყუპის ნიშანშია. ამ დღეს პლანეტა მთვარე მფარველობს.

მტკიცე მოქმედებებისთვის არცთუ ხელსაყრელი დღეა. დღის პირველ ნახევარში უარი უნდა თქვათ ავანტიურებზე, გაუთვალისწინებელ ხარჯებზე და წამიერ სურვილებზე აყოლაზე. ნაშუადღევს მთვარე ტყუპის ნიშანში გადავა, რაც გაააქტიურებს საინფორმაციო ფონს, მოვლენებს დინამიკას შემატებს, მოაგვარებს კონსტრუქციულ და საინტერესო ურთიერთობებს, მაგრამ, ამავე დროს, შექმნის წინაპირობებს ქაოსის, არათანამიმდევრულობისა და კონფლიქტურობისა.

დღის ასტროპროგნოზი ზოდიაქოს ნიშნებისთვის: 1 აგვისტო>>

ვერძი: დღის დასაწყისში მოსალოდნელია დამატებითი ხარჯები. ნაშუადღევს სიახლეებისა და ერთგვარი ქაოსის დრო დადგება, როდესაც შესაძლოა სასწრაფო მივლინება გახდეს საჭირო. პრობლემები შეიძლება შეიქმნას თეორიიდან პრაქტიკაზე ან სიტყვიდან საქმეზე გადასვლის დროს. ყურადღებით უნდა მოემზადოთ მგზავრობისთვის: დააზუსტოთ მარშრუტი, შეამოწმოთ ტექნიკური ნაწილი, არ დაგავიწყდეთ საჭირო დოკუმენტები და სხვ.

კურო: დღე თქვენთვის, შესაძლოა, ემოციური ეიფორიით ან თავისუფლების ილუზიით დაიწყოს. მნიშვნელოვანია თავი აარიდოთ თვითნებობას, რომლებსაც თქვენი კარიერის გაფუჭება ან დაზარალება შეუძლია. არ ღირს დიეტის დარღვევა. მიმდინარე საქმეებს ნაშუადღევს შეუდექით და ამასთან, გააორმაგეთ ყურადღება, დააზუსტეთ მცირე დეტალებიც კი. თუ ამ ყველაფერს არასერიოზულა შეხედავთ, მოსალოდნელია დასანანი პრობლემები.

ტყუპი: გააქტიურება ნაშუადღევს სჯობს. გახსოვდეთ, რომ ეს პროდუქტიული, მაგრამ არეული დროა და ყველა გზა უპრობლემო არ იქნება. განსაკუთრებით რთული იქნება ხელით შესასრულებელი სამუშაო, ყოფითი საკითხების მოგვარება, სარემონტო, სამკურნალო პროცედურები. უნდა მოერიდოთ გაღიზიანებას. ურთიერთობებში, სწავლასა და ინტელექტუალურ სამუშაოზე სასურველია უჩინარი ზონების შემჩნევა და ასევე მნიშვნელოვანია, არ აჰყვეთ ილუზიებს.

კირჩხიბი: მოგაკლდებათ თავდაჯერებულობა და სათანადოდ ვეღარ გააკონტროლებთ გარემოებებს, ამიტომ ვარსკვლავები გირჩევენ, დროებით გადადოთ მნიშვნელოვანი წამოწყებები და არ მიიღოთ დამოუკიდებლად გადაწყვეტილებები. დილით მოსალოდნელია ფინანსური სიურპრიზები ან იმის გაცნობიერება, რომ მატერიალური მომავალი გაურკვეველია. დღის მეორე ნახევარში, შესაძლოა, გარემოცვის, ვითარების ან საინფორმაციო ფონის ტყვე შეიქმნათ.

ლომი: დილის საათებში, სჯობს, არაფერი გააკეთოთ. ვარსკვლავების ამბობენ, რომ ეს არახელსაყრელი დროა პირად ინტერესებში შემავალი წამოწყებებისთვის, განსაკუთრებით ურთიერთობებისა და მნიშვნელოვანი თემების განხილვისთვის. დღის მეორე ნახევარი კარგი დროა თატბირებისა და არაფორმალური საუბრებისთვის, მაგრა, გართულკდება პრაქტიკული ამოცანების, პირველ რიგში, საქმიანი და ფინანსური საკითხების გადაწყვეტა. აახელსაყრელია საყიდლებზე წასვლა.

ქალწული: იმისთვის, რომ რაც გაქვთ, ის შეინარჩუნოთ, ზედმეტობასა და ჭარბ მოთხოვნებს უნდა მოერიდოთ. საპასუხისმგებლო მომენტი შუადღის შემდეგ დადგება. გაიზრდება შეცდომების, კონფლიქტებისა და გაუგებრობების რისკი, მათ შორის პროფესიული და ბიუროკრატიული კუთხით. ზოგჯერ სიტუაციას თავად დაძაბავთ და გაამწვავებთ (განსაკუთრებით აგვისტოში დაბადებული ქალწულები). დაგაზიანებთ არათანამიმდევრულობა, არაორგანიზებულობა.

სასწორი: თქვენთვის განსაკუთრებით სარისკო იქნება დღის დასაწყისი – ესაა საბედისწერო შეცდომების დრო, რომლებსაც არაერთი ზედმეტი პრობლემის მოტანა შეუძლია. მნიშვნელოვანი კონტაქტები, სწავლა და მუშაობა, სჯობს, დღის მეორე ნახევრისთვის გადადოთ – ამ დროს სერიოზული დაბრკოლებები მოსალოდნელი არ არის. მაგრამ მაინც აჯობებს, მოერიდოთ კონკრეტულ, თუნდაც მცირე ქმედებებს. ეს განსაკუთრებით მგზავრობას ეხება.

მორიელი: დღეს ვარსკვლავები არ წყალობენ თქვენს მთავარ სურვილებს. მოგიწევთ მცირე წარმატებებით დაკმაყოფილება. ფრთხილად უნდა იყოთ, რომ ადრე დაშვებული შეცდომები არ გაიმეოროთ (სიყვარულში, საქმეებსა და ფინანსებში). ამაში დღის მეორე ნახევარი დაგეხმარებათ, რომელიც საკმაოდ ინფორმატიული იქნება, ოღონდ მნიშვნელოვანია, რომ დეტალებს დროულად მიაქციოთ ყურადღება.

მშვილდოსანი: დილით უნდა მოერიდოთ სამეურნეო, ფინანსურ და სამედიცინო ექსპრომტებს. პატარა ხარვეზსაც კი მთელი დღით თქვენი კალაპოტიდან ამოგდება შეუძლია. ნაშუადღევს გამორიცხეთ წამოწყებები საკუთარი ინიციატივით და ყურადღებით იყავით – არ აჰყვეთ სხვა ადამიანების წაქეზებას აქტიურობაზე. ეს კარგი დროა დიალოგებისა და ვიზიტებისთვის, მაგრამა არა მოქმედებების (თანამშრომლობა, მკურნალობა და ა.შ.) დაწყებისთვის.

თხის რქა: დილით გონივრულად ზომიერი უნდა იყოთ. თუ იმპულსს აჰყვებით, დაიმატებთ ზედმეტ საზრუნავს, შეიძლება დღესვე იგრძნოთ ხელოვნურად შექმნილი კრიზისის პირველი ნიშნები, მაგალითად, შეუძლოდ გახდეთ ან ტექნიკური პრობლემები წარმოიშვას. დღის მეორე ნახევარში ყურადღება მიაქციეთ ჯანმრთელობას, რასაც ყველაზე იღბლიან მიმართულებებშიც კი დაბრკოლებების შექმნა შეუძლია.

მერწყული: ზედმეტობას ყველაფერში მოერიდეთ – მისი შედეგი ახლავე ან ახლო მომავლში აისახება. ყოველგვარი წამოწყება დილით ავანტიურის ელფერს შეიძენს და პრობლემებს უფრო მოგიტანთ, ვიდრე კომფორტს. უფრო ჰარმონიული იქნება დღის მეორე ნახევარი. ამ დროს დაგიბრუნდებათ თვითკონტროლი და გამძაფრდება ანალიტიკური უნარები. ესაა ლოგიკური სისტემური აზროვნებისა და კონსტრუქციული საუბრების დრო.

თევზები: გადადეთ მნიშვნელოვანი წამოწყებები. დაუმთავრებელი საქმეები დილით დაასრულეთ და არ აჰყვეთ ცდუნებას იმისა, რომ ჩანაფიქრზე მეტი გააკეთოთ. დღის მეორე ნახევარში შემოიფარგლეთ მხოლოდ ლაპარაკით და მოქმედებებისგან თავი შეიკავეთ. არ იჩქაროთ რემონტის დაწყება, სახლში სამუშაოების შესრულება, პრაქტიკული დახმარების, სამედიცინო ან სხვა სასარგებლო მომსახურების მიღება.

0